أبولانا
شكرًا لك وان شاء الله نعيد الذكريات مع بعض
Bahrain74
الله يعافيك وراح نرجع الي البحرين الحبيبه
Mr.q8
ليش ما سافرت من الكويت يمكن ذكر بعض الأسباب بالتقرير ومن أهمها ان وقت الانتظار في مطار هيثرو طويله اكثر من 6 ساعات ومعاك عائله يعني الوضع راح يصير متعب والسبب الاخر هو فرق السعر كان تقريبا من 200 الي 300 دولار علي التذكرة اضرب ب 6 عليك الحساب والسبب الأخير متعلق فيني أني أساسا اكمل دراستي العليا في البحرين واليهال يدرسون هناك فمن الاحسن نرجع علطول البحرين
الأخ فيصل
يمكن نسيت اذكر المعلومة اختيار كراسي القطار اشكر علي السؤال وأحاول أضيفها في المشاركة الأصلية
لايوجد تحديد كراسي فقط تحديد الدرجه قطارنا واغلب القطارات ذات المسافات القصيرة يوجد بها درجتين العادية والأعمال طبعا في فرق بالسعر وانت تركب عربه حسب الدرجة وتجلس اي مكان الكراسي مع الطاولة تكون بالقرب من الكافيتيريا واغلب الناس تجلس علي الكراسي العادية وإذا يحبون يشروبون شي يتوجهون الي هذه العربه بس انت لك الحق انك تجلس في اي مكان
حسب علمي القطارات ذات المسافات الطويلة يكون بها كبائن نوم وان شاء الله تكون معلومتي صحيحه
بالنسبة الي وقت التسوق بدايه الرحلة ام نهايتها
في نهايه الرحلة أفضل بشكل عام
لو لاحظت ان خطه الرحلة بالنسبة لنا ان نذهب بشنط فاضيه تقريبا وتشتري جميع احتاجاتنا من الملابس او اغلبها لاستخدامها خلال السفره ببدايه الرحلة وجذي راح تكون ملابسها كلها جديده ونخفف من الوزن في نهايه الرحلة جدول الميزانية للتسوق في واشنطن كان محدد وتقيدنا فيه لكن مبلغ التسوق الأكبر في فلوريدا للصوغه وخلافه
مع العلم ان خطه الميزانية صعب ضبطها مع العائلة ولكن سويت بعض الأمور راح اذكرها في القادم من الأيام لضبطها والحمد لله الخطه نجحت
أم حسين
شكرا علي الكلمات الطيبة
السفر من البحرين يمكن جاوبته في الجزء السابق
خياط الشنط من وين اطلع لك اسمة انا ما اعرف اسمه عموما الموضوع سهل جدا
اكيد تعرفين سوق السلاح صوب المباركية (الكويت) يصير من آخر المحلات علي اليسار ومقابله براحة اعتقد رابع او خامس محل من الأخير
في محلات وايده اهناك مو شرط نفس المحل اهم شي ان مقاسات الشنطة أي الطول مع العرض مع الارتفاع ما يزيد عن 62 انش (157 سم) والخامة تكون زينة سعرها وقتها دينارين بس الحين اكيد اغلي وقت مخييمات يزيدون الأسعار
وحسب زيارتي الأخيرة في منها وايد
أتشرف بمتابعتكم وشكرا لكم
جاسم ابو محمد
من الموبايل
مواضيع عشوائيه ممكن تكون تعجبك اخترناها لك:
رد مع اقتباس
المفضلات