الموضوع: فآضي وبالك وسيع وودك تفيدني خش هنا لاهنت

السلام عليكم الجميع

حوالي أسبوعين وأنا أدور بين المواضيع لين دخت ،
بالأخير مالي غنى عن مشورتكم بعد ما أخذت رؤوس أقلام من هنا وهنا ،

مسافر لأول مره لإندونيسيا ومعاي المدام ،
الوصول 5 / 6 / 2013 الساعة 11 مساء
الأخ المصباح جزاه الله خير أشوف ردوده بكل مكان ،
ينصح بالاستئجار بفندق ( FM7 Resort Hotel ) يقول قريب من المطار !
وبما أني جاي آخر الليل أكيد بيكون خيار ممتاز جداً لقربه وراح أتوكل على الله وأحجز يوم !

طبعا أول ما أصحى ناوي أطلع للجبل ( وهنا مشكلتي ) !
الرغبه أني اسكن بفله ، لكن أشوف الغالبية ينصحون بفندق سيروني 3 !!!
مشكلة هالفندق مافي حجز إلا بالتلفون وما تدري تضمن ولا ما تضمن كلامهم ،
الفلل لو سكنت أشوفهم يمدحون كوتا بونقا وفي ناس يحذرون منها مدري ليش !؟
فرأيكم يهمني مع العلم أني بجلس 5 أيام بالجبل ، أميل للفلل بما أن عزبة الطبخ والقهوة ماتفارقني ؟

( باندونق )

النيه كانت موجوده أني أخذ فندق Sensa Hote يومين !
لكن واحد قال لي ماتسوى انك تروح لها ، ما فيها إلا البراكين لا أكثر ،
نصحني اجلس هاليومين بالجبل وان كنت مصمم مصمم ع باندونق أروح لها بيوم وارجع ،
لكنه يقول مشوار 4 ساعات رايح و4 جاي ولا تسوى هالتعب ،
فأبي رأيكم !!
أمدد بالجبل وتصير 7 أيام ،
أو أروح لباندونغ واجلس يومين ،
وان جلست يومين في شئ يسوى يخليني اجلس فيها
يعني في جدول حلو ليومين !؟


( جاكرتا )

طبعا في الحالتين بإذن الله راح أكون يوم 13 في جاكرتا
اغلبهم ينصح بـ ( Aston Marina ) يقولون الموقع حلو عاد مدري حلو لايش يعني ،
بجلس يومين لأن موعد العودة 15 / 6 / 2013 الساعة 5 مساء أن شاء الله

هل تنصحوني بالشقق هذه ولا أغيرها !؟


بالنهاية

اذا كان الجدول مش ولابد وعندكم آراء أخرى فكلي آذان صاغية ! من الموبايل

مواضيع عشوائيه ممكن تكون تعجبك اخترناها لك:

• ما خاب من استشار
• اخواني خبراء بوابة اندونيسيا؟ عاجل جداً
• استفسارات ساروني
• اليومـ اعرض عليكم برنامج رحلتي يوم
• العيد في الصين غير
• قريبا سوف أسافر أندونيسيا نصيحتكم
• تكفون يالربع نخيتكم تكفون
• بارك الله فيكم
• أستفسار عن فندق سيروني
• ياليت اللي عنده معلومات يفيدني
• أيهما أفضل شاطئ أنير ام بلابون راتو
• تكفون يا اهل العمه تكفون ردو
• ماهو الرأي بالسفر بعد العيد هل هو مناسب؟؟؟
• افضل فنادق جاكرتا للعرسان
• مطلوب فله غرف بالجبل السفر ديسمبر
• اختكم بحاجه لمساعده اول مره اسافر
• أي المناطق ترشح في بالي
• لاهنتووو افيدووووني بلييييييييييز
• مشكله بالحجز ارجو المساعده
• مقهى

وعليكم السلام .. يا هلا بك ..
المدة حسب تواريخك 10 أيام مع يوم الوصول المتأخر وطالما بالي ليست بالجدول من رأيي ترتاح
يوم الوصول وتضيف عليه يوم ثاني في جاكرتا وتختار فندق قريب من مولات مثل فندق بولمان سنترال
وهو مناسب لك كعريس أو شيوبترا وفندق استون مارينا مميز بقربه من انشول ولكن أقل فخامة وتحتاج
سيارة للوصول للمولات .. أقول إذا أنت والمدام متع نفسك واختار فنادق تستاهل ..
الفندق القريب من المطار خيار مناسب لمن يريد الذهاب لبالي في اليوم التالي ..
بالنسبة لباندونق من رأيي تستحق الزيارة وما أعتقد أنك تخسر شيء بزيارتها وتخصيص يومين لها
وفيها خيارات جميلة وهذا توزيع للأيام إذا يناسبك :
جاكرتا 2 -- الجبل 5 -- باندونق 2 -- جاكرتا 1
وممكن تجعل باندونق حسب ظروفك في الجبل إذا مستمتع بأجواء الجبل ومرتاح وما مليت تكمل أيامك
وإذا مليت وتريد التغيير تحجز من أي مكتب في الجبل فندق سينسا بباندونق وتتوكل على الله ..
مجمع كوتا بونقا كبير وموحش بالليل ولا يناسب شخصين وبعيد عن الخدمات وحاول بفيلا قريبة إذا
مصمم على الفلل وهذه تبحث عنها مع السائق وعلى عينك ومن رأيي تسكن يومين بسيروني إذا قدرت
تحجز فيه وتبحث عن فيلا وإذا ما ناسبك شيء تكمل بالفندق ..

ياهلا والله ومسهلا بالمصباح

بيض الله وجهك وجزاك كل خير ،

مسألة أني بجلس يومين بـ جاكرتا اول ما أوصل أشوف أنها صعبه شوي ،
بما أني أوصل الأربعاء 11 بالليل ،
ولو بجلس يومين بعدين بروح الجبل .. أشوفكم تنصحون أن السبت والأحد الطريق زحمه وعالم بما أنها أجازه
فأفضل أني أنام ليله والخميس الصباح اصحى ويالله ع الجبل ،
[ اولا ] تأيدني بهالشي ولا لك رأي اخر ؟

،،،،،،

[ ثانيا ] دامك تقول فندق FM7 Resort Hote يكون كويس للي بيطلع بالي ،
شرايك أحجز بفندق ثاني ( سيوبترا جاكرتا ) يقولون انه ع الطريق للجبل ؟
ولا عندك خيار ثاني لي ؟

،،،،،،

وعند العودة لجاكرتا اجعلها يومين ،
لكن بسألك وين الأفضل اسكن قريب لانشول لأني اسمع ان فيها عدة أماكن سياحية
ولا اسكن بفندق بولمان واكتفي بالمولات !؟ من الموبايل

اسكن بفندق بولمان او غيره من الفنادق الملاصقه لمول

شاطي انشول مكان واحد تقدر تروح له من بدري الصباح وترجع بعد المغرب لفندقك والتكاسي متوفره
شخصيا ما افضل تسكن في منطقه انشول ولكن لو اصريت الا تسكن هناك فعندك فندق النوفوتيل افضل الفنادق القريبه