لاقلت يمه حنان الاسم يكفيني
وشلون ضمت يدينك يابعد رأسي.
يمه يايمه دخيلك لا تخليني
محتاج قربك وحضنك يابعد ناسي.
محتاج عطفك دخيل الله ضميني
لاتتركيني لدنيا قلبها قاسي....
يالغاليه بشوق جيتك لاترديني
جيتك وخطوات رجلي تسبق أنفاسي..
محتاجلك حيل ومحتاجك تلميني
من قسوة الوقت ومن تعذيبه القاسي...
أبي بعيونك عن احزاني تشيليني
وابي بحضنك أفارق هم وسواسي...
وأبي حنانك وكلماتك تغطيني
من مقدم الرجل لين اخر شعررأسي...
وأبي أحس بشعور ٍ منك يكسيني
عطف ومحبه وحنان ٍ دون مقياسي...
يمه كبرت وكبر هم الزمن فيني
ومن لوعة الوقت قلبي عايش يقاسي...
محتاج حضنك أمانه لاتلوميني
محتاج اعاود طفوله كلها أوناسي...
برّجع الوقت وانسي اللي معنيني
يومي صغير وحنانك ماليءً كاسي...
يمه ذكرت الزمان الماضي بعيني
ماضي الطفوله السعيده وروعة إحساسي...
كم كنت أضمك وكم مره حضنتيني
وكم نام راسي على صدرك وهو ناسي...
وكم كنتي تبكين من فكر يبكيني
وكانت عيونك فداك القلب حراسي...
وكم كانت مناك دايم بس تشوفيني
احلى وأنظف " بنيه " بين جلاســي...
وياما وياما سهرتيلي تواسيني
لأونست ضيقه وزار الهم مجلاسـي...
وكم كان حضنك عن الخلان يغنيني
وكم كان عشقك لفرحي ماله قياسي...
الله ياذاك الزمان شقد يحيـيني
ليته يعود وتعوووود أفراح وأماسي...
ياليتني ماكبرت ولاقسى ليني
وبقيت طفلٍ همومه لعب وأكياااسي...
يالغاليه جيت لك شوقي يقديني
كبير لكن بقربك يصغر إحساااااسي...
يمه يايمه أنا بنيتك تحبيني
أدري وربي ولكن بقهره يــأسي...
بحطم الحزن فيني وأقهر سنيني
وبقول للهم "ياقلب العنى" ناسي...
بنسى عذابي بحضنك لاتهديني
من بعد حضنك يزيد الهم هوجاسي...
أبي أعاند زماني وظلمه الشيني
لاتتركيني وضمي يديك ليديني
لمسة كفوفك تبدد قسوة أتعاسي...
وأبي بقربك أرده عني الخاسـي...
ياأعز ناسي وياكل الكون في عيني
ياملهمتـني المحبه وصيت نومــاسي...
يفداك عمري وروحي وكل مغليني
ويفداك كلي وأنا من رأسي لساسي...
ياأغلى غرام ربى داخل شراييني
وياأعذب شعور ٍ سكني وياأجمل إحساسي...
مواضيع عشوائيه ممكن تكون تعجبك اخترناها لك:
- الرجل المحروم موضوع نقاش
- السفر والدراسة في أوكرانيا
- بـركـة الـسـبـاحـة الـعـجــيبـهـ
- من يفكر بهدية النجاح لابنائه
- لا تنظــر خلفــك أبــدا
- علاجات طبية غريبة لم تسمع بها من قبل
- أطعمة تزيد من معدل الإصابة بالسرطان
- صفحات من تاريخ الأندلس والدولة الإسلامية في الأندلس
- الـخـــــــــــــلاف الـزوجـــــــــــــي
- لمسة مبدع يهنئكم بعيد الأضحى
- لـيـس بـالـضــروري
- تصدقون ان الهيل له اضرار ؟؟؟
- •··`¯°··• ألف ألف مبروك دارة الخيـر الألفيـة الأولــى •··°¯`··•
- علي الطنطاوي متحدثاً عن زوجته
- حماااام ساخن
- اسرار الشفاء بالصيام
- حياتك تستحق
- شريان جدة يعود إلى الزحام بزيارة ضيوف الرحمن
- من أقوال العلماء في فضل عشر ذي الحجة
- للنقاش جهاز الـ للأطفال
رد مع اقتباس
المشاركة الأصلية كتبت بواسطة hhhggg
المفضلات