السلام عليكم ورحمة الله وبركاته ، كل عام وأنتم بألف خير يارب ، ينعاد عليكم وعلى الكويت الحبيبة الغالية بالصحة والسلامة يارب .. حبايب قلبي ، مدري كيف أبدأ وكيف أنتهي .. لكن بفتح لكم القلب على مصراعيه .. يالأجاويد انا شاب سعودي ، الكويت واهلها عشقي الأول والأخير ، الكويت قلبي ، واهلها دمي اللي بعروقي ، على الرغم من اني مازرتها إلا اني احفظ خريطتها واغلب المناطق ، والشوارع المشهورة ، الجرايد يومياً اقرأ صحيفتني ، الدشاديش كويتية .. كلي على بعضي كويتي ، ولي الشرف والله وصراحة صعب والله صعب اني اكتب اللي بالقلب ولو بكتبه بسوي 3 مجلدات على الأقل .. المهم بلخص لكم مراحل عمري ( الكويت حب الطفولة ، وعشق الصبا والشباب ) .. ورغم ان الكويت مو بعيدة عن السعودية ، لكن قدر الله أن أنحرم من شوفتها ، رغم العشق الكبير لها .. وهالأيام هذي بديت اعقد العزم .. خلاص عاد مصختها وطولتها .. لازم ازور الكويت وهي الزيارة الأولى لي .. وسآتيها بإذن الله بـراً .. فلذلك لدى عدة أسئله ، وارجو ان تصبروا على اخيكم وكثرة اسألته ودقتها ، ولا تلوموني الحب ومايسوي :
1 - انا من سكان الرياض ، اي طريق للكويت مفضل أن أسلكه ، عن طريق الدمام أو المجمعه ؟
مع مراعاة ان يكون الطريق مزدوج + محطات البنزين متوفرة ، ومنفذ اسرع إجراءات فهل اروح مع الدمام او المجمعة ؟
2 - إذا دخلت الكويت بحفظ الله ورعايته ابي اتوجه لمنطقة الصليبيخات ، السبب ( زيارة لمقبرة الصليبيخات ) وأرجو من أي شخص ممكن يفيدني بهالخصوص يراسلني على الخاص بسأله عن شيء على الرسائل الخاصة ما ابي اسأله على العام .
3 - السكن أفضل أن يكون جيد جداً بسعر يصلح لعزوبي مثلي ، وفيه مواقف سيارات آمنة ، واهم شي خدمة المصبغة .. مايهمني موقع الفندق اذا قريب من الأسواق أو لا .. انا مالي بالأسواق والقز والتمخطر .
4 - هل بالإمكان زيارة ( بيت الكويت للأعمال الوطنية - ومكتب الشهيد ) وهل هم يستقبلون الزوار ؟
5 - أين أجد المكتبات التي سأجد بها أغلب الكتب الكويتية سواءاً مستعملة أو جديدة ؟
6 - المسلسلات والمسرحيات والأغاني الوطنية الكويتية الرائدة كأوبريتات شادي الخليج وسناء الخراز وغيرهم من المطربين هل تباع بنسخ أصلية وأين أجدها ؟
7 - الملابس الرجالية الكويتية ( دشاديش الشد القديمة اين أجد من يبيعها او يفصلها او حتى يبيع قيطانها ) ، وايضاً الخام الجيد ، ومحلات الجملة بالنسبة للغتر اللي منقوش عليها ( ورد ) والقحافي المشوخله ( ام خيط ) .
8 - افضل زيارة المناطق القديمة التي تحمل بين اركانها عبق ماضي الكويت الجميل والطيب .. فأي منطقة تقترحون على زيارتها ، بالنسبة للمطاعم احب المطاعم اللي تقدم الأكلات الكويتية الشهيرة وبأسعار جيدة .. لا تقولون لي رح للقهوة الشعبية وخذ لك ماعون بازلا وخبز رقاق واشفط من هالقدو .. تراني ما ادخن :109:
9 - نجي للبحر .. ابي ازور الأبراج واطلع فوووق للمطعم اللي فيها ، متى أنسب وقت للزيارة ؟
والكورنيش وش افضل كورنيش ؟
سمعت ان الواجهه البحرية إختربت وصارت للهنود ، طيب وين أولي ؟
10 - اللي اتمناه يكون كل رد بتفصيل مع وضع متوسط السعر المتوقع ( السكن ، الملابس ، الكتب وغيرها ) .. هذي الأسئلة اللي ببالي ،، إذا جت أسئله ثانية الله يعينكم علي ،، مشكورين وماقصرتوا لا خلى ولا عدممواضيع عشوائيه ممكن تكون تعجبك اخترناها لك:
- ماهي افضل المقاهي في دولة الكويت؟؟
- إلى خبراء مطار الكويت ،،، استفسار عاجل لاهنتو
- سؤالي عن الاقمشه
- استفسار عاجل
- مساعده يا اهل الكويت
- شقق بودل او بلازا اثيني ساعدوني تكفون
- عودتي و غدائي في مطعم فرايديز مارينا ’ يوم العيد الوطني
- طريق الملك عبدالعزيز
- تشغيل اولى الرحلات الجويه من مبنى الشيخ سعد العبدالله
- ضروووري سؤالي حول البطاقه المدنيه لشغالتي
- فعاليات المهرجان في مجمع العنود من يدلني عليه
- شركة المباني مسجد الأفنيوز في المرحلة الرابعة
- ياهل الكويت الفزعه
- بعض الاماكن بالكويت
- استفسار لو تكرمتوا ،،
- اهل الكويت ساعدوني بسرعه ابي سوق رخيص
- ساعدوني رجاااء
- مجمع العربيد بالفروانية
- الدليل السياحي للكويت خريطة صور
- الثوب الكويتي ثوبين ام ثوب؟
رد مع اقتباس
المشاركة الأصلية كتبت بواسطة المرام
المشاركة الأصلية كتبت بواسطة Noura86
المفضلات