الموضوع: التاكسي

السلام عليكم ،،،،حبيت أسئل عن التكاسي في الكويت هل هي متوفرة يعني لما أطلع من مجمع أو مطعم أو من أي مكان هل ألاقيها موجودة؟ زي دبي يعني وهل تكون بعداد ؟
2)كم المسافة من الكويت إلى السالمية وكم يأخذ التاكسي

مواضيع عشوائيه ممكن تكون تعجبك اخترناها لك:

• رحلتي الشتوية البرية الى الديار الكويتية
• سؤال للاحبه الغالين الله لايحرمنا منهم
• مساعدة ان أمكن
• شقق الفروانية
• يا أهل الكويت
• سؤال لماذا لا يوجد لوحات طرق توجهك للسعودية
• افضل مكان لصرف
• أرجوا ردكم
• مساعدة منكم في الكويت؟؟
• برنامج سياحي
• عيدكم مبارك
• في مول
• الأقامة في الخفجي للتمشية في الكويت مارأيكم؟
• مطعم فريج عقاب بالصور
• أستفسارات متعدده لعيد الأضحى
• مطعم ايراني؟؟؟؟؟؟؟لو تسمحون
• يالله ادخلوا انا الحين بلالكويت
• الليوان مول يفتح أبوابه يوم الخميس مارس
• إلى كل كويتي و من زار الكويت أتمنى مساعدتي و لكم مني جزيل الشكر
• لاهل الكويت الكرام استفسار لو سمحتوا

[size="4"][color="Blue"]ياهلا ومرحبا فيك اخوي
الكويت تختلف عن دول الخليج بالليموزينات , وهو ان بالكويت يتصلون بالتلفون بالليموزين , يعني تكسي تحت الطلب , لابد تاخذ رقم , وتتصل وتحدد مكانك وهو يوصلك وياخذك ويوديك للمكان الي تبيه
, ولكن اسمع من بعض الاخوان ان بدأ خلال العام الماضي نوع من الليموزينات الجواله , زي ماهو موجود عندنا , ولكن قليل,
وبالنسبة للسالميه تراها بنفس الكويت

انت بتروح بطائرة يالغالي؟
انا انصحك بالطائرة افظل عشان الطريق والجو , وخاصه ان الخطوط الكويتيه لها 4 رحلات بالاسبوع من الدمام للكويت ( السبت والاحد والاثنين والثلاثاء)

مثل ماقال اخوي سلطان الشرقيه
ما شالله عليه يعرف الديره اكثر منا

السلام عليكم

طبعا مثل ما تفضل اخونا سلطان الشرقية بأن هناك أجرة تحت الطلب...
و لكن النوع الثاني...
و هي الأجرة الجوالة فهي منتشر بشكل كبير جدا في الأونة الأخيرة...
فالآن لها موقف خاص عند كل مجمع تقريبا أو سوق...
و يبدأ العداد بسعر 150 فلس و الكيلو بـ50 فلس...
اي المسافة بين الكويت و السالمية قد تكون بسعر دينار و نصف ما يعادل 20 ريال تقريبا...

عند كل مجمع لازم تلقى تاكسي
بس عند المطاعم قليل تكاسي
وبالنسبه للمسافه ترى ماكو مسافات طويله بالكويت
يعطيك العافيه

مشكورين كلكم ما قصرتوا،وتراني أخت مو أخو

حياج الله اختي في الكويت والتكاسي متوفره بكثره

لحسن الحظ من سنتين او ثلاث " كبرنا ما قمت اتذكر " ...
بدأ التاكسي الجوال ينشط بالبلد " الكويت "
ولاننا اهل الكويت مانركبه لان كل عنده سيارته
حسب السمع هو حسب الاتفاق
بس سعره مناسب عن اسعار التاكسي تحت الطلب
ويتوفر بسهوله بالشارع بس مو بسهولة بسهولة يعني .. حسب المكان
اذا هو سوق مليان
بس اذا ماهو سوق الله يعين
وعلى فكرة النصيحة
فيه رقم بدالة
808080
تكلفة الدقيقة 100 فلس بس بصراحة تنجد الواحد تعطيك اقرب تاكسي لك بالمنطقه اللي انت فيها
مو بس تكاسي كل شئ يخطر عالبال حتى مؤسسات حكومية
بس كافي ماني مسوي لهم دعاية دابلين جبدي بالمية فلس اللي ياخذونها
والاتصال فيها من تلفون ارضي مجاني
بس جد نصيحة خلي او خل الرقم عندك وماراح تندمين