السلام عليكم يوجد اخي هذه التجربة
السلام عليكم و رحمة الله وبركاته
, حبيت اشارككم زيارتي لأحد امتع البلدان الاسيوية و البلد اللي يسابق اللحظة في التطور و الحضارة في القارة الاسيوية كوريا الجنوبية. لاني قبل ما اروح جلست ابحث عن معلومات عن سيوؤل و مالقيت تقارير مفصلة للبلد , عشان كذا بقسم الموضوع لجزئيات عشان اللي ناوي يزور البلد يستفيد من المحاور اللي يبيها من الموضوع عشان ما يتشتت

قصة الرحلة :


في بداية شهر اوغست بعد عيد الفطر , و عقب ما شفت عيد الرياض النايم , قررت اني ازور كوريا لعدة اسباب أولها انها بدون تاشيرة اذا كانت فترة اقامتك فيها اقل من 30 يوم و الشيء الثاني رغبة برؤية البلد اللي يصنع لي كل شيئ من سيارتي هونداي الى جوالي سامسونج الى المكيف اللي يخلينا ننام في سعادة ال جي , بحثت عن اسعار التذاكر و كانت تترواح من 3000 الى 6000 للدرجة السياحية طبعا كان حجزي متاخر عشان كذا الاسعار مرتفعة والا لو تحجز بدري اكيد تلقى ارخص , فقررت احجز على الخطوط الكورية لأنها هي الوحيدة اللي تروح مباشرة من الرياض الى سيوول بدون ترانزيت. كان مدة الرحلة 12 ليلة في اوغست .

الخطوط الكورية :


كان فترة الرحلة من الرياض الى سيوؤل قرابة 10 ساعات , و احقاقا للحق الخطوط الكورية كانت من اجمل الحطوط اللي ركبتها , طاقم ضيافة متميز و كراسي الطيران الاقتصادي كانت مريحة و خدماتهم جميلة , بس اهم نقطة اذا جيت تحجز عليهم اطلب اكل حلال عشان ما تتورط مع لحومهم

مطار سيوؤل انشهيون


طبعا بالطائرة يعطونك ورقة صغيرة تعبيها بالبيانات الاساسية لك و عنوان سكنك عشان اجراءات تسجيل الدخول , و عند الوصول للمطار اللي كان مرتب و جميل و رايق , كانت اجرائات تسجيل الوصول و الدخول كانت سلسة لكثرة الكاونترات , و بشاشة العاملين .
طبعا المطار يبعد حول ساعة بالسيارة عن منتصف سيوؤل
ارجو ممن لديه تجربة ايضا يفيدنا
اهلا بك

مواضيع عشوائيه ممكن تكون تعجبك اخترناها لك: