الموضوع: عندي ترانزيت في قطر ساعات

السلام عليكم
انا اخوكم علي من الكويت
عندي ترانزيت في قطر من الساعه 9 الصبح الى الساعه 6 المغرب
ابي اروح مجمعات ومولات قطر ابي منكم كم استفسار
1- ابي اشوف صور مول السيتي سنتر؟
2- ابي رايكم في مول فلاجيو؟
3-شنو احلى مولات عندكم؟
4-المولات عندكم تفتح اساعه كم؟
5- كم اسعار التكاسي عندكم؟ في عداد بالتاكسي او لا؟
6-في تكاسي بالمطار؟ واذا رحت المول في تكاسي عند المولات؟
7- اذا عندكم اي رأي او نصيحه ياريت تفيدوني لان انا مو بروحي اهلي وياي
راح ازور قطر يوم واحد بس وارجع الكويت يوم11-10 -2009

مواضيع عشوائيه ممكن تكون تعجبك اخترناها لك:

• مساعده عاجله بخصوص الدي اس ال في قطر
• كم سؤال بسيط بليز لا تبخلون علي
• ألف غرفة فندقية بقطر عام
• افضل طريق من الرياض الى الدوحة ؟
• فندق دبليو من تصويري سويت واو احلى سويت للعرسان ولذكرى الزواج والمناسبات الحلوه
• ضيفكم يا أهل قطر الطيبين
• اخوانى اهل قطر ارجو الافاده عاجل
• السفر ببطاقة الهوية الوطنية
• تقريري عن مطعم اشاز الهندي
• ما أفضل فندق وشقق في الدوحة من ناحية النظافة والسعر
• قطر تعتزم شراء فنادق مايبورن البريطانية بمليار إسترليني
• السكن في الدوحة وتاجير السيارات؟
• للأخوة القطريين ممكن رقم وكالة تويوتا
• افتتاح مطعم المطبخ بفندق أرميلة بالدوحة
• سؤال للقطريات عن ساعه الرولكس واسئله اخرى
• الست هانم وسلام يا الدوحة سلام
• افتتاح مطار حمد الدولي بالدوحة مطلع أبريل
• شراكة بين إكسكيوجت والفيصل لإنشاء شركة طيران خاص في قطر
• استفسار بخصوص دخول دولة قطر
• قطر ولا احلى تعال شوف

هلا فيك أخوي

أنصحك تروح فلاجيو مره يستهال الزيارة أحسن من الستي سنتر بس الستي سنتر فيه سينما

والتكاسي عندهم مرررررررره نادره

المشاركة الأصلية كتبت بواسطة febaa
http://www.arabtravelersforum.com/tr...5/#post3352330

السلام عليكم
انا اخوكم علي من الكويت

ونعم وحياك الله في بلادك قطر

عندي ترانزيت في قطر من الساعه 9 الصبح الى الساعه 6 المغرب
ابي اروح مجمعات ومولات قطر ابي منكم كم استفسار
1- ابي اشوف صور مول السيتي سنتر؟

هاذا تقرير مميز وفيه صور لمجمع الستي سنتر


http://www.arabtravelersforum.com/travel311948/

2- ابي رايكم في مول فلاجيو؟

مجمع فيلاجيو من احلى المجمعات في قطر

وهاذا الاستفسار راح يفيدك في صور المجمع


http://www.arabtravelersforum.com/travel325092/

3-شنو احلى مولات عندكم؟

مجمع فيلاجيو وفي جنبه بعد مجمع الحياة بلازا

4-المولات عندكم تفتح اساعه كم؟

المجمعات تفتح الساعه 9:30 صباح الي الساعه 10 بليل

5- كم اسعار التكاسي عندكم؟ في عداد بالتاكسي او لا؟

العداد موجود في كل التكاسي عندنا

6-في تكاسي بالمطار؟ واذا رحت المول في تكاسي عند المولات؟

اكيد في تكاسي في المطار بس ماراح تحصل تكاسي في المجمعات


عشان عندنا نضام الاتصال لازم تتصل للتاكسي ويجيك في وين مكانك


انصحك تاخذلك لوموزين بتلاقيهم في المطار ورتب وياهم بخصوص الاماكن


راح يفضل معاك ليوم كامل مثل ماتبي

بس ماعندي فكره عن اسعارهم

7- اذا عندكم اي رأي او نصيحه ياريت تفيدوني لان انا مو بروحي اهلي وياي

انصحك بزيارة سوق واقف لاتخلي هاسوق يفوتك


وهاذا بعض التقارير راح تفيدك في بعض الاماكن و المطاعم


http://www.arabtravelersforum.com/travel283370/

راح ازور قطر يوم واحد بس وارجع الكويت يوم11-10 -2009

حياك الله وزياره سعيده أن شاء الله


وترجع بـ السلامه انت ويا الاهل وفي أمان الله


واي خدمه احنا حاضريلك الغالي

المشاركة الأصلية كتبت بواسطة febaa
http://www.arabtravelersforum.com/tr...5/#post3352330

السلام عليكم
انا اخوكم علي من الكويت
عندي ترانزيت في قطر من الساعه 9 الصبح الى الساعه 6 المغرب
ابي اروح مجمعات ومولات قطر ابي منكم كم استفسار
1- ابي اشوف صور مول السيتي سنتر؟
2- ابي رايكم في مول فلاجيو؟
3-شنو احلى مولات عندكم؟
4-المولات عندكم تفتح اساعه كم؟
5- كم اسعار التكاسي عندكم؟ في عداد بالتاكسي او لا؟
6-في تكاسي بالمطار؟ واذا رحت المول في تكاسي عند المولات؟
7- اذا عندكم اي رأي او نصيحه ياريت تفيدوني لان انا مو بروحي اهلي وياي
راح ازور قطر يوم واحد بس وارجع الكويت يوم11-10 -2009























وعليـــكم الســلام ورحمة الله وبركاته



1- فيه تقارير كثيرة متضمنة صور لستي سنتر


2- مول فيلاجيو فيه ناس تعتبره الاحسن في قطر هو جميل وتصميمه رائــع مستوحى من فينيزيا لكن موقعد بعيد جنب


اكاديمية الرياضة سباير لكن يستاهل الزيارة


3- احلى مولات في قطر شوف فيه الستي سنتر رائع وفيلاجيو هاي من وجهة نظري


4- اتوقع من الساعة التاسعة و النصف صباحا الى الساعة العاشرة ليلا او اشوي


5- فيه عداد بالتاكسي لكن التكاسي تعتبر غالية لانه بنظام المتر مراات ممكن تتفاوض مع السائق وما يخدم العداد


هو في المولات الي التكاسي متوفرة فيها اما بالشوارع وين ووين اتحصل تاكسي قليل


سفرة موفقة ان شـــاء الله




تحياتي

المشاركة الأصلية كتبت بواسطة febaa
http://www.arabtravelersforum.com/tr...8/#post3352418

مشكورين وايد
بس اللي فهمته من كلامكم اني اقضي اليوم كله من الصبح في مجمع فلاجيو لين المغرب حزت الطياره وارجع المطار؟
يعني المده حيل قصيره وابي اروح احلى مكان او مكانيين وارجع المطار عشان الطياره
وياريت تعطوني ارقام تاكسي عشان اتصل فيهم لما اطلع من المول
وابي تقولولي جم اسعار خط الموبايل عشان اشتري خط قطري
وسلامتكم

تقدر تقسم وقتك اول ماتوصل تروح الي مجمع فيلاجيو عشان هو ابعد واحد من المطار


تاخذ لفه سريعه وتريح في احدا الكوفي شوبات


وبعدين تطلع تروح الي الستي سنتر بعد لمده قول ساعه ونص عشان ستي سنتر اكبر من فيلاجيو شوي


وبعدين اخر مكان وهو سوق واقف وهاذي بتكون محطتك الاخيره عشان سوق واقف بيكون قريب من المطار


وحط في بالك لازم تكون في المطار قبل موعد اقلاع الطياره بساعتين


ومثل ماقتلك اخذلك لوموزين ليوم كامل من شركة كروه لتكسب الوقت بدل ماتنتضر التاكسي يجيك وتضيع الوقت


وهاذي رقم شركة كروه للمواصلات


9744588888 +



وبنسبه الي الكرت اول ماتوصل الي فيلاجيو عندك شركة فودافون والكرت سعره 50 ريال قطري


واي خدمه احنا حاضريلك

سيتي سنتر كم يكفيه من الوقت؟

حياك الله

في البداية تفضل هالرابط

http://www.arabtravelersforum.com/travel251706/

طبعا الستي سنتر كبير ويحتاج وقت

بس يتوقف على انت ايش ودك ...هو فيه مطاعم ومقاهي وتسوق وسينمات وصالة تزلج والعاب ووو

يعني يبيلك تلفة وتاخذ فكرة عنه في ساعة او اقل تقريبا

وممكن بعدها تحدد شنو ودك

وانصحك مثل الاخوان من توصل تروح فيلاجيو تتمشى وبعدها تتغدى

طبعا في اختيارات كثيرة من المطاعم في فيلاجيو

وهذا واحد منهم

http://www.arabtravelersforum.com/travel250436/
ومن فيلاجيو على الستي سنتر تتمشى فيه واذا ودك تمر اللؤلؤة

هذا الرابط حلو عن اللؤلؤة

http://www.arabtravelersforum.com/travel247501/

http://www.arabtravelersforum.com/travel259335/

ومن اللؤلؤة الى سوق واقف تتمشى وتاخذ قهوة او تاكل اكلات خفيفة شعبية

ومنها للمطار ...وان شاء الله ترجع قطر بزيارة اطول وتكون فرصة تمر اكبر قدر من الاماكن

المشاركة الأصلية كتبت بواسطة رجااوي
http://www.arabtravelersforum.com/tr...1/#post3354911

انا بعد اقترح عليك تروحون فيلاجيو وعقبه تتمشون فاللؤلؤة وبعدها سوق واقف وثم المطار

طبعا التكاسي متوفره فالمطار والمولات تفتح من 9

وحياكم الله



التاكسي متوفر في المطار بس مو متوفر عند المولات؟

أخوي سوق واقف مو مجرد سوق ...................فيه كثير كافيهات ومطاعم لها جلسات خارجية وداخليه

شرايكم اجر سياره من المطار؟
بشنو تنصحوني؟
وكم اسعار التأجير لليوم؟
ومن وين احصل مكاتب تأجير في المطار؟

تعتقد ان ممكن اضيع ومادل؟
يعني لو اسئل ماينفع؟

المشاركة الأصلية كتبت بواسطة febaa
http://www.arabtravelersforum.com/tr...9/#post3356739

تعتقد ان ممكن اضيع ومادل؟
يعني لو اسئل ماينفع؟



















الســلام عليـــكم


لو اول مرة تجي البلد صغيرة لكن لانو المولات متفرقة الستي سنتر سهل بوسط منطقة الابراج فيلاجيو بعيد جنب السباير


الاندمارك غير كذا متحف الفن الاسلامي على الكورنيش سهل...


موفق ان شــاء الله



تحياتي

المشاركة الأصلية كتبت بواسطة febaa
http://www.arabtravelersforum.com/tr...9/#post3356739

تعتقد ان ممكن اضيع ومادل؟
يعني لو اسئل ماينفع؟

مارح اتضيع أن شاء الله


ولي يسأل مايضيع


يذا عندك جهاز قارمن او جوال في نفيقيشن راح يفيدك


ويسهل عليك الطريق

لا اخوي انا مابي كل المولات
انا اول شي بطلع من المطار بروح مول فلاجيو
بعدين بطلع من فلاجيو بروح سيتي سنتر
بعدين برجع المطار
بس هذي مشاويري
تعتقد اني بضييع؟ ومادل؟؟
انا اول مره اجي الدوحه

المشاركة الأصلية كتبت بواسطة febaa
http://www.arabtravelersforum.com/tr...1/#post3356761

لا اخوي انا مابي كل المولات
انا اول شي بطلع من المطار بروح مول فلاجيو
بعدين بطلع من فلاجيو بروح سيتي سنتر
بعدين برجع المطار
بس هذي مشاويري
تعتقد اني بضييع؟ ومادل؟؟
انا اول مره اجي الدوحه



















من المطــار لفيلاجيو مو مشكلة تقدر تسال بالطريق


من فيلاجيو لستي سنتر نفس الشي


اما من الستي سنتر للمطــار تاخد طريق الكورنيـش دايركت لين توصل الاشارة الي فيها برج تويوتا تلف على اليسار دايركت


على المطــار



تحياتي

المشاركة الأصلية كتبت بواسطة planazur
http://www.arabtravelersforum.com/tr...1/#post3356781

من المطــار لفيلاجيو مو مشكلة تقدر تسال بالطريق


من فيلاجيو لستي سنتر نفس الشي


اما من الستي سنتر للمطــار تاخد طريق الكورنيـش دايركت لين توصل الاشارة الي فيها برج تويوتا تلف على اليسار دايركت


على المطــار



تحياتي



عاشق قطر
كفييت ووفييت يابعد راسي

المشاركة الأصلية كتبت بواسطة حلو ومدلع
http://www.arabtravelersforum.com/tr...6/#post3357986

والله اخوي الامر راجعلك انت وسو الي يريحك

على العموم موضوع المواصلات سهل قبل لا تنوي تطلع من المجمع اتصل بشركة التكاسي او حدى شركات اللومزين وايونك وانت في مكانك واول مايوصل بيتصل فيك وهشي انا اسوي لمى اسافر الامارات او الكويت او البحرين لاني ماحب اسوق وانا مسافر

على العموم سو الي يريحك واذا تبي ارقام شركات لومزين او تكاسي قولي واطهم لك

وتحياتي لك



مشكور اخوي
اي ولله ياريت تحطلي ارقام التكاسي
احفظهم عندي للإحتياط

هاي شركة لومزين اسمها لومزين الامارات الرقم هو 4862223

بنسبة لكروة رقمهم 4588888 وهي شركة التكاسي

بنسبة للاستعلامات رقمهم 180 وتقدر تطلب منهم رقم اي شركة لومزين وهم فيدونك

بنسبة لسوق واقف فهو مفتوح

بنسبة للمحلات فتفتح من الساعه 8 او 9 الصبح واتصكر الساعه 12 وبعظهم 1 الظهر

وبعدها بيفتحون الساعه 4 العصر الين الساعه 10 الليل

اما المطاعم فيفتحون من الصبح الين الليل

وفي منهم 24 ساعه مثل مطعم طاجين المغربين

ومطعم زيت وزعتر يفتح 24 ساعه في الاجازات والويك اند

بس نصيحتي حلات سوق واقف بليل

يكون الجو روووعه

بالنسبة لفلاجيو مول يفتح الساعه كم الصبح ويسكر الظهر اول لا؟؟؟
وشنو المطاعم الموجوده في فلاجيو مول وشنو افضل مطاعم للريوق يعني مثل زيت وزعتر؟؟؟
وسلامتكم