الموضوع: مساعده قطر

ماهي الاماكن الممتازه التي تستاهل الزياره بقطر

مواضيع عشوائيه ممكن تكون تعجبك اخترناها لك:

• مخيم اللؤلؤة السوداء جنوب قطر
• انا و عيد الاضحي في قطر
• رسالة من شقيق الأسير علي بن صالح بن كحلة المري إلى الإخوة في الحملة المباركة
• فندق وشرايكم فيه؟
• قطر الوحيدة خليجياً في تنظيم مهرجانين للفطر والأضحى
• هلا بقطر واهل قطر تكفووون محتاج مساعدتكم
• متحيرة وابغيكم تفكون حيرتي مساعدة مستعجلة
• سؤال لأهل قطر الكرام
• ترانزيت ساعتين في قطر
• معرض الأعراس وعروض الأزياء ينطلق مايو
• من يقول أنا لها
• البحث عن سكن
• عروض فندق الانتر كونتننتال في رمضان
• ابي شهاليهات في قطر ضروري هالاسبوع
• القطرية تكشف عن حملتها الإعلانية الجديدة للترويج لوجهتها الجديدة هيوستن
• المنشآت الرياضية بقطر لها مستقبل واعد بالسياحة
• استفسار
• عاجل استفسار بخصوص المجمعات التجاري
• سلسلة اسأله عن دوحه العز
• ابي وصف جزيرة اللولو

هلا أخوي الغالي .. تشرفنا بحضورك ..
والأماكن الي تستاهل الزيارة كثيرة جداً .. لكن محدوده في نفس الوقت !!!

لمحبي التسوق ..
1- سوق واقف (شعبي)
2- شارع النصر وشارع السد . (شارع تجاري)
3- مجمع اللاندمارك (مجمع ممتاز)
4- مجمع السيتي سنـــتــر ( أكبر مجمع في الشرق الأوســط )
5- مجمع المــــول .
6- مجمع اللولو .
7- سوق الجبـــر وسوق الديرة وسوق فالح وسوق الأحمد (كلهم أحذى بعض بس ينفعون حق الحريم أكثــر) ..
8- مجمع المركز أو كما يسمى (السنـتـــر) صغير نوعاً ما . بس مايميزه العطورات
9- الصالون الأزرق (أحسن مكان لبيع العطورات الحديثة) ..

هذا الي أتذكره حالياً ..


أما عن الأماكن السياحيــة
فعليك بمطعم بلهمبار .. الموقع (منتصف كورنيش الدوحـــة) لايفوتك
القرية الشعبية أو المقهى الشعبــي .. بالقرب من نادي الدوحــة
شاطئ نادي الدوحــة .. طبعاً هو خارج نادي الدوحـة بس لقربة من نادي الدوحة سمي بهذا الأســم .
كورنيش الدوحــة .. أحلى كورنيش في الخليـــج .. على حسب كلام الأخوان الي زاروا الكورنيـــش
عندك ياطويل العمــر شاطئ الوكــرة ..
وشاطئ سيلين .. بالقرب من منتجع سيلين ..
وشاطئ خور العديد .. لازم تروح في سيارة دفع رباعــي علشان توصل ..
لكن الحين برد ما أنصح بالسباحــة

المطاعــم :
عندك مطاعم كثيرة ... أفضلها
مطعم السلطان إبراهيم في فندق الأنتركونتننتال ..للأكلات البحرية فقط
مطعم بخارا .. مطعم هندي بجوار مبنى التنس والاستكواش ..
مطعم نجمة الهنـد .. مطعم هندي جيد ..
مطاعم البنــدر .. في الكورنيـــش ..
مطعم السندباد .. إيراني ..
مطعم الشاطر عباس .. إيراني
مطعم شبستان .. أرقى مطعم إيرانــي في الدوحــة ..
المطعم التركي المركزي .. في شارع النصر .. مطعم متميز جداً
فرغلي .. عصائر وسندويشات ..
مطعم الروشــة .. مطعم متميز
مطعم الريف اللبناني .. معجناته عجيبه
مطعم السلطان .. مطعم جيد ..
مطعم المجلس .. جداً حلو وجلساته حلوه .. في شارع الســد
مطعم فينيسيا .. شارع السد
مطعم الخيمة .. شارع الســد
مطعم أبل بيــز .. شارع النصـــر .
مطعم تشيليز .. شارع النصر .
مطعم فخر الديــن .. شارع النصــر
مطعـم دجاج ناندوز .. دجاج عجيــب
أمممممممممم هذا الي أذكره حالياً

أما عن الفنادق .. فعدك الخيارات واسعة .. قولي أيش المستوى الي تبيه وأنا راح أدلك .. وحياك الله أخوي فيــصـــل ..

شكرا بو محمد


من ناحيه الفنادق
اهم شي فندق يكون نظيف بمعنى الكلمه

وسعره معقول

واذا كان يطل على البحر يكون افضل

كم حدود السعر ؟؟

عندك الماريـــوت ... يطل على البحــر
فندق رامادا ... في نص المدينــة
فندق موفنبيــك .. يطل على البحــر (بس ماله شاطئ)
فندق ريدجز .. نفس فندق موفنبيك
فندق مروب .. فندق جديد في شارع الســـد
فندق أنتركونتننتال .. أعتقد مسويين عرض عليه ..
فندق شيراتون .. أكبر لوبي في الشرق الأوسط .. وفندق ممتاز .. له شاطئ وعلى البحر . ومكانه مميز .
فندق الريتز كالرتون .. فندق متميز قابع كالجزيرة في بحيرة الخليج الغربي .. يطل على الخليج العربي ... لكنه غالي شوي

تحياتي لـــــــــــك

وأنصحك بـ الـ5 الفنادق الأولى الي ذكرتهــم .. لأن أسعارهم متوسطــه ..

وفندق الأنتركونتننتال جيد .. ويمكن مسويين عروض عليــه

وألحق ماتلحق ..

في بعض الاشياء اللي نسيتها يابومحمد..
اولا المجمعات في مجمع الحياة بلازا بس هذا ينفع للعائلة لان كله ملابس اطفال وحريم وفي منطقة للالعاب وبعد المخازن الكبرى
الاسواق( الجبر وواقف وفالح والديرة) تصلح للحريم
وعندك السلام بلازا والصالون الازرق يبيعون العطورات والملابس والشنط واغراض البيت بس كلها ماركات عالمية وغالية
بالنسبة للمطاعم: عندك الجولف حلو ومكانه شرح خصوصا هالفترة لان الجو حلو وهم عندهم قعدات على التيراس..
فندق الماريوت اكله عجييييب
البتيل
سبورت كافيه في السيتي سنتر بس مانصحك باكلهم يعني بس تتقهوى
فرغلي اذا كان خاطرك تشرب عصير المنجا اللي في مصر وسندويشات مصر( بس هو معصرة يعني مافيه قعدات)
ان شاء الله لما اتذكر شي راح ارجع اكتب

شكراً على الإضافة يا أم ياسمينـــا