حياك ربي
خريطة المترو فيها جميع خطوط المترو بالالوان
وفيها جميع محطات الوقوف
هذي صورة خريطة المترو
فمثلا انت ساكن بفندق خط المترو اللي عنده لونه ازرق وبتروح لمكان بعيد شوي
والمكان اللي بتروح له المترو اللي عنده لونه اصفر
تطلع بالازرق ثم تنزل عند الاحمر ثم تركب الاصفر ثم تنزل عند المحطة اللي تبيها
وبالرجعة ترجع عكس اللي جيت معه من الاصفر للاحمر للازرق
هذا مثال
واحسن ما بخريطة المترو اللي تاخذها من المطار فيها اسم محطات التوقف وارقامها
اتمنى وضحت لك الصورة
اما من ناحية الاماكن السياحية بسيول
عندك برج سيول وحوله اسواق شعبية
عندك النهر الصناعي «تشونغ جي تشون» واظن انه قريب من البرج لاني ما رحت له
عندك نافورة نهر الهان بخط المترو البنفسجي اسم المحطة yeouinaru او اللي بعدها واسمها yeouido
عندك القصور القديمة اسمها gyeongbok palace وهي على خط المترو باللون البرتقالي واسم المحطة gyeong bokgung ولو تطالع بالخريطة بتشوف صورة قصر
عندك مدينة الملاهي ايفر لاند يوم كامل وبوسطها حديقة حيوانات اسمها سفاري
اذا بتروح لايفر لاند الخط الاخضر تنزل عند المحطة رقم 222 وتركب الباص اهم شيء قبل تطلع تطلب من الفندق يكتبون لك ايفرلاند بالكوري ورقم الباص اللي بيوديك
عندك عالم لوتي ملاهي ومحلات تسوق بس ما رحت لها
عندك شارع ايتوان فيه مطاعم حلال واذا حنيت للعرب تروح هناك 
عموما انا الحين بالعمل وجاوبت عليك باختصار لاني مشغول مرة ولا حبيت اتجاهل اسئلتك اخاف اتأخر عليك
و عندي بالبيت خريطة المترو اللي فيها ارقام المحطات بحاول ارسل لك رقمي حتى تتواصل معي بالوتس واذا اشكل عليك اي شيء تسألني مباشرة
وحنا بخدمتك وبخدمة جميع اعضاء هالمنتدى اللي استفدنا منه معلومات قيمة
رد مع اقتباس
المفضلات