الموضوع: بقولكم وش صار معي في المقابلة السبت وبالتفصيل واسف على التأخير

بسم الله قبل كل شي...
وحياكم الله....
بقولكم وش صار معي في المقابلة السبت 27\6 وبالتفصيل
.
.
.
.
الساعة 5 والنصف: طلعت من البيت

س 6 : وقفت عند السفارة وحصلت يمكن اربعة بس قدامي...

س 6 وربع : ناظرت ورا لقيت ماشالله سرى :11ight:

س 7 وربع جانا واحد لبناني حمر عطر تقول بودي قارد قال اللي موعدة سبع ونص يصف.. وانا انقز واصف وصرت الثاني. شيك على الموعد والوصل والصور ( لازم تجهزهن اذا صفيت ).
وحطينا اغراضنا عند الامن وعطوني ورقة حمرا صغيييرة. وبعدين دخلنا مع الباب وفتشوني تفتيش عادي جدا.
والتفتيش عبارة عن انت تدخل كل شي معك في جهاز زي جق المطار وانت تدخل مع جهاز ثاني وبس :24:
اول ماتطلع فيه باب هنااااك على حجاجك الايسر تدخل معه وتاخذ رقم. وعطوني رقم 2

س7 ونص: طلع رقمي بالصالة اللي اول ماتدخل مع باب المبنى تروح يسار اول غرفة يمين.
رحت لواحد اسمر قال عطني اوراقك عطيته النماذج وصورتين والوصل وكشف حساب الوالد
وقال انتظر رقمك بالصالة الثانية.

س 7 و45د : طلع رقمي عند واحد سعودي قالي ابصم قلت ( ابصملك على العشرة غيرك ماطرى ياشوق لو لاح بسماي بروق... اغنية خالد عبدالرحمن) معليش على الشطحة :8888:
المهم بصمت.. وقالي انتظر رقمك قلت ابشر..

س8 و10د :طلع رقمي باخر شباك
طلع واحد اسمر قالي ترطن انقلش قلت ارطن وانا ابو عوعو قال كفو يالذيب قلت ازهلها ياسنايدي.

والحديت اللي دار بيننا كالتالي:

الموظف : وش عندك بامريكا؟
ابو عوعو: والله رايح للعلاج.

الموظف: سلامات عسى ماشر؟
ابو عوعو: قلت سويت حادث قبل فترة واعاني من بعض المشاكل الصحية.

الموظف: وين بالضبط رايح؟
ابو عوعو : لولاية فلوريدا مدينة جاكسونفل مستشفى مايوكلينك وانا اعطية الموعد. وعطية تقريري الطبي

الموظف: من يتكفل في مصاريف علاجك؟
ابو عوعو : الوالد الله يطول بعمره. وانا اعطية خطاب من الوالد انه يتكفل بجميع المصاريف ومصدق من الغرفة التجارية لان الوالد مو موظف وصاحب تجارة...

الموظف: وش وضيفتك؟
ابو عوعو: طالب

الموظف : وين طالب؟
ابو عوعو : بالطب وانا اعطية التعريف..

الموظف: جوازك القديم معك؟
ابو عوعو: نعم

الموظف : عطنياه... فتش الجواز القديم
وبعدين عطاني كرت اخضر وقال اسبوعين والجواز عندك يابو عوعو قلت بيض الله وجهك...

عطه فيدكس وعطيته فيدكس وعطيته 65 ريال وعطاني الوصل ومشيت
س8 و15د طلعت من السفارة. واخذيت اغراضي من نفس المكان اللي سلمتها فيه...

الاوراق اللي اخذيتها معي
1- الماذج DS 156 و DS 157
2- موعد المستشفى في امريكا
3- تقرير طبي من مستشفى الحبيب بالرياض
4-كشف حساب الوالد
5- خطاب من الوالد مصدق
6-تعريف الكلية حقتي
7-صورة الجواز والبطاقة الشخصية
8- صور شخطية غير مفلترة او معدلة
9-جوازي الحالي والقديم


بالمناسبة.. احب اشكر كل من جاوب على الستفساراتي وبالذات الاخ impact اللي له الفضل الكبير بعد الله
وحبيت اقولكم وش صار معي كرد جميل لهذا المنتدى الرائع وعشان يستفيدون الاخوان مثل ما انا استفدت
وادعولي بالشفاء العاجل....

مواضيع عشوائيه ممكن تكون تعجبك اخترناها لك:

• ناوي السفر الى امريكا
• استفسار عن الفيزا
• الى الاخ الرصاصي وبنت الصقور وذوا الخبرة عاجل الله يخليكم
• فيه احد جرب موقع ؟؟
• سافرت لأمريكا ؟ كم كانت تكلفة سفرك ووش آحلى مدينة ومكان زرته ؟ ارجو التفاعل
• أبشركم حصلت تقدير ممتاز مع مرتبة الشرف والطالب المثالي في أمريكا
• مراكز كابلان
• ضروووووري
• مساعده بخصوص العلاج باامريكا
• مشكلتي مع السفارة
• طـلـب إفـادة بـخصوص الـولايتين
• استفسار بخصوص الجناط للرحلات الداخليه
• سوال للجميع للي حصلو على الفيزا ولي ينتظرون
• ممكن تساعدوني في عندي استفسار
• لمّــا أتمشـّى في التايم سكوير او اورلاندو ،،، هل أحتاج الجواز معي على طول
• سؤال عن المقاعد بالطائرة القطرية المتجهة لأمريكا
• ارجو المساعدة سؤال وارد في نموذج لخبطني
• السفاره الاميركية ارسلت ايميل لي مضمونه
• بخصوص الفيزا
• معاناة تعكر صفو السفر للولايات المتحدة الأمريكية

الله يسهل أمورك وأنا كانت مقابلتي في نفس اليوم
بالتوفيق أبوعوعو ونتمنى لك الشفاء العاجل

الله يسهل امورك
وموفق
صحيح حضك حلوو
ماشاء الله
مدري الي يوافق على الفيزا اعتقد على حسب الموظف
اذا كان موظف زين يعطيك الفيزا واذا كان موظف مو زين مايعطيك

الف مبروك ياغالي

الف مبروك ..

ان شاء الله ترجع السعوديه وانت بافضل صحة.

اولا اتمنى لك الشفاء ولابني ولجميع المسلمين ومبرررررررررررررروك على الفيزه وعقبال الاخوه اللي ينتظرونها

الف مبروك يا أبو عوعو والله يشفيك إن شاءلله

وترجع للسعودية مشافى معافى بأذن لله ،،

الله يجزاكم خير جميعا....
والله يشفي ابنك ياوارثة الطيب و يرجع سالما معافى يارب