الموضوع: سفرتي قربت الي إندونيسيا

وعليكم السلام ورحمة الله وبركاته
1- الوقت اللي انت رايح فيه لا يوجد زحام او اجازة عند الاندونيسيين والاجواء مثل العادة جميلة ومتوسطة الامطار بإذن الله
2- يوجد مكاتب للأمانات ولكني لم اجبرهم من قبل وانصحك انك تشيل جزء من الفلوس كاش وجزء يكون في الفيزا او بطاقة الصراف تسحبه وقت الحاجة ولا تشيل هم لان اندونيسيا آمان ولكن الحرص واجب
3- اللي يخلي اندونيسيا اجمل هي الجمعة والقروبات الصغيرة لان اغلب الاماكن مثل حديقة الزهور وتشيبوداس في الجبل او البراكين في باندونق ما تحلى زيارتها الا مجموعة
4- فيه مدينة قريبة من الجبل وهي بوقور فيها حدائق واسواق جميلة
5- الصرف الافضل خذ فئة 100 الف حتى ما يكون عدد الأوراق معك كثير

وعليكم السلام ورحمة الله وبركاته
وصبحك الله بالنور
والعفوا يالغالي وماسويت شي وهذا دورنا هنا نفيد ونستفيد
المشرف القدير طارق 2004 ماقصر جاوبك الله يجزاه خير
وانا اقول لاتشيل هم الفلوس اندونيسيا امان باذن الله وانت اول شي اصرف اللي تحتاجه يعني اصرف مثلا 1500 ريال يساوي بالروبيه تقريبا 4 مليون ونص وهذي تكون معك حقت ثلاث ايام او اربع ايام و يكون معك مليون والباقي تخليه بالفله او الفندق والوضع امان باذن الله ,, (انا رحت هناك وصرفت تقريبا 9 مليون وخليته بالغرفه واخذ اللي احتاجه لليوم والباقي بالغرفه واقفل الغرفه مع انه امان بس احتياط والحمد لله ماصار أي شي ولا)
وكل ثلاث ايام او يومين تصرف, العمله هناك 100 الف روبيه ,,,انا مثلك قبل لا اروح قلت المليون وين اوديه ابي ابلش بنقلته ويوم رحت هناك شفت الوضع
ياخوي ترا السفر وحداني مافيه لا طفش ولا شي بالعكس ,,, فيه ناس تفضل السفر بخوي وفيه ناس ماعنده مشكله تسافر وحداني ,,, انا بالنسبه لي ماعندي أي مشكله اسافر وحداني واذا كان فيه خوي يكون افضل بس يعني مهو معناته انه اذا مامعك خوي خلاص تطفش
فيه عضو هنا اسمه نبض المسافر شف تقاريره وتراه يروح وحداني ومونس عمره والحمدلله وهي ديره ترتاح فيها نفسيا مع الاجواء الحلوه
انت ان شاء الله تروح هناك وتشوف الاوضاع ورح لكل الاماكن لاتقول مابي اجي المكان مامعي خوي لا اطلع واستانس وفيه بعض الاماكن يكون فيها مرشد سياحي يعني لاتشيل هم انك تضيع ولا ماتدل وماتعرف
والامور زينه ان شاء الله ولي تكمله معك باذن الله بعدين
بالتوفيق

صبحكم بالخير
الف شكر
اخي طارق 2004
الف شكر لك
اخي برزان
والحمدلله على سلامتك اخي برزان

وعليكم السلام ورحمة الله وبركاته
وما قصرو الاخوان سبقونا كعادتهم في الرد
ولا تشيل هم دامك مرتب امورك زين ان شاءالله بتمشي على الي انت مرتبها وممكن تكون بعد احلى
وبخصوص انك وحيد صح الصحبة في السفر احسن والرسول صلى الله عليه وسلم موصي على الصحبة
بس ممكن انت جبرك الوقت على سفرتك وحيد وقدر الله ونقول الحمدالله
بس نصيحتي لا تفكر في كونك وحيد ووسع صدرك وزور الاماكن كلها العاب منتزهات وراح تحصل بعض الرحلات قروبات
يعني ان شاءالله تستمع بسفرتك
وبخصوص المبلغ مثل ما قالو الافضل تصرفه حق يومك وقبل السفر تصرف شي بسيط حق اول يوم
والباقي تصرف كل يوم بيومه والصرف متذبب مو ثابت على سعر معين
والاماكن كثيره والجزر كثيره وانت اكيد تابعت تقارير الاعضاء وحصلت اشياء كثيره
وربي يوفقك وترجع بالسلامه
دمت بود محبكم / البرنس المسافر

الاخ عماد بشرنا عنك وش صار عليك ووشلون السفره
اعتذر عن الانقطاع وبانتظار ردك على احر من الجمر