الموضوع: سؤال لأهل الكويت طلبتكم

السلام عليكم ورحمة الله وبركاته
ان شالله بنزور الكويت هالعيد وبتكون أول مره بس عندي استفسار بالنسبة للسوق القديم او الشعبي هل يكون مفتوح يوم العيد او اول ثلاث ايام وايش المميز فيه؟
وبالنسبه للمجمعات هل المحلات تكون مفتوحه؟
ووين اماكن الماركات مثل جفنشي او بربري؟ انا سمعت ممكن الاقيها بمجمع المارينا او العوضي هل صحيح؟ او تدلوني بالضبط ووين
معليش اسألتي يمكن واجد بس اكيد ما بتقصرون وتفيدوني

ومشكورين مقدما

مواضيع عشوائيه ممكن تكون تعجبك اخترناها لك:

• جايه الإثنين وعندي استفسار بليز
• استفسار عن قرية مارينا
• ايهم افضل السكن في السالمية او بنيد القار
• الفيزا التجارية يا اهل الكويت
• مطاعم الدهاليز ،،،
• ابحث عن محل بيع شنط في الكويت
• زيارتي للكويت الحبيبة في عيد الاضحى تقرير
• يأهل الكويت
• سجل ياتاريخ اول زياره لي للكويت ۔ ترا ماعرف شي عن الكويت اتمنى المساعده
• يا سكان الكويت
• كوانكزو والصين
• اتمنى الرد باسرع وقت
• آستفسآر عن آسعآر آيجآرآت آلسيآرآت بآلمطآر
• مطعم تنورين
• كيف دراهم عندنا وعندكم
• التعليم فى الكويت
• مبروووووووووووووووووووووووك عودة المرام
• ساعدوني قبل العيد تكفون
• استفسار ؟
• لاأطوفكم زياره مدينه الاحمدي شوفوا معاي

المشاركة الأصلية كتبت بواسطة banoota
http://www.arabtravelersforum.com/tr...6/#post1029651

السلام عليكم ورحمة الله وبركاته
ان شالله بنزور الكويت هالعيد وبتكون أول مره بس عندي استفسار بالنسبة للسوق القديم او الشعبي هل يكون مفتوح يوم العيد او اول ثلاث ايام وايش المميز فيه؟
وبالنسبه للمجمعات هل المحلات تكون مفتوحه؟
ووين اماكن الماركات مثل جفنشي او بربري؟ انا سمعت ممكن الاقيها بمجمع المارينا او العوضي هل صحيح؟ او تدلوني بالضبط ووين
معليش اسألتي يمكن واجد بس اكيد ما بتقصرون وتفيدوني

ومشكورين مقدما



الله يحييج يا بنوتا في الكويت وعيدج مبارك مقدما

بالنسبه للسوق القديم او المباركيه اسمه راح يكون مفتوح ان شاء الله
المميز اللي فيه انه رخيص وراح تلاحظين هذا الشي وتقدرين تشترين كل شي خصوصا اذا وياج اولاد صغار راح يستمتعون
تقريبا المحلات العاديه مفتوحه لكن الشركات الكبار طبعا راح تغلق اول يوم وثاني يوم بس هذا مو شرط يقدرون يفتحون في اول يوم
مجمع المارينا في كل الماركات او دار العوضي وسوق شرق والفنار
بالعكس اسالتج عاديه واي شي تبين سالي بعد

الماركات تكون في:

- مجمع الصالحية
-مركز الراية
-فيلا مودا

مشكور أخوي ناصر الكويتي على هالمعلومات
وشكرا لأخوي كويتي 2 بس هل المجمعات اللي ذكرتها في السالميه ولا وين موقعها؟
لأني اللاحظ فرق بين رد الأخ ناصر وردك بالنسبة للماركات في المجمعات
واذا احد ممكن يفيدني انتظركم

هلا والله الغالية حياج الله
الاسواق الشعبية تفتح بالعيد
وبالنسبة للماركات تحصلينهم بمجمع الراية والصالحية والعوضي وفيلا مودا بمنطقة الشويخ ( هذه المجمعات متخصصة بالماركات) وكوتشي تحصلينها بالفنار والمارينا وقيس بسوق بشرق والرولكس ايضا
بالمارينا وبالنسبة لباقي المجمعات تفتح بلعيد

المشاركة الأصلية كتبت بواسطة banoota
http://www.arabtravelersforum.com/tr...6/#post1029651

السلام عليكم ورحمة الله وبركاته
ان شالله بنزور الكويت هالعيد وبتكون أول مره بس عندي استفسار بالنسبة للسوق القديم او الشعبي هل يكون مفتوح يوم العيد او اول ثلاث ايام وايش المميز فيه؟
وبالنسبه للمجمعات هل المحلات تكون مفتوحه؟
ووين اماكن الماركات مثل جفنشي او بربري؟ انا سمعت ممكن الاقيها بمجمع المارينا او العوضي هل صحيح؟ او تدلوني بالضبط ووين
معليش اسألتي يمكن واجد بس اكيد ما بتقصرون وتفيدوني

ومشكورين مقدما



هلا بنوته وعليكم السلام

وحياج الله بالكويت

السوق القديم قصدج سوق المباركيه تلاقين فيه اسواق شعبيه ومحلات مواعين وجلابيات للاستعمال اليومي وملافع وعبي بالاضافه لمطاعم فيها كشري وكباب وشاي مخدر وبعد في محل درابيل ومحل رهش وحلوى
وللاطفال في محلات العاب يسمونه سوق بو 100 فلس وسوق بو 50 فلس (سوق المباركيه تقريبا مثل سوق مرشد اللي بدبي)

اغلبية الاسواق تفتح بالكويت من 10 صباحا الى 10 مساء

بالنسبه للماركات عندج :
1- مجمع الصالحيه بمدينة الكويت تلاقين في فيرساتشي وديور وشانيل وجفنشي وال في واقنر وكينزو وبوتيك المصمم اللبناني جورج حبيكا
2- مجمع الرايه بمنطقة دسمان في بربريز وكاشاريل وشوميه
3- فيلا مودا بالمنطقه الحره بالشويخ تلاقين في دي اند جي وبرادا وقوتشي وايف سان لوران وبوتيكا فنيتا وبعد في بس مو ذاكرتهم
4- مجمع الفنار بمنطقة السالميه تلاقين في قوتشي وسواتش
5- مارينا مول تلاقين في اسكادا

واي خدمه حااضرين ؟؟

مشكورة أختي مسافرة كويتيه
وأختي روان بنت الكويت ما قصرتوا ما شالله اعطيتوني تفاصيل صحيح اللي قال البنات اخبر بالأسواق
ومو قصدي ان الرجال ما يعرفون بس البنات غير

العفو اختي بنوته


واي خدمه حااضرين ؟؟