الموضوع: استفسااار لخبراء البحرين اول مرة ازورها ساعدوني بليييييييز

سلام

حبايبي مرررررررررة جاي ببالي ازور البحرين تقريبا بعد 10 ايام


طبعا ما اعرف شي فيها


وابغى مساعدتكم طبعا راح اروح عن طريق الجسر


المهم


بعد حووستي الطويلة في القسم


قررت اني اروح



لمحمية العرين و منتزة عذاري وججنة الدلمون المفقودة


ومجمع الدانة والستي سنتر



لان زيارتي حتكون ليومين



وحاستخدم ال جي بي اس


ان شاء الله



استفساري عن السكن ابغى شقة او فندق ما يتعدى 300 ريال او 30 دينار


وقريب من الاماكن اللي ذكرتها



بليييييييييييييييز ... وايش ممكن ازور ثاني سوري كلامي مكركب بس اتمنى تجا وبوني

مواضيع عشوائيه ممكن تكون تعجبك اخترناها لك:

• إستفسار لأهل البحرين عاجل و ضروري
• إقامة بالبحرين
• مطعم هندي كان بحواري شارع المعارض وين راح؟
• للعوائل فقط أمان االبحرين يكمن في هذه الشقق
• استفسارات ابغى اقضي يومين سياحية حلوه
• امس رجعت من البحرين
• هل يسمح بدخول الأطفال بكرت العائلة ؟
• الريال السعودي الدينار البحريني
• رحلتي الخفيفة الى بلاد خليفة
• ابغي جواب سريع
• شاليهات نوفوتيل
• ابي شاليهات البحرين علي البحر
• فريزر سويتس شقق مفروشة نجوم ملحقة بمجمع السيف
• عاجل ك استفسار عن التنقل ببطاقة الهوية الوطنية للسعوديين
• ياجماعة افيدوني استفسار بسيط
• اريد ان اسافر للبحرين ممكن مساعده
• صور للمجمع التجاري في مرفأ البحرين المالي
• مساعدة كم العمر المطلوب لدخول البحرين
• ارجوووا منكم المساعده سؤال بسيط
• من لديه معلومات عن هذا الفندق

أولاً بخصوص السكن .. يا أخوي صعب تحصل لك سكن مناسب وممتاز بسعر 300 ريال .. يمكن تحصله في أيام العادية مب أيام العطل أو أيام الأعياد .. وآنه أنصحك بفندق ديفا .. هذي سعره 350 إلى 450 ريال .. وهو فندق جديد وفخم وغرف واسعة وراقية .. وهو في منطقة الجفير وخلف مسجد الفاتح ..

ثانياً بخصوص الأماكن اللي راح تزورها .. راح أسوي لك برنامج مضغوط لأنك راح تجي يومين ..
- اليوم الأول :
تصحى بدري على الساعة 8 .. وتروح مطعم زيت وزيتون اللبناني في شارع المعارض .. وتتفطر هناك .. وبعدها تروح محمية العرين .. وبعد ما أتخلص من محمية العرين تروح جنة دلمون المفقودة لأنهم جنب بعض .. وبعد ما تخلص من جنة دلمون المفقودة ترجع السكن تاخذ لك دش .. وتطلع تروح شارع المطاعم في منطقة الجفير وتختار لك مطعم وتتعشى فيه .. وترجع الفندق وترتاح بعد يوم شاق في جنة دلمون المفقودة ..

- اليوم الثاني :
تصحى بدري على الساعة 7 .. وتروح أحد المطاعم للفطور وتتفطر .. وبعدها تروح متحف البحرين الوطني قريب من الجفير .. وتدخل المتحف الساعة 8 وتلف المتحف في ساعة فقط .. وبعدها تطلع من المتحف وتروح سوق المحرق الشعبي .. وتشتري لك الحلوى البحرينية والمتاي وتتمشى شويه في السوق الشعبي لين الساعة 9:30 .. وبعدها تطلع من السوق وتروح مجمع الستي سنتر وتتمشى وتحجز لك تذكرة سينما على أول فلم .. وتطلع من الفلم وتتمشى في المجمع شويه لين الساعة 2 أو 3 .. وبعدها تروح جزر أمواج في مجمع أسمه مجمع الخور (لاقون) وفيه مطعم للأكلات الشعبية البحرينية والخليجية .. وتتغدا هناك .. وبعدها تطلع تروح منتزة عين عذاري .. وبعد ما أتخلص تقدر تروح كوفي شوب راقي وحلو ترتاح فيه بعد هاليوم الشاق والطويل أو أنك تروح مجمع السيف ..

وهذي برنامج يومين مضغوط كلش .. مافيه راحه .. إذا عندكم أي استفسار أو أي سؤال ترى حاضرين لكم ..

وتقبلوا مروري ..

امممممممممممم

اول شي انا انثى ..


يعني اختك


ثاني شي مشكووووور مشكوووووووووووور على النصيحة وراح استفيد منها كثيير


بس عندب استفسار ثاني



هاني سنتر .. شفته وعجبني وسعرة في بكيج 160 دينار



كويس بس موقعه فين ؟؟ قريب عن الاماكن ولا بعيد ؟؟

هلا أختي .. أسمحيلي والله فكرتج ولد ..
على العموم بخصوص فندق هاني سويت ما أنصحج فيه .. منطقته شويه خطرة .. وهو قريب من منطقة السيف ..
إذا تبين فندق في حدود 160 دينار .. تقدرين تسكنين في فندق خمس نجوم .. وتقدرين تسكنين في أرقى الفنادق في البحرين .. 160 دينار حق ليله ولا حق ليلتين ولا حق ثلاث ليالي .. عطيني ميزانية الفندق وآنه راح أوصيج على فندق ممتاز .. يعني تاريخ كم راح تجون البحرين إلى تاريخ كم .. وكم ميزانية الفندق في اليوم الواحد ..

المشاركة الأصلية كتبت بواسطة شذا الود
http://www.arabtravelersforum.com/tr...4/#post6071964

امممممممممممم

اول شي انا انثى ..


يعني اختك


ثاني شي مشكووووور مشكوووووووووووور على النصيحة وراح استفيد منها كثيير


بس عندب استفسار ثاني



هاني سنتر .. شفته وعجبني وسعرة في بكيج 160 دينار



كويس بس موقعه فين ؟؟ قريب عن الاماكن ولا بعيد ؟؟




هلا وغلا اختي الغااليه

قصدك هاني سويت .. مررررررره حلووووو ورهيب .. انا سكنت فيه بس عيبهم ... السعر حق ليلتين 1600 ريال لو بالعيد تحصلينه باليوم 1500 ريال هههههههههه
ترا عندهم ستايل عربي او ستايل ايطالي اختاري العرب وتحت صور الايطالي
هو بمنطقه السيف وقريب من السيتي سنتر والسيف
بس اكلهم الله يزيد النعمه ... اكلي بالسيف احسن

اي خدمه عنه من عيوني

امممممممممممممم مو قلتلكم عدمممم في البحرين


تصدقو عاااد انا ببالي 160 دينار 320 ريال


اتاري الدينار ب 10 ريال



سووووووري لا تضحكوو علي



طيب ميزانيتي 30 او 40 دينار بالليلة فندق او شقة بهذي الحدود .........ز تسلموووووووو

راح نوصل ان شاء الله يوم الاربعاااء 15 شوال ونبغى نجلس فيها يومين


سوري ازعجتكم بالاسئلة

المشاركة الأصلية كتبت بواسطة شذا الود
http://www.arabtravelersforum.com/tr...8/#post6076038

راح نوصل ان شاء الله يوم الاربعاااء 15 شوال ونبغى نجلس فيها يومين


سوري ازعجتكم بالاسئلة

هلا وغلا اختي الغاااليه

انشالله توصلون بالسلامه .... وربي يسعدكم

بالنسبه للشقق افضل لكم اذا عايله ... وافضل لكم الاليت والا شقق السيف قريبه من المجمعات التجاريه وبعيده عن الزحمه واسعارها على قد ميزانيتكم

واذا تبون شقق بعيده عن السيف يعني بالجفير .. قولي وراح اعطيك اسماء كثيره

واي خدمه من عيوني مافي ازعاج ولاشي ... لا يردك الا الكيبورد

تحياااتي

يا أختي في شقق جديدة .. حلوة وموقعها في الجفير خلف مسجد الفاتح .. أسمها ديفا .. وهو تصنيف 4 نجوم .. وهو فندق فخم وراقي ..
وهذا تقرير عن الفندق من المنتدى http://www.arabtravelersforum.com/travel597190/
وموقع الفندق على موقع بوكينج http://www.booking.com/hotel/bh/diva...ml?aid=1329869
وهو فندق للعائلات .. وطبعاً الفندق في منطقة الجفير يمج كل شي .. شارع المطاع في الجفير وسوبر ماركت .. وجنبك شارع العدلية للمطاعم والكوفي شوبات الراقية .. وجنبج أرض المرح فيها بولينج وصالة تزلج على الجليد .. وجنبج متحف البحرين الوطني .. ويبعد مجمع الستي سنتر والسيف حوالي ربع ساعة إلى 10 دقايق على حسب الأزدحام .. وراح يكون سعره بين الـ 350 ريال إلى 450 حسب الموسم .. وهذا حالياً أفضل فندق موجود بهذا السعر ..

أهلا بك يا شذا الورد

بالنسبة للشقق إن كنتم عائلة فأنصح بمنطقة السيف أقرب للسيتي سنتر والسيف والدانة و على الطريق الرئيسي ..
عندك شقق لاند مارك في السيف / مقابل مجمع السيف وايجار الغرفة وصالة في الليلة بــ 300 ريال والغرفتين وصالة بــ 500 ريال وهي نظيفة ومريحة جداً .. وعندك الراية سويتس بحدود الــ 450 ريال في الليلة لجناح غرفة نوم وصالة وبرضه حلو ..
عموما السيف أجمل مافيها انها عائلية وقريبة من المولات الأشهر ومن الطرق الرئيسية كلها وبنفس الوقت عادة ينتهي اليوم بلفة في المول ومشاهدة فيلم أو الجلسة في كوفي شوب وهذا قريب في السيف و المنطقة مافيها زحمة بعكس الجفير / المعارض عادة زحمة بالليل خاصة آخر الأسبوع ونتأخر في العودة من السيف الى الجفير أو المعارض ..

أما عن الجفير عندك مليانة شقق وأجنحة ومنها لؤلؤة البحرين وهي خلف فندق السفير .. سعرها حدود 250 - 300 ريال لجناح من غرفة نوم وصالة وعندك بعد Elite 5 في الجفير حلو ولطيف وتقريبا سعره بحدود الــ 400 -450 ريال في الليلة


رحلة موفقة عموماً و حاضرين لأي استفسار ..

تسلمو الله يخليكم


مممممم عندي استفسار ثاني


ابغى مطاعم حلوة



هندي مثلا .. لبناني مشويات وكذاا .... مممممم ايطالي وصيني مو صاحبتهم


زيت وزيتون افضل فطور ولا عشاء

مممممم



وسلامتكم

هلا وغلا

لبناني .. في مطاعم كثيره مثلا عبدالوهاب بمودا مول او كورال بيتش بالكورنيش ...
ايطالي .. مطعم نينو جنب مجمع العالي والسيف
صيني او ياباني في مطعم قريب من الريتز كارلتون اسمه بوشيدو
او مطعم هونغ كونغ بام الحصم


تحياااتي

زيت وزيتون ... افضل شي فطور ... بس يصلح للعشااء الخفيف لو حبيتوا تنامين خفاف هههههههههههههههه بالعاافيه مقدما

ثاااااااااااانكس