الموضوع: طلب من أخواني أهل الكويت

السلام عليكم ورحمة الله وبركاته

[center][size="4"][color="blue"]أنا جاي للكويت بسفرة شبه مفاجئة وبدون دراسة اليوم إن شاء الله الإربعاء 16/11 إلى يوم الجمعة أو السبت الجاي فأرجو منكم التكرم بمساعدتي نظرا لضيق الوقت بأفضل الأسواق والمنتزهات والفنادق والملاهي خصوصا الألعاب المائية

مواضيع عشوائيه ممكن تكون تعجبك اخترناها لك:

• تفتح متجرها الجديد في الكويت
• استفسار عن فندق و منتجع شاطئ النخيل
• مطاعم الكويت ذات الجو اللبناني
• الخطوط الوطنية الكويتية تبرم اتفاقية مع سيكست لتأجير السيارات
• استفسآر عن شقق هلآ موتيل
• ومضتى للعام نحو الصين
• استفسار عن سكن للعزاب
• كيف جوكم؟
• ممكن شقق فندقية
• ارجو المساعدة
• شقق فندقية راقية ظروري
• من مسيرة التحرير والاستقلال
• لايفوتكم
• ساااااعدوني بنات الكويت ضرووري
• هل السفر الى الكويت ببطاقة الهوية السعودية مسموحعندي الهوية نسخة
• الخطوط الجوية الكويتية تقدم عروض سفر مغرية
• استفسار من شباب الكويت
• مجمع الافنيوز
• استفسار يا اهل الكويت بخصوص طيران الجزيرة في البحرين
• الخطوط الكويتية كيف اسعارها

وعليكم السلام

انا سعوديه مو كويتيه بس دايم انا اهناك

على المائيه عندك الاكوابارك جمب ابراج الكويت في شارع الخليج

مسجد الشيخ مشاري الا هو المسجد الكبير مادري اذا يقراء فيه غير رمضان او لا هذا بعد ماتعداء شرق امكن يجيك كم اشاره بعد بيجيك دوار خذ الدوار يسار بتشوف المسجد على يدك اليسار اذا ماخاب ضنى
ان شاء الله اهل لكويت يوضحولك دربه احسن منى بس هذا المتذكرته

على نفس شارع الخليج بتشوف مجمع المارينا مول وعندك بعد مجمع لافنيوز هذا على معتقد في جليب الشويخ

المطاعم عندهم فريج الصويلح اكله زي شغل البيت حلو وزحمه مرررررررررره
عندك مطعم ايام زمان في فندق هوليدي ان الاجمب المركز العلمى
روح للمركزالعلمى حقهم يونس لايطوفك
وعندك مطعم مس الغانم بعد حلو كل هذول المطاعم على نفس الشارع بس طبعن الشارع طويل بس مو مره طويل لا
وفريج اصويلح بيكون في الشارع الاخلف المارينا

انصحك بفندق المارينا حلو على البحر
وعندك سفير انترناشيونال قبل مطعم مس الغانم او بعده
وفيه فندق رخيص مره بس مافيه خدامات اسمه ابيس موقعه حلو بس طبعن مايقارن بالمارينا وسفير انترناشيونال
موقعه الفندق هذا اذا شفت فندق السالميه له كذا اسم هل فندق كل جهه فندق جهه اسمه السالميه جهه غنى وجهه الكويت المهم خذ من عند الفندق هذا يمين الانه بيكون عندك اشاره يعني هذا الفندق على يمينك بتعده اشوي بتشوف الفندق هذا ايبيس ارخيص موقعه حلو حق التسوق بس وسعره رخيص
انا سكنت فيه مره بعده مافكر فيه لانه مافيه خدمات حتى ثلاجه مافيه
يعني فرق بينه وبين سفير وهوليدي ان والمارينا

اتمنى انى افتك ورحله موفقه الله يسهل عليك

الكوابارك مدينة الالعاب المائية
تسكر مع بداية موسم الامطار و موسم الامطار بدا في 15 - 10 - 2009





و الافنويز في جليب الشيوخ

غلط و الف غلط


في منطقة الري المقابلة لمنطقة الرابية السكنية على الدائري الخامس و ايكيا مقابل منطقة الرقعي و موقعه ممتاز بين 3 مناطق



و المارينا مول في السالمية


و العفاسي يمكن يقرا في المسجد في العشر الاواخر يمكن


و لا تحسب اننا نعرفه و نشوفه كل يوم

لا

ودنا نصلي عنده

بس ما نلقاه


العفاسي كثير السفر و كثير المشاغل

هذا يلي سمعناه عنه

و المسجد يلي يصلي فيه في رمضان هو المسجد الكبير في مدينة الكويت مقابل مجمع الوزارات قريب من البحر على شارع الخليج


و مجمع 360 في منطقة الزهراء مقابل المطار و على الدائري السادس قريب من منطقتي خيطان و الفروانية



و مجمع الكوت في مدينة فحيحيل

و مجمع اجيال في مدينة فحيحيل

و مجمع المنشر في مدينة فحيحيل

و مجمع البيرق في منطقة العقيلة ( محافظة الاحمدي ) مقابل الدائري السادس عند نهايته قريب من منطقة الفنطاس و حديث الافتتاح فتح السبت يلي طاف




و مجمع مغاتير في محافظة الفروانية

و مجمع المهلب محافظة حولي

و مجمع الفنار السالمية

و مجمع سوق شرق مدينة الكويت حي شرق

و مجمع سوق السالمية في السالمية

و مجمع الافنيوز في الري

و مجمع الراية مدينة الكويت ما ادري اي حي

و مجمع الصالحية شبه قديم في مد\ينية الكويت حي الصالحية

و مجمع سليل الجهراء مدينة الجهراء على الدائري السادس بإتجاه تقاطع العبدلي و مدينة الكويت


و مجمع خيمة مول مدينة الجهراء

و مجمع المنار مول مدينة الجهراء

و مجمع اوتاد مول مدينة الجهراء




بس كافي





ان شاء الله اون فدتك

حياكم الله بالكويت

والاخوان ما قصروا

ان شاء الله تقضون وقت ممتع

سبقنا اخوي ولد خمس نجوم و ما قصر
بس تدي اشلون شوف باتوقيع مالي رحلتي الي منتزه خليفه
انشاء الله تستفيد منة
و بخصوص مسجد العفاسي ما اعلم عنه
و ان شاء الله تلقى الرد من باقي الاعضاء عن قريب