السلام عليكم ورحمه الله وبركاته
حبيت اشاركم ببعض النصائح للي حابين يزورون امريكا للسياحه
بدايه انتم عارفين الشعب الامريكي شعب طيب جدا وصادق جدا واكيد راح تنبسطون بالتعامل مع اغلبيتهم ان شالله .
1- الانترنت ...
الانترنت كل شي بامريكا .. في اغلب الدول العربيه مانهتم ابدا في استخدام الانترنت لكن في امريكا خصوصا كل شي عن طريق الانترنت لحجز تذاكر السفر او الفنادق او ايجار السيارات او حتى طلب من مطعم
اذن الحجوزات عن طريق الانترنت في امريكا اسهل + ارخص كثير
2- بعد حجز الفندق في امريكا يفضل انك تسجل عنوان الفندق كاملا لانك مجبر لكتابه معلوماتك كامله و اسم وعنوان الفندق قبل الوصول لاحد مطارات امريكا يسلمونها لكم ملاحين الطائره ثم تسليمها لرجال الجوازات (الامقريشن). (لون الورقه بيضا) وراح تاخذ جزء من الورقه واسمها (i-94) من رجل الجوازات واهميتها مثل اهميه جوازك لانهم راح يطلبونها منك عند مغادرتك امريكا.
3- اذا حبيت تاخذ معك اكل الى امريكا سواء تمر , قهوه , هيل الخ فانتبه للتالي:
أ- قبل الوصول الى ارض مطار امريكا ستعطي ورقه غير ورقه معلوماتك (i-94) لونها (ازرق) يسالونك فيها كم تحمل من نقود وهل معك اكل او بذور وخلافها .. اذا اجابتك بنعم فغالبا سيطلب منك رجل الجمارك فتح الشنطه التي تحوي على الاكل .. ( لذا من الافضل وضع الاكل وغيره في شنطه مستقله عشان تريح نفسك من فتح شنط ملابسك )
ب- تاكد من وجود تاريخ انتها على جميع المواد الغذايئه الي معك حتى لو كان تمر حط عليها أي ورقه من عندك تكون مطبوعه كمبيوتر موضح فيها تاريخ الانتهاء .. غير كذا ممكن يصادرها رجل الجمارك.
4- رحله امريكا طويله خصوصا اذا كانت دايركت من الخليج الى امريكا لذا من الافضل ان :
أ- تلبس لبس مريح من بنطلون وجزمه اكرمكم الله وتاكد ان الامريكان بكل مطاراتهم لابسين لبس سبورتي وعادي جدا اهم شي انه مريح...
ب- خذ معك بشنطتك اللي تدخل فيها بالطياره بجامه تلبسها اذا بغيت تريح.
ج- اشوف انها احلى فرصه لقراءه الكتب اللي تحبها فاحرص على احضار كتب تقضي وقتك فيها.
5- من وجهه نظري انه من الضروري جدا ان تحمل ( كردت كارد ) سواء فيزا او ماستر كارد الخ تحمل نفس الاسم بنفس الحروف (السبيلنق) الموجوده في جوازك لان معظم المحلات تطلب منك بعد ماتشتري من بطاقتك ان يطابقو الاسم الموجود في البطاقه مع اسمك في الجواز .. ولاتنسى ان نسبه كبيره من الفنادق واجار السيارات وباقي الخدمات في امريكا لاتقبل الا الكردت كارد.
6- يفضل ان تحمل معك (كاش) بحدود ثلاث مائه دولار .
7- اذا وصلت امريكا بامكانك ان تستخرج بطاقه اتصال مسبوقه الدفع, ولاتنسى ان نظامهم هنا حتى استقبال المكالمه
8- النقل العام بامريكا مقبول وبالطبع ليس كجوده النقل العام في اوربا.. لذا يفضل التنقل بالسياره.
9- الرخصه الدوليه في امريكا مقبوله خلال الثلاث الشهور الاولى من الزياره.
10- انتبه من النظر او تقبيل اطفالهم .. لان جرائم الاختطاف بامريكا منتشره.
11- امساك اليدين للرجال يعتبرونها من العادات السيئه .
12- لاتوقع على أي شي من مبدا الثقه .. وتاكد انك مسؤول مسؤوليه كامله عن أي توقيع. ومافيها شي اذا طلبت ان تقرا قبل ان توقع.
13- لاتنسى ان اغلب المطاعم السريعه الخدمه فيها ذاتيا يعني انت اللي تاخذ الطلب بعدين انت اللي تاخذ اغراضك وترميها في الزباله اكرمكم الله .
14-لاتتكلف في اللبس ولاتبين انك غني او حالتك الماديه زينه وانتبه تلبس ساعه غاليه او ساعه عليها الماس حتى لو كان مزيف لانك ممكن تتعرض للاذى..
15- لاتحكي بامورك الخاصه واسرارك مع الاغراب مهما كانت الثقه بينكم.
يتبع
واي سؤال عن امريكا انا حاضرمواضيع عشوائيه ممكن تكون تعجبك اخترناها لك:
- تاخرت الفيزا
- السفــر إلى الولايـآت المتحـدة الامريكيــة
- بقولكم وش صار معي في المقابلة السبت وبالتفصيل واسف على التأخير
- الى خبراء سان دييغو
- تخفيضات
- استفسار عن ميريلاند
- طلب واستفسار من اصحاب الخبرة
- هل ينفع ادخل امريكا بجوازين ، جواز فيه الفيزا و جواز جديد؟
- الجواء ممطر والجاء روعه في نيويورك
- استفسار
- مسافر شهر عسل ، مساعدتك امباكت ،،
- أستفسار عن موقع أكسبيديا ضروري
- ايش عن منيسوتا عندي اي استفسار
- ساعدوني في وضع جدول لأميركا اقتراحاتكم الله لا هانكم
- موعد الفيزا دراسه او سياحه
- استفسارات مهمة عن امريكا ومشكورين مقدما
- ياشباب طلب صغير
- هل الفيزا الدبلوماسيه عادي تتأخر؟
- الطبيعة في امريكا
- استفسار بخصوص النموذج
رد مع اقتباس
المفضلات