الموضوع: مساعدة في جدول

السلام عليكم

احنا شخصين بنسافر لمريكا لاول مره وابغى مساعدة لتكوين جدول للرحلة


طبعا الرحلة راح تكون في 20 مارس الى 15 ابريل


طبعا مدة الرحلة 26 يوم تروح منها يوم رايح ويوم جاي يبقى 24 طبعا رحلتنا من الرياض الى واشنطن بنجلس ثلاث ايام لزيارة احد الاقرباء تبقى 21 يوم ومحتارين وين نروح


احنا فقط شخصين شباب ونحب كل شيء من متاحف الى ملاهي ونبغى نستغل 21 يوم


*هل فيه مشكله في استأجر السيارة لمن تحت 25 لان كلنا تحت 25 وهل الرخصة السعودية تكفي .؟


اتمنى المساعدة السفره بعد شهر وابغى احجز فنادق وطيران داخلي


واتمنى ماطلت عليكم واحب اشكر كل من قائم على هذا المنتدى الرائع

مواضيع عشوائيه ممكن تكون تعجبك اخترناها لك:

• محتاجه مساعده، اللي ساكن ب أمريكا لا يبخل :)
• ممكن مساعدة عن لوس انجلوس؟؟
• سؤال مهم لاهل الخبرة
• رؤساء الولايات المتحدة
• معشوقتى
• فنادق بلوس انجلوس ولاس فيقاس للاسبوع الجاي
• تخطيط لى الرحله اورلاندو أياااااام ضرورى
• تجديد الجواز ونقل الفيزا؟
• المواصلات في نيويورك و واشنطن ؟
• الفزعه ياشباب باقي اسبوع على السفر
• مولودة بأمريكا ووالدي كان دبلوماسي هناك ؟؟
• استفسار بخصوص
• استفسار عن السنترل بارك
• فقره في الابلكيشين
• افضل فنادق
• سؤال عن فنادق
• أخوي رأيك لو سمحت؟
• مخططي لسفرة الصيف القادم واشنطن أورلاندو ما رأيكم
• التغلب على الملل في الرحلة الى امريكا
• ما هو راي الخبراء في مخطط رحلتي القادمة

rentalscar.com ياجرون تحت 25 بس بسعر اعلى

دام انكم شباب يفضل كالفورنيا " لوس انجلس & ساندييغو & لاس فيغاس & سان فرانسسكو " ... تحتاجون طيارة من واشنطن الى وحده منهم و التنقل بينهم بالسيارة و بالاخير هم طيران داخلي للعوده اذا عودتكم من واشنطن

او

اذا تبون الاقرب لكم فلوردا " ميامي & اورلاندو & كروز اذا تحبون البحر " ... سيارة من واشنطن و المسافه حول 14 ساعه

اتوقع الرحلة رياض واشنطن والعودة واشنطن رياض
نصيحتي لكم
طيران من واشنطن لميامي وتقعدون 4 ايام ومنها بالسياره لاورلاندو 6 ايام ومنها طيران للاس فيقاس 3 ايام ومنها بالسياره للوس انجلس 6 ايام ومنها بالطياره لواشنطن يوم
بالنسبة للسياره في شركات قليله تاجر لأقل من 25 شوف تقريري تحت بالتوقيع عن السيارات

wkjowkjo

الجدول الاول حلو بس بحاول أضيف نيويورك


aziz20012001

جدول حلو بس لو أضع بدال ميامي نيويورك لانها قريبه من واشنطن واورلاندو ليش ماحط بدالها مدينه في الغرب قريبه من المدن التي قلتها ولا اورلاندو تستحق الزيارة .؟

ما استغني من نصائحكم

وموضوعك حق السيارات جميل جداً الصراحة افدني كثير بس موقع bookingcar لما حددت العمر تحت 25 طلع نفس سعر الي عمره 25 وفوق !

شكرًا لكم جزيل الشكر من الموبايل

الجو في هذي الفتره روعه في ميامي واورلاندو علشان چذي قلت تزورونها

ممكن تخليك بالشرق بس


واشنطن ، اتلانتك ستي ، نيويورك ، ميامي ، اورلاندو او


واشنطن ، نيويورك ، سان فرانسيسكو، لوس انجلس ، لاس فيقاس

المشاركة الأصلية كتبت بواسطة aziz20012001
http://www.arabtravelersforum.com/tr...0/#post8179630

الجو في هذي الفتره روعه في ميامي واورلاندو علشان چذي قلت تزورونها

ممكن تخليك بالشرق بس


واشنطن ، اتلانتك ستي ، نيويورك ، ميامي ، اورلاندو او


واشنطن ، نيويورك ، سان فرانسيسكو، لوس انجلس ، لاس فيقاس







يعطيك العافيه اخوي طيب كيف الجو راح يكون ب كاليفورنيا اذا كان معتدل راح اعتمد ان شاء الله الجدول الثاني

نيويورك 4 سان فرانسيسكو 5 لوس انجيلس 7 لاس فيقاس 4

كبف توزيع الايام جيد .؟


ونصائحكم وين اسكن


نيويورك ابغى بالتايمز سكويز
لوس اجليلس بهولويود
لا س فيغاس بشارع الستريب
سان فرانسسكو باليونيون سكويي


شكرا اخوي عزيز ماقصرت والله

اذا حجزك رياض - واشنطن - رياض
فخلها
واشنطن 4 - نيويورك 3 سان فرانسيسكو 3 لوس انجيلس 8 لاس فيقاس 4 واشنطن 1

الجو حلو فى كاليفورنيا بهذى الفتره

الفنادق يعتمد شنو المستوي المطلوب 5 او 4 او 3 نجوم ... على العموم بعد ماتعمل كل حجوزات الطيران ( الدولى والداخلى ) وتحدد بالظبط التواريخ لكل مدينه راح نساعدك بحجز الفنادق

ممكن تشوف تقريري امريكا للمبتدئين فيه الفنادق

المشاركة الأصلية كتبت بواسطة aziz20012001
http://www.arabtravelersforum.com/tr...3/#post8180233

اذا حجزك رياض - واشنطن - رياض
فخلها
واشنطن 4 - نيويورك 3 سان فرانسيسكو 3 لوس انجيلس 8 لاس فيقاس 4 واشنطن 1

الجو حلو فى كاليفورنيا بهذى الفتره

الفنادق يعتمد شنو المستوي المطلوب 5 او 4 او 3 نجوم ... على العموم بعد ماتعمل كل حجوزات الطيران ( الدولى والداخلى ) وتحدد بالظبط التواريخ لكل مدينه راح نساعدك بحجز الفنادق

ممكن تشوف تقريري امريكا للمبتدئين فيه الفنادق



انا راح اوصل يوم 20 راح اقعد بواشنطن 4 بعدين اروح لنيويورك يوم 24 الى 27 ورحله داخليه يوم 28 الى فيقاس واجلس فيها من 28الى 1 ابريل بعدين سيارة الى لوس انجليس واجلس فيها من 1 الى 9 بعدين الى سان فرانسسكو من 9 الى 13 بعدين عودة في 13 الى واشنطن يوم ورحله العودة يوم 15 الى الرياض


والطيران الداخلي لقيت حجز من نيويورك الى فيغاس والعودة من سان فرانسسكو الى واشنطن من طيران الامريكي ب 324$ للشخص من موقع expedia هل السعر جيد احجز عليه ولقيت اكثر من شركه بنفس السعر .؟

والفندق اهم شيء عندي موقع الفندق قريب من الاماكن السياحية ويكون نظيف وخدماته ممتازه والنجوم من 3 وفوق


اعجز وانا اشكر اخي عزيز الله يعطيك الف عافية

سعر الطيران الداخلى ممتاز
احجز ولا تتاخر

عليكم السلام
وهلا فيك ..
أنا وولد عمي إن شاءلله بنكون معكم بالطيارة وبنفس رحلتكم بإذن لله
يا ليت نتقابل بالمطار لو حبيت ونتشرف
وشفت كلامك بموضوعك الأخر بخصوص فيزا تسوق ..
أحد الأعضاء هنا أستأجر سيارة بفيزا تسوق من شركة أخرى غير شركتك وقبلوها الحمدلله ...
فإذا كنت خايف أنصحك تحجز من نفس موقعه أو من أي موقع أخر يقبل مسبقة الدفع ..
أما أنا حجزت من نفس موقعك موستنق كشف وأسعارهم أعتقد أنها حلوة ...
تحياتي يا غالي ،،

المشاركة الأصلية كتبت بواسطة بورمث
http://www.arabtravelersforum.com/tr...4/#post8199714

عليكم السلام
وهلا فيك ..
أنا وولد عمي إن شاءلله بنكون معكم بالطيارة وبنفس رحلتكم بإذن لله
يا ليت نتقابل بالمطار لو حبيت ونتشرف
وشفت كلامك بموضوعك الأخر بخصوص فيزا تسوق ..
أحد الأعضاء هنا أستأجر سيارة بفيزا تسوق من شركة أخرى غير شركتك وقبلوها الحمدلله ...
فإذا كنت خايف أنصحك تحجز من نفس موقعه أو من أي موقع أخر يقبل مسبقة الدفع ..
أما أنا حجزت من نفس موقعك موستنق كشف وأسعارهم أعتقد أنها حلوة ...
تحياتي يا غالي ،،



هلا بك اخوي لي الشرف والله


بس للأسف سفرتي خليتها كلها بشهر ابريل من 31 مارس الى 30 ابريل
عشان يكون عندي وقت احجز والحمدلله كل شيء تسهل الا حجز السيارة
ممكن تعطيني الموقع الي حجز منه بمسبق الدفع
ياحظك سبحان الله كنت راح اخذ نفس السيارة موستنق
انت اجل معك فيزا عادية .؟
كيفها معك ومن اي بنك .؟


تمنياتي لكم بسفره ممتعه
تروحون وترجعون بالسلامه

هﻻبك وغﻻ
خسارة حطمتني كان ودي نتقابل كان بتطلع رحلة وﻻ أحلى
بس إن شاءلله الجايات أكثر ..
تفضل الموقع carrentals
بتحصل التفاصيل بتقرير أخونا أبو ﻻنا الله يوفقه ويسعده ..
أنا معي فيزتين وكلها تسوق الراجحي
أما الكريديت كارد العادية ما أحبها وﻻعمري طلعتها
مع العلم أني أصدر للناس بطاقاتهم الأئتمانية بأدارة أحد البنوك اﻻ أني ما أستخرجتها ..
لكن طلعت لولد عمي فيزا الفرسان وإذا ﻻسمح الله رفضوا بطاقتي بتكون الفيزا العادية معنا ..
وإذا حبيت أستخرج لك أي نوع من أنواع الفيزا العادية بلغني على الخاص وما أخليك تروح ﻷي فرع بنكي وﻻ تعبي أي أوراق وأخلي المندوب يوصلها إلى بيتك وأشرح لك كل أنوعها وأستخدماتها
وش تبي بعد
الله يسلمك .. وأكيد أنا أيضاً أتمنى لكم من كل قلبي رحلة يملؤوها الفرح والمتعة والسعادة ..
وﻻتخلي مكان بالموستنق من الموبايل