السفر الى اولاندو

**ahmed3** · 02-02-2015, 09:03 PM

شنو خط الطيران المناسب من الكويت الى اورلاندو وهل تنصحوني بأني لو وصلت نيويورك قبل اورلاندو بأي فندق اقعد حق ليله وحده يم المطار ومن باجر انكمل الطيران الى اولاندو وشنو الطيران المناسب الى اولاندو .وبالنسبه للسكن في اولاندو لو احنا 3 كبار و3 صغار شنو اكو شقق فندقيه بس راقيه تنصحوني أني اسكن فيها

مواضيع عشوائيه ممكن تكون تعجبك اخترناها لك:

**ahmed3** · 02-02-2015, 09:03 PM

من الكويت لي اورلاندو عندك اكثر من خيار:

اول شي: تروح من الكويت دايركت لي امريكا , نيويورك بالخطوط الجوية الكويتية و انا ما انصح فيها صراحة صايرة كلش مو شي و من نيويروك تاخذ داخلي على اليونايتد او الجت بلو او دلتا او اميريكان ايرلاينز انا انصح باليونايتد عن تجبة كذا مره و الجت بلو يقولون يديده و حلوه

ثاني شي: تروح دايركت من الكويت الى واشنطن ديسي باليونايتد ايرلاينز و واايد زينه و من ديسي تاخذ طيران داخلي

ثالث شي : تروح فرنكفورت باللوفت هانزا و من فرانكفورت الى اورلاندو دايركت , الصراحه انا جربت اللوفتهانزا كويت-فرانكفوت-ديسي , من الكويت الى فرانكفورت ممتازه كالعاده انا اكثر من مره جربت اللوفتهانزا وايد زينه , لكن من فرانكفورت الى ديسي كانت سيئه جدا ما توقعتها جذي و متعبة و تقريبا اكثر من 9 ساعات

رابع شي: البريتيش لي لندن بعدين من لندن لي اورلاندو , طبعا البريتيش روووعة بس المشكله انك لازم تغير المطار ليما توصل لندن يعني اذا بتقعد في لندن ليلة او ليلتين اوكي اذا منت قاعد راح تكون متعبة لان المطارين بينهم تقريبا ساعة و تعال شيل اغراضك و اخذ سيارة و روح المطار الثاني يعني سالفة خاصة اذا وياكم يهال تعب بتكون

هذيل الاختيارات اللي انا اعرفها و اكيد الاخوان بيفيدونك اكثر

بالنسبة حق نيويروك اسكن في هيلتون او ماريوت يم المطار

و اورلاندو انا شخصيا جربتmarriott cypress harbour vacation club اهوا عبارة عن resort وايد حلو اذا معاك يهال و هم يم ديزني و يونيفيرسال مو بعيد بالسيارة و هم عندك marriott residence inn شقق فندقية مستواها عادي زين مو وايد راقي بس زين و حلو