اخوكم غشيم ... وين وسيع الصدر ... عندي 14 سؤال عن دبي العزيزة واولها طريق الدمام دبي بالتفصيل ؟
عندي جمس سوبربان وحنا عائلة مكونة من 8 اشخاص والاعمار 50/45/16/15/14/10/4/4
1 يعني من اول حي الفيصلية بالدمام مرورا بشاطئ نصف القمر ثم ابقيق ثم الاحساء ايلين دبي .
2 في الاحساء يقولون فيه طريق يختصر تقريبا 80 كيلو الى دبي !!!!! وشلون ؟ وبالتفصيل ؟
3 وبالنسبة للبنزين عرفت انه لازم اعبي كل مره يوصل فيها العداد الى النص . مع ان البنزين 95 اذا عبيته فل يوصلني من الدمام الى الرياض ويبقى فيه اكثر من النص بشوي ... يعني الفل يكفيني حوالي 800 كيلو .
4 وبعدين وش سالفة كروت الفيزا اللي في جمارك دبي ... يقولون انهم ياخذون 100 درهم عن كل جواز .... والله هاذي مشكلة .... لاني انا رب الاسره وعددنا الاجمالي 8 اشخاص ... لكل واحد جواز مستقل ... يعني 800 درهم .. معقول
او هل هو تأمين وبعدين يرجعونه لي ؟؟؟؟
5 كم الوقت من الدمام الى دبي بسرعة 120 كم / ساعة ؟
6 اذا وصلت دبي ان شاء الله وابي اروح الى شقق سها اللي في المارينا جميرا بيتش .... وش اسهل طريق يوصل ؟
7 وش الفرق بين المارينا والجميرا بيتش ؟
8 الممشى اللي في المارينا ... كم طوله تقريبا ؟ وايش الفندق اللي في بدايته والفندق اللي في نهايته ؟
9 ماهي ترجمة الكود spa اللي موجوده في كثير من حجوزات الفنادق ؟ هل هي نادي صحي ام ماذا ؟
10 في عام 2008 كنت ساكن في فندق 4points by sheraton اللي في شارع الشيخ زايد .... هل المارينا احلى واجمل من المنطقة الاولى ؟
11 انا عرفت ان اللي يستخدم في الدمام بنزين 95 .... من الافضل يعبي في دبي 95 او اعلى ... هل هذا صحيح ؟
12 انا ما ودي احجز فندق لانه جايز اتعطل في الدرب ولا اجي بنفس اليوم فيخصمون علي يومين بالفيزا كارد ... انا ابي رقم حجز مباشر وسهل بحيث اني اذا دخلت دبي ... حجزت على طول .
13 كم الحد الاعلى لعمر الطفل في النظام الفندقي ؟
14 هل التدخين مسموح في الممشى اللي في المارينا ... جنب شقق سها وفندق الموفمبيك والاوسس ؟ولا لازم تروح كيلو داخل البحر علشان تدخن .. الله يفكنا منه ... قولو آمين
--------------------------------------------------------------
اذا فيه احد يقدر يجاوب على الاسئلة هاذي او اي واحد يجاوب على السؤال اللي يخصه اكون شاكر ومقدر له وادعو الله ان يجزاه ألف خير في الدارين .
--------------------------------------------------------------
ابو تميم

مواضيع عشوائيه ممكن تكون تعجبك اخترناها لك: