عندي ترانزيت ساعات في مطار مسقط ؟؟

**alifun** · 01-16-2015, 06:14 AM

السلام عليكم ورحمة الله

مثل ما هو موضح في العنوان .. عندي ترانزيت 9 ساعات في مطار مسقط .. من الساعة العاشرة صباحاً و حتى السابعة مساءً .. إذا في احد ممكن يفيدنا في استغلال هذا الوقت ..؟؟

يعني شنو اقرب شي يم المطار .. هل فيه مجمع ولا لا ؟؟

ارجوا منكم الإفادة

مواضيع عشوائيه ممكن تكون تعجبك اخترناها لك:

**ahmed2** · 01-16-2015, 06:14 AM

وعليكم السلام ورحمه الله وبركاته
توصل بالسلامه اخي بتنورنا
9 ساعات اعتبرها شوي بس ممكن تروح السيتي سنتر مسافه ربع ساعه بالكثير من المطار واذا خلصت بدري ممكن تاخذ لك لفه الى منطقه القرم وقت العصر يعني الساعه 4 تقريبا عالكورنيش ويوجد الكثير من الكافيهات فيه او اذا كنت من محبي المهرجانات ممكن تزور حديقه القرم او النسيم
واذا تستاجر سياره من المطار مع gps يكون احسن عشان تستغل الوقت
واي سؤال اخر تفضل. اتمني اني اكون افدتك بشي

**ahmed2** · 01-16-2015, 06:14 AM

الله يعطيكم العافية ..

عندي استفسار بخصوص الخروج من المطار .. هل يسمح لي بالخروج و لا في شروط ؟؟ خصوصاً ان الأنتظار 9 ساعات ؟؟

**ahmed3** · 01-16-2015, 06:14 AM

اخي العزيز في هالنقطه اختلف العلماء
في ناس تقول عادي الخروج من المطار وفي ناس تقول لا
لاكن بحكم خبرتي المتواضعه اقول دام انك خليجي عادي تطلع من المطار لانك مو محتاج فيزا وانا سويت هالحركه عليك انك تسوي نفسك زاير عمان وهم ما يعرفون انك جاي ترانزيت وطبعا التذكره لوجهتك الثانيه راح تحصلها من مطار بلدك فانا اشوف عادي تسوي هالشي لاني سويت هالحركه مره بمطار خليجي وانشالله محد يعترض واذا تبي تتاكد اكثر اسال الموظف اللي يطلعلك البوردنق باس في دولتك وانشالله يصير

توصل بالسلامه ان شاء الله

**ahmedali** · 01-16-2015, 06:14 AM

الله يعطيك العافية اخوي .. و ان شاء الله تتسهل الأمور

**ahmed1** · 01-16-2015, 06:14 AM

1- كورنيش مطرح (45 دقيقة من المطار)
2- مسقط القديمة وزيارة قصر العلم
3- طعام الغداء في احد المطاعم الموجودة في شاطئ القرم ( اقترح مجمع الواحة)
4- القرم وشارعها البحري ( شارع الحب المسمى الشعبي)
5- زيارة احد المراكز التجارية ( سيتي سنتر القرم او سيتي سنتر السيب)
6- العودة الى المطار