الموضوع: فيدوني اذا ممكن

السلام عليكم ورحمة الله وبركاته


شلونكم........



نفس العام راح نروح ان شاء الله كويت ديرة الخير بعيد الآضحى بس هالمره راح نكون 4 يعني مو نفس العام كنا ثنتين


اللي آبيكم تفيدوني فيه اذا ممكن عن فندق ريتز سالميه انا دقيت عليهم وقالوا ان عندهم جناح بغرفتين ووووو المهم ان المواصفات اللي نبيها الفندق يكون بالسالميه ويكون جناح بغرفتين ويكون انكلودد البريك فاست


احنا كنا حاطين ف بالنا شقق فندقيه كلمت اكثر من فندق للشقق بس اغلبهم ماكو بريك فاست

من حظي حصلت ف ريتز سالميه

بس حبيت احد يأكد لي هالشغله ان عندهم جناح بغرفتين وبشوف بالسفريات اذا فندقهم ممكن احجز فيه عن طريق السفريات واشقد بيختلف السعر لان قالوا لي سعر الليله74دينار بصراحه سعر حلو شامل الافطار

هم حبيت تفيدوني اذا اكوا صور للفندق لان الصور اللي بموقعهم مو عارفه شلون افتحهم

واذا اكوا غيره بنفس المواصفات اللي نبيها ابليز هم فيدوني


بالنسبه لطيران الجزيره اشرايكم فيه؟؟


اتمنى مااكون طولت عليكم وكلي امل القى منكم الافاده على المطروح


وشكرا

مواضيع عشوائيه ممكن تكون تعجبك اخترناها لك:

• زيارتي الى مطعم
• دار الآثار الاسلامية
• ما هي افضل الاماكن في الكويت الحبيبة
• أرقام هواتف من مطاعم الكويت
• ابي خدمة منكم يا اهل الكويت الفزعة
• لمعرفة حالة الطقس في الكويت ادارة الارصاد الجوية
• نزهة سريعة للمركز العلمي
• مطلوب اسماءمحلات
• فزعتكم يا شباب وبنات الكويت
• دورة الشيخعبدالله آدم الألباني في الدسمةحياكم
• منتــزه مــرح لانـــد
• الأمير يرعى اليوم افتتاح مبنى الشيخ سعد للطيران وإطلاق «الوطنية»
• الطريق من الامارات الي الكويت
• طيران الجزيرة تطلق برنامج المكافآت
• اهل الكويت الشقيق
• سؤال للاعضاء الغالين
• ايهم افضل فندق
• استفسار عن أفخم الفنادق في الكويت
• معلومات عن ابراج الكويت
• الاتحاد للطيران تفتتح مكتبا جديدا للمبيعات في الكويت

حيــاج أختي نعومه وكل أهل قطـر..

فنــدق ريــتز يتمــيز بموقعـــه قـرب سوق السـالميه اللي بجانب دوار الجوازات واللي يسمى سيتي سنـتر لوجــود

سوق سيتي سنتر بهالمجمــع .. مجمـع حلو بضــاعته متوسطة المستوى وفيه صالة ألعاب طفل المسـتقبل و مجمع

مطــاعم ومقاهــي ستار بكس وغيرها.. كذلك بتميــز موقع الفندق بقربــه من شارع سالم المبــارك الشــهير في

الســالميه وبصراحه ماعرف رقمهم ولا جــان أتصلت فيهم أتــأكد ولو أني مبـلغ 74 مو سعر مميـز لأني أذكر شفت

أرخص من هالمبـلغ في بعض فنادق بنيـد القـار مثل بستكي وكونتيـننتـال وخالد هاوس والفنادق اللي بقرب

مستشفى الســلام ..

أما عن طيــران الجزيــره فهو طيران تجاري يتميــز بعروضه بين فتره وأخــرى حيث تكسيـر الاسـعار ..!

وهو لا يشـمل أي وجبـه اثناء الرحله لكـن هناك سندوشات وعصارئر تبـاع في الطائره إثنــاء الرحلـه ..


وبس

أي استفســاء آنا حاضر

بو هاشم ماقصرت ف شرحك الوافي

ويحييك ربي


بس افهم ان موقعه حلو وهادي ومطل عالبحر؟؟؟

وسعره حسيته حلو لان شامل افطار وجناح بغرفتين
اما الفنادق اللي ذكرتهم البستكي ماعجبني والكونتينتال ماجا على بالي وماقريت عنه اي شي

أميز شي بالفندق هو موقعه لكن بكل أمانة سعره مبالغ فيه

الفندق متوسط المستوى و لايستحق نصف القيمة المذكورة و غير مطل على البحر

امبيه صج عاد مو مطل عالبحر


انزين ابليز من اي ناحيه هم مستواه اي شي؟؟؟؟؟؟

عفيه آعضاء اللي يقرا /تقرا المشاركه فيدوني بفندق عالمواصفات اللي ابيها

من ناحية
فندق-مطل عالبحر-بالسالميه-مكان هادي-مع وجبة افطار-بسعر مايتعدى ال80دينار لان لمدة 4ليالي ول4 اشخاص



واتمنى ماتقصرون معاي

أحلى و أميز فندق في السالمية و في الكويت هو المارينا مثل ماقال بو هاشم لكن سعره غالي و بصراحة سعره فيه

الفندق الثاني اللي يقصد بو هاشم هو فندق سالمية بالاس أو غنى بالاس بينها و بين البحر شارع الخليج لكنها مطلة على البحر و الفندق هذا أميز من ريتز السالمية بخمسين مرة فيه إفطار و فيه مقهى و فيه محلات تحت داخل الفندق يعني الفندق شرح و يوسع الصدر

حياك اختي نعومة
فندق بلازا اثينا في بنيد القار .. رائع ومطل على شارع الخليج العربي وعلى البحر وفيه افطار . والجلسة بالبلكونة ترد الروح .. بس تكون غرفه او جناح مطل على البحر .. موقعه ممتاز .. وقريب للتحرك والانطلاق والعودة.

ايضا فندق ماريوت او السفير مطل على البحر و سعره مناسب و خدماته جيده سألي عنه اكثر

والله ماعندي فكرة وااايد عن الفنادق بالكويت

بس ايضا في فندق مقابل الجامعه الامريكيه بالسالميه و يطل على البحر

اسمه بلازا السالميه و فيه شقق فندقيه و اهوا تحته مجمع و بنفس الشاارع مجمعااااات

واااااااايد و مراكز تجاريه جنب بعض على طول الشارعين المقابلين لبعض

بس للأماانه مادري اذا منااسب لعوايل ام لا لأن احيانا نشووف نااس اشكالهم غريبه

في هذا الفندق استغفرالله..

بس اتوقع يناسب السيااح .. سألي اكثر عنه

الفندق اللى مقابل ليلى جاليرى بشارع سالم المبارك هو فندق Hotel Ibis Kuwait Salmiya
واهوا فندق ممتاز وفخم واسعاره للغرفة المزدوجة تتراوح ما بين 25-30 دينار بس بدون افطار غير انه قريب جدا من البحر حوالى 100 متر

دشى على موقع http://www.fendeq.comواختارى الفندق اللى يناسبك لان الاسعار على هالموقع واايد رخيصة غير ان الحجز مجانى والدفع عند الوصول للفندق

وهذا رابط فندق Ibis
http://www.fendeq.com/hotel.php?hotel_id=73225

وهذا رابط فنادق الكويت والشقق الفندقية

http://www.fendeq.com/results_w.php?city_id=-789552

اولا تسلم بو هاشم ماقصرت

خذاك الوقت هم تسلم بس غنى بالاس سألت عندهم قالوا ماكو افطار!!!!

مفرق الوادي شكرا بس مانبي ف بنيد القار


اخصائيه اجتماعيه ماقصرتي راح اسأل عن الماريوت وياليتج حاطه موقعهم لي


mikanoشكرا بس ماعجبني فندق ايبس وراح ادخل مره ثانيه على موقع فندق دوت كوم

هم اللي عنده افاده ابليز لايقصر


مثل ماذكرت الفندق يكون بالسالميه مطل عالبحر ومو شي اساسي بس المهم راقي ونظيف ومو زحمه فيه ويكون شامل الافطار باسعار ف حدود ال80دينار خصوصا ان احنا نبي شقه بغرفتين او حتى غرفتين ستاندرد


واسمحولي