الموضوع: استفسارات ابغى اقضي يومين سياحية حلوه

السلام عليكم ورحمة الله وبركاته

يالغالين فكرت اخذ المدام للبحرين للترفيه الخميس و الجمعه و فكرت اسكن بالخبر و اتمشى بالبحريين و ارجع

وش رايكم افضل اسكن بالبحريين او امشي على نفس النظام و كيف الاجارات بالبحرين هل هي مثل الخبر !!

+

اتمنى تعطوني برنامج معين بحيث ماتروح الرحلة بدون متعه ابي البرنامج يكون للاسواق و المطاعم و المنتزهات
العائليه ,,
والاسعار تكون بالمتوسط بالنسبه للسكن والمطاعم

وهل الريال السعودي ينفع بالبحرين و ماهو الافضل اصرف بحريني و الا استخدم الريال ولو فيه فرق هو كبير و الا يعني بالكثير 5 ريال

مواضيع عشوائيه ممكن تكون تعجبك اخترناها لك:

• إلى بنات البحرين
• العرين البحريني يطلق حديقة مائية بـ مليون دولار
• هل تم افتتاح فندق مجمع السيتي سنتر
• سؤال لخبراء السكن في البحرين
• إنشاء أول فندق ومنتجع للفورسيزنز بالبحرين
• منتجع سي لوفت البحرين
• مسرحياااات ياهل البحرين
• صرف الدينار مقابل الريال عن طرق ماستر كارد
• محلات العطور
• مشروع سياحي بحري رائد سيتم تنفيذه العام القادم
• ساعدوني يا اهل البحرين
• موقف لسيارتي في البحرين
• السوق الحرة
• مسافر غدا واحتاج مساعدتكم فضلا لا امرا
• هل فندق الشيراتون مجدد؟؟؟؟
• مساااعده يااهل البحرين
• ســـؤالين عــن الـبـحـريـن
• طلب مساعده عاجله من البحرينين
• تنظيم جدول سياحي
• عاجل جدا لأهل البحرين الكرام

المشاركة الأصلية كتبت بواسطة نصراوي top
http://www.arabtravelersforum.com/tr...8/#post4685130

السلام عليكم ورحمة الله وبركاته

عليكم السلام و رحمة الله و بركاته

يالغالين فكرت اخذ المدام للبحرين للترفيه الخميس و الجمعه و فكرت اسكن بالخبر و اتمشى بالبحريين و ارجع

وش رايكم افضل اسكن بالبحريين او امشي على نفس النظام و كيف الاجارات بالبحرين هل هي مثل الخبر !!


الايجارات اغلى شوي من الخبر لكن سعرها فيها و انصحك بالسكن في البحرين لان الجسر الخميس و الجمعة زحمة و حرام يضيع وقتكم رايح جاي و انصحك بالشقق الفندقية الفخمة المنتشرة في الجفير المخصصة للعوائل في منها اسعار رخيصة و نظيفة جدا و مخصصة للعوائل



+

اتمنى تعطوني برنامج معين بحيث ماتروح الرحلة بدون متعه ابي البرنامج يكون للاسواق و المطاعم و المنتزهات
العائليه ,,


سوق المحرق القديم و فيه عندكم محلات الحلوى شويطر و البهارات البحرينية و محلات العطارة الخ و طريقه سهل ما يضيع جسر المحرق القديم تخلي النوفيتيل دانة البحرين يمين و تطول و مع الاشارة تمشي يمين طولي على الخط و تدخل في شارع ضيق فيه مواقف على اليمين بفلوس و لو حاب تشتري اشتري من اخر محل يمين محمد حسن شويطر

المجمعات عندك
الدانة مجمع صغير و حلو و هادئي ( افضل سينما كجلسات ) و فيه فوود كورت كبير و به عدة مطاعم جميلة و متنوعة و كوفي شوب جميل في الدور الارضي

السيف مجمع متكامل و كبير و فيه قاعات كثيرة للسينما و تكون مقسمة سينما 1 القديمة و سينما 2 الجديدة و المطاعم متنوعة جدا في الفورد كورت ( تجمع المطاعم ) و تكون موجودة برضه في الجهتين بالاضافة لمطاعم متنوعة في امكاكن مختلفة مثل مطعم ياباني الدور الارضي بجانب اجمل للعطور و مطعم رانديفو بالدور الثاني عند السلم الكهربائي جهة السينما 2 و الكوفي شوبات متنوعة و يوجد ايضا مقهى اروما في الدور الارضي تحت السينما الجديدة و عنده البيتزا متميزة بالاضافة للازانيا و الكونولولي و يحط لك بارتيشن ( حاجز ) لو اردت الخصوصية

مجمع العالي امام السيف و في نظري ماله اي لزمة الا تميز كوشكات المخلل جميلة و رائعة بالاضافة لمقهى بن ديرة الي جاي على الطرف مقابل للسيف

عدة مطاعم مثل تشيليز و ابل بيز و جوني روكيت في اماكن متنوعة بساحة السيف

البحرين سيتي سنتر و هو امتداد لسلسلة مجمعات سيتي سنتر التابعة للفطيم جميل و منظم و رائع و السينما ايضا جيدة بالدور الثالث لو ما خانتني الذاكرة و ايضا الفورد كورت جميل و من احلى مطاعمه ابو حازم المطعم المشهور بالامارات للمشاوي


عندك بوابة البحرين و تشتهر بمحلات الذهب البحريني الي يجي على لون نحاسي و الجلابيات


عندك الجزر مثل حوار

عندك الشاليهات مثل البندر جميلة و حلوة بس لازم حجز من قبلها


عندك قلعة عراد

عندك جنة دلمون المفقودة الحديقة المائية بس انشطة للشباب فقط

عندك سلاسل المطاعم و الكوفي شوبات المنتشرة على طرف الجفير


مسجد الفاتح الصلاة فيه رائعة جدا خاصة خطبة الجمعة


عندك محل لا تشوكليت فطوره رائع


عندك مقهى ليالي زمان على الكورنيش بجانب يم يم تيري تيري رائع الجلوس فيه اخر الليل هدوء و محترم و اكله المصري جنان خاصة ام علي و السحلب و المشاوي و الفول و الكبدة الاسكندراني







والاسعار تكون بالمتوسط بالنسبه للسكن والمطاعم

وهل الريال السعودي ينفع بالبحرين و ماهو الافضل اصرف بحريني و الا استخدم الريال ولو فيه فرق هو كبير و الا يعني بالكثير 5 ريال




اشتقت جدا للبحرين

اخونا حياه التميز ماقصر وياك بس انا احب احرص على كلامه بالسكن بالبحرين افضل لانه زحمممه لاتطاق بالجسر نهايه الاسبوع اذا تبي فندق سعره مناسب فندق ايواء سعره جيد وافضل منه ايليت سويت لكنه اغلى بشوي

الأخوان الغاليين ما قصروا ..

حياك الله أخوي .. والسكن في البحرين أكيد بمليون مرة أفضل من الخبر إذا كنت تقصد الترفيه والسياحة في البحرين لعدة أسباب أولها زحمة الجسر اللي ما ينعرف لها .. ساعات خفيفة وساعات كبيرة جداً يضيع وقتك بها ,

الفنادق في البحرين كثيرة جداً .. وعندك منتجعات سياحية رائعة تطل على البحر .. يا ليت نعرف ميزانيتك بحدود كم .. وعندك فنادق عائلية كثيرة ومناسبة جداً للعوائل ,

المناطق الترفيهية كثيرة والأخوان ما قصروا وخلال يومين راح يكون برنامجكم مزدحم حاولوا تصحون من الصبح على أساس يتم استغلال البرنامج أفضل استغلال ,

أنصحك بأنك تاخذ المدام على الغدا في إحدى المنتجعات الشاطئية مثل ذا دراغون أو سي لوفت جزر أمواج ,

أوقات سعيدة ,

شوووف خلك على الريال السعوودي ماشي ما في مشاكل
و الاماكن السياحية شوووف توقيعي ( رحلتي الي البحرين )