الموضوع: نصيحتكم يا أهل الكويت ضروري

السلام عليكم

أخواني وأخواتي الأفاضل أنا بإذن الله قادم إلى الكويت الأسبوع القادم للسياحة ولدي عدد من الاستفسارات أتمنى انكم تفيدوني فيها:

1/ كيف احوال الطقس.. نهارا ... ليلا؟
2/ ماهي أفضل وأجمل ثلاثة أسواق في الدولة ... أنا اعتقد بعد البحث أنها (الأفينوز - شرق - الكوت) صححوني إذا غلطان.
3/ ماهي أفضل الأماكن والمراكز للشباب؟
4/ أنا من عشاق الرحلات البحرية .. أين توجد الأماكن الخاصه بالرحلات البحرية والعشاء في البحر لمدة ساعتين مثلا؟
5/ أريد أن أسافر إلى بعض الجزر مثل فيلكا .. هل الرحلات للجزر تصلح للسياحه بمعنى هل هي مخدومه سياحيا وهل هناك برنامج معين لرحلات الجزر أو رحلات يوميه لها؟ وماهي الجزر الي تنصحون فيها؟
6/ ما هو أفضل طريق من قطر إلى الكويت وكم طوله؟
7/ أريد برنامج مقترح (للشباب) لمدة أربعة أيام على ذوقكم؟

واعذروني على الإطالة...

مواضيع عشوائيه ممكن تكون تعجبك اخترناها لك:

• بالنسبة لابراج الكويت
• المركز العلميمعلوماتصور
• اوتيل موفمبك
• صور مطاعم ومقاهي دولة الكويت صور جميله
• ممكن طلب
• ماهيا المعارض والمهرجانات التي تقام في شهر فبراير
• إستفسار عن هذا البرج ؟ هل هو جزء من الشيراتون ؟
• باقة من اجمل صور الكويت قديمـاً
• عاجل قبل الصبحححح
• استفسار من أهل الكويت
• غدانا في مطعم ماكي الياباني في الافينوز شوفوا المطعم و المنيو و الاكل
• افضل مطعم وافضل مقهى؟
• استفسار شركات سياحية لبيع عقد التايم شير
• اهل الكويت الحبيبة ما ننحرم من مساعدتكم
• الفزعة يالكويتين
• المتحدة للطيران أطلقت أولى رحلاتها الجوية الترفيهية في الكويت
• بيت الكويت للأعمال الوطنية
• احذرو ضريبة الخدمه في بعض المطاعم بالكويت السيرفس جارج مخالفة للقانون الحذر الحذر
• عاجل جدا جدا جدا
• دلوني وين الاسواق

المشاركة الأصلية كتبت بواسطة أمازون
http://www.arabtravelersforum.com/tr...2/#post6157950

السلام عليكم

وعليكم السلام والرحمه


أخواني وأخواتي الأفاضل أنا بإذن الله قادم إلى الكويت الأسبوع القادم للسياحة ولدي عدد من الاستفسارات أتمنى انكم تفيدوني فيها:

حياك الله وان شاءالله نفيدك باللي تبيه ..


1/ كيف احوال الطقس.. نهارا ... ليلا؟

وااايد احسن من قبل وخصوصا على المسيان حلو الجو واول الصبح بس الظهر اشوي حار .

2/ ماهي أفضل وأجمل ثلاثة أسواق في الدولة ... أنا اعتقد بعد البحث أنها (الأفينوز - شرق - الكوت) صححوني إذا غلطان.

واضافه عليهم 360 و مارينا - واذا تبي مجمعات راقيه وهاديه الصالحيه والرايه ..

3/ ماهي أفضل الأماكن والمراكز للشباب؟

انا ماادري اذا بروحك ولا مع قروب بس بقولك عندك مثلا : القهاوي اللي على البحر مارينا ويفز - واللي عند موفنبك البدع - وسبونز في الفحيحيل .. اما تسليه بينت بول عند الابراج - المدينه الترفيهيه - الشعب - نادي الصيد والفروسيه - ملاعب الصابون كوره القدم تاجير - والبرو كارت (سباق السيارات)- وتاجير الجت سكي على الواجهات البحريه ..

4/ أنا من عشاق الرحلات البحرية .. أين توجد الأماكن الخاصه بالرحلات البحرية والعشاء في البحر لمدة ساعتين مثلا؟

عند مطعم مركز السلطان على البحر في كشك اتاجر منه ان بغيت تتمشى او تروح للجزر كبر وام المرادم ..

5/ أريد أن أسافر إلى بعض الجزر مثل فيلكا .. هل الرحلات للجزر تصلح للسياحه بمعنى هل هي مخدومه سياحيا وهل هناك برنامج معين لرحلات الجزر أو رحلات يوميه لها؟ وماهي الجزر الي تنصحون فيها؟

فيلجا حلوه بس يبلها بعد يعني في انشطة بحريه بس للقريه التراثيه وهذيل تحجزلهم من عند مارينا ويفز ونظام السكن بيوت كويتيه قديمه مع التطوير .. طبعا اذا تبي تغوص عندك كبر وقاروه وام المرادم واللي لهم رحلات يوميه ( كبر ام المرادم وفيلجا )

6/ ما هو أفضل طريق من قطر إلى الكويت وكم طوله؟

مااعرف

7/ أريد برنامج مقترح (للشباب) لمدة أربعة أيام على ذوقكم؟

واعذروني على الإطالة...




اليوم الاول :

الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وااايد حلوو بوفيه وبعد الريوق اتمشون واتسوقون في المول وتحلون في لادوريه كافيه عندهم خوووش ماكروون ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
http://www.facebook.com/photo.php?fb...46408922058156

بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..


اليوم الثاني :

الصبح الريوق مارينا ويفز السالميه ، مطعم زعتر وزيت على المرسى ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..

بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطعم النوخذه ( سي فوود ) واااايد حللللوووو ويمهم حديقه الشعب بعد الغدا ريحوا اشوي مو واايد وبعدين دشوا لعبوا على 6 تطلعون منها ..

تروحون الفندق واتريحون اشوي بعد ماتصلون العشا تروحون اتعشون في المباركية اذا تبون الاشياء الشعبيه ..

اذا ماتبون شعبي تروحون منطقه البدع واتعشون في مطعم واسابي (ياباني) ..

اليوم الثالث:

الصبح اتريقون في مول 360 كاكاو كافيه يم لورينزو واتسوقون لي حزه الظهر ،، بعدين تروحون منطقه فحيحيل مجمع الكوت والمنشر واتمشون فيهم واتغدون في مجمع الكوت مطعم ياميجانا (لبناني) يطل على البحر وعقب الغدا ادشون سينما في مجمع الكوت ،، عقب السينما على المسيان تقعدون في وحده من الكافيهات اللي يطلون على النافووره المكاان واايد حلووو ..
واتمشون في اسواق فحيحيل الشعبيه وبعدها اتعشون في مكان اسمه spoons المكان حلوو باتجاه ابراج غاليه وعاليه اذا خليتوا مجمع كويت ماجيك يمينكم كملوا سيده تلقون مكتوب spoons اتعشون في فرايديز واتحلون في شوكلت بار ..


اليوم الرابع:

الصبح الريوق في مجمع الافنيوز مطعم لورنزو (ايطالي) او دين اند دلوكا.. واتسوقون فيه وبعدين تروحون السالميه اتغدون في مغل محل (هندي ) في ماركس اند سبنسر يم مارينا مول ..

وبالليل شوفوا لكم مسرحيه لطارق العلي ، واذ ماتبون مسرحيه تروحون مجمع الصالحيه اتمشون فيه واتعشون في المطاعم اللي بره عند النافوره او العشا يكون في مطعم شرين بانو (ايراني) منطقه دسمان مقابل قصر الشيج جابر الصباح رحمه الله ...

http://www.arabtravelersforum.com/travel487746/

ماقصرت اختي كويتيه متنقله

بالنسبه للطريق من قطر للكويت

تطلع من قطر مرورا بالاحساء وتتجه شرق وراح تمر على الدمام الى ان توصل الخفجي

الطريق تقريبا 700 كيلو

المشاركة الأصلية كتبت بواسطة ولد خمس نجوم
http://www.arabtravelersforum.com/tr...4/#post6158284

احوال الطقس الاسبوع الجاي

1-حر نهارا مع القليل من الرطوبة

جو معتدل ليلا

2-و افضل مولات في الكويت

360 و الافنيوز و سوق شرق و مارينا مول و الكوت بعيد عن الكويت 40 كيلو اذا حاب تروح له هو و مول المنشر و كويت ماجيك و البيرق انصحك يوم كامل في فحيحيل

3- و افضل اماكن للترفيه لشباب انصحكم الاكوابارك قبل الاغلاق 1-10-2011 و منتزه الشعب الترفيهي و المدينه الترفيهية و المركز العلمي و مرح لاند ( الاحمدي بالقرب من فحيحيل و الكوت )

4-الرحلات البحرية ما عندي فكره عنها لاكن فيلكا جزيرة لا تصلح للسياحة حاليا لكن فيها اثار و بحر اذا حاب تجيها حياك الله و راح تشوف الجزيرة و اثارها اليونانية و الكويت سابقا

5- و هناك طريقتين للسفر الى الجزيرة و هي تبعد عن راس الارض و هي اقرب نقطة يابسة لها 30 كيلو هناك بالعبارة الكبيرة التي تنقل السيارات في راس الارض و مرسى مارينا مول عبارة صغيرة و سريعه تذهب الى فيلكا بنصف ساعه و العبارة الكبيرة ساعه و نصف تقريبا حسب حركة الامواج

6- اذا وصلت الدمام من قطر اذهب الى طريق بو حدرية سيدا و توصل الحدود نويصيب الخفجي و بعد 110 كيلو توصل الكويت العاصمة و 70 فحيحيل و الاحمدي

7- و اربع ايام ماهي كافية تروح فحيحيل و فيلكا و نفس الوقت ما تكفي الا كم سوق على كم ملاهي على العموم على راحتكم و حياك الله



ما قصرت أخوي وأنا عارف انها ما تكفي المدة لكن على الأقل الواحد يحاول يشوف أكثر الأماكن شهرة..
بالنسبة للسكن أخوي هل تنصحني بالسكن في العاصمة ولا في مدينة اخرى...

المشاركة الأصلية كتبت بواسطة mr.q8
http://www.arabtravelersforum.com/tr...4/#post6158294

ماقصرت اختي كويتيه متنقله

بالنسبه للطريق من قطر للكويت

تطلع من قطر مرورا بالاحساء وتتجه شرق وراح تمر على الدمام الى ان توصل الخفجي

الطريق تقريبا 700 كيلو



مشكور على الإضافة أخوي بس والله المسافة كبيرة الله يعين...

المشاركة الأصلية كتبت بواسطة أمازون
http://www.arabtravelersforum.com/tr...6/#post6158566

الله يعطيك العافية وما قصرتي على التوضيح...
بالنسبة لمطعم مركز السلطان وين موقعه في أي مدينة وكذلك المارينا ويفز في أي مدينة؟

ومشكورة مرة ثانية..






مطعم مركز السلطان على الخليج العربي في االسالميه مرسى اليخوت ..
المارينا ويز ملاتبط مع المارينا مو في السالميه على الخليج العربي ..

مناطق السكن - شرق ، السالميه ، بنيدالقار

الاعضاء ما قرووو وياك
بس اقولك الجو بدا يتغير عندنا قام يبرد بليل اشوي
و للرحلات هناك عندك مرس مجمع المارينا اسال و تلقى رحلات لجزيرة فيلكا و جزر اخرى
و لجدول سياحي للكوييت ( رحلتي الي الكويت ) شوفة ونت فاضي 17 صفحة

الله يجزاكم خير وما قصرتوا وفرتوا علي كثير بأجوبتكم وأنا يبدو لي لازم اجيب جهاز القارمن معي عشان ما أحتاج أسأل أحد كل شوي...
ومرة أخرى بيض الله وجيهكم وإن شاء الله بنزل التقرير بعد الإنتهاء من الرحلة والتي ستنطلق من الرياض إلى قطر ومن ثم إلى الكويت وبعد ذلك العودة إلى أرض الوطن.