الموضوع: فـي نيويورك و كاليفورنيا الأن مـع الصـور

السـلام عليــكم و رحمـة الله و بـركـاتـه ..............

بـودي أنقــل لكـم الجـو و الصـور و المنـاظر و كـل شي :101: من هـذي المنـاطق الرائعـة أول بأول ..... وإنشاءالله تستمتعـون فيـها ..... طبعاً لأن ما في وقت كلش !!! فما راح أعلق أو أعطي معلومات وايـدة مثل تقرير أورلانـدو لكــن اذا في أسئلـة أنا ما راح أقصر إنشاءالله

حيــــــاكــــم الله

مواضيع عشوائيه ممكن تكون تعجبك اخترناها لك:

• استفسار عن موضوع السكن
• ميامي حيث تغازل المياه الفيروزية أشجار النخيل وجوز الهند
• ساعدوووووووووووووني
• رحال عازب
• بخصوص الفيزا الامريكية
• استفسارعاجل عن تذكرةدزني
• ممنوعات نعملها بإستمرار في أمريكا
• بفضل توجيهاتكم حصلت على موعد بعد اسبوعين
• ساعة في
• مهم
• مطاعم عربية بواشنطن
• كما عودتوني لاأكف عن طلب العون
• وانا رايح امريكا دراسه
• ستوديو في بوسطن للتقبيل
• السياحة في ميامـــــي
• مراسلكم من نيويورك
• هل في فرق بين مطار جون كنيدي و مطار لاغوارديا
• فيزا طالب
• ايمباكت والباقين رتبوا رحلتنا المبكره كلن يدلو بدلوووه
• طلب خاص لاعضاء بوابة السفر الى امريكا عاجل

الحمدلله على سلامتج اختي ام احمد وشلون الطياره عسى بس ماتكلفنتوا فيها من طول المده طبعا ناطرين الصور الجميله واذا تبين اي شي او استفسار انا موجود وقريب يمج ومايردج الا رساله اذا تبين شي او توهقتوا بشي

أول ما وصلنـا نيويورك ريحنـا ساعتين و بعـدها رحنـا Sighting Tour جـولة لمعالم نيويورك المهمة وأختـرنا شركـة GrayLine و تستخدم الباصات المفتوحـة من فوق ( ممتاز للتصـوير ) و طبعاً أنا عاملة الحجز عن طريق النت قبل السفرة بيوم ... مـدة الرحلة ساعتين لكن ما حسينا فيها أبداً و كل نص ساعة في رحلة اسم الجولة Night Tour بس إحنا بجرنـا شوية بالوقت و خليناها 7 و نص عشان جذي راح تشوفون الصـور بالنهار .... للعلم إحنا اخترنا هذي الجولة التحديد و بهذا الوقت لأن راح نطير باجر الصبح الساعة 7 إلى لوس أنجلوس ... يــلا أترككم مع الصـــور

هــلا اخوي نـاصر ... الله يسلمـك والله الطيارة مملــــــــــــــة و خاصـة اذا عنـدك يهـال يحنـون !!! أكيـدة اذا في سؤال راح أرجع لك ما تقـصر و مشكـور ... و سلم على الأهـــــل

الله يامحلا التايم سكوير تصدقين انا غيرت حجزي علشان اقعد مره ثانيه في نيويورك ثلاث ايام لاني ما مليت منها وبعد ابي ارتاح قبل لا اروح الكويت خصوصا ان الطيارة راح تكون بالليل الساعه 9 يعني لازم نرتاح على الاقل يومين قبل التعب في الطيارة 12 ساعه في الرده يعني شي مو طبيعي والجو راح يتغير لان اللي يسافر غير اللي يرجع يكون ممل ورجعه حق الروتين والعمل

الله يهنيكم اختي ويشرفني ان اجاوب عن اي شؤال تتفضلين فيه

تــــونــا راجعيــن من Irvine Spectrum center :101: .... بالنسبة للجولـة خذونا للتايم سكوير و السنترال بارك و chinatown , soho , نوقف عنـد جسر بروكلين .... المنظر روعــــــة من فوق الجسر .... و الواحـد منـا يشوف ناطحات السحاب من بعيــد .... بالضبط المنظر الي نشوفـه بالأفـلام للنيويورك :106:

عرفتـوهــا أكيــد :101: ..... أول ما دخلنا GrayLine Center شركة الرحلات... لقينها والله عبالي صــج !

مقـر شركـة الرحلات GrayLine







المحلات و الأكشاك الي تبيع البضايع التذكاريـة لنيويورك موجودة بكل مكان

:114:

الـواحـد تنكسر رقبتـــــه عشان يصور هالصــورة :112:




هــذا هـو نفس الباص الي رحنـا فيـه يسمونــه Double Decker يعني بو طابقيـن

و أخيــراً ........... أهــم صـورة بالجولــة كلهــــــــــــــــــــا

الأستـاذ / المرشـد السيـاحي للجولــــة

:113:

Fashion Island

سيـارتنــا :106:

Island Hotel بجانب المول ... و يعتبر من الفنادق الراقيــة بالمنطقـة

منــظر من المنطقـة المحيـطة بالمـول

ماشاء الله عليج اختي ام احمد همه ونشاط ( اكتب وماسك الخشب) علشان لا احسدج وبالفعل فاشن ايلاند روعه والسوق اللي فيها ممتاز والعرب وخاصه السعوديين ماشاء الله بكثرة واعتقد مثل ما قلت لج المكن قمه في الروعه والرقي والسياره ماشاء الله نفس سيارتي ماخذينها من شركه دولار ونفس اللون بعد ماشاء الله بس احذركم ذلك اليوم طق عندي بنجر لفيت ساعه ادور السبير مالقيته تصدقين خاشينه تحت السايق الله لايوريكم شنو المعاناه يوم نطلع السبير والله يكفيكم شر البنجر

عجيبه ولاصورة حق ميسز ليش محاربته ؟؟ وبعد في بيتش ولاروعه في كل مكان خصوصا غرب فاشن ايلاند مكان مافيه زحمه وتقدرون تتسبحون براحتكم بس الشمس حناينه

اشرايج اختي بالجو هاليومين ماشاء الله مو طبيعي موجه الحر انتقلت الى نيويورك واحنا ذبحنا البرد بالليل

موفقه اختي بتكمله اتقرير الحلو والصور الجميله ومتابعين معاج للاخر

شوقتونا =)

وسلامات أختي Luxury_Traveller .. وماتشوفون شر انشالله


أخوي ناصر .. خطاكم السو ..


والله يحفظكم يارب ..

يعطيك الف عافية على الموضوع

اختنا الفاضلة ام أحمد

شعور رائع أن يعيش الأنسان ليفيد غيره ..
ومشاعر أروع أن ينقل المتعة ويرسم الأنس للاخرين ..
مع ما في ذلك من جهد ومشقة ..

بارك الله بك أختنا أم أحمد وشكر الله لك جهدك وكبير مجهودك ..
والله يعافي مريضكم ويشفيه ويزيدكم أنس وفرحة وسعادة دنيا ودين ..

اخوك .. المغامر

اتشوف الشر بنيتج وان شاء الله تتعافى بسرعه اعتقد حمام السباحه سوا شغل في سان دييغو بالفعل الجو بارد واليهال مايصبرون على البول
عاد هني ماعندهم مضادات حيويه نفس الكويت الله يعينكم وحفظي بنيتج ولو تروحين السوق الصيني تلقين عندهم دوا عجيب وبسرعه ان شاء الله تتعافى ورخيص بعد ومضمون لانهم ناس عندهم لكل عله دوا

الحقيقه ودي اكتب عن سان دييغو الجميله بس مولاقي وقت وبالفعل سان دييغو زو شي مو طبيعي وبعد السي وورد لايطوفج لازم من الصبح تروحين عساج تخلصين منه

السلام عليكم ورحمة الله وبركاتة ...

حبيبتي Luxury_Traveller مشاء الله شنو هالصور والتقارير الرائعه ...

اول شي الحمدلله على السلامه وان شاء الله تردون ديرتكم وانتم في احسن حال

السنه الماضيه استمتعت معك وانتي تصفين لنا روعه اورلاندو بمدنها وحدائقها ...

واليوم تصفين لنا روعه وجمال نيويورك وكاليفورنيا ...

انا جداً مستمتعه بالتقرير ومعاي استكانه شاي وجالسه اتابع الصور والتقارير الله يعطيج العافيه حبيبتي ماتقصرين ...


وياعمري على عيالج البنوته والولد ان شاء الله ما قدامهم الا الخير



اختي عندي استفسار


كيف اوضاع المحجبات في كاليفورنيا عموما وفي مدينة ايرفاين خصوصا ...

لاني بعد كم شهر بكون هناك للدراسة انا ومعاي اخوي ...


وماقصرتي اختي ....

اختي Luxury_Traveller خطاكم الشر وحمدالله على سلامة الولد

[B]اختي ام والله هذا مو خبر خطاكم السو يامعوده ديري بالج على العيال لانهم حدهم ملاقيف وخصوصا حمام السباحه على طول يطبون ولايعرفون شي عنه وكل الفنادق مافيها لايف قارد او حارس للحمام يشوف الاطفال اللي يتسبحون
المهم تكبرون وتنسون والحين وين وصلتي ووين ناويه تروحين
انا امس شفت لي سوق مو طبيعي في هولييود اسمه قروف grove [/Bشي مو طبيعي وحده راقي ياليت بس تزورينه راح تلافين كل الماركات واللي يحبها قلبج والعرب ماشاء الله متروسين ترس وبعد اللي معقدني اليهود مليانين فيه ليش ما ادري وبكثره بعد ]

المشاركة الأصلية كتبت بواسطة الورديـة


السلام عليكم ورحمة الله وبركاتة ...
حبيبتي Luxury_Traveller مشاء الله شنو هالصور والتقارير الرائعه ...
اول شي الحمدلله على السلامه وان شاء الله تردون ديرتكم وانتم في احسن حال
السنه الماضيه استمتعت معك وانتي تصفين لنا روعه اورلاندو بمدنها وحدائقها ...
واليوم تصفين لنا روعه وجمال نيويورك وكاليفورنيا ...
انا جداً مستمتعه بالتقرير ومعاي استكانه شاي وجالسه اتابع الصور والتقارير الله يعطيج العافيه حبيبتي ماتقصرين ...
وياعمري على عيالج البنوته والولد ان شاء الله ما قدامهم الا الخير
اختي عندي استفسار
كيف اوضاع المحجبات في كاليفورنيا عموما وفي مدينة ايرفاين خصوصا ...
لاني بعد كم شهر بكون هناك للدراسة انا ومعاي اخوي ...
وماقصرتي اختي ....



اختي الورديه اذا سمحتيلي ارد على جوابج انا حاليا موجود في ل ا وزوجتي محجبه والوضع عادي والامريكان المحجبات بكثرة ولاتقلقين ابدا الوضع عادي وبعد شايف منقبات بكثرة وايرفاين متروسه عرب يعني الحجاب شي عادي والله يوفقج انتي مع اخوج بالدراسه

تسلم يديك على الصور الروعه

يـا هـلا بالجميــع ........... و حياكـم الله

اختـي الورديـة شخبارج ؟ مشكورة على المرور و الكلام الحلوووو ..... و الله يعافـيج
المدينـة روعـة !!! لا تحاتين أبدا أبداً و مثل ما قال اخوي ناصر ....المحجبات ماشاءالله اشكثرهم و كل شي عادي .... و انا نفسي متحجبـة الحمدالله ..... و لا أحد يدري عنـي أو يطالعنــي كل واحد في حاله . الله يوفقــج و يسهل عليج أمورج .

----------------------------------------------------------------------------------------------------

اخوي ناصـر ....... إحنـا الحين بأنهايـم ....... و باجر إنشاءالله رايحين كتالينا .

------------------------------------------------------------------------------------------------
The Old Boy الشــر ما يجيــك ..... و الله يسلمــك و مشكور ما قصرت على المرور الدايــم

----------------------------------------------------------------------------------------------Thunder الله يسلمـك و حياك الله .... يعطيـك العافيـة على المشاركـة .

السـلام عليـكم و رحمـة الله و بـركاتــه ......

على السريــع راح أحاول أعـرض بعض الصـور للأماكـن الي زرناها

Fashion Island

Irvine Spectrum Center

المكـــان كبيـــــــــــــــــــــــــــر و متروس عــرب و بالتحديد الإخوان و الأخـوات من السعـوديــة ..... و فيه مطاعم و سينمات و محـلات ....يبيلكم يومين عشان تلفـونه على الراحــه .... إحنـا زرنـا بالليل و ركبنـا القليلبــه ..... ما أدري إنتــوا شتسمـونــها ؟ :114: هــذي الصـور كلها صورتـها و إحنـا فوق القليلبـه

تســـــــــلمين أختي على الصور ..





والله يحفظكم انشالله ..

مشاء الله همه ونشاط اختي ام احمد والظاهر انج اختي الطريق العادي الى دييغو فيطريق ثاني اسرع واحسن بس تدفعين رسوم التول تقريبا 4 دولار وفاضي حده والناس ماتاخذه خايفين من الرسوم ليش ما ادري بس بالفعل الطريق شي ولا بالخيال والاستراحات نظيفه وكشخه وكل شي فيها وسكنت في منطقه لاهولا وتنكتب لاجولا بس النطق يختلف
والجو روعه الحين انا في فيغاس باخذ دوره للحر في الكويت ولايطوفج الطريق الى فيغاس خلي الكاميرا معاج على طول لانها طلوع ونزول وشي حلو ونزلي في محطه بيكر للغدا ترا الدخله على اليمين والمحطه على الشمال ديري بالكم شوي شوي على الدخله وفي بعد لاس فيغاس اوت ليت لايطوفكم رخيص حده وهذا قبل فيغاس 40 ميل تقريبا ولاتحاتون الطريج ادري فيج خايفه وتقولين صحرا بالعكس حلو وروعه ومناظر ماتشوفينها بالخليج كله

انا ان شاء الله بطلع من فيغاس الى فرانسيسكو الله يعينا 900 ميل شنو يخلصها لكن راح احاول امر على ليك تاهو واعطيكم الاخبار بالتفصيل

انصحج لا تنزلين فندق فيه كازينو راح تتضايقون منه من قلب انا ساكن في هيلتون فيكيشن كلوب مافيه كازينو وروعه من قلب وعلى السترب بس اخر شي بعيد عن الزحمه والسكارى

يعطيك العافيه صور روووعه

اختي ممكن استفسار ؟


شنو المكان اللي زرتوه في كاليفورنيا ومافيه خليجيين كثير؟

شكرا

هــلا باخـوي ناصـر ......... إحنـا رحنـا الطريـج الي دفعنـا فيه التـول .... بس هم بعـد طويـــل و متاهات و دواعيس بس يظل الدرب بأمريكا ممتع مع المناظر الجميلة الي نمـر عليها .

900 ميل ؟؟؟؟ ليش ما تخلص روحـك و تـروح بالطيـارة ؟ و بعـد الحين معاكم الوالدة ...يعنـي يمكن تمل و تتعب من الدرب .... أنا يتروالي السفر ونـاسـة مو تعب .... ونـسوا روحكم و روحوا بالطيارة و بعـدين استلموا السيارة هنـاك .

بالنسبة للسكن في فيجاس ....ليش ما نروح فنـدق فيه كازينـو ؟ إحنـا ما لنا شغل بالكازينـو و لا الي فيه الحمدالله ....بس ليش؟ أنا عملت حجز من زمان على Venetaion .... لأن أول مرة نزور فيجاس فأعتقـد حلاتها نقعـد بأحد الفنـادق الي على الستريب و المعروفـة بالEntertainment يعنــي بالنسبة لنـا فندقنا في الجندول Gondolas Rideو متحف الشمع Madame Tussauds و السـوق Grand Canal Shoppes و عنـدهم عرض البـ Bule Man :101: تعرفهم ؟ هـذيلا الريايل الصلعان الي يطلعـون بدعايـة الفانتـا... بس لونهم أزرق هالمـرة .... بس للأسف ما يدخلونــه الأطفال الي أقل من عمر 5 سنـوات .....بشكـل عام أنا حبيت جـو الفنـدق و شكلـه و الأجنحة الي فيه و الخدمات المتوفرة عنـدهم من النت .... و إنشاءالله يكون حسب توقعاتـي .

بــــودي أحط الصـور كلهـا ..للأسف في مشكلة بالكمبيوتـر و ماني قادرة أنزل الصـور

اختي العزيزه ام احمد انا اسف كنت غلطان في المسافه هي 800 كيلو بس شنو عاد شي ولا روعه وانا مع اهلي نحب السفر بالسيارة للاستمتاع بالطريق مو بخل ولا شي والحمدلله بس الطياره وخصوصا هاليومين تضيق الخلق سالفه التفتيش الدور الطويل وديري بالج اذا تبين تشافرين تعالي قب وقت طويل لانه زحمه واجراءات طويله وبعد هم سمعت ان الكويتيه ماتسمح بدخول اي شنطه للطيارة او جنطه بلهجتنا

المهم الطريق اللي اخذته من فيغاس الى فرانسيسكو شي ولا الخيال طريق روعه والخضرة والمزارع خصوصا العنب والتفاح مليانه من اول شي وبعدين الجبال والوديان شي مو طبيعي ذكرني في دنفر ومنطقه اسبن بالضبط ووصلنا اول امس والمدينه اسمحيلي اللي مايروح لها كانه ماسافر وانا متحسف لاني ما ييتها من زمان وهذي اول مره اوصلها شي حلو وراقيه والجو رووووووووعه تصدقين اليوم العصر وصلت درجه الحراره 14 بس يعني رحت شريت لي جاكيت انا ويا اخوي بس ندفي نفسنا من البرد وبعد ماقدرنا نقعد كلمت الاهل ولا هم متجمدين على طول رحنا الفندق تقولين الشتا في الكويت لا وبعد بالبر مو بالدريره انصحج تزورينها اذا عندج وقت او زوري على الاقل سانتا برابارة تقريبا ساعه من لوس انجلس على طريق 101 شمال مطاعم ايطاليه روعه وجو بديع على البحر والطريق اكثر من روعه
انا بعد يومين وبالتحديد يوم 18 راح ارجع من فرانسيسكو الى ل ا ومنها بروح منيسوتا للتسوق

اختي العزيزه ام احمد انا لما قصدت ابتعدي عن الفنادق اللي فيها كازينو كل اللي ابيه انكم ماتقعدون عن الخراب بعينه وشكل المحجبه وهي تمشي بين المشين شي غير عادي وغلط صراحه والفندق اللي اخترتيه اسميه فينيسيا حلو وااااااااااايد وروعه وراقي واختيار موفق وهو بالوسط تقريبا وكل شي يمج بس انا ماحبيت تكون وياي الوالده وامشيها بين القمار والمكاين لانها حدها حساسه من هالسوالف وانا كنت ساكن اول العام في الاقصر تضايقت من الكازينو لان زوجتي محجبه وهي تمشي بين المكاين كل يوم حق البوفيه

بس هذي نصيحتي للسكن وانصحج تتريقين في الاقصر شي خيالي الديكور ماله وخلي اليهال يستانسون بالالعاب اللي فيها وهي سينما 4d حلوة وفي ايماكس وفي اركيد بعد وعندج فندق سيركت سيركت فيه مبنى مثل القبه كبيرة مسوينها مثل خيمه السيرك فيها العاب كبر الترفيهيه روحوا الصبح واشتري لهم التذكره الشامله لطول اليوم وتسوقي انتي ويا بواحمد بالسوق مالهم عساهم بس يخلصون

ولاتطوفج النافروة الراقصه ابداااااااااااع وخصوصا اغنيه مالت التايتنك اهداء مني لج وحق بواحمد

الله يعينكم على الجو الحاااااااااار واخرصي على الماي دايما معاكم وتسوقي في علاء الدين وسيزر شي مو طبيعي بس غالي شويه

هــلا اخـوي ناصر .... الحمدالله على سلامتـكم و الله يهنيكم زوود
مشكـور و ما قصرت على المعلومات و النصايــح ....و كـلامك 100% عـدل و كــل سنــع
والله شوقتنـي لسان فرانسيسكـو .... بس ما في نصيب هالمرة لأن ما في وقت .... اليهال لـويــه مع الديـزني لانـد و اليـوم بعـد رحنـا تسوقنـا في South Cost Plaza خـوش سوق و ماشاءالله وايـد من السعـوديـة صادفناهم هنـاك ..... رحنــا للHigh Land الي في هوليوود بس شنـو زحمـة !!! لــويــه !!

متـى إن شاءالله الـــردة للكويت ؟ أنا أدري ضيقت خلجك بالسؤال

سلم على الأهـــل و تحمد لهم على السلامــة

الحقيقه ماكانت فرامسيسكو في حسبتي من اول وكل مرة ازور كاليفورنيا ما اروح لها لكن هالمرة نويت لها والحمدلله اني ويت لها لانها شي ولا الخيال وتستاهل واللي مايروح فرانسيسكو جنه ماشاف كاليفورنيا على طبيعتها ياليت بس لو يوم تروحون لها الجو غير والبلد حده راقي ويستاهل الزياره

بالنسبه لخط العوده برجع باجر الى ل ا ومنها بطير الى نيابوليس حق مول اوف اميركا وبرجع ل ا ابيت فيها ليله وبعدين نيويورك اقعد فيها 3 ايام ومنها الكويت في تاريخ 27 ونوصل طبعا 28 العصر على الكويتيه دايركت الله يعينا على الطريج وخط العوده والحر اللي راح يستقبلنا عقب فرانسيسكو مابي الحر الجو بارد وتوصل درجه الحراره الى 14 العصر تصوري برد وانا ويا ويهي لابس شورت ويا جاكيت مثل كل الناس اللي هني الشكل مو غريب كلهم شورت او ثري كوارتر وجاكيت بس تشوفينها في فرانسيسكو شي مو طبيعي وبالفعل ساوث بلازا كبير وفيه مطعم ايراني بالقرب منه اسمه داري مو طبيعي تغدوا فيه او تعشوا وترسو بطنكم من الجلو كباب يسمونه عندهم جلو كوبيده شي مو طبيعي
وهاي لاند على طول زحمه بالليل ولا بالنهار وفيه قطار تقدرين تروحين حق علامه هولييود اللي في الجبل قيمه التذكره 3 دولار

لايفوتك اختي في مجمع تجاري كبير حلو في منطقة هوتيل سيركل

Fashion Valley

روووووووعة الله يعطيك العافية على الصور...............

الله يعافيــك ........... مشكـور على المرور و التشجيـــع

ما شاء الله تبارك الله

الصور والتقرير رائعة فعلاً وشاملة للمنطقة بأسواقها
وتعجبني الأسواق المخترشه بالعالم من نيويورك ...

تحياتي

اهلين luxury
انشالله تكونين استانستي برحلتك...انا كل صيف اروح los angeles
بس ودي اجرب اروح نيويورك عشان السوق !...لو عندك فكره عن الاسواق الي هناك بليز عطيني خبر..و ايش الاوتيل الي يكون بمنطقه السوق ...
thnXxX

بصراحه شوقتينا

بإذن الله اروح لكاليفورنيا قريبا جدا

المشاركة الأصلية كتبت بواسطة loolzii


اهلين luxury
انشالله تكونين استانستي برحلتك...انا كل صيف اروح los angeles
بس ودي اجرب اروح نيويورك عشان السوق !...لو عندك فكره عن الاسواق الي هناك بليز عطيني خبر..و ايش الاوتيل الي يكون بمنطقه السوق ...
thnXxX



الحقيقه اذا سمحت لي الاخت ام احمد اني اجاوب على السؤال يعني معقوله تروحين ل ا وماتمرين على نيويورك اعتقد فاتج الشي الكثير
اولا نيويورك غاليه شوي بالسكن والمعيشه عن ل ا لانها دايما مزدحمه والسياح فيها بالهبل انصحج تسكنين فندق هلتون تايم سكوير وهو في منتصف السوق ونيويورك كلها اسواق يعني كل شارع فيها يعادل شاع اكسفورد ستريت الشهير في لندن تصوري هذا الشارع فيه منه اكثر من سبع شوارع في نيويورك وفي المجعات الكبيرة لكن غاليه واغلى من ل ا بكثير خلي نيويورك بس عندهم السوق الصيني هذا سوق كبير ورخيص وخاصه للماركات المقلده او الساعات وهو شارع طويل وفيه كل شي تقريبا

hi na9er... thnx so much 4 replying.. i really do appreciate ur help alot
انا حاجزه بــ marriot marquis
و بــ peninsula hotel هذا صراحه فخم جدا جدا .. و يقال انه اكثر المشاهير يسكنون هناك !!
cuz i wanna try out the rich side of the country ;p
~~anyways.. plz wish me a pleasant flight ~~
thank u na9er + luxury and sorry if i bothered u with my questions

المشاركة الأصلية كتبت بواسطة loolzii


hi na9er... thnx so much 4 replying.. i really do appreciate ur help alot
انا حاجزه بــ marriot marquis
و بــ peninsula hotel هذا صراحه فخم جدا جدا .. و يقال انه اكثر المشاهير يسكنون هناك !!
cuz i wanna try out the rich side of the country ;p
~~anyways.. plz wish me a pleasant flight ~~
thank u na9er + luxury and sorry if i bothered u with my questions



الحقيقه اتمنى لج السعاده وان تستانسون بالفندق الفخم هذا الحقيقه ماعندي اي خلفيه عن الفندق ولااعرفه للامانه بس نيويورك فخمه كلها والله يوصلكم بالسلامه وخصوصا الطياره الوقت طويل وممل انصج في لاب توب او دي في بلير علشان الوقت يخلص بسرعه

وين باقي الصور الزينة اختي Luxury_Traveller


لا يكون التقرير خلص

ما خلصت الصـور ....... عنـدي وايـــــــــــــــــــــــــــــــــــــــــــــــ ــــــــــــــــــد وايـــــــــــــــــــــــــــــــــــــد صـور بس ! ما في وقت عشان أنزلها ...... عنـدي مقاطع فيديو روعـة بعـد بخاطري أنزلها بعـد ....... بس عطوني وقت .... و خلي اليهال يستقرون بمدارسهم

بمناسبه الفيديو ودي اعرف شلون انزله لاني اكثر اللي عندي مقاطع فيديو

ماشاء الله اختي تقرير روعه

وصور رائعه الله يوسع صدركم بالعافيه

والحمد الله سلامه الولد وطوله في عمره ان شاء الله

البرنسيسة الله يسلمـج .... و حياج الله عمري

السـلام عليكم و رحمة الله و بركاتـــــه ...........
و أخيراً صار عنـدي وقت شويونا ...... فحبيت أنـزل مقاطع الفيديو من رحلتنا الاخيرة لفيجاس في العطلة الصيفية . بــس للأسف بعضهم بدون صوت .... بس أحاول أطلعهم مع الصـوت ..... أما المقاطع الي فيها صياح العيال و صراخهم و القرقــه فيفضل نخليها صامــته :108: .
[CENTER]
http://www.geocities.com/miss_traveling/MOV02524.MPG

http://www.geocities.com/miss_traveling/MOV02526.MPG

حبيت أضيف إن المقاطع السابقـة كانت لفنـدق عـلاء الدين ..... أول مقطع كان داخل السوق و المقطع الثاني بــره الفنـدق ...

الصـراحــة إن تنزيل المقاطع أسهل من الصـور .... عشان جذي راح أنــزل مقاطع الفيديو أكثر من الصـور ..... لضيق الوقت لكن تمنيت إن كل أعضاء المنتـدى يشاركوني رحلتـي الممتواضعـة و لو بمشاهـدة المقاطع القصيرة :106:

http://www.geocities.com/miss_traveling/MOV02533.MPG

هــذا المقطع الخلفية مالت الصوت روعــــــــــــــــــــة فيه ......... للأسف حاولت أكتمها :105: بس ما قدرت طبعاً المقطع كان مصور في شارع الفنـادق المعروف في فيجاس و راح تشوفون فيه جزء بسيط من فندق باريس و فندق علاء الديــن .

http://www.geocities.com/miss_traveling/MOV02541.MPG

هــذا المقطع صورته في متحف الشمع في فندق Venetaion وهو الفنـدق الي سكنه فيه.... وهو بالضبط فينيسيا الي بايطاليا مصغرة !!! حتى الجندول المعروف بفينيسيا موجود داخل الفنـدق و يدور فيــك بالقنال و تمـر على المحــلات و الموظف الي بالجندول ( الي يجدف فينا ) يغني لنا أوبرا بالإيطالي راح أورايـكم بالمقطع الثانـي إنشاءالله .

http://www.geocities.com/miss_traveling/MOV02535.MPG

أعتقـــد محـد ما شـاف فيلم (Pirate of The Caribbean ) :114: ..... طبعاً صوروا العيال مع الشخصيـة الكاريبية .

مبدعة اختنا الكريمة Luxury Traveller كعادتك
ومتميزه في جهودك ورحلاتك

والحمدلله على سلامتكم
وهنيئاً لنا هذا التقرير الجبار من رائدة الرحلات الألماسية

تحياتي

هـــلا أخوي .... آخر الفرسـان من زمـان ما مريت علينا

مشكـور على زيـارتـك الطيبـة للمـوضوع و أنا المفروض من زمــــــــــــــــــــــان مسـوية تقرير رحلـة أمريكـا 2007 ( سانديغـو - إيرفاين - نيوبورت بيـج - لاس فيجـاس ) بــس ما شاءالله ما في بركـة بالوقت كلش !! قلت أسرع و أشـــد للمشاهـدين الكرام مقاطع الفيديو ...مع إن بعضها قصير أو فيها اهتزاز ...بس عذرونـي لأن معاي 3 يهال و حنانين !! و سبحان الله من أشغل الكاميرا تبتدي السيمفونـية !! عشان جذي تشوفون المقاطع قصيرة .

حيـــــاك الله و الله يسلمــــــــك

http://www.geocities.com/miss_traveling/MOV02538.MPG

هــذا المقـطع ...بعـد في متحف الشمع Madame Tussauds داخل فنـدق فينيشين و المتحف مقسم إلى أقسام ...يعنـي قسم خاص بالمذيعين المشهورين بأمريكا مثل لاري كينج او أوبرا إضافة إلى المشاهيـر مثل دونالد ترامب المليونيـر الي يملك جزء كبير من فنادق لاس فيجاس :114: .... و قسم خاص للمغنين و قسم خاص للرياضين و قسم خاص للسياسيين الأمريكان مثل رؤساء أمريكا من الاول إلى وقتنا الحالي الأبن بـوش والأشخاص الي اعملوا إنجازات لأمريكا

http://us.share.geocities.com/miss_t...g/MOV02542.MPG

أما هذا المقطــع فكان في الفينيشن الفنـدق ! و كنا تــونا طالعيـن من متحف الشمع .....لاحظوا السلم الكهربائي .... و لاحظوا تصميم المبنـى نفس طريقـة البنيان الإيطالي ...

http://us.share.geocities.com/miss_t...g/MOV02547.MPG

تكملة للمقطع السابق .... و بطريجنـا للســوق الي داخل الفنـدق ! شوفوا العــــــــالم و الزحمــــــة !!!! الفنـدق أقدر أقــول إنـه عالم بروحــــه !!! كبيــــــــــــــــــــــــــــــــــــــــــر جداً جداً و يبيلك تحـوس فيه يومين عشان تـدله من الداخــل بـس !!

http://www.geocities.com/states121/MOV02556.MPG

هــذا المقطع شوي أطول من الباجييـن ..... طبعاَ لأن أخذت راحتـي بالتصوير و العيال الصغار مو معاي .... هــذا المكان عبارة عن عرض مجانـي في فنـدق ميراج و العرض يتكرر حوالي 6 مرات طول اليوم ... كنا نقدر نشوفه من غرفتنا ....بس للأسف غير مناسب للأطفال و لا حتى إحنـا بسبب الملابس غير المحتشمـة ... و للأسف هذي مشكلة فيجاس:114: .....يعنــي طول الوقت لازم تراقب العيال و تراقب نظراتهم و ين مركــزة :108: .... عموماً المقطع يشتمل على مكان العرض لكن مو العرض نفسه !!

[glint] صـــــــــور [/glint]


[IMG]

هــذا هـو اللوبــي للفنـدق و فيــه لـوبي ثاني بعـد كبره !! عشان توصل الغرفـة تاخــــذ وقت بالمشي :108:


[IMG]

هـــذا مـدخل الطابـق 27 .....طابقنـا :106: .... وما تـدخل المصعـد إلا بالكارد مال الغرفـة و دايــم يكـون في سيكوريتي عنـد المصعـد بالدور الأرضي ...حتى يتأكد من إنــا إحنا سكان بالفنـدق و اذا ما عندك الكارد !!! يردك و يقولك رووووووح للفرنت ديسك و أخذ الكارد السيكوريتي عندهم فظيـع وايـــد مبالغ فيه و ما شفت مثله بأي من الفنادق الي دخلته .....وعموماً هذا حال فنادق فيجاس


[IMG]


هـــذا الجنــاح الخاص فينـا ...... الي يميز هـذا الفنـدق إن نظام أجنحـة و ما عندهم غرف أبداً


[IMG]


[IMG]


هــذا المنظر من الجنـاح ..... وعندهم حوالي 8 مسابح !! فيــه بعد في الجهـة الثانية من الفنـدق ..بس للأسف ما يصلح لنا أو العيال لعدة أسباب منها الزحمة الشديدة جداً و بالتالي بتشوفون أشكال و انواع من البشر ( الي ما نبي نشوفهم ) و الاهم عمق المسبح ما يسمح للأطفال و لا عنـدهم مسبح أطفال ....العيال كل يوم بتطلع عينهم من الدريشة على المسابح :105:


[IMG]


هــذا المنظر بعــد من الدريشة ....الجهة اليسرى و تلاحـظون فيه اسم الفنـدق و الكازينـو The Venetain و فندق الترجر آيلانـد وهو الي في العرض الي قبل شوي قلتلكم عنه مو فندق ميراج ... آسفـة على الخطأ المطبعـي

موضوعج بصراحه روووووووووووووعه

خاطري اروح هناك

هلا والله ام احمد يقول المثل مطول الغيبات

جايب الغنايم ماشاء الله الصور حلوة والفيدو نزل بسهوله لكن التصوير كان سريع جدا يعني الحركه سريعه جدا حلينا على الصور برك لنا ونتي متخصصه بالصور ماشاء الله همه ونشاط انا بنزل عن فيغاس ماعندي وقت اعتقد ان شاء الله في العيد الاقي وقت

هـــــــــلا غاليــة ..............وينـج؟ الله يهديــج .............خليتيني ذاك اليــوم :105: ..... عمـوماً حيــاج الله ... و مشكـورة على الزيارة الحلوة ..... و إنشاءالله الي بخاطرج يصير بالتفاهـم :106:

إظهـار إن كان في مشكلة في تحميل المقطعين الأوليين رقم 42 و 47 ..... الحين نزلت المقطعين مرة ثانية و إنشاءالله تشوفونهم مع التعليق السابق ...... آسفيـن على الإزعـاج :106:

-----------------------------------------------------------------------

http://www.geocities.com/states121/mov02542.mpg


أما هذا المقطــع فكان في فندق الفينيشن Venetain ! و كنا تــونا طالعيـن من متحف الشمع .....لاحظوا السلم الكهربائي .... و لاحظوا تصميم المبنـى نفس طريقـة البنيان الإيطالي ...

http://us.share.geocities.com/states121/mov02547.mpg



تكملة للمقطع السابق .... و بطريجنـا للســوق الي داخل الفنـدق ! شوفوا العــــــــالم و الزحمــــــة !!!! الفنـدق أقدر أقــول إنـه عالم بروحــــه !!! كبيــــــــــــــــــــــــــــــــــــــــــر جداً جداً و يبيلك تحـوس فيه يومين عشان تـدله من الداخــل بـس !!

لـــو سمحتــوا ..... بس قولوا لي الملفات كلها مشتغلة أو في شي مو مشتغـل ؟

اخـوي نـاصـــر .... هلا فيــك و حياك الله ... آسفـة جداً ما شفت ردك !! توني الحين شفتــه

كلامــك صحيح إن المقاطع سريعة و دوووخ ...... بس من كثر ما ودي أنقل الصـورة الحية للإخوان و الاخوات في المنتـدى ..... و أنا ذكرت في بداية المقاطع الأسباب ورا التصوير السريــع

بس انا راح أحاول إني أعرض بس المقاطع الثابته ..عشان عيونكم ما يصير فيها شي . أما بالنسبة للصـور مو ذاك الزود ....كل الصور مع العيال الله يسلمك .

[glint] صــــــــــــــور لاس فيجـــاس [/glint]

هــذي صـورة فنـدق ترجر آيلانـد ..... يمكن اوضح من الصورة الاوليــة و مثل ما ذكرت إن هو مقابل فندق الفينيشين بالضبط و هـذا الإعـلان الي تشوفونـه على شكل طيــر أصفر ...هو إعـلان للسيرك المعروف !! Circus De soleil و عنـدهم 4 عروض في فيجاس بـس و بنفس الشارع 4 عروض ضخمة لهذا السيرك الرائـع .... بس للأسف بعضها ما يصلح للأطفال تحت سن 5 سنوات + إن التـذاكر جداَ جداَ مكلفـة يعني 4أشخاص راح يكلفنا حوالي 180 دينار ...للكراسي الأمامية .

أما هـذا الشـارع .... فهو شارع الستريب المعروف بشارع الفنادق و الكازينوهات في فيجـاس .... و إنتوا تمشون فيه.... ما تعرفون شطالعون ولا شطالعـون :icon_cycl من كثر ضخامة و فخامة المباني و غرابـة تصميمها !!! و خاصـةً بالليل مع الإضاءة ..... اصـلاً ما تركــــز على مبنى معين من كثر الإضاءة و الإعـلانات !! ... أخذت اللقطة من فوق جسر المشاة بين جهتين الشارع

جهـــة من الجنــدول في فينـدق + الفينيشين + :101: