الموضوع: فوق المحيط قصتي في نيوزلاند

السلام عليكم ورحمة الله و بركاته ابشركم يا اخواني اني وصلت نيوزلاندا وانا مرتاح و مستانس و احب اوجه شكر لكل اصحاب المنتدى و شكر خاص الى العندليب و كوجك و ميقالوا و كل الذين وجدهوني و ما قصروا معي في اعطائي معلومات عن نيوزلاند و انشاء اله خلال ها الاسبوع راح اقولكم على تجربتي و قصتي من الرياض الى نيوزلاندا و عندي صور راح انزلها لكم في الوقت المناسب
شكرا

مواضيع عشوائيه ممكن تكون تعجبك اخترناها لك:

• استفسار بسيط
• ممكن فنادق اسعارها معقولة اسبوعة اوكلاند
• كيفاعرفالمعاهدالمعترفبها
• اكثر من معهد في انحاء نيوزيلند لايفوتك
• هل يوجد مثل هذا النوع من المعاهد في نيوزيلندا
• الى محبي نيوزيلندا فيزة الكويتي الأسعار ؟؟
• مساعدة ابي فندق في كرايست شرش
• الله يوفق اللي يساعدني
• شهر العسل في نيوزلندا
• محتار في دراسه المحاسبه بين نيوزلاندا وا
• ما هي المسافه؟
• تذاكر السفر ؟؟؟؟؟؟
• الـــخطوات التي نعملها من أول يوم نضع فيه رجلنا بــأمريكا المبتعثين شاركونا
• ياشبــاب الملحقيه الثقافيه وش قصتها؟
• ابلكيشن ترانزيت استراليا
• مفاجأة في عيد الحج رجاء المساعدة
• انا والفتاة ونيوزلاندا قصـة خياليـة
• نيوزلندا بين زيارتين شاهدوا الفرق
• الدكتوراة
• الي المتألق دوما

رحلة موفقة بأذن الله ....

اتمنى ان تحصل على كل الفائدة منها

بالتوفيق

الحمد لله على السلامه
والله أنه هاليومين أفكر فيك أقول وش صار عليه
الله يوفقك يالغالي وتستفيد من سفرتك
وترجع لنا بالسلامه
وبعدين وش أخبار النت خابر العائلة اللي بتروح لهم ما عندهم نت
عسى ضبطت الامور معهم

موفقين أخوي وان شاء الله تنبسط عالأخر

تحيتي

انا استخدم النت الي في المعهد قربت اخلص الحلقة الأولىو ترى اسمعوا لا تدققون ف الوقت لأني بعض الاحيان انسى متى الوقت (بعض الاحيا بتوقيتهم و بعض الاين بتوقيتنا)

الحمد لله على السلامه

موفق خير أخوي.....
تراني ماني بعيد قريب واجيكم بس زينوا الأمور بالذات الإستقباااال
أبي شيء ملكي مو أي كلام


لا تنسى تقرير الدراسه

الله يحيك . بالنسبة للتقرير قرب يخلص ان شاء الله تلاقونه جاهز ي الويك اند او قبله بشوي

الجزء الاول : يوم السفر
كنت اعد ما بقالي من ساعات و دقايق و ثواني و ماني مصدق ان اليوم الي انتظرته في حدود 6 شهور ما بقى عليه غير دقايق فكنت اسرح بفكري بعيد و ساعات اتخيل البيت بدوني و اتخيل هل الرحلة بتكون سهلة او بتعب فيها و اتقروش و ساعات اتخيل انهم يرموني في سجن غوانتانموا كنت اشوف نفسي لابس البرتقالي لبس المساجين في غوانتانمو و ساعات احط نفسي مكان في سجن غريب و تنتشر صوري و انا اتعذب فيها في السجون لكن قطع الوالد هواجيسي و افكاري الكارتونيه و قالي استعد يله بنمشي ركبت السيارة و حطيت شنطتي و رافقوني الى المطار اللمك خالد كل الاسره (امي و ابوي و اخواتي ) ليودعوني و بكوني الولد الوحيد حسيت بدموع الوالده تلمع في عيونها لأن هذي اول سفرة لي و لحالي و لمكان بعيد في اخر الدنيا .كلها كم دقيقه الا و حنا في المطار تقدمت الى كونتر الخطوط الاماراتية عشان احط شنطتي و اشحنها على الطيارة و استقبلها مره وحده من كرايس تشيريش وكنت متوقع ان وزنها راح يكون كبيرررررررررررررررررررررررر مره .طلع وزن شنطتي 41 و المسموح فيه تقريبا حول 31 و تقلب وجه الرجال و سألني انت بتقعد كم هناك و جاوبته و علامات الاحباط و الاحراج تغطي ملامح وجهي : ايه راح اجلس لعشرة اسابيع ان شاء الله . سكت شوي الرجال و قال : لازم تشيل 10 كيلوا من الشنطه وتحطها في شنطة ثانيه و تدفع على كل كيلوا 100 ريال . لم اكد ارد علية حتى قطع ابوي حديثنا وقال لراعي الكونتر هو مجرد طالب يعني المفروض تساعدونه . بعد عدة محاولات بائت بالفشل الذريع اقتنع ابي ان انقص من الشنطة . رجعت و انا اجر اذيال الهزيمة و نقصت من العفش قدام العالم و قعدت في وضع محرررررررررررررررررج و انا طلع الملابس المهم بعد ما طلعت الملابس رجعت مستانس و قالي نقص 5 كيلو زياده لأن شنطتك كذا محد بيشيلها لك رجعت مرة ثانية وقعدت انقص و انقص و انقص و انا احس اني برجع البيت و اترك السفره و في المره هاذي قلي : وش كنك سويت نقص زياده و قتها انا وصلت حدها معي 3 مرات و انا رايح راجع انقص و هو يزيد في الوزن و قلت له يعني تبيني اروح مفصخ ولا ايش ترا الديرة الي ابي اروح لها برد و ثقل الشنطة ما جا من كثر الملابس جا من ثقل الملابس الشتويه . المهم هالمره قال ولو ان باقي كيلوين زيادة لكن نحس اننا تعبناك فراح نمشيك ( وقتها عطيته نظرة كذا :105: )و الله و شحنت الشنطه و ختم الجواز و قعدت انتظر رحلتي الى دبي جلست في صالة ةالانتظار و انتظر و انتظر و انتظر الى ان مل صبري شوي و هم يقولون الطيارة تأخرت (كان المفروض اقلاعنا 9 لكن ما حركنا الا 10 ونص ) و صلنا دبي تقريبا الساعة 12 بتوقيت دبي نزلنا و ركبنا الباص و كان معي واحد ىسعودي بيروح استراليا يدرس ثاني يوم الساعه 7 و انا رحلتي الترانزيت الساعة 9 على ما اذكر المهم و حنا في الباص كان في محطتين الاولى للي عندة ترانزيت مواصلة بعد ساعة او ساعتين والمحطه الثانية للي يبي دبي انا ما انتبهت الى الرجال و هو يعلمنا بالمحطتين و ما نزلت مع المحطة الاولى من حسن حظي اني لازم انزل في الثانية يعني توني بحط رجلي و انزل على المحطة الاولى إلا و سواق الباص يسكر الباص و ما خلاني اطلع قعدت اضغط اضغط اضغط في الازرار و لا حياة لمن تنادي.ناظرت السعودي وقالي خلنا ننتظر واذا وصلنا الثاني نسأل عن الفندق قلت يله شورتك وهداية الله و نزلنا في المحطة الثانيه و رحت سألت الي يشتغلون في المطار وعطيتهم ورقة الفندق و علموني الدرب بعد ما اتعدى الجوازات و الجمارك .عند الجوازات الموضف الي يختم لي سألني انت من اي دوله انا استغربت كيف هو خليجي و ما يعرف الجواز السعودي يعني معقول ما شاف السيفين و النخله و لا قرا الدوله في الجواز .المم بعد التختيم والجمارك رحت عند كاونتر الفندق و قلي انتظر شوي الى ان يوصل الباص رحت الكرسي و توني ابي اجلس الا و هو يناديني و يقول ترا الباص جاهز طلعنا بذا الحر و الرطوبه الي في دبي وركبنا الباص و توجهنا الى الفندق دخلت غرفتي و عطوني ورقتين ورقه فطور مجاني و الثانية اي ساندوتش مجاني و انا في الغرفه صليت ركعتين وطمنت اهلي علي قعدت اتفرج على التلفزيون الى ان جاني النوم و نمت .و لما صحيت قبل موعد الرحلة ب 3 ساعات تجهزت و صليت الفجر و نزلت اللوبي و فطرت الفطور المجاني الي كان مرررررره لذيذ و عدلت مزاجي بذاك الشاي و ذاك العصير و مخمخت الا و جا الباص الي يودي على المطار ركبت و قعدت شوي الا وانا واصل المطار . بعد ما ضعت في المطار لأني ما ادري وين مكان الرحلة سألت واحد يشتغل و دلني و تعديت الجوازات و و التفتيش و ذاك السيب الالي الطويل و كان في عجوزتين هنديتين لابسين العباية و النقاب الأماراتي ما يعرفون يمشون على السير الألي و سولي كم حادثة كم مره صدمت فيهم ؟ الله اعلم .كم مرة طيحو العالم معهم ؟ الله اعلم .الى ان وصلت السوق الحرة وقعدت اتمشى و اتمشى و اتمشى و أسأل عن البوابة السفر (لم تكون مكتوبه في البوردنق ) شاف الرجال مواعيد السفرات و علمني رقم البوابة و عرفتها و رحت عندها وتكيت شوي اتفرج في الناس الرايحة والي جاية و اتخيل كالعادة , اشوف هذيك الخالة الي تتميلح كأنها نعومي كامبل و ذيك الخالات الي الي مطلعين الشوشة المنفوشه و صابغينها موفي (بنفسجي) كأنهم ايس كريم بالزبيب و و عليه خلطة موفية كلها نص ساعة و قفت في الطابور حق رحلتنا و قصيت البوردنق و ختمت الجواز وو دخلت صالة الانتظار .
الى هنا و نصل الى نهاية الحلقة , اتمنى انكم استمتعتوا معي و انتظروا البقية وشكرا

يعطيك العافية
بس لاتتأخر علينا بالجزء الثاني واهم شيء الصور
تحياتي لك أخوي

يعطيك ألف عافيه أخوي سلطاااان

والله وإنت صادق إن أكثر شيء يأثر عليك بالسفر إنك تسيب أهلك
بس الله كريم وانا أخوك ....

وننتظر جديدك

اخي سلطان سوف نكون ان شاء الله مع مجموعة من الطلبة يوم الاحد في اوكلاند .

هل من نصائح خاصة تسيديها لنا .

الكمبيوتر هل يجب ان يكون كل شيء اصلي . هل هناك تعلميات خاصة .

في مشاكل في المطار .

بارك الله فيكم .

حلوة قصتك يا سلطان، بس ياريت تغيير الإسم إلى سلطان الذكر بدل سلطان الطرب وجزاك الله خير.

ودي اغير اسمي بس الحين مقدر بعد ما وصلت ذا العدد من المشااركات _نخلي الاسم مجرد اسم_و اذا بغيتوا ترا اسمي نايف (نادون باسمي اذا تبون)

و بالنسبة للكمبيوتر (ابتسم لهم و يمشونك انا ما فتشوا الكمبويوتر مع ان الوندز مو اصلي الي عندي)

المشاركة الأصلية كتبت بواسطة سلطان الطرب
http://www.arabtravelersforum.com/tr...9/#post1337849

ودي اغير اسمي بس الحين مقدر بعد ما وصلت ذا العدد من المشااركات _نخلي الاسم مجرد اسم_و اذا بغيتوا ترا اسمي نايف (نادون باسمي اذا تبون)

و بالنسبة للكمبيوتر (ابتسم لهم و يمشونك انا ما فتشوا الكمبويوتر مع ان الوندز مو اصلي الي عندي)



أعتقد أنه ممكن يغيرون اسمك بدون ما تفقد مشاركاتك في منتدى الدعم الفني
أما بالنسبه للكمبيوتر أعتقد جميع دول العالم ما يفتشونه لأنه حاجه شخصيه
والله يوفقك يارب

يعني الكلام اللي نسمعه عن تفتيش البرامج غير صحيح؟ ممتاز.

الحمد لله على السلامة

الحمد لله على السلامه يانايف

مادري وشلون الجو هناك
وماهوا افضل معهد بنيو زيلاندا وعن طريق اي مكتب بالرياض طلعت
وبالنسبه للفلوس وشلون تصرفت وهل تقدر تسحب ببطاقة الصراف هناك عادي

ومشكوووووووووووووووور

اولا الحمد لله على السلامة والله يوفقك

انا كمان ابغى اسال عن المكتب وكم تكاليف الرحلة وكيف الاجواء

وشكرررررررررررررا لك

ومنتظرين تكملت قصتك

الحلقة الثانية : الرحلة الطويلة
في صالة الانتظار جلسنا تقريبا نص الساعة او اكثر , ما اذكر بالضبط و كنت انا اول من دخل صالة الانتظار و بدوا الناس بعدي يكثرون و يكثرون يوم شفت نفسي العربي الوحيد في صالة الانتظار جاني شعور بالراحة ممتزج بملعقة خوف من الرحلة الطويلة إلى ان جا واحد خليجي معه عود و عائلة خليجة . كنا متوزعين في الصالة لكن الشيء الذي شد انتباهي وملاحظتي اننا نحن الخليجي القلة في الصالة كل منا قاعد في حالة بس جالسين وساكتين لكن الاجانب كل منهم معه كتابه ويقرا فيه بتمعن و انسجام _وقتها دركت لم هم سبقونا بكل شي _ و انا اتلفت في وجيه الناس و احاول ان اقراء افكارهم _في خيالي الواسع _ لفت انتباهي واحد نيوزلاندي مربي لحيته وقتها اتبسمت و قلت : ما شاء الله الرجال عرف الحق واتبعه .,و ادعيله بالثبات على الحق و يهدي من معنا من في الصالة الى الحق .
كلها لحظات الا و فتحوا ابوابه استعدادا الى تقدم الوفود الى الطائرة و كالعادة الخطوط الاماراتية تحب التأخير ما اذكر مره خلال رحلتي اننا اقلعنا على الموعد. دخلنا الطيارة وانا اودع ارض العرب التي ترعرعت فيها , ودعت ارض الخليج و ركبت الطائره و انا اتارك ورائي ذكريات و أحباب . ركبت الطيارة و دلوني على المقعد الي للأسف ما كان قريب من النافذه كان على يساري واحد استرالي و بنت نبوزلاندية صغيرة وامها كنا كلنا و جهتنا كرايس تشيرش بدأ الكابتن بالاعتذار على التأخير كالعادة. و كنت اقضي هذي اللحظات بدعاء السفر عسا ربي ان يوصلني بالسلامه و يكون خليفتي في أهلي , و بدت الطيارة في الارتجاج و التأهب الى المدرج و انا افكر يا ترا هل بيكيفي الوقود و لا بنطيح في المحيط ونغرق او نطيح في جزيرة مجهولة مثل المسلسل المعروف (لوست) , و بدت الطيارة تسابق الريح و تزداد سرعتها كلما تعمقت في التفكير .
مرت ربع ساعة منذ اقلاعنا في الجو و بدات الانوا تضيء و بدأت الشاشات بالتوهج بالاعلانات و مفصحتا عن 300 فلم و 500 قناة و دبت الحركة في الطائرة و الخدمة الراقية الي هي احسن من خدمة بعض الناس انتو عارفين من هم شفت اول فلم و شربت لي شاهي و نمت و نمت وفجأة صحيت وقلت خلني اصلي الظهر و العصر جمعا وقصرا دام في اشارة وجهة القله لكن قلت اصليها على اي توقيت ؟ توقيت الرياض _ توقيت دبي _ توقيت استراليا و جت في راسي فكرة رياضية من الرياضيات و جمعت عدد ساعات الرحلة زائد فرق الوقت بين دبي و استراليا و قسمتها على اثنين و عرفت المتوسط لكنا للأسف فكره فاشلة , و لقيت حل اكثر تطور و هو اني اشوف الشمس و فعلا كانت شبه فعالة لأن الغيم تحتنا و قمت و صليت و تحمدت ربي و اشكره وادعوه ان ييسر لي الرحله وييسر لي مشاكل مطار كرايس شيرش زي ما صار لواحد من الاخوان معنا هو في المنتدى و غصت في محيط خيالي و حاولت استرجع دروس الجغرافيا حقت صف خامس ابتدائي كيف ارسم خريطة المملكة و عدد دول مجلس التعاون و اضيف عليها بعض الاشياء الي هم يحبون يسمعونها يعني عشان اثبت لهم اني ماني ارهابي (كما هو في وجهة نظرهم ) . و كنت احاول اتدرب كيف اتغلب على جهاز كشف الكذب فكنت تارة اتدرب على العيو البرئيه المليئة بطيب الطفوله و دموع العذاراى و نمت مرة ثانية و صحيت و حسيت ان الوقت راح و ضاع و قمت سألت الرجال كم باقي _ كنت توقع 5 ساعات او 6 ساعات _ فاجأني ب 13 انا بلهت او كما يقولون في الجنوب (فغرت) و رجعت الى كرسيي الوضيع و قعدت حرك اقدامي _ اعزكم الله_ لكي ما تتورم او يتجمع الدم فيها و شفت لي كذا فلم زيادة و جت الوجبات الطعام الي مدري وش هي فطور او غداء او عشاء المهم ان وجباتهم كنت من ألذ الاطباق و جاتني المضيفة و سألتني : وش تبي تشرب , قلت لها وش عندكم من مشروبات , ردت علي بكل ثقة : تفاح و برتقال و كوكتيل ومويه و ببسي و ميرندا و بيرة انا وقتها انقلب وجهي و طلب ببسي دايت الي كان الذ من الببسي الي في بقالاتنا (الببسي الي الغازات حقتة ما تروح و طعمة يوديك فوق السحاب _ مع اني كنت فعلا فوق السحاب ) و المحيط تحتنا يعني ما كنت مصدق اني معلق بين السماء والارض و شفت فلم زيادة و فلم غير و نمت و تقلبت و صحيت وكليت من ذا الاكل الي يجنن و رجعت وشفت فلم و قمت اصلي المغرب والعشاء الا و يصير هذاك الشي الي وقف قلبي عنده , الطارة بدت تهتز في الجو و قتها انها ربطت الحزام بقوه وقعد ادعي واتشهد و استغفر . مدري وش صار يمكن في احد خطف الطيارة و بنصدم برج اتجارة العالمي مره ثانيه _كالعادة افكاري البنوراميه_ او دخلنا مجال مثلث برمودا _ كان الشي الوحيد الي تخيلته في ذي اللحظه _امي و ابتسامتها الي زينتها دموع لحظة وداعنا في المطار الا و يقولي الرجال ا تخاف هذي مطبات هوائية ( غريبة حتى في السماء في مطبات ) صدمنا في كذا مطب الى ان هدا الوضع و كنت كل شوي اشيك على الخريطة و خط السير في القناة ( كميرات الطيارة) الا و هذيك هي قارة استراليا تحمدت ربي و نمت مرة ثانية الين النوم والافلام طفشوا مني و كانت كل ما تجي وجبه الرجال الاسترالي الي جنبي يطلب نفس الطلب الي اطلبه و هو ياكل ويرجع ينام _ كنت كل ما نقرب من استراليا _ يزيد خوفي من الأجرائات الأمنيه في محطة المطارين القادمين و كل مالها تقرب استراليا و اخيرا و ليس اخرا قطع المسافه الكبيرة و هذيك هي سدني بدت تقرب ,و ظمنا مطار سدني الدولي الى صدره البارد و اخيرا عانقت طائرتنا الأرض بعد طوووووووووووووول غياب و بدأ الناس الي نازلين سدني بتعبئة استمراتهم و نزلنا من الطيارة و كانت سدني مدينة خيالية و كنت ما اعرف شي في المطار عشان كذا جاتني فكره اني الحق خويي الاسترالي لأنه بيروح معي كرايس تشيرش و لصقت فيه و قالة موظفة المطار العجوز : الى بيروح سدني على اليسار و الي عندهم ترانزيت(مواصلة) الى كرايس تشيرش على اليمين و قابلت خوينا النيوزلاندي الملتحي مرة ثانية كان وراي هو في الطابور و قدامي الاسترالي الي بلحقة و قال موظف الجمارك: الي معه لاب توب يطلعه ويحطه في ذي العلبة البلاستيكيه ( انا خفت و قلبي طاح بين رجولي ) لأن نسخة الفيستا مو اصلية و قعدت اتحسف و اقول يا ليتني سامع كلام خويي الي في المنتدى و شريت اصليه او يا ليتني ما مسحت الاكس بي ( حسيت بقيمة الاكس بي ) قلت خلني اتبسم لهم بابتسامه تبعث الامان في قلوبهم و لكن لا حياة لمن تنادي ما يبيون احد يتبسم و وجيهم يابسه تقول كأن الواحد فيهم متضارب مع زوجته , واستسلمت و حطيت الاب توب و دخلوه الجهاز الاشعه و مشوه وراتحت شوي و فتشوا الشنطة الصغيرة الي معي وشافوا جوازي و تأكدوا من فيزتي (التأشيرة) الى دخول استراليا _ المشكله اني ما طلعت من المطار _و الي يخلص من الجمارك و يطلع فوق فو صالة الانظار الثانية و حولها الدوتي فري (السوق الحره ) توني مخلص الجمارك و من الخوف ما عرفت وين اروح مع ان الدرج قدامي و سألت الرجال حق الجمارك وين اروح الا و الرجال يتقلب و جهه و ينافخ علي ( انت وش جابك هنا ؟؟) الا والاسترالي الي كان جنبي في الطيارة يأشر لي و يقول للجمارك هذا معي و قتها قلت ان امي داعية لي. و ناظرت و اشوف النيوزلاندي الملتحي و اقول الله يعينه مسكين بيبهذولنه عشان دينه و فجئه و قفت وصلبت وانا اطالع فيه :112:يؤيؤيؤيؤ كل دعائي له راح في الهوا و انكشف المستور و ما طلع مسلم ولا شي لقوا في شنطته الشخصيه ( بطل خمر) و تحسفت على الأوقات الي قضيتها في الدعاء و تجاهلت الوضع بملامح احباط و قهر و طلعت فوق ألحق خويي الاسترالي و تشكرت منه ووراني صالة الانتظار _كان اقلاعنا بعد ساعة و لكن كالعادة (التأخير) لأن الجو كان ممطر في استراليا و الكابتن خايف و انا خايف اكثر منه بس ما تأخرنا كثير يعني تقريبا 10 دقايق بس المشكلة اني انا ادقق في المواعيد و ما اتساهل فيها و فتحوا البوابات إيذانا بدخول الطائره و بدت الطائرة بزحف في المدرج المبتل و كنت خايف لا تزرق الطيارة يمين ولا يسار وتنحرف عن مسارها و تصير لنا مصيبه , و بدت الطائرة تسابق المطر و اقلعت و اصبحنا فوق السحاب _ المطر من تحتنا و من فوق ما في مطر كان منظر خيالي كانت الرحلة من سدني الى كرايس تشيرش من 2 الى 4 ساعات ماني متأكد , و قمت و صليت الفجر و كنت فرحان اني صليت 5 فروض بين السماء و الارض و جا الفطور الذيذ (اه يا هو لذيذ ) و كالعاده انا وخويي الاسترالي نفس الطلب و نفس المشروب(ببسي دايت) و شفت فلم واحد هذي المره , كلها ساعات وقالوا اربطوا الاحزمه و استعدوا للهبوط و قتها قلبي بدا يناقز من الي بيصير لي في مطار كرايس تشيرش و قلت مالها داعي بعد ذا المشوار يسولولي مشاكل .
و اثناء تفكيري و خوفي من المجهول و زعوا علينا الاستمارات _ قعدت اتذكر الترجمه للإستمارة الي نزلها واحد من الاخوان في المنتدى_ احاول اتذكر واتذكر من الخوف ما قدرت اجمع قلت يالله مالي غير الله ثم ذا الي جنبي و أسأله و ما قصر معي الرجال ساعدني بكل شي و تأكد لي من صحت بياناتي و حاول جاهدا ان يترجم لي بعض الاشياء الي ما فهمتها, لكن الشي المهم اني كنت صادق بكل البيانات و كنت رمز للشفافيه يعني طبقت كل نصيحه من نصايحكم في هذا المنتدى , مثلا (كنت محتفظ بالاوراق حقت القبول _ وكتبت لهم اني نازل عندهم للدراسة _ يعني رحت و كنت طابخهم طبخ من كثر تجارب الشباب الي قريتها في المنتدى _ كلها لحظات و تهبط الطائرة الساعه 1 الظهر و اخيرا و ليس اخرا لأن وراي طيارة ثانية من كرايس تشيرش الى نلسون على الساعه 6 تحسبا لمشاكل المطار و قمت و كأني المجرم الي عارف وش مصيره بعد لحظات و تمنيت اني لي اجنحه عشان ما اتعب نفسي و او اني اتحول واصير سمكه و اروح سباحه لكن الخيال يبقى خيال و الواقع يبقى واقع و نزلت من الطيارة وكان المطار شبه فاضي و كله قزاز و وصلت الجوازات و شافوا تأشيرت استراليا و خذ مني الاستمارة لدخول نيوزلاند وانا اتبسم له وهو يتبسم لي ( الحين بدا مفعول الابتسامه على الناس _يعني هي اهم شي _خلك بسيط وسوا كأنك من عيال بلدهم ) و رحت انتظر شنطتي و كلها دقيقه و تجيني ذيك الموضفه و تسألني و الابتسامه على وجهها حسستني بالامان و انا الابتسامه شقت وجهي . سألتني انت ليش جاي هنا و قلت : جاي للدراسة , طالعت فيني وقالت طيب ليش اخترت نيوزلاند, و جاوبتها اني قريت عنها وعجبتني وان السكان طيبين و سألتني كم تقعد هنا و قلت لها 10 اسابيع . و قالت لي انت لغتك حلوه يعني ما تحتاج لدراسه و جاوبتها : لازم اطور لغتي و راحت و خذيت شنطتي و شاف الرجال جوازي و على طول قلي روح مسار 5 انا هنا قلت هذي اللحظه الحاسمه _حانت لحظة الصفر _ و قلت راح اهزمهم بسلاح (الاخلاق ) و فعلا كان فعال بنسبة 100% فتشوني و كانوا مبسوطين مني و طلعت _ يعني ما خذت الأجرات من الا اقل من ساعه و ارتحت . و اتصلت على اهلي و طمنتهم و قلي الوالد غير حجزك على نلسون من الساعه 6 الى الساعه 3 دامك فاضي و فعلا غيرته بكل يسر وسهوله و حطيت شنطتي و شحنوها لطيارة الصغيرة (الخطوط النيوزلاندية) وانتظرت عند البوابه و اتصلت على الهوم ستي و استانسوا اني قلت لم انها كلها ساعه انا عندكم و رحت عند البوابه و انتظر شوي كلها اقل من ساعه الا وانا في الطياره .
الى هنا و نصل الى نهاية الحلقه الثانيه . شكرا على المتابعه و انا راح اكون صريح معكم بكل شي و انتظروا البقية و الصور خلال هاليومين ان شاء الله _ مع السلامه

الله يوفقك أخوي نايف
وترجع لنا بالسلامه

متاااااابع بقوة

احنا منتظرييييينك


واتمنى ترد على الاسئلة اللي فوق عشان نستفيد من تجربتك

الله يوفقك
ننتظرك

بالتوفيق أخوي ننتظر المزيد

لازلنا متابعين والله يوفقك لما فيه الخير
والله الله في الدراسه
تحياتي

حلوة طرقة سردك للقصة ، ما شاء الله خيالك واسع.

شباب انا احاول انزل الصور لكن كل ما اضغط على اضافة صور ما يصير شي _ ساعدوني فيها




http://www.l22l.com/l22l-up-1/191c9f996a.jpg


شباب ممكن الصورة كذا بتشتغل لآني ما قدرت احط إضافة صورة

شوف هذا الشرح أخوي
1


2


3

لا تطول علينا يا سلطان ، ترى قصتك عاجبتني

هذي صور لكرايس تشيرش اتمنى تعجبكم وانتظروا البقية

حلوة الصور ما شاء الله

كرايس تشيرش

كرايس تشيرش

جبال كرايس تشيرش

منظر للطائرة في مطار سدني

معانقة السحاب في كرايس تشيرش

اخيرا وليس أخرا _بداية نيلسون _ انتظروا البقية تحياتي لكم

فينك غايب يا سلطان ، زعلان؟؟؟؟

الله لا يجيب الزعل بس انا ما اقى النت دايم زي ما انتو عارفين النت هنا بطييييييييييييييء
لا تخافون انا ما نسيتكم

كان الله في عونك ووفقك

اخي سلطان الطرب (نايف)

اسلوب سلس وواضح وعفوي

اهنيك على اسلوبك واهنيك اكثر على تمسكك بدينك وصلاتك (عجبتني وانت تتحرى عن وقت الظهر والعصر في الطياره)

الله يوفقك في دراستك ويرجعك سالم غانم لأهلك

تحياتي

حمدلله على سلامتك أخوي نايف

بخصوص شعورك واحتمالات غوانتنموا ,, ذكرتني برحلتي لنيويورك وكان نفس الشعور تقريباً

والي ضحكني أكثر قصة الهنديتين :36_11_6: و شبيهة نعومي كامبل

على العموم حمدلله على السلامة وأحفظ الله يحفظك

وللجميع خالص تحياتي

الجزء الثالث : المدينة الخضراء (نيلسون)
كانت طائرة الخطوط النيوزلانديه صغيرة جدا جدا جدا و لا يوجد فيها اي شي للترفيه من حسن حظي اني تعرفت على طالب ألماني (فيلب) و بدأنا انا و هو ندردش و فعلا كان بينا الكثير من الاشياء المشتركة و بدأنا انا و هو نلتقط الصور للمناظر الخلابة من الطائرة _سبق ان نزلتها _ و كلها خمسين دقيقة إلا و انا في نلسون و بدأت التوتر يبرز على ملامحنا _انا و صديقي (فيلب) الاماني_ كنا خايفين من الهوم ستي _ هل راح نرتاح معهم , هل راح يحسون بالأمان لي انا كسعودي مسلم بعد كل الي يسمعونه من الاعلام الغربي الي كل همه انه يشوه دينا الحنيف_ و نزلنا من الطائرة و حنا نودع بعضنا , كان ينتظرني في المطار (الهوست مذر) و منسقة العوائل للطلاب بينما كان ينتظر صديقي (فيلب) عائلة كاملة حوالي 7 اشخاص .خذيت شنطتي الي احس اني من زمان ما شفتها و ركبت السيارة و طبعا لازم اول غلطة الي كلنا غلطناها نركب محل السائق لكن ادركتني قبل الخطء (كيلي_الهوست مذر_) و ركبت من جهة اليسار(الراكب) قعدنا نسولف عن الفرق بين اليمين و اليسار في السيارات و كان البيت قريب من المطار يعني 5 دقايق الا و انا في البيت بس فعلا كان الجو بارد و دخلت البيت و كان في استقبالي في البيت (نانا مربية الاطفال و في نفس الوقت جدتهم و الاطفال _كونر جاك 5 سنوات , و تشارلي سنة ونص ) و اعطيتهم الهدايا الي جبتها معي من السعودية الي اذهلتهم ( عبارة عن تمثال دلة قهوة و فنجال قهوة و جمال ونخلة) يعني تشكيلة هديا من اختيار الوالده _الله يحفظها_ جلسنا ندردش شوي و جات الطالبة الكورية(جيني) الي ساكنة معي في نفس العائلة و بعد دردشة طويلة عن طول الرحلة و التعب الي فيها استأذنت منهم و ذهبت الى دورة المياه_اكرمكم الله _ لأستحم و ابعد عني غبار التعب و الارهاق و اصلي ما بقالي من فروض و أجهز ملابسي و ارتبها في الدولاب , و بعد ما خلصت اموري خرجت للراحة في غرفة المعيشة و دخل الاب (بيفن) و سلم علي تحية الاسلام التي فاجأني بها (السلام عليكم ) و رديت عليه التحية بأحسن منها _ بإبتاسامة قد خالطتها ملامح الإستغراب!!!_( وعليكم السلام و رحمة الله الله و بركاته ) . و فعلا قد عجبتني اخلاقة و لك للأسف كان ينقصهم ان يشهدو ان لا اله الا الله و ان محمد رسول الله, و جلسنا نكمل الدردشة عن الرحلة _ انا مانيي مصدق اني عبرت محيط) و بعد ذلك ذهبت الى غرفتي لأنام و افكر كيف استقبل اول يوم في الدراسة و نمت تحت 6 بطانيات من البرد و اتحسف و قول يا ليتني جايب معي من حر الرياض شوي صدق من قال ان الانسان ما يحس بقيمة الشي الا بعد ما يفقده.
و بعد 8 ساعات من النوم و الراحة (فزيت من نومي) لأستعد لأول يوم دراسة _ هذا اليوم الذي انتظره طويلا قد حان _ و بعد الفطور و التمني لبعضنا بيوم دراسي ممتع و دعتنا الأم (كيلي) لأنها مسافرة الى العاصمة ولنغتون . انتظرنا انا و الهوست سستر
(جيني) الباص , و بعد بضع دقائق جاء الباص و ركبنا الباص (اول مرة في حياتي استخدم الباص في المواصلات)_الحمدلله اننا في نعمة_ و كان الطريق الي يؤدي الى الوسط المدينة _حيث تقع المدرسة_مزدحم (كأنة طريق الملك فهد) لذا فقد اخذ منا ثلث ساعة(20دقيقة) للوصل الى وسط المدينة , و بعد الوصل نزلنا انا و الطالبة الكورية لكونها ادرى مني بالدرب و انا اتلفت مبهورا من صغر المدينة و جمالها في نفس الوقت و كلها دقائق معدودة وو صلنا الى المعهد و ما قصرت معي بنت الناس و صلتني و راحت فصلها و قابلت الرجل المسؤل عن الطلاب الجدد ( مايل ) و طلب مني جواز السفر و ورقة التأمين و بعد ذلك جلست على الطوالة لأنتظر الاختبار المحدد للمستوى و لكن لفت انتباهي ان هناك طالب سعودي جديد(A.K ) سيخبتر معي و فعلا عرفته من وجهه , تبادلنا السلام و كلها لحظات و جا طالب سعودي اخر و لكنه اكبر سنا منا و تبدو عليه ملامح التدين و الوقار و تبادلنا السلام و الاخبارو بدأ كلن منا بحل الاختبار و بعد الاختبار _انتهيت اول واحد و ذهبت الى (ديان) لتحديد مستوى التحدث الشفهي و الاستماع و بعد ما انتهينا ان و الشباب من الاختبار اخذنا (مايل) في جولة في أرجاء المعهد و بعد ذلك استلمت التقرير و تعرفت على الفصل الذي سأدرس فيه و قد تحمست للبدأ في الدراسة لدرجة اني دخلت عليهم الدرس قبل موعد دخول الطلاب الجدد بنص ساعة و قد وجدت الترحيب من المعلمة (إفي) و الطلاب الذين كان معظمهم من (كوريا - اليابان – سويسرا – المانيا – 4سعودين (القلة)) و فعلا تعرفت على طلاب فصلي و بدأنا الدرس الي بصراحه كان ممتع لأخر درجة و قد أستفدت من اول حصة و تأقلمت معهم بسرعة . و بعد دراسة ممتعة جا و قت البريك و قد وجدتها فرصة للدخول الى الأنترنت لأطمن الاهل في الرياض عن اخباري و احوالي و في غرفة الأنترنت قابلت الطالب السعودي الوحيد قبل وصولنا الذي مضى على و جوده في المعهد شهر و تبادلنا السلام و الاخبار و الاحوال(بالانقليزي طبعا ) لأننا ماشين على نظام والمعهد و غير كذا كلن منا دافع ما وراه ما قدامه عشان يتعلم لغة و فعلا كانت طريقة فعالة فكنا نستانس و حنا نسولف بلغة اجنبية و بعد العودة الى الدراسة و انتهاء الدوام المدرسي ذهبت انا و (جيني) الى السوبر ماركت و أيضا لأشتري شنطة ظهر لأن شنطة الاب توب انشقت من كثر الشيل و الحط و ذهبانا الى (الوير هاوس) السوبر ماركت لأشري مضلة لتقيني من المطر و بعد ذالك ذهبنا الى محطة الباصات و عطتني جدول الباص و قالت لي على المنطقة الي ساكنين فيها و أستأذنت مني لأنها تذهب الى العمل في احدى المطاعم لتوفير النقود _و قتها تملكني الخوف _ يارب ما اضيع , يا رب ادل البيت , ولحقت جيني و قلت لها انا ما اقدرارجع البيت لحالي_ اخاف اضيع_ و قتها تبسمت و أشرت لي على وحدةلابسة احمر و قالت لي انت بس الحقها أول ما تشوفها تنزل من الباص انزل معها و قلت طيب . و فعلا ركبت الباص و عيني مسمرهاعلى ذي البنت ذات الردأ الاحمر الى ان شكت في نفسها مني و لكن زي ما يقولون (جبرني الوقت ) و فعلا بعد 5 محطات و قوف نزلت وما لبثت الا و انا نازل وراها _ و أسوي نفسي اني ما اقصد متابعتها إلى أن وصلت الشارع الي اعرفه و قتها ارتحت نفسيا و عرفت البيت و دخلت البيت ووجدت الترحيب من (نانا) الجدة و بدأت تسولف معي و عن اشتياقها الي لندن و بعد ذلك أستأذنت منها لأتوضئ و اصلي ما بقي لي من فروض و ذهبت هي لتعد وجبة العشاء . و بعد الانتهاء من الصلاة جلست اداعب و الاعب الاطفال فيما هي تطبخ العشاء و بعد ذلك تعشيت و حمدة ربي على النعمة و ذهبت الى مهجعي لأستعد ليوم جديد.
و في اليوم التالي استيقضت مبكرا كعادتي لأجد الام (كيلي) قد عادت من العاصمة ولنقتون وقد نبهتنا انا و (جيني) على انها ستوصلنا الى المدرسة بحكم انها تشتغل في البنك القريب من المدرسة , و بعد الفطور و صلاة الفجر و الاستعداد الى المدرسة جلست اشاهد افلام الكرتون مع الاطفال بينما (كيلي و جيني) يستعدون _وانتو ادرى متى يخلصون ......_ و بعد ما بدأت اتحمس مع الاطفال في مسلسل بوكمون ,دخلت كيلي و تقول يله مشينا , و كالعادة لازم اخطي اركب محل السائق و لكن (كيلي ) لحقتني و قعدت تضحك علي و مشاء الله عليها تسوق احسن من سواقتي و بما ان الطريق زحمة استخدمت خبرتها في السواقة و دخلتنا بين الحواري كلها 10 دقايق و حنا عند المدرسة و تقولي بإبتسامة (الحريم يسوقون احسن من الرجاجيل ) و لكنها دائما ما تتنفرز وتعصب من سواقت النيوزلندين بحكم انها بريطانية و تقول انهم ما يعرفون يسوقون _انا ميت ضحك اذا تنرفزت و هي تسوق _ و دعتها و توجهنا انا و (جيني) الى المدرسة ليبدأ الدرس الممتع مع المعلمة الحريصة و الطلاب المعجبين بتعليم (افي ) بالذات من بد المدرسين _ لسة بأول اسبوع يعني ما جربت المدرسين الثانين_ و بدأت افي تدرسنا و تمازحنا و كان هذا اليوم يوم عيد ميلاد صديقي السعودي (AK) _طبعا كسعودين و كمسلمين بالذات ما نؤمن بعيد الميلاد _ و فعلا كانت مفاجئة له و قعد الفصل يغنون له _سنه حلوه يا جميل _ و الرجال ميت من الخجل و بعد هذا اليوم الدراسي الممتع ذهبت الى البنك لفتح حساب و بعد ذالك ذهبت الى عمل كيلي و انتظرتها لنذهب الى البيت و على نفس الموال (صلاة _ ولعب مع الاطفال ) لكن لأول مرة الاحظ و جود قطتين اخوات (بيلي و زوي) و لكن الي لفت انتباهي القط بيلي فقد كانت ضخمة جدا جدا جدا لدرجة ما شفت ف حياتي قطة سمينة و كسولة مثل بيلي . و بعد العشاء قالت لي كيلي ان اللحم الي تجيبه ذبح حلال _قلت في نفسي المهم في الذبح الحلال ذكر الله على الذبيحية و توجيهها للقبلة _ مع عرفت وش ارد اكثر من كلمة شكرا لأني ما ادري من وين ابدا لوبغيت افهمها , المهم اني استأذنت لأذهب الى غرفتي لأنام . اترككم مع صورة بيلي القطة الضخمة الي كل يوم تنام معي :




و في اليوم التالي و نفس الموال الي يتكرر في كل صباح من الاستيقاظ الى الوصول للمدرسة و لكن هذي المرة صباح ابرد بكثير و بعد الوصول الى المدرسة كان اليوم عيد ميلاد المعلمة ايفي و راحت تحدثنا على الهدية التي اهداها لها زوجها و عن المكان الي بتتغدى فيه مع زوجها و صار الطلاب يغنون لها سنة حلوه يا جميل . و بعد ذلك بدأنا بالدرس الذي كان عن المضارع البسيط فقد فاجأتنا افي باحضار ثعابين من البلاستك و تقول الي ما ينطق حرف الاس في المضارع البسيط برمي عليه الثعبان . هههههههه و بدنا بتأليف الجمل عن المضارع البسيط الي ان جا دور وحده يابانية اسمها (سو ) الغريب فيها انها خجوله لدرجة ما تتصورنها .نست سو نطق الاس و ما لبثت الى ان صرخت صرخة طيحتني من الكرسي من كثر الضحك بعد ما رمت ايفي عليها الثعبان هههههههههههههه و بعدهذا اليوم الدراسي الممتع , ذهبنا انا و الشباب نتمشى لأستكشف المكان الى انا فيه و لقيت في حديقة مرتفعة وسطها كنيسة كبيرة قعدة التقط الصور لأرجاء الحديقة و تحمست و اقترحت على الشباب دخول الكنيسة و بعد محاولات مني لإقناعهم وافقوا و عند باب الكنيسة سألتنا عجوز انتم من و ين قلت لها انا باكستاني محاولا تقمص اللهجة الهندية في الكلام اما صديقي فقد قال لها انه هندي و قالت لنا سعدت بلقائكم و ذهبت و دخلنا الكنيسة التي كانت شبة فارغة و توني اتلفت داخل ارجاء المكان و اسمع صوت أذان و تجيني (ام الركب)_كناية عن الخوف_و ادور يمين و يسار من وين ذا الاذان و تذكرت انه جوالي (خدمة خاشع) لكن من حسن حظنا ان الكنيسة ما كان فيها احد غيرنا و قتها عزمنا على الخروج قبل لا تصير مواقف محرجة ثانية و تفرقنا انا و الشباب و كلن ذهب الى بيته .
الى هنا و تنتهي هذه الحلقة بنهاية الاسبوع الاول _عاد سامحوني على التأخير _لأن ما ادخل النت كثير لظروف اني اذا رحت المدرسة ما القى وقت و غير كذا الكمبيوترات عندهم تقريبا دايم مشغولة يعني مو دايم احص خط و بالنسبة لصور الكنيسة اذا تبونها ما عندي مانع _ على حسب رغباتكم

والله والله إنك مبدع ... في الاسوب و الصور ..

والله يوفقك في حياتك العلمية و العملية ...

وتقبل مروري ...

اسلوب رااااااائع جداً :113: تسلسل جيد للاحداث
تستحق لقب سلطان الرواية:36_13_3:

رائع أخي نايف
ما مدى تفهم وتقبل العائلة وطلاب المعهد ونظرة هؤلاء إليك كونك مسلما ؟
من لغته ضعيفة كيف سيتدبر أموره هناك خصوصا في المطارات والأيام الأولى للوصول وكذلك مع العائلة والمعهد ؟

رااائع كما عهدناك

اكييييييييييييد نبغى الصوور

تراااك موتني من الضحك لما جوالك قعد يأذن في الكنيسه

مايحتاج اتخيل الموقف لأني مريت بنفس الموقف في لندن ههههههههههههههه ذكرياااات

واصل اخي الكريم ونحن بإذن الله مواصلون معك

تحياتي

اخوي نايف اهنيك على التقرير الرائع بصراحة ابحرت معك في بحرك

اعجبني خيالك وتخيلاتك كثيرا ما تحدث معي هذه الخيالات في السفر

عشرة اسابيع دراسة لغة كم تكلفتها؟

وهل يمكن للواحد يسافر هناك عن طريق برنامج دراسي مثل برنامجك وتكون زوجته معه ودافعة التكاليف ولكن محجبة؟

اخوي نايف

اسلوب بسيط

شرح رائع

صراحة خليتني اعيش وكأني مسافر معك

أتمنى لك التوفيق ولاتنسى اول ماتحصل نت جب لنا الجديد

ومن ناحية الصور ,, مايبغى لها تفكير

اكيد نبغاهن

لاتتأخر علينا

عموما انت معذور علشان ظروف المدرسه والانترنت

الله يوفقك

عندي كم سؤال

اذا ماني غلطان فانت في مدينة نلسون

لكن ياليت اسم المعهد ,, وهل المدينه هذي فيها عرب كثير ولا لا..

وياليت تقول لي كيف حجزت عندهم

واسف على الاطالة بالاسئلة وشكرا لك مقدما

Nelson English Centr
للي يبي اسم المدرسة و اما بالنسبة للحجاب ترا عادي ما يهتمون هنا محجبة او لا اعرف واحد ن الشباب درس بكرايس تشيرش و كان في طالبتين محجبتين _يعني لا تشيلون هم . والبنسبة لأسعار الدفع انصحكم تزورون موقع المدرسة
http://www.english-school.ac.nz/

الاخ نايف - سلطان الطرب - مشاء الله عليك :24:إسلوب أكثر من رائع :113::113::x1:موفق خير

لكن لدي إستفسار

- هل يوجد في المدينة عوائل أسكن معها من إصول بريطانية ؟ :114: وفي اي المدن يكثرون ؟ ممكن قائمة بأسماء المدن ؟


شاكر ومقد لك ذالك

انا من حظي العائلة الي انا معهم بريطانين . اما بالنسبة الى المدن ووين يكثرون ما ادري. بس خذها قاعدة كل النيوزلاندين أصولهم بريطانية يعني ما راح تفرق

السلام عليكم
اخوي سلطان تقريرك والله روعة :24:
والله يعنك على الرجعة على الخطوط لنها تعب :ill_h4h:وانا امجرب الرحلة
ويوم وصلة لم كريست جريش نمة يومين :36_1_50:من الدوخة
الله يوافقك ان شاء الله ونتظر المزيد

بالانتظار ،،،،،،،،

الحلقة الرابعة
رنت ساعة الجوال مشيرتا الي الساعة السابعة صباحا في يوم تكاد أصابعي تتكسر من شدة البرد و بدأ صياح الديك ( تشارلي )كعادتة موقضا من في البيت و يغسل عن و جيهنا غبار النوم مخبرا عن يوم دراسي جديد . و ما ان استيقضت من فراشي إلا و الكل يهني (كل سنة و انت طيب) كا يوم ميلادي _طبعا مو مهم لنا كمسلمين _لكن خذيتهم على قد عقولهم و تعطيني (نانا) علبة شكولاتة من الي يحبها قلبي _بصفتي مدمن على الشكولاتة_(بس لا تعلمون امي)هههههههههه. و بعد ما استعديت للمدرسة و ركبنا السيارة انا و كيلي وجيني وصلنا الى المدرسة و بعد نزولنا من السيارة قالت لي جيني انا عازمتك على الغداء لأن اليوم عيد ميلادك _قلت في بالي يا حظي غدى مجانا في مطعم تايلندي_ حاولت اني اردها عشان ما أكلف عليها لكن البنت اصرت و قلت يله ماني كاسر خاطرك ودخلنا الى المدرسة و لقيت لوحة مكتوب عليها اسمي يهنوني ب19 سنة (يا رب كبرني بطاعتك) و دخلت الى الفصل و ما ان جات افي إلا و هي تهنيني و بدأ الفصل يغني لي (سنة حلوه يا جميل ) و بدأنا بالدرس الممتع كعادته و بعد ساعتين من الدراسة جاء وقت فسحة الغدى , و توني طالع من الفصل إلا و جيني تنتظرني و تقولي يلة مشينا المطعم و ذهبنا الى المطعم التايلندي و ما ان وصلنا إلا و جيني قد عزمت كل أصحابها و جلسنا على الطاولة و أختارت لي وجبة مميزة بدون (خنزير) و أستأذنت مني لفترة وجيزة و بينما انا اتصفح المجلات إلا واسمع تصفيق وتصفير و اغنية (سنة حلوه يا جميل ) و قتها فعلا حسيت بخجل ,كل من في المطعم يغني لي و انا (زي الأطرش في الزفة) . وامد النظر إلا جيني جايتني و معها ذيك الكيكة الشهية_بالشكولاتة طبعا_ و عليها 19 شمعة و تقولي تمنى أمنية و طفي الشموع , أرتبكت و ما عرفت وش الامنية و احترت من كثر الاماني ورسيت على امنية يا الله احفظني من كل مكروه .و تشكرت من جيني كثير الشكر على هذه الوليمة اللذيذة و ذهبنا الى المدرسة لنكمل ما تبفى لنا من دروس و بعد الانتهاء من الدرس قلت في نفسي ليش ما اروح اجرب نشاط من نشاطات المدرسة المجانية , و ذهبت و كان النشاط الوحيد المتوفر لهذا اليوم هو رقصة السالسة و وافق عليها و شاركتهم و بدأت ارقص معهم _طبعا بعد ما كسرت رجولهم من كثر التدعيس_ المهم اني انسحبت من ذي الرقصة الصعبه و أستأذنت منهم و رحت الحق الباص للعودة للبيت, و كالعادة بعد وصولي الى البيت و حل واجباتي و استعديت ليوم الجمعه (اخر ايام الاسبوع) و في يوم جمعة بعد الدراسة وتوديع الطلاب الذي انهوا دراستهم و التقاط الصور معهم كان من نشاطات المدرسة الذهاب الى احدى المطاعم القريبة من المدرسة و تنوال وجبة الغداء و كان من حظنا ان المطعم الذي سنذهب اليه مطعم خليجي و صاحبة المطعم (ام باسل) كويتية و زوجها (ابو باسل) بريطاني و المطعم فعلا كان فكرتة حلوة _ذكرني بريحة الخليج_ و بدأ الطلاب يستشيروننا في الوجبة المناسبة لأنهم ما يعرفون الوجبات الخليجية منهم الي طلب كفتة و الي طلب شاورما و (AK) طلب كثر من وجبة مما أدى الطلاب للأستغراب و لكن لحقت الوضع و قلت اننا حنا يا العرب ما نعرف و جبة وحدة , لازم مقبلات و بعد المقبلات لازم مقبلات للمقبلات و هذا سبب التخمة لنا و بعد الغدى طلب (AK) المعسل _حيث اصبح من عادات و تقاليد المدخنين و المشيشين اخذ سقارة او راس معسل بعد اي وجبة _للوصول الى النشوة (المزيفة) _ و بعد ان أخذ رشفة من المعسل و انسدح من مفعولها بدأ (AK) يعزم الطلاب الاجانب على الشيشة الي كلهم ما صدقوا كلن بدأ يقبل بالعرض و ياخذون على مزة مزة و كانت و جيهم تضحك , الي صار يكح و الي عاجبته الريحة وبدو يمخمخون , و يسألوني ليش ما تجربها _صارحتهم انها اخطر من الدخان _ و بصفتي هاوي الطب لازم اخاف على صحتي قبل الخوف على صحة المرضى , كانت اجابتي وقع الرعد على اسماعمهم , و لكن انا لا أملك غير النصيحة و إلا كلن أدرى بنفسة و بعد ذلك تفرق الطلاب كلن ذهب لمصالحه الخاصة و ذهبنا انا و (AK) الى صالات البلياردوا لمقابلة صديقنا السعودي(محترف) الذي كان محترفا في لعبة البلياردو و بدأ صديقنا بتعليمي أصول هذه اللعبة الى أن أصبحت ماهرا فيها و لو قيلا.و في صباح اليوم التالي ذهبنا الي السوبر ماركت لمقاضي البيت و نتمشى في السوق انا و العائلة و بعد ذلك أقابل الشباب لنذهب الى السينما لمشاهدة الأفلام التي بالصعوبة نفهم منها و تعشينا في (برجر كنج) و بعد ذالك كلن ذهب الى بيته و كان هذا الموال يتكرر تقريبا كل يوم سبت , و كان يوم الاحد يوم تنظيف البيت _ كيلي ونانا _هم ينظفون و انا و بيفن نعتني بالأطفال و بعد حل الواجبات و مداعبة القطط و اللعب مع الأطفال بدأت نانا تشتاظ غيضا من الخادمات الي عندنا و بدأت تحس بالغيرة و بدأت تقص علي القصص عنها و طليقها و بدأت تستطرد الى موضوع ان الرجل لازم يعرف بعض الامور مثل الطبخ و تنظيف البيت و كوي الملابس و غسلها و لكن اخبرتها _و أذكركم _اننا في نعمة_و لله الحمد_ حيث لكل بيت خادمة او اكثر (و للأسف ) هناك من لا يقدر هذه النعمه فمنهم من يسيء أو يعتدي عليهم باللسان أو حتى بالبدن بالضرب او حت بهتك أعراضهن _بلا خوف من عقاب الله_ بغض النظر عن دين الخادمة. (ارحموا من الأرض يرحمكم من في السماء) و بدأنا في التعمق في الحديث و السواليف عن الفرق بين الحضارات و عن معاملة الزوجات في العالمين العربي و الغربي و بدأنا نستطرد عن اختلاف الوجبات أنا ارفض الخنزير و هي ترفض القعود بما أنني وريتها صورة مفطح قعود _عيونها طلعت من نظاراتها _ و تقول هل هذا لشخص واحد _ طبعا سؤال سخيف و بدات ابين لها الفرق و بدأ الاطفال _بمقاطعة حديثنا بضرب بعضهما البعض و لكن دائما ما تكون نانا بالمرصاد , حيث كان تعاملها مع احفادها و كأنه برنامج (سوبر ناني ) على الطبيعة , فلكل من تشارلي و كونرجاك له كرسي الولد المشاغب , على كل حال بعد ان تستأذن منا و تذهب الى بيتها لتجد الهدوء و السكينة بعد يوم تقضبه و هي تغني ( يا لليل خبرني على امر المعاناه) من الجنان و الهبال الي يسببونه لها الطفال,ثم بعد ذلك نشاهد (شورت لاند ستريت )و بعض البرامج المثيرة كبرنامج تعامل المطار سدني مع القادمين او الزائرين و تعذيبهم بالأسئلة الي _و بكل صراحه _ ابيخ منها ما شفت و تفتيش المسافرين و بعد ذلك بدأ النعاس يدب الى عيوننا بدأنا بالانتشار الى غرفنا لننام و لنستعد لأول أيام الاسبوع.
في الصباح التالي و على عادتنا و بدأت الايام تبرد و تبرد و بعد الوصول الي المدرسة و الدراسة على نفس الروتين فاجاتنا إفي ان هذا أخر اسبوع لها في التدريس لأنها وجدت وظيفة ثانية و بدأت ملامح الحزن تظهر على و جه الطلاب _نعم فقد قضينا الاوقات الممتعة من نشاطات و قد استفدنا من طريقنها الغريبة في التدريس و بعدانتهاء الدرس توجهت الى دورة المياه لأتوضء و أصلي العصر و لكن لفت انتباهي أحد الطلاب الكوريين (جوي) الذي له فترة وهو يراقب طريقة صلاتي و كان الفصل الذي اصلي فيه خاليا و لكنه دائما ما ينتظر الى ان انتهي من الصلاة ليذهب , و كنه في هذه المرة بالذات أستغلها ليسألني لماذا تفعل هذا كل يوم و قد و جدتها فرصة لأشرح له شرحا بسيطا عن الاسلام و أجابتة بأني مسلم و أؤمن بالله , و أجابني بإنه لا يؤمن بالله لأنه لم يره _هزتني اجابته (يا كبرها عند ربي)_ و لكن عاملته على أنه جاهل و أخذته على قد عقلة و ابدأت أسأله بكل هدوء (من الذي خلقك و من الذي جعلك تتكلم و من الذي بعث الحياة فيك ) أجابني بأن الذي خلقة هم والديـه و انهم هم الذين بعثوا الروح فيه , و سألتة و من الذي خلق اباءك و أجداد أجدادك ) و قتها هزمته بهذا النقاش و هزيته و بدأ ينهار امامي و قال لي و بكل و قاحة انا أؤمن بنظرية داروين (يا حسبي عليك يا داروين انت و نظريتك) و أستأذن مني لأن الوقت داهمه و نصحته أن يبحث عن الأسلام في النت باللغة الكورية و وعدني خيرا (انك لا تهدي من أحببت و لكن الله يهدي من يشاء) كانت هذه الأية الكريمة تهدي أعصابي بالنسبة للتعامل مع (غير المسلمين) ولكن السؤال هو من نلوم _هل نلوم انفسنا كمسلمين في تقصيرنا في نشر الدين , نعم هناك جماعات اسالمية في كل أنحاء العالم لكن للأسف هذي الجماعات و المؤسسات قاعدين في مراكزهم و ينتظرون احد يجيهم عشان يسلم _ليش ما يروحون و يدخلون عليهم في بيتهم أو حتى إعلانات في التلفزيونات _لما لقوة تأثير الاعلام _ ساعات احس انهم أمانه في رقابنا و ان ربنا راح ياحسبنا اذا علمناهم عن الاسلام و ساعات احس انه هذا بخل منا اننا ما نعرف عن الاسلام التعريف الصحيح او حتى رسالة صحيحه و صريحه لأنغير بعد الخروج من المدرسة قلت خلني امشي و اشوف العالم قبل وقت الباص ,و في اثناء طريقي قابلت ((AK و قترحت عليه ان نتمشى قليلا في شوارع هذه المدينة و لأستكشاف معالمها و لفت انتباهنا شيء ألا و هو حديقة (الكوين جاردن) و دخلنها و فعلا كانت جنة مصغرة في الدنيا . فيها من معالم الجمال و اللون الاخضر الذي يؤدي الى الطمأنينة و البط الذي يسبح في النهر و كأنة سكر ذائب في ذلك النهر الصافي الذي تضهر عليه اثار تقبيل الشمس في لحظة انعكاسها على مياه النهر . أترككم مع صور حديقة (الكوين)










و في نهاية الأسبوع و بينما كنت أتصفح الجريدة في الصباح لفت انتباهي صورة (إيفي) معلمتي و استغربت من الإعلان الذي كان عن حفلة لها فقد شيئا مثيرا ان يكون غدا اخر يوم و في نفس الوقت ستغني في الحفلة كبيرة و كنت متحمسا للقائها في اليوم التالي و عند باب المدرسة وجدت صور كثيرة لها _معقولة تصير فنانة مشهورة و انا اخر من يعلم _ و ما لبثت أن قابلتها في الفصل و أعطتني دعوة خاصة الى حضور الحفلة و تبسمت لها و قلت : بحاول اني احضر الحفلة اذا ما كنت مشغول و أثناء درس الإستماع شغلت لنا اغنية من أغانيها على المسجل و عطتنا اورق و تطلب منا ان نسمع الاغنية و نكتبها و قد كان ممتعا ,و بعد نهاية الدرس في أخر حصة تدرسها لنا , الي كنت متأثر و حزين على فراق (إيفي) و قد حست بشعوري و بعد انتهاء الدرس حانت لحظة الصفر و بدأو قت توديع الطلاب الذين انهو دراستهم و بعد التقاط الصور معهم , بدأت المديرة (ديانا) و فيها الغصة تلقي بخطاب توديعي ل(إيفي) و بعد ذلك بدأت إيفي بخطابها التوديعي للطلاب و المدرسين ثم دعت واحدة من صديقتها التي تعزف القيتار و قالت هذي الاغنية اهديها الى ديانا و بدأت تغني و بدأت احزن على فراقها و بعد انتهاء الاغنية صفقنا لها بحرارة و بما انه كان يوم الجمعة كان كالعادة نتغدى مع المدرسة في إحدى المطاعم و ذهبت معنا إيفي الى المطعم التايلندي _ و كان المطعم مجهز بوفيه للطلاب _ و على طاولة خاصة للطلاب السعودين الأربعه بدون لحم خنزير عرفتني إيفي على زوجها الذي كان أيضا هو الأخر فنان في عزف الألات الموسيقية و عرفتني على بنتها التي تعزف المزمار و بدأنا في حديث ودي عن طريقة الزواج في الخليج ودعنتي إيفي بعد أسبوعين على حفلة اخرى من حفلاتها ووعدتها اني بحظرها و بعد وجبة دسمة عدت الى البيت لأسولف مع كيلي التي أهلكها التعب من أبنائها الذين يتضاربون دائما و كأنهم مصارعين قزمين و جيني التي فاجاتني هي الاخرى بسفرها بعد أسبوعين...........
انتظروا البقية و سامحوني على القصور

أنا بعد بدخل روحي وياكم..............أتــــــــــــــــــــــابع. ..


أحداث مشووووووقة جداً..


عقبال ما أنا أجي أكتب قصتي لكم اذا سافرت نيوزلندا..

معقوله !!

تركي بدا يكمل التقرير !!

ماشاء الله تبارك الله ،،، لاتعليق مبدع كالعادة

والصور روووعه

الله يعطيك العافية وماقصرت

المشاركة الأصلية كتبت بواسطة zilfawi
http://www.arabtravelersforum.com/tr...3/#post1534573

معقوله !!

تركي بدا يكمل التقرير !!

ماشاء الله تبارك الله ،،، لاتعليق مبدع كالعادة

والصور روووعه

الله يعطيك العافية وماقصرت



والله ما عرفناله
مره تقولون سلطان ومرة نايف والحين تركي
ياخي حدد أسمك وريحنا
في المسنجر قايلي نايف وهنا في المنتدى بعد
وشلون زلفاوي يقول انك تركي

تقرير رائع جداً
واسلوب جميل وبانتظار البقي

سلطان ترى شوقتنا من جد
عزيزي انا بصراحة ودي اسالك عن مدينة نيلسون عن طبيعة سكاتها(كما سمعت يغلب عليهم الانقليز) طبيعتها وعم حجم المدينة وعن مركز المدينة الداون تاون وعن المطاعم ووفرتها والمقاهي وعن الاندية الرياضية وعن(اهم سؤال) المعاهد هل يوجد بها اكثر من معهد و ماهو مستوى تدريس اللغة هناك؟

انا سالتك كل هذه الاسئلة لاني راح اختار مدينة وراح اطول فيها تقريبا من 4 الى 6 اشهر فالبصراحة لا اريد ان ادفن نفسي في مدينة ما تستاهل او معهد تعبان ويروح كل الي سويته هباء

انا اسف على الهذرة

هههههههه لخبطة أسماء كوجك

هلا أخوي فهد بالنسبة لأنلسون مدينة صغيرة و تعتمد على السياحة الطبيعة يعني فيها من أجمل المنتزهات الطبيعية راح ةاتكلم عن المنتزهات في و قت لاحق و بالنسبة للمعاهد ما يها غير معهدين و المعهدين قريبين من بعضهم و في وسط المدينة مستواهم حلو بصراحة و الطلاب من كوريا اول ما وصلت لكن الحين الاغلبية اوربية و انا الطالب السعودي الوحيد في المعهد و المطاعم على عدد شعر راسي من كثرها و من أشهى المطاعم و لأندية الرياضية موجوده و مستواها حلو
و بالنسبة للعندليب انا لولا الله ثم استشارتك ما جيت نيوزلاندا شكرا على المرور لكل الي مروا على موضوعي و لو اني مقصر في حقكم

مرحبا اخوي سلطان
طيب هل عندك معلومة عن عدد سكان المدينة ؟

المشاركة الأصلية كتبت بواسطة koogak
http://www.arabtravelersforum.com/tr...3/#post1534583

والله ما عرفناله
مره تقولون سلطان ومرة نايف والحين تركي
ياخي حدد أسمك وريحنا
في المسنجر قايلي نايف وهنا في المنتدى بعد
وشلون زلفاوي يقول انك تركي

السلام عليكم ورحمة الله وبركاتة

مدري من وين جابها زلفاوي تركي هذة ممكن تشابهة علية الاسماء اللي اعرفة واثق منة تمام المعرفة انة نايف و مسجل بسلطان الطرب ليتة يغير سلطان الطرب هذة زي ما طلب بعض الاخوان هنا.
عموما يا نايف ترجع ان شاءلله بالسلامة لهلك وربعك ورافع راسهم فوق.

by the way nice story

poor