عاجل جداً فزعة يا أهل الكويت

**ahmed1** · 02-02-2015, 05:39 PM

السلام عليكم ...

فيه موضوع هنا اطلعت عليه عن المطاعم بدولة الكويت الشقيقة ..

ذكر مطاعم كلاسيكية موجودة بجوار الشيرتون عبارة عن مباني قديمة مجددة وديكورها روعة وجوها رومنسي ...

المشكلة أنه ماذكر اسم المطعم أو موقعه بالضبط ..

فياليت أحد الأخوة يكمل الجميلة ويذكر لي اسماء هالمطاعم ومواقعها بالضبط ...

وأرجو عدم التأخير لأني أنا اللحين بأمشي لها

..

أخوكم/ عالي الهمة

مواضيع عشوائيه ممكن تكون تعجبك اخترناها لك:

**ahmed2** · 02-02-2015, 05:39 PM

السلام عليكم ...

وهذا هو الاقتباس بقلم الأخ kuwait2world :

المشاركة الأصلية كتبت بواسطة kuwait2world

فيه مطاعم اذا انت من النوع اللي يحب الجو الرومانسي والهادي والغريب

فيه مجموعة مطاعم تقع بجانب الشيراتون وقريبه من البحر وهي عباره عن بيوت قديمه بس مسوين لها ديكورات روعه
وفيها جلسات خارجيه رهيبه وكلها شموع

اسأل عنها وراح تعجبك اذا كنتوا اثنين او ثلاثه وبدون اطفال لكن اذا معاكم اطفال وكان عددكم كبير ماانصحك فيها لانها هاديه بشكل رهيب يعني ماتصلح للعوائل الكبيره

الفزعة يالربع

..

أخوكم/ عالي الهمة

**ahmedgaper** · 02-02-2015, 05:39 PM

السلام عليكم ورحمة الله وبركاته

اسمحلي اخوي توني اقرا المقاله

المطاعم ياطويل العمر وانت موجود عند باب الشيراتون وسيارتك واقفه عند الباب يصير وراك دوار الشيراتون وقدامك اشاره المهم عد الاشاره بتلاقي محل السواني علي الزاويه بعده شارع فرعي علي اليمين يمر بين كنيستين اذا دخلت الشارع الفرعي طالع يسارك بتلاقي مجموعه من البيوت الصغيره ودايما اتلاقي عندها زحمة سيارات اسامي المطاعم ( بيت 7 ؛ ذا سكوير ؛ ديباندورا ؛ لابياتزا وهذا انصح فيه ايطالي عجيب ؛ وفيه مطعم عنده مااذكر اسمه لاني اذا وصلت لابياتزا ماتعديته )

واتمني لك عشي هادي علي ضوء الشموع ودفء المدفأه

**ahmed3** · 02-02-2015, 05:39 PM

السلام عليكم
فعلا أخوي الكريم

مطاعم فخمة وراقية جدا وديكوراتها نابعة من التراث الكويتي
العتيق وآنا جربت بيت سبعة روعة
وجربت مطعم إسمه صعب وايد وطويل ماأتذكره بس إهو إيطالي
غير لابياتزا
والصراحة الي مايروح المطاعم هذي جنه ما عاش الجو الكويتي
القديم 000
وعساكم على القوة