السلام عليكم
مساكم/صبحكم الله بالخير اخواني
في كل موضوع انزله لازم اشكر المشرفين والاعضاء اللي يتساعدون مع الاعضاء ، لهم كل الشكر والتقدير على مجهودهم و تعبهم في الرد على استفسارات الاعضاء
نعود الى موضوعنا
في هالموضوع ابي احط خطتي النهائية للسفر الى امريكا واتمنى التوجيه والتعديل من المختصين
في البداية الشيء الوحيد اللي حجزته و دفعت فلوسه تذاكر السفر لشخصين - انا و زوجتي -
مدة السفر 23 ليلة من تاريخ 11 June الى 4 july
الخطة السفر عن طريق الطيران الاماراتي :
الذهاب : البحرين - دبي - نيويورك
العودة : لوس انجلوس - دبي - البحرين
سعر التذكرتين : 1012 دينار بحريني = يعني 10,000 ريال سعودي تقريباً
راح اوصل لنيويورك بتاريخ 11 جون الساعة 2 الظهر تقريباً و راح ابات ليلة وحدة في نيويورك و من بكره بتاريخ 12 راح ااجر سيارة و انطلق الى مدينة اسمها Saratoga Springs
الهدف من الذهاب الى هالمدينة حضور حفلة للعازف العالمي Yanni
http://www.7ammil.com/index.php/file...aser_thumb9jpg
بصراحة المدينة ما اعرف عنها شيء نهائياً ، اللي عرفته و مو متأكد منه انها تبعد عن نيويورك مسافة 3 ساعات و نص تقريباً ، ودي لو مختص يفيدني فيها و عن الطريق لها هل هو آمن ؟ راح ابات فيها ليلة وحده و ارجع من بكره و ارجع السيارة طبعاً
واكمل من 13 جون في نيويورك الى تاريخ 16 جون
وبعدها بطيران داخلي راح انطلق الى لوس انجلوس ، و راح ااجر سيارة اول ما اوصل
قسمت سكني في لوس انجلوس الى جزئين : من تاريخ 16 الى 21 راح يكون في الشمال تحديداً في Beverly Hills
ومن تاريخ 21 الى 25 راح اسكن في الجنوب تحديداً في Anaheim
وبعدها راح انطلق الى سان دييجو من تاريخ 25 الى 29 وتحديداً في La Jolla
وبعدها بتايخ 29 راح انطلق الى لاس فيجاس وتحديداً في منطقة Strip ، هنا انا محتار ! ، قرأت و سمعت كثيراً ان لاس فيجاس ما تحتاج فيها اي وسيلة مواصلات ، فهل اسلم السيارة اول ما اوصل و استأجرها قبل ما امشي في تاريخ 3 جولاي ؟
طبعاً راح ارجع بتاريخ 3 الى لوس انجلوس و ابات ليلة اخيرة ، وفي تاريخ 4 برجع الى الوطن
ما رأيكم بالنهاية بخطة السفر ؟ هل هي مناسبة ؟ 23 ليلة راح اسكن فيها ب 8 فنادق ما تحسونها كثيرة ؟
ايضاً سؤال : ماهي ارخص شركة لتأجير السيارات ؟ وهل استلام السيارة على سبيل المثال في لوس انجلوس و تسليمها في لاس فيقاس يكون مكلف اكثر ؟
السؤال الاخير : التذاكر كلفتني 10 الاف ريال ، السكن الى الآن و من خلال حسبة مبدئية راح يكلفني 22 الف ، المتبقي من ميزانيتي 28 الف ريال ، هل تكفي لمدة 23 يوم ؟ مع العلم ان اجار السيارة و تذكرتين طيران داخلي لا تزال خارج الحسبة
المعذرة على الاطالة و شاكر مقدماًمواضيع عشوائيه ممكن تكون تعجبك اخترناها لك:
- جعل والديه بالجنه اللي يرد علي ضروري جداً
- سؤال عن الرحلة ل اشخاص في امريكا
- استفسار عن الموعد
- برح ادرس لغة و مشكلتي الضمان المالي ساعدوني ياهل الخبرة
- تلفي رحله اليوم وامس رحلة اعلان افلاس احد شركات الطيران
- هل التقديم على الفيزا في قنصلية الظهران مقصور على السعوديين فقط؟
- مشكله في شهادة الميلاد الامريكيه
- الإمارتية تطلق خطا مباشرا إلى بوسطن
- موضوع خطير
- الرجاء من الجميع الدخول حجز فيزا
- اخذت الموعد ودفعت وش اسوي بعده؟
- أعداد التقرير
- بليز رايكم في المخطط النهائي للرحلة؟؟
- فنادق كليفيلاند
- الى لوس انجلوس بالسياره
- استفسار عن شريحة الجوال؟
- استفسار هام بخصوص فيزا العمل فى الولايات المتحدة الامريكية
- خطأ في الأستمارة كيف أصححه
- افيدوني يا اهل الخبرة مستعجل
- ولاية مين
رد مع اقتباس
المفضلات