المشاركة الأصلية كتبت بواسطة ON LINE
http://www.arabtravelersforum.com/tr...8/#post2229618
السلام عليكم ورحمه الله وبركاته
عندي رحلة علاجية لأخوي لشيكاغو في شهر اكتوبر القادم وعندي اسئلة وهي
1- العلاج في مركز The Rehabilitation Institute of Chicago (RIC) .. احد سمع عنه ؟
2- اول مرة اروح لامريكا كيف اخطط لرحلتي وعلى اي خطوط طبعا افضل مسار من الرياض او جدة الى شيكاغو ؟
3- انا مخطط تكون رحلتنا قبل موعدنا في المستشفى بثلاثة ايام هل هي تكفي ام احجز مبكر شوي ؟
4- فترة علاجنا راح تستمر من 3 الى 4 اشهر وين تنصحوني بالسكن ؟
5- الجو خلال شهر اكتوبر ومابعده كيف راح يكون برد ولا حر عشان نحسب حساابه ؟
6- لغتي الانجليزية ضعيفة شوي هل بتعقدني في المطارات لاني شايل هم المطار ومايصير فيه ؟
7- هل نقدر نسحب من بنك الراجحي هنااك وماهو اقصى مبلغ ممكن اشيله وماهو احسن بنك
سعودي اقدر اتعامل معه هنااك ؟
8- احد اطراف يد شقيقي اصطناعية فهل ستسبب لنا ازمة ومشاكل خلال رحلة السفر وخاصة في التفتيش ؟
9- هل يوجد ملحقية للسفارة في شيكاغو ؟
10 - اي نصائح تريدون تقديمها لشخص اول مرة يساافر لامريكا وشكرا لكم جميعا
-------------------
السلام عليكم اخوي
انا مسافره علاج مع اختي لشيكاغو لنفس المستشفى
اختي باترين اطرافها ومركبين لها رجول صناعيه ،
عمومـاً المستشفى بنص الداون تاون وموقعه ممتاز
وانصحك بالسكن بشقق فندقيه اسمها قراند بلازا على شارع ستيت سوو بحث وبتطلع لك قريبه جدآ منها ، ورخيصه الليله بـ 125 دولار
بخصوص الطيران تعال عن طريق الهولنديه امستردام الى شيكاغوو احنا جينا عن طريق نيويورك بس الرحله كانت متعبه ،
او تبي الاردنيه دايركت من عماّن الى شيكاغو
الراجحي اتوقع يسحب من هني عادي كل كروتنا الكويتيه تسحب عادي
بخصوص الاطراف الصناعيه والمطارات تبي الصراحه اختي كنا ملبسينها اطرافها لكن كانت تعب علينـا جدآ لان الدراجه مايدخلونها الطياره ومانحصلها الا مع الشحن تعب علينـا
وعلى فكره المستشفى من افضل المستشفيات بالعالم يعني جيب اخوك ولا تحاتي شي ،
وضروري تجي قبل 3 ايام ،، حتى ترتب وضعك ويوم الموعد تكون متأقلم على المنطقه وعموما الداون تاون مكان رائع وراح تستمع بشيكاغو ولا منها خوف وامان لكن لا تطلع بعد 10 ليلا .. لان هالحزه يطلعون السكارى والمدمنين ،
بخصوص اللغه لاتحاتي في مترجمين بالمستشفى المكتب الصحي ، المطارات سهالات ماتحتاج مترجم الحق الناس اللي رايحين معاك واحنا بأعقد المطارات نيويورك كانت رحلتنا سهالات والمطارات ماواجهتنا مشاكل ،
شوف الجو من شهر اكتوبر بينزل لكم ثلج وبيبدا الشتى لان الصيف عندهم مطر وحر على ريح على رطوبه متقلب لكن الشتا بس ثلوج ،
وان جيت انصحك تروح منطقه اسمها كدزي كلها سوبرماركتات عربيه ولحم عربي وكل احتياجاتك اخذها من هناك تبعد عن الداون تاون 10 دقايق سياره ،
انا الان لي 3 شهور واهلي لهم السنه 3 على التوالي يجون شيكاغو المدينه رائعه جدآآ ولا تحس بملل لان العرب واجد هني وكلهم جايين علاج يعني السكن اللي بتحجز فيه بتلقى فيه خليجيين وااااااااااجد
ولاتحاتي شي توكل على الله ودّ اخوك ،،
رد مع اقتباس
المفضلات