اخواني و اخواتي العرب المسافرون ، هذي أول مشاركة لي في هذا المنتدى الرائع .. :101:
أتمنى اني استفيد من خبراتكم و أفيدكم بنفس الوقت ..
قريت بعض التقارير في هذا القسم عن فلوريدا و بصراحة الأعضاء ما قصروا في توفير المعلومات.. بس لاحظت أن أغلب الأماكن الترفيهية في أورلاندو بالتحديد مناسبة أكثر للأطفال و الشباب.. و الشوبينغ ..
:114:
بشرح وضعي باختصار .. أنا حالياً عايشة مع زوجي في أمريكا ولاية انديانا .. زوجي طالب في جامعة بلومنغتون ، و عنده اجازة بعد اسبوعين تقريباً لمدة 3 اسابيع.. و بما أني حامل بطفلي الأول حالياً (في الشهر الخامس) قررنا نأجل رجوعنا لبلدنا الإمارات إلى بعد العيد لأن مرة وحدة بضل هناك لين موعد ولادتي .. و اقترح زوجي اننا نقضي 10 أيام من الاجازة في فلوريدا .. لكن احترت في موضوع مدن الألعاب لأن أغلب الألعاب ما تسمح بدخول الحوامل.. :110:
فحابة أعرف أي الاماكن مناسبة أكثر للحامل ؟ خاصة الاماكن اللي تذاكرها غالية، اخاف نشتري تذاكر و ما نقدر نستمتع فيها!!
و اريد اعرف كيف نشتري التذاكر؟! هل احتاج اني احجزها من قبل أو نشتريها عند المدخل؟! خاصة تذاكر العروض و السيرك..
رحلتنا ان شاء الله بتكون عن طريق البر .. المسافة من منطقتنا الى فلوريدا حوالي 15 ساعة بالسيارة و عندنا جي بي اس.. انا اقترحت على زوجي نطلع من الفجر عشان نوصل بنفس اليوم.. بس هو متردد و يفضل نبات في فندق على الطريق .. و انا ما احب الفنادق الصغيرة احس انها مش نظيفة .. فما ادري شو تنصحوني ؟!
:114:
على فكرة لقيت فندق حلو في أورلاندو بعد بحث مطوّل على النت .. الحلو فيه ان اسعاره رخيييييصة بالمقارنة مع باقي الفنادق و اكتشفت انه جديد ، فتح من سنتين او 3 سنوات (يعني اتوقع انه انظف من الفنادق اللي عمرها أكثر من 10-20 سنة) .. لقيت تعليقات من الناس على الفندق في واحد من المواقع و هو اللي شجعني احجز فيه ..
هذا موقعهم
http://www.radisson.com/lakebuenavistafl
ما عندي معلومات عن توفر خدمات للأطفال في الفندق .. بس الخدمات المتوفرة في الغرف حلوة .. مثل المايكرويف و طاولة كوي الملابس و السراير تتبع تقنية sleep numbers يعني تقدر تعدل قساوة أو ليونة السرير على كيفك لتوفير راحة اكبر..
و أحلى شي ، اذا حجزت في الفندق لأكثر من 7 أيام تحصل على خصم في السعر ..
:24:مواضيع عشوائيه ممكن تكون تعجبك اخترناها لك:
- عندي رحلة علاجية لشيكاغو وعندي بعض الاسئلة ؟
- طبعت صفحة التأكيد ولكن فوجئت بشي
- رأيكم بمخطط امريكا
- استفسار
- بالفديـو يونيفرسل ستديو جوله ستديو النجوم في لوس انجلوس
- اللي سكن دبل تري او ماريوت تايمز سكوير الرجاء الدخول
- ندااااااء اوهايو ضررروري
- دخول السيدات الحوامل الى مطارات امريكا
- يوم انكرو في السفارة الامريكية
- جوازي ضاع في امريكا
- استخدام جهاز الجي بي اس في القياده طريقته واستاجاره او شرائه
- شباب مليت الى متى انتظر
- استفسار عن استخراج فيزا سياحية لأمريكا لطالب ثانوي
- امريكا اول مرره ساعدونى؟؟؟
- ارجوا المساعدة من اهل الخبرة
- السفاره الامريكيه بالرياض
- الفزعهكروز من ميامي
- هل الرخصة الدولية المستخرجة من مكاتب الطيار السياحية مقبولة في امريكا
- أجواء لوس أنجليس في مايو
- أبي اغير موعد المقابلة هل فيه مشكلة ؟ وايش الاجراءات يالربـــــع
رد مع اقتباس
المفضلات