الموضوع: متوهق ورايح لاوكلاند ساعدوني

أخواني انا طيارتي يوم الجمعة القادم الى نيوزيلندا والطياره تبي تنزل باوكلاند وانا دراستي بويلنجتون
ابي طريقه اسافربها من اوكلاند الى ويلنجتون غير الطيران يعني ( باص - قطار - اجره )

ياليت ياشباب اللي عنده معلومات لا يبخلبها تراي متوهق ماادري وشلون اتصرف هناك !!!!!

ياليت اللي عنده الاسعار او العناوين اللي اروحلها من مطار اوكلاند يخبرني بلييييييييييييييييييز

مواضيع عشوائيه ممكن تكون تعجبك اخترناها لك:

• الى اخواني في اوكلاند
• اقدر اكمل دراستي والا لا؟معي مرافق ولكن
• ممكن مساعدة في نيوزليندا
• إلى جميع سكان مدينة كرايست شيرج نداء عام
• لا تحرمونا مداخلاتكم المفيده
• اليوم الوطني الـ
• عاجل ادخل
• استفسار بخصوص شهر العسل و لمدة يوم
• المواصلات في اوكلاند
• من وين أقدر أطلع على نيوزلندا الخطوط السنغافوية
• توفل ايلتس امبريدج
• معهد نيو هورايزن في نيوزلاندا كل ما تريد معرفته الصورة تتحدث
• ما نستغني عن توجيهاتكم يا أهل الخبرة مع الشكر الجزيل
• جاني خطاب جامعة ماسي
• فندق سكاي سيتي اوكلاند
• الملحقية الثقافية النيوزلندية
• رايح نيوزلندا لاكن فيه كم استفسار لاهنتو
• تكفون ياحقين نيوزلندا فزعتكم
• من أوكلاند التحويل من الدراسة للتجارة
• استفسار حول الدراسه بنيوزلندا مع الشكر والتقدير

بويلنجتون



والله وانا اخوك قلبت في الخريطة ادور هالديرة ما لقيتها
أعتقد انك تقصد هميلتون
على العموم
انت امامك طريقتين
اما انك تطلع من المطار وتروح لسيتي سنتر وبتلقى حجز هناك
او انه ممكن تلقى باصات تطلع فيك من المطار
وعلى فكرة
(إذا اللي تقصدها هي هميلتون)
ترى تكلفك الرحله 114 دولار نيوزلندي ذهاب فقط
اذا انت قصدك تبيها تمشيه خليها في الرجعه
لاتنسى انك جاي من سفر طويل
ولا تنسى بعد انك ما تعرف البلد صح
وهذا موقع أحد الخطوط في نيوزلندا
http://www.airnewzealand.co.nz/default.htm
إذا انت ما تقصد هميلتون
ياليت تكتب اسم الديرة هذي بالانجليزي
وان شاء الله نساعدك
والاخوان اللي في اوكلاند ماراح يقصرون
موفق حبيبي

^^^^^^^^^^
welington

هذا اسمها بالانجليزي

أخوي هذي عاصمة نيوزلندا
من جدك تبي تروح لها بالباص!!!
تدري كم تحتاج من وقت عشان توصل بحدود 9 ساعات
وتوك قاطع مسافة بحدود 26 ساعة طيران
أحس الموضوع صعب شوي
شف هذي الصورة


وعسى الله يوفقك يارب

الله يعينك ياخوي

اخي البدر الوافي

و يلنجتون العاصمه وهي جنوب الجزيره الشماليه بينما اوكلاند شمال الجزيره


الخطوط النيوزيلانديه الداخليه غاليه

فاذا كانت الدراسه باقي عليها فتره فانصحك تريح في اوكلاند يومين و تستاجر سياره و تاخذها تمشيه و تكون محطات توقفك في ...

روتروا يوم

تابو يوم

و تغادر من تابو الى ويلنجتون الطريق تقريبا من 5 الى 4 ساعات

الطريق ما يضيع ابد خذ خريطه من المكتبه و اتبع رقم الطريق السريع لويلنجتون الطريق متعه

والله يوفقك

هذي شركة باصات جديدة في نيوزلندا

http://www.nakedbus.com/

الرحلة مدتها تقريبا 12 ساعة وتكلف حوالي 70 دولار نيوزلندي

الطيران يستغرق ساعه ويكلف تقريبا 250 دولار نيوزلندي على طيران كوانتس الاسترالي

رحلة موفقة

مشكورين اخواني

اجل 12 ساعه والله مشواار

راعي المكتب اللي حاجز منه يقولي 4 ساعات بينهم !!

حسبي الله عليه

المشاركة الأصلية كتبت بواسطة البدر الوفي
http://www.arabtravelersforum.com/tr...9/#post1339369

مشكورين اخواني

اجل 12 ساعه والله مشواار

راعي المكتب اللي حاجز منه يقولي 4 ساعات بينهم !!

حسبي الله عليه





لا صحيح اربع ساعات اخوي وانا رايح لها بالسياره

من اربع الا خمس ساعات شوف عزيزي فيه عندك

خيارين فقط الانسب لك بنظري يا انك تحجز مباشره

طيران او انك تنزل في اوكلاند وتريح يوم وتطلع

عن طريق الباص المكان واضح وانت حدد وانا

اتابع معك تبي طيران دبر امورك تبي باص

اعطيك الوصف مضبوط وتاخذ تذكره منهم

وتقريبا والله اعلم انه كل يوم رحله فيه

^^^^^^^^^

اخوي جزاك الله خير والله تكسبي اجر
ان كانك باوكلاند ياليت تاكدلي كم السعر ومدة الرحله بالباص لاني ماابي طيران

وياليت تقولي العنوان اللي اروحله من المطار .

انا ابي اي وسيله للنقل غير الطيران يعني باص قطار سياره اي شي .

وانا موعد رحلتي من السعوديه الاحد الساعه 11 بالليل يعني الاثنين ان شاء الله اكون هناك .

وشاكر لك اخوي واسف على التعب .

الأخ العزيز koogak

صباح الخير ممكن طلب بسيط ؟؟

أبغى أعرف الموقع أعلاه اللي شرحت لنا منه المسافة من أوكلاند إلى ويلجنتون

أذا ما فيهاااا كلفه.

المشاركة الأصلية كتبت بواسطة mofleh
http://www.arabtravelersforum.com/tr...6/#post1342696

الأخ العزيز koogak

صباح الخير ممكن طلب بسيط ؟؟

أبغى أعرف الموقع أعلاه اللي شرحت لنا منه المسافة من أوكلاند إلى ويلجنتون

أذا ما فيهاااا كلفه.

افا عليك ما طلبت شيء ابشر من عيوني
هذا ذكرة أخونا في المنتدى see-the-sun
في هذا الموضوع
http://www.arabtravelersforum.com/travel116190/