الموضوع: وين مجمع يتيم

اخواني وخواتي لو سمحتوا عندي شغله ابغاها ضروري وقالوا لي انها في مجمع يتيم
ياليت توصفون لي مكان المجمع
وشكرا :114:

مواضيع عشوائيه ممكن تكون تعجبك اخترناها لك:

• حجز شاليه
• سعار البنزين في البحرين ؟
• ماهي الامكان التي تنصحوني بزيارتها في البحرين عائلة
• اريد ان اعرف موقع فالكون تاوربرج فالكون
• المجمعات يوم الجمعه ؟؟؟
• ارجوا المساعدة اريد شاليه في البحرين بمسبح خاص
• بشرى قبل نهاية أكتوبر
• اليت تاور
• شقق اشعة الشمس
• افضل مطاعم البحرين من جاني خبر
• استفساري عن تفويض قيادة سياره ايجار منتهي بالتمليك
• ضيف عليكم يالبحرين
• استفسار عن مقهى إنترنت
• رقم سفريات الجزيرة الصحيح
• ياهل البحرين طمنوني
• رسميا واهو المائيه تخصص مساء الاربعاء للنساء
• زيارتي الى البحرين الاربعاء
• اهل البحرين ما هي اوقات النساء في جنه دلمون
• ابحث عن جامعه معترف بها في مملكة البحرين
• الجفير او المناطق القريبة منها

يا هلا أخوي ..


موقعه في وسط المنامة بالقرب من باب البحرين ..

تاخذ إشارة المرفأ المالي ( جنوب ) ، يعني اذا كنت ياي من جهة ضاحية السيف توصل عند إشارة المرفأ المالي تنعطف يمين على طول ، بعدين تواصل مسافة 100 متر راح تصادف إشارة ضوئية واصلها الى الامام بعدين بعد حوالي 100 متر أخرى راح ينعطف الشارع فيك تلقائياً نحو يمين وراح يدخل مع شارع آخر ( شارع الحكومة ) ، وهنا انت لازم تاخذ الشارع أقصى اليسار بروحه راح يلفك على نافورة باب البحرين وراح تلاحظ البحرين بوضوح ، بعد ما يكون باب البحرين على يمينك واصل إلى الإمام راح تلاحظ شوي زحمة في جميع الأوفات وركز على المنعطفات الي على اليمين لأنها بها الدخلة الرئيسية لموقع مجمع يتيم.

أول منعطف راح تلاحظ عنده إشارة مشى ضوئية اتركه وواصل الى الامام بعد حوالي 300 متر راح تلاحظ اشارة مشاة أخرى على يمينها في منعطف فرعي صغير ( ولازم تمشي في هذي المنطقة بطيئ يعني حول 40 عشان تلاحظ المنعطفات الصغيرة ) .. ادخل المنعطف وراح ينتهي فيك بعد حوالي 100 متر ويتقاطع مع شارع ، خذ هذا الشارع يمين وواصل الى الامام مسافة 300 متر راح تلاحظ مجمع يتيم بوضوح على جهتك اليسار ، وهذي بوابة مجمع يتيم الرئيسية لكن اذا كنت تحب توقف سياراتك في مكان آمن لأن هذي المنطقة تعتبر من أكثر مناطق البحرين ازدحاماً على الاطلاق فعليك أن تنعطف يسار قبل الوصول إلى مجمع يتيم مباشرة لأن هناك مواقف سيارات داخلية في المجمع ..


أحس إني كثرت في الوصف ان شاء الله ما تضيع .. واذا تبي وصف أسهل حاضرين أخوي ..


..

مشكووووووووووووووووووووووووووور أخوي وما قصرت على الوصف الدقيق
الله يعطيك العافيه ويرزقك من فضله يارب
تحياتي

اكيد تعرف بوابة البحرين

اول ماتوصلها اسأل اي واحد بيقولك وين يتيم سنتر

هو قريب من بوابة البحرين بتروح له مشي..........