الموضوع: قصتي مع السفارة الامريكية بالفاهرة وبعض الأسءلة التي ابخث لها عن اجابة

بسم الله الرحمن الرحيم ..........

تم رفض الفيزا و لا أعرف الأسباب ..........

حكايتي مع السفارة الأمريكية بالقاهرة :

طبعا ً بعد ما جهزت كل أوراقي من :

DS-156 و DS-157

كل ما يخص العمل ( عقد العمل + خطاب من العمل موضح تاريخ العمل 4/8/2009 و الوظيفة : مسزول مكتب عقاري بالامارات . و يشمل الراتب مع البدلات بقيمة 5200 و اضافة الى عمولة 10 % (مترجم) + صورة من بطاقة العمل و بيانات العمل كاملة مطبوعهة من على الانترنت من موقع وزارة العمل و العمال الاماراتي )
علما ً بأن عقد العمل مكتوب به الراتب الاساسي فقط ... و هو غير الراتب الفعلي بالبدلات .

شهادة قيد جامعية في جامعة في مصر تشهد بأنني ادرس بها في الفرقة الثالثه بنظام الانتساب .(مترجمة)
صور جوازات افراد الاسرة مع صور اقاماتهم في دولة الإمارات .

جحز فندق في مدينة نيورك عن طريق الإنترنت لمدة 15 يوم بقيمة 1500 دولار .

صور 5 * 5 ذات خلفية بيضاء .

جوازي الحالي و عليه تأشيرة دخول و عودة للإمارات مدتها 3 سنوات . (إقامة عمل)

وعلى الجواز اختام عدد 2 زيارة لدبي بأختام دخول و خروج .

الجواز السابق و علية اقامة منتهية على كفالة الوالد مدتها سنة واحده . و على الاقل 4 ازيارات دبي باختام الدخول و الخروج .

مع العلم ان جميع شهاداتي من الشهادة الإبتدائية إلى الاعدادية الى الثانوية كلها من دولة الامارات و كانت معي صور من

الشهادت و لكن صورة من شهادة الثانوية العامة مختوم عليها بختم الجامعة المصريى صورة طبق الاصل .

__________________________________________________ ______________________________

وذلك ما حدث معي في السقارة في القاهرة :
مكنتش قادر انام الليله الي قبل يوم الموعد نمت تقريبا نص ساعه بس .

وصلت على باب السفارة الساعه 7,30 صباحا .

بعد التفتيش و التشييك على الورق كنت موجود فيداخل السفارة و اخدت رقم (38) كانت 7,35 لقيت السفارة زحححححححححمة مووووووووت مفيش مكان ولا كرسي اقعد فضلت واقف شوية و تعبان اصلا عايز انام .

لقيت رقمي ظهر على طول رحت الأول لموظفة عربية في السفارة قالتلي صباح الخير قلتلها صباح النور اخدت الأبلكيشن الـ DS-156 , DS-157 و قالتلي اتفضل هنادم عليك تاني .

مفيش 10 دقايق لقيت رقمي ظهر كمان مره في شباك مختلف (الشباك دا كنت قلقان منو علشان كل الي يروحلو كانت الست الي فيه بترفع صوتها على كل الي يروحو هناك و انا ما كنتش اعرف اصلا دا ايه )
المهم رحت طلعت البصمات الحمد لله اخدت البصمات بسرعه من غير تعقيد .

بعدين رجعنا تاني منتظرين مفيش فايدة الوقت طول اوي ............... و كان في شباك رقم (5) دا بتدخل غرفه لوحدها انا في دماغي ان دلوقتي هي دي مقابلة القنصل و البذات لما قالو كمان شوية هتبدأ مقابلة القنصل و في لمبة نورت .

انا مش في دماغي لقيت رقمي تاني بيقول شباك (9)

رحت شباك 9 و انا مش عارف بتاع ايه ؟

المهم كان شخص امريكي بيتكلم عربي كويس بس مكسر .

رحت وقفت عندو ما قولتلهوش حتى صباح الخير .

لقيتو بيقولي :

* عرف نفسك ؟؟؟

قلتلو اسمي .

* قال انت بتشتغل في دولة الإمارات ؟؟؟ (وهو ماسك الجواز و فاتح الإقامة )

قلتلو آه قال عندك خطاب من الشغل قلتلو أه و اديتهولو بص عليه و اداهولي تاني .

* سألني قال : انت مسافر ليه أمريكا ؟

قلتلو سياحة (انا سمعت انها بلد حلوة كتير و انا حابب ازورها)

* سألني تاني قالي انت بتشتغل في مصر ؟

قلتلو لأ بس انا منتسب في جامعة هنا في مصر و اديتو اثبات قيد من الجامعة (مترجم)

* بعدين قالي شكرا

فضل يكتب كتير اوي على الكمبيوتر بعدين قالي و هو مش باصص نحيتي اصلا .

* انت متجوز ؟؟؟؟؟؟؟؟؟؟؟؟؟؟؟

قلتلو لأ و اتكيت اوي على ءءءءء

راح مسك جوازي و قالي حسب القانون الأمريكي انا مش هقدر اديك الفيزا .......

انا اتصدمت قلت ايه هو دا ......... هو دا القنصل يا جماعه ولا ايه ؟

طلع آه هووووووووووووووو المهم انا فضلت ساكت مش بتكلم و اداني كتيب صغير قالي و دا الي فيه اسباب الرفض .

الناس كلها اخدت منو الكتاب دا .

وانا اخدت الكتاب و الجواز و رحت مشيت طلعت بره السفارة على طول ؟
__________________________________________________ _____________________________

دلوقتي الفيزا اترفضت سؤالي للمشرف الغالي امباكت و جميع اعضاء المنتدى الكرام ؟

*** هو انا ممكن اقدم تاني على الوضع دا ؟ ولا في حاجو ناقصه ممكن اجيبها

*** افضل وقت للتقديم مرة تانية امتى ؟؟؟ مع العلم اني عايز اسافر 5/7/2010 و دا برضو كان في الابلكيشن الي اترفض؟

*** اقدم تاني من مصر و لا من الامارات ممكن تكون الفرصة افضل ؟

*** و هل رفض الفيزا للمرة الاولى يعتبر نقطة سوداء امام سفارات امريكا ؟

مواضيع عشوائيه ممكن تكون تعجبك اخترناها لك:

• ممكن اهم المناطق القريبه من لوس انجولوس
• سؤال مهم
• منطقة لوس انجلوس
• المسافة من مطار دالاس الى واشنطون دي سي؟
• ؟
• استفسار شباب تكفو
• السلام عليم ورحمة الله وبركاته
• ساعدوني فى روشسترر
• بوسطن ماساشوستس
• رايكم في يوم بين نيويورك وكاليفونيا
• واشنطن وما حولها أسئلة تنتظر اجاباتكم
• تمعن
• نصيحة توقعوا يسألونكم عن أي شئ
• ياااااخوان ارجو المساعدة الرحلة بعد ثلاثة ايام
• واشنطن
• استفسار عن الانترناشيونال درايف
• استفسار مهم بخصوص موعد مقابلة السفارة الأمريكيه
• كم الحساب البنكى المطلوب فى الكويت
• المسافة بين سموكي ماونتن ونيويورك
• استفسار عن الامن والامان في امريكا

عزيزي هم لم يقتنعوا أن وضعك الأجتماعي والمادي مستقر فرفضت التاشيرة . نعم تقدر تحاول تقدم مرة أخرى ولكن الأفضل وكان مفروض من أول مرة أساسا أن يكون التقديم في السفارة الأمريكية في بلد اقامتك (البلد التي تعمل فيها. الأمارات ) وبشرط ان يحصل تغيير جذري في وضعك بحيث يزيل الشك أنك مسافر للهجرة وليس للسياحة . من الأمثلة على التغيير الجذري حصولك على وظيفة أو تجارة ذات دخل عالي لا يمكن ان تفكر ان تتركها , أن تكون متزوجا مثلا ولديك ابناء في المدارس ...

شهاده لله انا فلسطيني واقامتي الدائمه في السعوديه
قدمت على فيزا لامريكا مرتين من السفاره الامريكيه في القاهره والحمدلله كانت مررررررررررره سهله وكل الي اخدوه مني الاوراق الرسميه المطلوبه حتى كشف الحساب مااطلعو فيه شباك رقم 9 نفس الشباك الي سويت في المقابله لما قدمت على الفيزا مره تانيه
القنصل بس سالني سؤالين قبلها
1- لما كنت في امريكا حبيتها ؟
2- متى تبغى تروح امريكا ؟
باختصار مااشفت احسن من تعامل السفاره الامريكيه بالقاهره .
جرب مره تانيه وان شالله خير

المشاركة الأصلية كتبت بواسطة a7med89
http://www.arabtravelersforum.com/tr...7/#post3547417

شهاده لله انا فلسطيني واقامتي الدائمه في السعوديه
قدمت على فيزا لامريكا مرتين من السفاره الامريكيه في القاهره والحمدلله كانت مررررررررررره سهله وكل الي اخدوه مني الاوراق الرسميه المطلوبه حتى كشف الحساب مااطلعو فيه شباك رقم 9 نفس الشباك الي سويت في المقابله لما قدمت على الفيزا مره تانيه
القنصل بس سالني سؤالين قبلها
1- لما كنت في امريكا حبيتها ؟
2- متى تبغى تروح امريكا ؟
باختصار مااشفت احسن من تعامل السفاره الامريكيه بالقاهره .
جرب مره تانيه وان شالله خير



عزيزي كل شخص وضعه مختلف عن الأخر وشرط القبول الرئيسي هو وجود روابط اجتماعية قوية للمتقدم تحتم عليه العودة وعدم الهجرة والأخ قد قابل وحصل الجواب بالرفض وابلغوه بالسبب لذا عليه ان ياخذ بالاسباب ويحاول تجاوز سبب الرفض عمليا فالعملية ليست سحب جوائز تزيد فرص القبول مع تكرار محاولات التقديم . وللعلم الأحترام موجود في كل السفارات وليست في سفارة دون عن غيرها ولكن الاحترام او سوء المعاملة لا يغير من القرار شيئا

طيب هوة يعنى ادالك كتاب فية سبب منعك لواحدك
وكتاب ولا ورقة مثلا على هيئة كتاب ولكنة مكون من ورقتين
وياريت تقولنا اية اللى مكتوب فيهم

أولا انا بشكر مشرفنا الغالي وباقي اعضاء المنتدى الكرام الي ردو على الموضوع .......

بس أنا بسأل نفسي :

هو اني مكنتش مستعد في المقابله لأني ما اعرفش ان دا القنصل و محاولتش اوضحلو أي حاجه دا ممكن يكون سبب ؟

أو ان الأرهاق و التعب كان ظاهر عليا بسبب عدم المقدرة على النوم الليلة قبل يوم المقابلة ؟

هل ورقي المذكور في الموضوع كافي في وجهة نظركم ولا ينقصو حاجات ؟

صحيح انا نسيت اقلكم إني كمان شريك في شركة نشاطها تقريبا من 6 شهور شريك برأس المال فقط ؟ ( دي ممكن تنفع ) مع العلم اني ما جبتش بيها سيره خالص في السفاره ولا اصلا جهزتلها اوراق

و اهم سؤال ليا لو قدمت تاني بنفس الورق هو هو بس وضحت للقنصل و اتكلمت معاه عكس المره الي فاتت ووضحتلو ؟ ممكن يقبل الفيزا .؟

وتمنى من اعضاء المنتدى الكرام توجيهنا بخبراتهم على كيفية الحصول على التأشيرة و ما ينقص لها معالعلم اني مخطط اسافر يوم 5/7/2020

على فكرة انا راجع للإمارات تاني تاريخ 6/2
وبعدين هرجع على مصر تاني في اول شهر 6
يبقى اقدم في القاهرة تاني و سفري و عودتي لمصر تاني ممكن يكون عامل في قبول التأشيرة ولا لأ ؟

المشاركة الأصلية كتبت بواسطة a3med.attia
http://www.arabtravelersforum.com/tr...3/#post3547693

طيب هوة يعنى ادالك كتاب فية سبب منعك لواحدك
وكتاب ولا ورقة مثلا على هيئة كتاب ولكنة مكون من ورقتين
وياريت تقولنا اية اللى مكتوب فيهم



بالنسبة للأخ الي سأل عن الكتاب الي أخدته من القنصل في السفارة فهو مكتوب فيه :

بعض الأسئلة المتكرر طرحها بخصوص تأشيرات غير الهجرة :
1 . ما المقصود بالبند214 ب ؟
ينص البند 214 ب من القانون الأمريكي الخاص بالهجرة و لجنسية على أن : كل أجنبي يعتبر مهاجرا ً حتى يستوفي قناعة القنصل . عند التقديم لطلب التأشيرة ...... بأهليته للخصول على تأشيرة غير الهجرة .
وطبقا ً للقانون يقع عبء الإثبات على عاتق المتقدم بالطلب لتوضيح اهليته للحصول على تأشيرة غير الهجرة و إثبات عدم وجود نية الهجرة و يحدد القنصل نوايا طالب التأشيرة خلال المقابلة الشخصية .

2. ما هي الروابط بمصر ؟
3. لقد استكملت كافة المستندات لكن تم رفض طلبي فما السبب ؟
4. هل يساعد وجود خطاب تعهد بالعودة من شخص ذو مكانة رفيعه في الحصول على التأشيرة ؟
5. هل سيدعم طلبي تقديم خطاب من أحد اعضاء الكونجرس الأمريكي أو مجلس الشيوخ المسؤول عن أحد اقربائي ؟
6. هل السفارة ترفض مزيدا من المصريين نتيجة للهجمات الإرهابية على الولايات المتحدة في 11 سبتمبر ؟
7. لماذا تكون مدة المقابلات الشخصية قصيرة جدا ؟ لقد سئلت مجرد بعض أسئلة ؟
8. اليس من الأفضل إخفاء حقيقة أن لي اقرباء يعيشون في الولايات المتحده أو اني تقدمت بطلب هجرة أو انة قد تم رفضي مسبقا ً ؟
9. ماذا يحدث لو اخفيت او غيرت معلومات او قدمت مستندات مزورة ؟
10. هل من الممكن استرداد مبلغ 131 دولار في حالة رفض التأشيرة ؟
11. هل يجب سداد 131 دولار اخرى عند تقديم طلب ثاني ؟

نرجو الافادة من اعضاء المنتدى الكرام لأهمية الموضوع بالنسبه لي .......... بصراحة بتمنى ازور امريكا ........... و اذا ما زرتش امريكا السنة دي مش هقدر بسبب ظروف العمل و قلة الاجازات ..... بمعنى اصح انا باخد 4 شهور اجازة بتسبل بالدراسة ....... لو خلصت الدراسه يقى مفيش اجازات غير شهر كل سنه !!!!!!!!!!

إن شاء الله ربنا يوفقك بس بجد الي عرفتو من تجربتي ان انت تكون عارف مكان القنصل و تجاوب على اسإلتو و تحاول كمان انك توضحلو مش تعتمد على اسإلتو و بس لأن اسإلتو هما 2 او 3 و طبعا ً انا بظن انو مش يكفي حاول توضحلو ارتباطاتك بأي بلد خارج امريكا و ان انت هترجع بعد ما تقعد المده بتاعتك هناك و بالتوفيق ان شاء الله

ومنتظرين رد الخبراء في مثل هذه المواضيع و خاصة مشرفنا الغالي امباكت ..........

عزيزي

مثا ما اخبرتك من قبل قدم لاكن مو الحين لما تحس ان وضعك تمام !!

اهم شي اثبات اهليتك لوظيفتك وانك راجع !!

واهليتك للبلد الي انت مقيم فيها ولديك رسوم السفر وما عندك اي نواقص

اتمنى لك التوفيق ,,

بسم الله الرحمن الرحيم ...........

طبعا الكل عرف قصتي الاولى مع السفاره الامريكيه ..................... و حاليا ً هقوم بالتقديم مره ثانيه لنفس نوع الفيزا
ونرجو من اعضاء المنتدى الكرام و مشرفنا الغالي وضعنا على الطريق الصحيح للقبول ان شاء الله .....

حاليا ً انا موجود بالامارات و ان شاء الله هكون في مصر شهر 5 و هقدم على الفيزا من السفاره في القاهره تاني مره .

الأوراق الموجوده :
1. خطاب من العمل (مشؤول مكتب ) عقاري بالامارات من تاريخ 15\9\2009 بأني موظف عندهم براتب 5200 مع البدلات + عقد العمل + اقامة عمل على جواز السفر .
2. توكيل من المحكمه بالرخصه التجارية للمكتب العقاري و شركة المقاولات
3. رسالة من الجوازات بكل السفريات من قبل 15 سنه .... كلها بين الامارات و مصر فقط .
4. صور جوازات العائلة كلها اقامة داخل الامارات .
5.خطاب من شركة تنمية موارد و ادارة موارد بشرية بمصر بأني مندوبهم في الامارات مقابل نسبة من الارباح.
6. خطاب ضمان بنكي بتاكيف الرحلة لمدة 15 يوم بقيمة 30 ألف جنيه مصري
7. خطاب من الجامعة بأني مسجل بها بالفرقة الثالثة محاسبة دراسة غير نظامية (انتساب)
8. الجواز القديم بأقامة طالب في الامارات واختام زيارات للامارات اكثر من مره .
9.حجز فندق لمدة 15 يوم .
10. كشف حساب الشركه لمدة 3 أشهر لرصيد لا يقل عن 800,000 درهم اماراتي
ملاحظة :
خطاب من العمل + خطاب من الجامعة + رسالة من الجوازات مترجمين
هل يجب تصديق عقد العمل و خطاب العمل من سفارة مصر بالامارات ؟؟؟؟؟
.................................................. .................................................. ..................................
اسئلتي :
ما هو وضعي هذه المرة ؟
كيفية التحدث و مخاطبة القنصل + الاسئلة المتوقعه ؟
نصائحكم بالوراق الي ممكن آخدها و اعرضها على القنصل ؟
ما هي الاوراقالمقترحه ؟