السلام عليكم رواد بوابة الكويت ....
ورواد منتدى العرب المسافرون جميع...
حبيت ابدي اول موضوع لي بالمنتدى في بوابة ديرتي الكويت ..
مطعم saso سمعت عنه من الاهل وهو مطعم عالمي ...
اتفقنا على الذهاب له في فرع المهبوله على الشريط الساحلي في ابراج غاليه وعاليه .....كان المطعم فاضي وفيه عدد قليل من الطاولات يعني يمكن ما يعدون 12 طاولة وقريبين من بعض ...
المهم انا نسيت اصور المطعم من بره صورته من بعيد ما ضبطت الصورة لان ما في اضاءه كافيه ولما وصلت قريب بصور الا اشوف شخص غير طبيعي ...
المطاعم في المبنى مرتفعين يعني درج وممر بين سطرة المطاعم والساحه يعني تقريبا ارتفاع 3 امتار ..الشخص الغريب كان يقط نفسه من فوق على الحجر على الارض انا اول مرة حسبت انه وقع قعدت اقول ..اسم الله عليك.. واخترعنا.. الا الريال قام ورد سوى نفس الحركة مرة ..مرتين ..ثلاث مرات ..ولا كل مرة يصرخ.. آي ..آخ ..طيب ليش العذاب .
المهم دخلنا المطعم هادئ وقدموا لنا المنيو وللحين الريال بره يقط نفسه
نشوف الصور
اسم المطعم على المناديل الورقيه
وهذه طاولة من المطعم وشايفين الاضاءة خفيفة
الاضاءة عند طاولتنا
وهني اللي مهما يذمون فيه يبقى المشروب المفضل لنا
وهني المقبلات بداناها بالبافلوز لوليبوب
وهي عبارة عن جوانح الدجاج بصلصة البافلو الحارة تقدم مع صلصة الرانش
لذيذة
هلبينو بوبرز
جبنة الفيلدافيا المحضرة مع الهلبينو والبطاطس المهروسة ومحشيه بالمشروم .....حليوة ...
فاير هاوس فرايز
بطاطس مقليه مغطاة باللحم المفروم وجبنه البارميزان وقطع البيكون والبصل المقلي وصلصة الساوركريم ويقدم مع صلصلة الجيبوتلي.......لذيذ جدا...
ميني بيرجر متنوع الصلصات ....بناتي يقولون لذيذ..هذا اخذنا طلبين
ميني برجر متنوع الصلصات ..وبطاطس مهروسه ..لذيذة راي بنتي الصغيرة
معكرون بالمشروم والصدور الدجاج مع صلصة الكريمة اللذيذة ...
طبعا هو طبقي بس من كبره صارت فيه مشاركات جيدة ..
وهذه بقايا من بقاياه
المطعم بشكل عام هادي وسعره وسط طلع حسابنا حوالي 25 دينار
ان شاءالله يعجبكم تقريري الاولي ....واذا شفت تشجيع استعدوا للتقارير الخطيرة .وسلامتكم
مواضيع عشوائيه ممكن تكون تعجبك اخترناها لك:
- استفسار بسيط
- هلا فبراير يدعو الجمهور لوضع برنامج المهرجانساهم بافكارك
- ممكن سؤال عاجل و سريع عن منطقة العدان
- عاااجل تكفوون يا أهل الخبرة
- سوق الجملة للملابس الرجالية
- مطار الكويت الدولي زيارة صغيرة
- فزعتكم ياخبراء وخبيرات الكويت
- عشانا في مطعم و كافيه الأفنيوز ،، بالصور
- زين اروح فالكويت الحبيبة جدول اربع أيام بليز
- عدستي في قرية كويتي وأفتخر الكويت منطقة مشرف أرض المعارض
- السلام عليكم
- أبراج على الطريق
- من يعرف أين أستأجر بيت في الكويت بالفرب من الرقعي
- فيزه الكويتيين لسنغافوره
- الكويــتوهلا فبرايـر م
- صور لمطاعم شارع الخليج العربي الكويت
- متوهق وين اروح
- نريد عناوين محلات فساتين السهرة
- عرض التوفير الهائل من طيران الجزيرة والاسعار تشمل الضرائب
- الشاورما
المفضلات