قصتي مع مزاجية السفارة الامريكية

**alifun** · 02-04-2015, 10:53 PM

مساكم الله بالخير

طبعا اخوكم مخطط يدرس بامريكا بالصيف لغة على حسابه ، والمشكله امريكا تحب الشخص صاحب الخطط الاستراتيجية صاحب النظرة بعيدة المدى يعني لازم تخطط من قبلها بست شهور.
المهم انا كانت مقابلتي في 6 مايو ودراستي تبدا في 25 جون وقالو لي 3 اسابيع وتكون خالصه
طبعا من تاريخ المقابله كان باقي على دراستي 6 اسابيع بالضبط، يوم راحت 4 اسابيع لاحس ولا خبر قلت خلني اراسلهم طبعا الرد كالعادة رد جاهز من ردودهم اللي تقول ماندري كم الوقت انتظرت اسبوع زيادة وراسلتهم الاحد الماضي(10 جون) وانا خلاص بديت اعقد النية اني احول على بريطانيا وكتبت في الرسالة انه الصيف ضيق واذا بتلطعوني شهرين زيادة فيزتكم بتكون من دون معنى، المهم جاء الرد انه المسئولية تقع عليك انت اللي متأخر بتقديم الطلب وطلبك حاليا يبيله من اسبوعين الى خمس اسابيع عاد يوم جاني هالرد بديت استعد نفسيا ومعنويا للتحويل لبريطانيا بشكل جدي وكلمت معهد هناك ودفعت رسوم التسجيل وحجزت موعد بالسفارة وارسلت للسفارة الامريكية يوم الثلاثاء(13 جون) صباحاً بعد رسالتي السابقة بيومين فقط انه ابي جوازي عندي سفرة طارئة جدا ارجو ارسال الجواز باسرع وقت ممكن ، جاني اتصال من السفارة الامريكية بنفس اليوم بعد الظهر وكلمتني وحدة تقولي انت طالب جوازك وين بتسافر قلت لها بريطانيا قالت متى قلت لها على نهاية الاسبوع القادم، قالت اصلا فيزتك منتهية خلاص وش رايك تصبر يومين او ثلاثة بس وتستلم جوازك بالفيزا قلت لها اكيد؟؟؟ قالت كن متأكد من ذلك، لا ومن زود الاهتمام المفاجئ جاني اتصال يوم الاربعاء بعدها بيوم فقط وقالوا لي ترى جوازك منتهي ومعه الفيزا اذا انك مستعجل تعال خذه من فرع فيدكس اللي بالحي الدبلوماسي تلقاه عندهم ، وها انا اتحضن فيزتي العزيزه بعد ماطابت نفسي منها.
السؤال اللي يفرض نفسه هنا وش اللي يمنعهم مايتعاملون معنا بشكل محترم ويعلموننا متى الفيزا تكون جاهزة، المشكلة ليست بالتأخير كثر ماهي بالتعليق، يعني ليه ماعلموني انه فيزتي في المرحلة الاخيرة؟!!!!!
متى سيتم التعامل مع المواطن السعودي بشكل اكثر احتراما بالسفارة الامريكية ، تبا لمن كان السبب.

شكرا

مواضيع عشوائيه ممكن تكون تعجبك اخترناها لك:

**ahmed1** · 02-04-2015, 10:54 PM

ذل ما بعده ذل كالعادة ولكن نحن نستاهل

**ahmedali** · 02-04-2015, 10:54 PM

السلام عليكم أخي .. والله معك حق بس الحمد لله تيسرت ألف مبروك

نحنا صارت معنا قصة مشابهة شوي .. قدمنا على الفيزا السياحية وكانت مقابلتنا 15-6
و عملنا حجز بعد المقابلة ب 5 أسابيع بالضبط لي و لأخي يعني 19-6
بالمقابلة قالتلنا انو رح تخلص بعد أسبوعين تقريبا فأتوقع انه الفترة كافية اللي تركناها
المهم ما عطتنا ولا ورق ولا أي تنبيه انو ما نحجز

طلعت جوازات امي واختي و جوازي ولكن والدي واخي لا.. و كل ما نرسلهم يرسلولنا نفس الكلام إجراءات إدارية
بعدها أرسل والدي ايميل طويل فيه شكوى و ردو عليه أنه ما كان لازم تحجز لأنو عطيناك ورقة صفراء مكتوب عليها هالكلام !
ما اعطونا ولا حتى نبهونا أنه لا تحجزو طيران !
و بقي على السفر 4 أيام و إلى الآن لم يصدر الجواز
رح يصير خسارة مادية كبيرة إذا ألغينا و حتى إذا أجلنا
الله بس يكتب لنا الخير بس صراحة لازن يكونو واضحين أكتر من هيك
علما بأن عمر أخي 16 سنة !!! ما بعرف شو هالإجراءات الإدارية على واحد عمره 16 ..
لسا عندي أمل بالله و رح أنتظر إلى يوم السبت قبل أن ألغي الحجز أو أؤجل

تحياتي