الموضوع: ساعدوني يابنات الكويت

ابي اسماء الاسواق مع عناوينهم بس مابي مجمعات ابي تقليد الماركات ابي الصناعه الكويتيه ملابس وشنط بس ابي اشياء حلوة وكشخه وذوق الماركات والمجمعات وايد عندنا ابي الملابس الكويتيه والجلابيات وسوق الجمله شنو عنوانه لاني ابي اجيب بضاعه من عندكم ولكم جزيل الشكر

مواضيع عشوائيه ممكن تكون تعجبك اخترناها لك:

• ابي شقه في السالميه ومالقيت
• عراقيه زوجه خليجي
• صور زيارتي ل مطعم أبو شقرة
• غترة بيضاء فاخرة أين أجدها ؟
• افتتاح أكبر فندق ومنتجع موفنبيك البدع في الكويت
• الفزعه يابنات الكويت
• استفسار عن طبيب بالكويت
• موفينبيك البدع لا تقربه
• تقرير مصور عن فندق جديد المنشر
• منتجع المسيله هل افتتح ؟؟
• فنادق و شقق فندقية و أسعار و رايكم شباب ؟
• الرحلة العائلية السريعة للكويت وهذه الانطباعات
• كم المسافة من الكويت للرياض والقاهرة
• فين الاقي ماركة رالف لورين بولو ولاكوست
• ليه ياأهل الكويت؟؟
• اخبار جى دبليو ماريوت الكويت
• أحتاج الى مساعدتكم أيها الأخوة والأخوات
• سفرة خطافية
• مطعم تاكو بيل ومطاعم
• سوق واجف و الزيارة اليتيمة

هلا اختي سماء الليل



اذا تبين تقليد الماركات عندج مجمع المغاتير بالفروانيه وعندج بعد مجمع المثنى بالعاصمه ورا مجمع الصالحيه وفي بعد بسوق المباركيه بسرداب الشايع

كلهم تحصلين فيهم محلات تقليد الماركات

(على فكره مجمع الصالحيه فيه الماركات والبوتيكات الاصليه مثل ديور وشانيل وال في وايف سان لوران و....)


واذا تبين جلابيات وملابس كويتيه عندج مجمع الاوقاف بالعاصمه ومجمع العربيد بالفروانيه وعندج بعد المعارض مثل بيت ديفا وكاريزما وبيت الشرق مقابل سوق شرق بجانب المستشفى الاميري وعندج بعد بيت ديما وبيت بدره بالعاصمه ورا الكنيسه وعندج بعد بيت لوذان بالسالميه بجانب المارينا مول


وفي بعد معارض ومشاغل نسائيه تكون داخل البيوت اذا بتقعدين مده يمدي يسوون لج



واذا تبين خام وكلف عندج مجمع البلوكات بشرق شارع احمد الجابر


عندنا وايد اسواق جمله نسميها اسواق شعبيه في عندج سوق المباركيه وفي عندج السالميه القديمه وفي عندج سوق السالميه الجديد داخله سوق المعلم وعندج بعد مجمع النقره بحولي وعندج بعد دريم مول بالري


ولاتنسين تزورين الافنيوز والمهلب والمارينا والكوت



اتمنى اني فدتج واي خدمه احنا حااضرين ؟؟

هلا و الله

بالنسبة لمحلات تقليد الماركات باسعار رخيييصه تلاقونها بسوق المباركية (( سرداب الشايع )) فيه كل شي جمله و مفرق باسعار الجملة حتى العطووور و الملافع و الدراريع ارخص .. و كاسرووهم لانهم يتكاسرون و يرخصولكم بالسعر ..

اما اذا تبون اماكن ثانية .. عندكم سوق السالمية الاحمر تحصلون فيه محلات بعد دراريع و كل شي بس اغلى من سرداب الشايع و المباركية ..

و عندكم الفروانية للدراريع .. مجمع العربيد يفصلون فيه عبي و دراريع باسعار زيده و تكون مدة التفصيل عادة باسبوع ..

و مجمع الاوقاف متخصص للدراريع الكشخة الراقيه و الاسعار من متوسطة الى مرتفعه ..

و في اماكن عندهم ستوكات الماركات ...

مثل سوق سيتي بالاس تحصلون فيه ستوكات الماركات و مكانه بمجمع الايوب بحولي بالسرداب بس وااايد حلو

و عندكم بعد فاشن مل نفس الشي .. و مكانه بالسالمية بمجمع منيرة التجاري مقابل المارينا مول ..


اما المجمعات الكبيرة .. اكبر مركز تجاري بالكويت و الشرق الاوسط (( الافينيوز )) فيه وايد ماركات و شااامل لاغلب المحلات الممتازة و فيه الكارفور بالاضافة لمطاعم روعة ..

مجمع المارينا مول .. من اشهر المجمعات بالكويت

و عندكم بعد مجمع المنشر من احدث المجمعات بعد و هو تابع لمجمع الكوت الجهة الثانية في الفحيحيل ..

تلقين التقليد بكل مكان
مثل ما قالوا خواتي
عندج...المهلب
الفنار
الافينوز
المباركيه
العربيد بلازا
الحمرا مول
مغاتير
لا تنسين التقرير والصور الحلوه

الف شكر لكم جميعا اختي روان وموني والمرام وانشاء الله يمديني الف كل ها الاسواق انا كنت اول اروح بس مارينا مول وشرق والمعلم الحين افدتوني كثير انا بصراحه احب البضاعه الكويتيه من ملابس البيت وبعد البلايز والجنزات وايد حلوة عندكم والاكسسوارت اشوف صديقتي تشتري من الكويت وايد ملابسها حلوة ورخيصة الف شكر للكم

العفو اختي سماء الليل




واي خدمه احنا حاضرين ؟؟



لايردج الا كيبوردج



وياهلا فيج بالكويت

تعرفين شقق رخيصة ونظيفه في السالمية غرفة وحده مو اكثر من25 او 30 دينار

اممممممممم

شقق والله مادري

بس تبين رايي احجزي من عندكم شقه ليوم واحد

من اي مكتب سياحي

واذا وصلتوا الكويت لفوووو

الشقق كثيرة واسعارهاا متفاوته

وممكن تلقون اقل

وتطولون عندنـــــــــــاااا


الف هلا وغلااا حبيبتي

السلام

عندك شقق بودل الفندقيه ذاك الأسبوع كنت هناك لمدة يوم الصراحه روعه الغرف علي 20 و25 و40 و 50

بس الصراحه وااااايد نظيف

هذي بس اللي اعرفه


اختك ام فهد

الف شكر للجميع شقق بودل وين موقعها بالضبط واسعار الغرف تتراوح بالنسبة لايش

المشاركة الأصلية كتبت بواسطة رحــــال
http://www.arabtravelersforum.com/tr...7/#post1212077

هلا اخوي اعتقد ان هذا العرض مناسب والشقق جيدة وموقعها ممتاز بالعاصمة





هذا رد الاخ رحال لاحد الاعضاء المستفسرين
بالتوفيق حبيبتي...ولا تنسين التقرير

اخوي فرومورك ملابس حق السفر او حق المحجبات

ماتحتار في الكويت وجميع المقاسات متوفرة

وبتحصل هالمحلات في سيتي سنتر السالمية

و كويت ماجيك في بو حليفة

ويفضل عشان تكسبون الوقت علطول تروحون كويت ماجيك اول ماتوصلون يعني قبل ماتروح الفندق

لان المنطقة اللي فيها المجمع بعيدة نوعا ما عن داخل الكويت

بالافنيوز تحصل عند محل سفيره



وعندك بعد المهلب محل اوكسجين وانوتا


وحياكم الله بالكويت

ادعوكم اخواتى و اخوانى لزياره محل اسمهhouse On Mars و عنوانه بالسالميه فندق السالميه بالاس بجانب جاليريا 2000 المحل يجيب بضايع تقليد درجه اولى و مسوى اطقم مواليد ديور شى فريد من نوعه و بلاضافه الى ربطات اليد الجوتشى و الارمانى و شغلات وايد وايد :108:تقدرون تدقون على المحل 5751700-00965 و المحل عندا فرع فى حولى منتزه حولى بارك

السلام عليكم أخي fromworkبالنسبة للبلايز الطويلة تلقاها في سوق شرق في محل أسمة riva و choiceتوني شارية منهم وايد حلوين ومقاسات مختلفة بالتوفيق

هلا حبيبتي سماء الليل

عندج سوق الجملة بالفحيحيل مقابل مجمع المنشر

اما تقليد الماركات يقولون في الفروانية اكثر شي

اما البضاعه الناس عندهم احسن شي الخامات اليديده

اما الجلبيات والشغلات هذيلا في مستورة و مسروره يمكن تعجبج لان فيه موانئ للمطبخ وملابس كبار وصغار واللي تبينه وشكــرااا

مراحب لندنيه وين يقع مستوره ومسروره

هلا اختي اسمحيلي اجاوب عنهااااااااااا

مستورة ومسرورة بالفحيحيل عند الدبووووووس حوالية اسالي والف واحد بيدلج

لان واحد منهم مكانه واضح اما الثاني تلاقين اعلانه فوق وراح تدلينه على طووووووول

قريب من اجيااااااااال

^_^ بالتوفيق

آسفه على المداخله بس ماقصرتوا والله

الله يعطيكم العافيه

بليز عايزه اعرف اماكن ستوكات الماركات ف الكويت بتكون فين؟؟
يعني البضاعه بتاعت زارا و جس وغيره اللي بتتشال ف السيل عشان ينزلوا الموديلات الجديده المفروض ان فيه امكان بتاخدها وتبيعها بسعر اقل زي out let كده ممكن اعرف بتكون فين ضروري من فضلكم؟
وشكرا مقدماً❤