الموضوع: استفسااار يا بنات البحرين

السلم عليكم
رمضان كريم وكل عام وانتم بخير

نا ان شاء الله نازله البحرين الاسبوع الجاي ورايحه عشاناشتري فستان زفاف
بس ياليت تفيدوني بالاماكن والاسواق اللي الاقي عندها طلبي وعادي حتى لو تفصيل واا فيه محلات تبيع بس اقمشه فساتين زفاف بس راقيه كمان مو مشكله

وبغيت استفسر للحين فيه تخفيضات بمجمع العالي والا لا؟؟


ومشكوووووووووووووووووووورين سلفا

مواضيع عشوائيه ممكن تكون تعجبك اخترناها لك:

• ادمان البحرين
• استفسار عن فندق السفير اللى بالجفير
• اسئله عن مطعم البردوني بليز جاوبوني
• شرايكم تدشون؟؟؟
• كلمة شكر لاهل البحرين
• أفضل مطعم بوفيه بحري في البحرين صور
• الانترنت في البحرين
• مخالفة مرورية في البحرين مالعمل؟
• وين مجمع يتيم
• فيـــــلا فخمه بايجـــار يومي في البحرين
• كيفية الدخول عبر الجسر
• سؤال هام والفزعة يا أهل البحرين
• استفسار عن الهوية الوطنية والتنقل بين دول الخليج
• سحور الخيمة الرمضانية لفندق الريتز كارلتون البحرين
• إستفسار عن جزر حوار ؟؟؟
• دعواتكم لي في رحلتي
• تقرير بالصور تجربة مميزة في فندق
• حلويات جمال شويطر
• أفضل صالون حلاقة وتجميل رجالي
• شلون اروح محل المروج؟؟؟

كم ميزانيتك؟؟

حياكم الله بالبحرين

ومن الاخر اقولج الفساتين سواء سهره او زفاف بالسعوديه احلى بوايد ومتوفره اكثر من البحرين

خصوصا سوق سويكت بالخبر فيه الجاهز وفيه التفصيل والخام من عندهم

لكن اذا مصممه تسوين اوتاخذين من البحرين عندج محل فستاني بالزنج قريب من مستشفى ابن النفيس

ومحل الاولى بالمحرق يفصلون لكن الخام من عندج ..

وسمعت عن محل اسمه ليالينا في سوق واقف بمدينة حمد يمدحونه ويقولون عنده اشيا جاهزه ومعروضه..

فيه بمجمع العالي ومودا مول محلات سهره حلوة بس اسعارها غااالية

يعطيكم العافيه ومشكوره مزون ما قصرتي

انا مابي سهره ابي فستان زفاف لزواجي يعني ابيض
واذا فيه مكان يبيع الاقمشه بس ياليت تدلوني عليه
وابي شي راقي وهذا فستان زواج ما اقدر اتحكم بلميزانيه حسب اللي الاقيه حلو لازم ادفع

مرحبا فيج أختي ...

شوفي هالمحلات .. متخصصين في فساتين الأعراس ... تأجير وتفصيل وخياطة ... والحلو انهم كلهم على نفس الدرب ...

محل مليكان .. موقعه على شارع البديع .. الجهة المقابلة لفرشة العرايس .. رقمهم: 17592244

محل ليدي مون .. أيضا على شارع البديع .. رقمهم: 17595474 أو 17591858

أم حسين .. بعد على شارع البديع .. بس تخلين فرشة العرايس على اليمين .. وتروحين سيده بتشوفينهم على اليسار .. ورقمهم : 17555379

هذيلين اللي أذكرهم حاليا أختي ... وألف مبروك مقدما

الله يخليك ويجزاك خير يالغاليه

محل رزان في مودا مول مجمع الشيراتون سابقا

وعندج عند محطه الجفيير للبترول ... محل اسمه الانامل الحريرية يمكن ياجر لج .. بس تفصيله وااااااو لا يعلى عليييه يعني

فصلي عنده اذا لك نية تفصيل وانتي مغمضه ....

وعندك فوزية النافع فوزززز مودا مول

اهيا سعودية وعندكم محل في السعودية اختاري من الكاتالووج افكارها حلووه


وامممممم هذا اللي في بالي

اي سؤال ثاني ياريت تبعثين لي عالخاص احتمال ما ارجع للموضوع

اختي كل الي اذكروه البنات تراهم محلات شغلها عادي عندج الصراحة البوكوارة الرفاع حق التفصيل واحنا اهلنا من قطر والسعودية ايون ياخذون من عندهم بس مشكلتهم بلاقمشة يعني انتي لازم اتيبين القماش. والصراحة القماش الحلو بالسعودية بس فساتين الزواج عندهم ماساة لو تبين فساتين سهرة عندهم بالسعودية في مجمع فينيسا

yooma وام احمد الله يجزاكم خير

واذا فيه محلات زياده ياليت تدلوني وابي محل يجيب لي حتى القماش
انا مالقيت بالرياض لفيت كل محلات الاقمشه الفخمه مالقيت

بس محد عطاني اسعار تقريبيه

الانامل الحريرية ... يجيب القماش من عنده والحلووو انه مو مكرر وكله من لبنان يشتري بس دفعععععي

اسعاره شووي فوووق بس رووووووووعه ، اذا انتي تبين تشترين راحتك مو تحاتين يظبط الموديل او لا ؟ حلوو او لا؟؟؟ وعوار الراس ، روووووحي وانتي مغمضه بس لازم ميزانيتك فوووق شوي

شوفي الشنيول بس قصة يده يعني قصة الفستان بـ700 دينار وطبعا بعدين كل شوي يزيد السعر شك ، .. تطريز .. دانتيل واذا القماش من عنده بعد بيرتفع تقريبا بيطلع علييج الفستان بـ 2000 دينار

والرفاااااااع محل اسمه روماين ديزاين شفت كذا وحده عجبني شنيولها مسوية عنده
وعندج في الرفاع محل اسمه اتليه جون اول لفه في بوكواره كانك رايحه اسواق المتنزه بتشوفينه على يدك اليسار مقابل محل سوارية


اممممممممم هذا اللي في بالي اللحين

تسلمين حبيبتي الله يخليك ويسلمك
ارتحت لمحل الانامل الحريريه بس انا حاطه ميزانيه من 1000ـــ1500دينار