الموضوع: ايمباكت والباقين رتبوا رحلتنا المبكره كلن يدلو بدلوووه

باديه ارتب رحله لاميركا ( زيارتي الاولى )

وراح تكون باذن الله من 12 سمبتمبر الى2 يناير
على الخطوط السعوديه

بدايه بنيويورك ونهايه بها
انا قسمتها مبدائيا\
4ليالي تريحيه بنيو يورك
10 ليالي باولاندو
6 ليالي نيويورك

كيف التقسيم ؟ وكيف انتقل من نيويورك للاورلاندو وايش افضل سكن يكون فيه غساله _معي اطفال_
وكم يكفي دراهم يعني دزني ومتحف الشمع والسي وولد والاكل والشرب؟؟؟ انا والهازبند وطفل 7 سنوات:114:

انتظر فزعتكم على احر من الجمر:8888:

مواضيع عشوائيه ممكن تكون تعجبك اخترناها لك:

• استفسارات بخصوص الفيزا السياحية
• القنصلية ما اخذو اورقنا
• هل المبتعث مسؤل قانونيا عن اي تصرف غير قانوني للمرافق؟
• استفسار عاجل جدا
• عاجل ابي صورة لأي ضمان بنكي شخصي أوالصيغة الكاملة له
• طلعت لي فيزا وابغى اغيرها
• التأمين الصحي في أمريكا
• ارجو المساعدة للسفر الى امريكا
• اخوي سراب بشر ايش صار ؟
• اول تقارير صيف نيويورك اورلاندو ميامي
• من واشنطن
• استفسار لاهل الخبرة
• اختار الرقم المناسب
• لوتكرمتو ابغي جدول لامريكا
• استفسار عن الفيزا للولايات المتحده
• افضل شركة اتصال ارجوكم ساعدوني ماعندي خبره
• ساعدونى حرام عليكم
• مغروره هانم في امريكا ياهيييييييييه
• خطوط طيران حق لوس أنجلوس ؟؟؟
• خطة رحلتي إلى في سبتمبر إن شاء الله

تامرين امر..

الوصول..

نيويورك..

تاخذين تاكسي... ب45 دولار...الى منهاتن.. السكن فقط في منهاتن..ويكون ما بين الفرست افينو الى البروادوي...

اختاري اي فندق تحبينه وعلى حسب ميزانيتك..

فنادق انصح فيها..

راديسون ساس في ليكسنتون افينيو..

كراون بلازا.. في البروادوي..

هلتون... السكس افينو..

الشيراتون.. السفن افينيو..

دبليو... التايم سكوير..

ماريوت... تايم سكوير..

روزفلت... الففث افينو..

ورلد اوف استوريا (الفندق الي يسكن فيه سلطان القلوب.. الامير سلطان عسى الله يشفيه ويرجعه لنا بالسلامه) موجود في بارك افينو..

وفيه كذا فندق... واذا حابه تختارين وتبين راينا... بالخدمه والله..

الآن بعد اختيار الفندق.. وبعد ما ترتاحون..

اماكن انصح بزيارتها..

السنترل بارك... حديقه كبيره مره.. حلوه للمشي.. وزينه بصراحه وقت الصبحيه او العصريه...

منطقه سوهو... منطقه عباره عن سكيكات صغيره.. تتكون من محلات ومطاعم ومقاهي... منطقه حلوه بصراحه ورايقه... وتقدرون توصلون لها عن طريق استخدام الخط الاصفر R

امبير ستيت بلندق... من ابرز معالم نيويورك موجود على شارع 34.. وتقدرين توصلين له عن طريق التوقف في محطه Pen Station اتوقع لونه احمر.. بس مو متذكر..

فولتون ستريت... ومنه تطلعين الى السي بورت.. وتاخذين جوله بالفيري يوصلك الى تمثال الحريه...

الوصول الى فولتون ستريت عن طريق الخط الاحمر رقم 2 او 3 والتوقف في محطه فولتون ستريت... وهي المحطه الي قبل ول ستريت..

اذا عندك حب استطلاع.. ممكن تزورين الول ستريت ومنه تطلعين الى مقر مركز التجاره العالمي الي تعرض للهجوم بالطيارات... الا نيعتبر مزار..

ممكن تاخذين جوله بالهلوكبتر يدور بك فوق نيويورك..

فيه بالنسبه للتسوق..

ففث افينيو..

الماديسون..

هذولي الشارعين هم ارقى شارعين في نيويورك من ناحيه التسوق... وخاصه من شارع 42 الى 60

المطاعم كثيره جدا...فيه الهنديه والايطاليه والصيني والستيك وغيره وغيره.. بامكانك الدخول الى موقع زاكات.. وهو يعطيك تصنيف كل مطعم... وهذا الموقع يعتبر مهم جدا في تصنيف المطاعم.... وفيه مطعم لبناني اسمه البستان.. اذتكر موجود على الثيرد افينو... الظاهر شارع 46.. منيب متأكد


التايم سكوير..

منطقه حيه 24 ساعه.. مستحيل تمرين وتلقينها فاضيه.. ناس ترقص.. ناس تغني.. ناس تطر ... وناس تطامر.. وناس تكلم نفسها.. واشياء غريبه عجيبه... منطقه حلوه مره مره..

فيه كثير من المطاعم في التايم سكوير والمحلات.. وكذلك صالات السينما ودور العروض.. وايضا فيه متحف الشمع

ممكن تاخذون جوله بالباص المكشوف.. يدور بكم على معالم نيويورك كلها...

اذا حابين تغيرون جو.. وتطلعون من جو ناطحات السحاب الي تصرقع بالواحد.. فيه جزيره اسمها كوني ايلند... تقريبا ساعه بالصب واي من وسط منهاتن.. عباره عن شاطى وملاهي تذكرني بملاهي الخيمه من اول

هذا الي في جعبتي الحين...

كيف الانتقال الى اورلاندو..

عن كذا خيار..

يا الطياره.. والا بالطياره والا بالطياره

فيه اكثر من شركه..

نصيحه.. ابعدي عن امريكان اير لاينز.. لانهم بيحسبون عليك على كل شنطه 15 دولار..!!!

لذلك عندك طيران دلتا وطيران بلو جت.. وغيره..

شوفي هالموقع وادخلي وحطي التواريخ وان شاء الله تلقين الرحله الي تبينها

http://www.kayak.com

اولارندو..

وه بس علي هالديره.. كل شي فيها حلو.. مريحه نفسيا.. وبصراحه.. ديره عوائل سياحيه درجه اولى..

اهم شارع فيه...

الانتر ناشينوال درايف...

فيه كل شي ..مطاعم.. قهاوي...محلات..عامير مقلوبه

في هالشارع.. بتشوفين مباني.. مبنيه بشكل مقلوب.. بينقلب راسك معه...

الديره بشكل عام رخيصه ومو غاليه... ولازم تاخذون سياره... وبصراحه.. القياده فيها سهله مره.. وشاورعها اسهل واسهل وبكل امانه.. ما يحتاج لها لا قارمن ولا غيره..

اهم شي فيها... مدن والعاب ديزني (ديزني بارك) وهي عباره عن سبع مدن

فيه عندك الانيمل كينج دوم.. حديقه الحيوان... حديقه حيوان بس بشكل ثاني.. عروض ثري دايمنشن... وسفاري.. واشياء روعه بمعنى الكلمه.. اكثر شي عجبني في ديزني..

عندك ام جي ام... روووووعه بمعنى الكلمه..

اب كوت.. ما حبيتها بصراحه..

ماجيك كينج دوم... حلوه للي معه اطفال...

هذي هي الي زرتها في ديزني..

فيه عندك..

يونيفرسال ستوديوز.... بصراحه.. روووووووعه... واحلى بكثير مره مره من حقت كالفورنيا.. ضروروي تزورونها..

ايلند اوف ادفينتشر.. حلوه اذا تحبون الالعاب الخطيره..

وفيه كذلك السي ورولد.. ايضا احلى بكثير من حقت سان ديغو..

بالنسبه للاسواق..

اشهر شي هناك... فلوريدا مول.. حلو ومو شين..

المطاعم منتشره وكثيره.. بس عمري ما ذقت بيتزا هت بلذه زي فروع اورلاندو هو وفرايديز.. وخاصه الموجوده في الانتر نشينوال درايف..

وفيه بالانتر ناشينوال درايف.. مطعم برازيلي.. خطير..

وفيه مطعم لبناني.. بس نسيت اسم التقاطع..

السكن..

شيراتون فيستانا... عباره عن شاليهات وفيها مطبخ وغساله وكل حاقه...

والنت ببلاش في اللوبي..

نقطه مهمه اختي..

اذا روحتوا للاوتيل.. بيقولون لكم .. هل تبون تاخذون تذاكر ديزني بنص السعر.. قولوا ايه.. بيقولون لكم طيب.. لازم تحضرون عرض (برزينتشن).. يسونه حقين التايم شير.. احضرو.. واهم شي.. انتي لا تتكلمين.. وقولي انك ما تعرفين انجليزي.. هنا بيوقفون العرض... وممكن يعطونكم التذاكر بنص السعر على طول.. اما اذا رفضوا.. فخلي زوجك يزعل ويقول احنا جايين عشان العرض(نص السعر).. والمفروض تهتمون بالعملاء.. وانه محد قالنا انه لازم نتكلم كلنا انجليزي.. هنا بيعطيكم التذاكر بنص السعر..

جربتها مرتين.. ومشت زي الحلاوه
بالنسبه لمدن ديزني.. ويونيفرسال ستوديوز والي ورلد.. حطي في بالك كل مدينه العاب يبيلها يوم كامل... يعني الله يعينكم بتدوخون..

فيه كذلك من الاماكن...

ديزني داون تاون... ابدااااع.. حلو تروحون لها من 10 ولو تجلسون الى وحده اليل ما عندكم مشكله

هذي ابرز الاماكن في اولارندو.. بصراحه.. ودي اروح الحين لها

بعد ما تخلصون هالاشياء كلها.. ترجعون لنيويورك.. وبعدين لديرتكم.. ورحله سعيده.. واذا احتجتي اي شي بنيويورك..انا بالخدمه... لو تبون نرسلكم احد بالمطار... ما عندنا مانع



بالنسبه للاسعار..

انتي والشي الي بتصرفونه...

يعني محد يعرف مصروفكم الا انتم.. فيكم تاكلون بمطعم غالي وفيكم تاكلون بمطعم رخيص..

يعني لو فاست فود.. ثلاث اشخاص.. اقل شي ب21 دولار..

بمطعم حليو... ممكن تاكلون الى 50 دولار... للوجبه الوحده..

عموما بامريكا.. وجبتين الي بتاكلونها.. الفطور.. والغدا (الي بيكون غدا عشاء)

ونفس الشي ينطبق على الاوتيل.. وين بتسكنون.. فايف ستار ولا ثري...

السايره الي بتاخذونها وشي..

هل بتتوفقون بسعر كويس في الطيران..؟؟

مره ثانيه رحله سعيده مقدما..

واقول من الحين.. راح تنبسطون.. لانكم وبكل امانه.. اخترتم احلى ديرتين بامريكا.. نيويورك.. و .. اورلاندو

فيه سؤال؟

كيف من 12 سبتمبر.. الى 2 يناير؟؟؟!!!

يرجى توضيح المدة لنفيدكم !!

الظاهر والله اعلم ان الاخت قصدها من تاريخ 12 ديسمبر الى 2 يناير

وووووه بس ياصندوووق الله يعطيك الف عافيه وماقصرت كلامك حمسني زود تسلم...
لكن للاسف تاجلت الرحله مبدئيا لـ1 مايو 2010...تهئ تهئ :112:بس صارت التذاكر النص تخيل 2 بالغين 2 اطفال بـ8872



واذا صملنا لي عوده معك عن تفاصيل الرحله لاتبعد واجد :110:

ايمباكت ..:8888: معليش خطا مطبعي


سترينجر مان... صح عليك:tongue: بس من اللخمه كتبت سبتمبر..