الموضوع: ابي فزعتكم يابنات الكويت

اهلين بنات اخباركم ..
ابي فزعتكم معي انا انشالله جايه لكويت هاليومين ابغى اجهز لزواجي و ابيكم تفيدوني بمحلات الفساتين والبدل وبعد ابغى محلات شناط وشناط السفر وتكون اسعارها حلوة لان عندنا بالسعوديه مرره غاليه ومو غريبه .
الله يخليكم دلوني والله يجزاكم الجنه يارب..

مواضيع عشوائيه ممكن تكون تعجبك اخترناها لك:

• عندي سؤال صغينون
• شقق مفروشه في السالميه او الكويت العاصمه
• بخصوص حفلات هلا فبراير
• المسؤول عن السياحة بالكويت
• توهقت ساعدوني عاجل جداااااااااا
• جايكم اخر الاسبوع وعندي استفسارات
• هل يوجد مراكز مساج
• كويت العرب اتمنى ان ازروك
• صور زيارتي لمجمع البيرق
• انا عراقية مقيمه في السويد كيف احصل على فيزا سياحة الى دولة الكويت
• أحبابنا في الكويت هنيئاً لكم صوت الشيخ ناصر القطامي
• طلب شقة فندقية
• احسن فنادق الكويت ؟
• ابحث عن شقق مفروشع راقيه جدا بلييييييز
• استفسار عن سكن للعزاب
• أول فرع لمطعم زافران في الكويت
• ملف شامل لـ مطاعم الكباين بالكويت
• سؤال للي جرب طيران الجزيرة
• استفسار عن الشاليهات بالكويت
• تعااااااااااااالوو بشااااااااوركم وخاصه البنات

السلام عليكم

اختى مبروك الزواج


الحمرا مول و العربيد بلازا بالفروانيه بالنسبه للبدل و الشنط و فساتين سهره

و النقره الشمالى و الجنوبي و مجمع المهلب بحولى للبدل و الحقائب اليد

و سوق السالمية بالسالمية للبدل و الحقائب اليد

سوق شرق للبدل و للحقائب اليد و الجواتى تكرمين

اتمنى تكون معلوماتى كافية

أولا مبروك زواجكم...
بالنسبة للفساتين تجدينها بأسعار جيدة وبالتصميم الذي تريدينه بمنطقة الفروانية......
وبمجمع العنود والدبوس بمنطقة الفحيحيل ....أما بالنسبة لحقائب السفر كذلك تجدينها بأسعار مناسبة بمنطقة الفحيحيل..
أتمنى أني أفدتك

حياج الله بالكويت
بالنسبة لفستان العرس لا تستعجلين سوي نفسي أنا أول شي رحت كل هالأماكن بعدين قررت شوفي راح تلقين فيه محلات وايد بالشارع اللي خلف مجمع النقرة الشمالي والنقرة الجنوبي بمنطقة حولي و تراهم أرخص من منطقة الفروانية اللي ذكروهم الأخوات سابقا ً بس هم شوفي الفروانية يمكن يعجبج أكثر و روحي شوفي المصممة أديبا المحبوب لأن مسوية عرض على الفساتين هالشهر ب 350 دينار مع المسكة ، بالنسبة لملابس السهرة و الشنط إن بغيتي ماركات معروفة مثل ديور وفندي وشانيل وغوتشي راح تلقينهم في مجمع الراية والصالحية ومجمع زهرة وفيلا مودا(بالنسبة لفيلا مودا هو مجمع بروحه في المنطقة الحرة وهو وكيل ماركة غوتشي و برادا وإيف سان لوران وسلفاتور فيرغامو و دي أن جي و وايد غيرهم ومرتين بالسنة يسوي تنزيلات تخيلي الجناط والأحذية بهالماركات تصير نص السعر بس ألحين ما عندهم تنزيلات المهم هالأماكن اللي ذكرتهم راح تلقين فيهم بعد ملابس سهرة بس واااايد راقية ولمصممين عالميين مثل إيلي صعب ريتشارد الطويل وغيره وبمجمع البستان في محل روعة لملابس السهرة ويجيب من كل قطعة وحدة بس وتبعه محل جنبه لملابس العرائس وهو لمصمم عالمي بس مو ذاكره إسمه أنا شريت منه مره وفستانه كان عجيب غريب ولايطوفج مجمع ليلى غاليري بالطابق الأول لأنه شغلاته وااااااااااااايد أرقى و أحلى ، من سوق النقرة الشمالي والجنوبي لأن أنا عمري ماشريت ملابس السهرة من النقرة الشمالي والجنوبي لأن أكثر موديلات المحلات مسروقة وخاماتهم رخيصة وتلقين بالحفلة أكثر من بنت لابسه نفس الفستان بس لون غير ، وللدراعات عندج مجمع الأوقاف بمنطقة مدينة الكويت وأنسام الخلف بمنطقة الجابرية ومجمع العربيد بالفروانية وعواطف الحاي بمجمع غاليريا بالسالمية ، وإن بغيتي جناط وصنادل مو ماركات عندج مجمع الإفنيوز والمهلب وسوق شرق عندهم أشياء حلوة وبأسعار معقوله وحياج الله مرة ثانية وسوري دوختج معاي بس والله قاعدة أحاول أفيدج كثر ما أقدر .

اولا احب اشكر كل من شرف موضوعي ورد علي وابشركم رحت الكويت والحمدلله تقضيت منها اشياء كثيره وحلوة والله وكل المحلات اللي ذكرتوها لي رحت لها والله يعطيكم العافيه وماقصرتوا..