بسم الله قبل كل شي...
وحياكم الله....
بقولكم وش صار معي في المقابلة السبت 27\6 وبالتفصيل
.
.
.
.
الساعة 5 والنصف: طلعت من البيت
س 6 : وقفت عند السفارة وحصلت يمكن اربعة بس قدامي...
س 6 وربع : ناظرت ورا لقيت ماشالله سرى :11ight:
س 7 وربع جانا واحد لبناني حمر عطر تقول بودي قارد قال اللي موعدة سبع ونص يصف.. وانا انقز واصف وصرت الثاني. شيك على الموعد والوصل والصور ( لازم تجهزهن اذا صفيت ).
وحطينا اغراضنا عند الامن وعطوني ورقة حمرا صغيييرة. وبعدين دخلنا مع الباب وفتشوني تفتيش عادي جدا.
والتفتيش عبارة عن انت تدخل كل شي معك في جهاز زي جق المطار وانت تدخل مع جهاز ثاني وبس :24:
اول ماتطلع فيه باب هنااااك على حجاجك الايسر تدخل معه وتاخذ رقم. وعطوني رقم 2
س7 ونص: طلع رقمي بالصالة اللي اول ماتدخل مع باب المبنى تروح يسار اول غرفة يمين.
رحت لواحد اسمر قال عطني اوراقك عطيته النماذج وصورتين والوصل وكشف حساب الوالد
وقال انتظر رقمك بالصالة الثانية.
س 7 و45د : طلع رقمي عند واحد سعودي قالي ابصم قلت ( ابصملك على العشرة غيرك ماطرى ياشوق لو لاح بسماي بروق... اغنية خالد عبدالرحمن) معليش على الشطحة :8888:
المهم بصمت.. وقالي انتظر رقمك قلت ابشر..
س8 و10د :طلع رقمي باخر شباك
طلع واحد اسمر قالي ترطن انقلش قلت ارطن وانا ابو عوعو قال كفو يالذيب قلت ازهلها ياسنايدي.
والحديت اللي دار بيننا كالتالي:
الموظف : وش عندك بامريكا؟
ابو عوعو: والله رايح للعلاج.
الموظف: سلامات عسى ماشر؟
ابو عوعو: قلت سويت حادث قبل فترة واعاني من بعض المشاكل الصحية.
الموظف: وين بالضبط رايح؟
ابو عوعو : لولاية فلوريدا مدينة جاكسونفل مستشفى مايوكلينك وانا اعطية الموعد. وعطية تقريري الطبي
الموظف: من يتكفل في مصاريف علاجك؟
ابو عوعو : الوالد الله يطول بعمره. وانا اعطية خطاب من الوالد انه يتكفل بجميع المصاريف ومصدق من الغرفة التجارية لان الوالد مو موظف وصاحب تجارة...
الموظف: وش وضيفتك؟
ابو عوعو: طالب
الموظف : وين طالب؟
ابو عوعو : بالطب وانا اعطية التعريف..
الموظف: جوازك القديم معك؟
ابو عوعو: نعم
الموظف : عطنياه... فتش الجواز القديم
وبعدين عطاني كرت اخضر وقال اسبوعين والجواز عندك يابو عوعو قلت بيض الله وجهك...
عطه فيدكس وعطيته فيدكس وعطيته 65 ريال وعطاني الوصل ومشيت
س8 و15د طلعت من السفارة. واخذيت اغراضي من نفس المكان اللي سلمتها فيه...
الاوراق اللي اخذيتها معي
1- الماذج DS 156 و DS 157
2- موعد المستشفى في امريكا
3- تقرير طبي من مستشفى الحبيب بالرياض
4-كشف حساب الوالد
5- خطاب من الوالد مصدق
6-تعريف الكلية حقتي
7-صورة الجواز والبطاقة الشخصية
8- صور شخطية غير مفلترة او معدلة
9-جوازي الحالي والقديم
بالمناسبة.. احب اشكر كل من جاوب على الستفساراتي وبالذات الاخ impact اللي له الفضل الكبير بعد الله
وحبيت اقولكم وش صار معي كرد جميل لهذا المنتدى الرائع وعشان يستفيدون الاخوان مثل ما انا استفدت
وادعولي بالشفاء العاجل....مواضيع عشوائيه ممكن تكون تعجبك اخترناها لك:
- امريكا والترانزيت
- ارجوكم المساعدة والرد ضروري
- لمن زار اورلاندو استفسارات للاهميه
- استفسار بخصوص مطار سياتل
- إقامة صلاة الجمعة في مدينة أرلاندو
- استفسارالاخ امباكت هذا مع حدث اليوم في المقابله
- ورقة التعريف؟؟؟؟؟
- عندي مشكلة
- محتار ما بين منتجعين
- افضل طيران الي كندا وامريكا
- إلى أمباكت ارجوا افادتي
- سؤال مكرر لضيق الوقت ارجو التعاون
- ندائي للناس الي راحت امريكا قريب
- اجراءات العمالة بأمريكا
- عزمت اروح امريكا ولاية نيويورك
- افيدوني رجاءا بخصوص الفيزا للمقيمين
- التاشيره لحاملين الجواز الامريكي
- أكسبيـديــا
- عندي دعوة لحضور مؤتمر متى يتم طلبها مني
- أبغا اطلع فيزه من أمريكا لزيارة بريطانيا أحد عنده خبره بليز يساعدني
رد مع اقتباس
المفضلات