الموضوع: اصبحنا ثلاثة؟؟؟؟؟

اخواني واخواتي ... السلام عليكم ورحمة الله وبركاتة ...الحمدلله.. قصينا التذاكر .. الاقلاع يوم 25/6 والوصول نفس اليوم الساعة 11:10 صباحا ( عددنا ثلاثة اشخاص ) الميزانية 18000 من غير التذاكر )هل تكفي ؟؟؟؟؟ برنامج الرحلة .. جاكرتا ... باندوق ... البنشاك .. وما استغني عن اقتراحاتكم .. طبعا باااااالي ليست في الجدول الشباااااب الزملاء يقولون انها رطوووووبة وحر يعني مثل جدة ولجل كذا غير متحمسين للذهاب اليها ... انتظر ارائكم ... تقبلوا وااااااافر ودي

مواضيع عشوائيه ممكن تكون تعجبك اخترناها لك:

• شهر عسل في إندونيسيا وماليزيا
• مكتب كاها بجده
• أحتاج مساعدتكم بخصوص سفرتي ل العشق اندونيسيا من ناحية الفنادق تذاكر الخ
• نرجو الإفاده رحلتي يوم لإندونيسيا بإذن الله شهر عسل
• المرأة في شعار ستاربكس
• ارجو المساعدة خلال الاسبوع هذا ضروري ابي ابني مسجد في اندونيسيا
• مساعدة واستفسار
• محتاج مساعدتكم
• محتارين بين بالي وجاكرتااو المالديف؟
• سؤال بخصوص جواز السفر للطفل الرضيع
• ابي اسال الفلوس اصرفها روبيه كلهم ولا دولارات بحدود 13 الف في اندونيسيا
• عضو جديد ومسافر جديد
• استسفار بشكل سريع
• محتاج مشورتكم
• من وين اصرف فلوس
• برنامج ل اندونيسيا مدة يوم إن أمكن
• رحلتي وحداني
• الراغب في السفر لاإندونيسيا بخصوص الطقس ممكن يفيد أو يستفيد في شهر هجري لعام
• خبرتكم تعني لنا الكثير
• رحلة استجمام مخطط يحتاج لتوجيهاتكم

وعليكم السلام ورحمة الله وبركاته

الميزانية كافية وزيادة

اذا مازرت بالي اجل ماكنك رحت اندونيسيا بكل صراحة الحر على حسب اذا الجو مغيم بيكون الجو ولا اروع ولما تشوف المناظر يهون الحر اذا صادفكم

وين جدة ووين بالي هههههه

رحلة موفقة

هلا اخوي يعطيك العافية نسيت اوضح .. الأقلاع يوم 25/6/2012 الساعة 5:15 صباحا مرورا بدبي .. والوصول الساعة 11:10 صباحا نفس اليوم لجاكرتا .. والعودة يوم 13 /7/2012 الأقلاع الساعة 00:40 صباحا .. هذا وانتظر اقتراحاتكم لبرنامج الرحلة .. من واقع خبرتكم .. تحيااااااتي

اضم صوتى لصوت اخونا على طالما انكم شباب ... نصيحه لا تفوتكم بالى ابدااا.. انا اغلب سفارتى لبالى فى جون ( نفس فتره سفركم ) والجو مقبول جدا جدا بس سالفه جده قويه شوى ( يمكن قصدهم جده فى الشتاء )

هلا حيو ما في زيو تسلم .. المدة من 25جون الى 13 يوليو.. تحيااااتي

المده الفعليه للسفر 17 يوم

والجدول المقترح 2 جاكرتا 5 الجبل 3 باندوق 5 بالى 2 جاكرتا

اما اذا شلت بالى وان معارض لهذه الفكره فالجدول يكون 2 جاكرتا 8 الجبل 4 باندوق 3 جاكرتا

وبالنسبه للميزانيه نحسبها كافيه

السكن يكون متوسط 4 نجوم والليله تكون فى حدود 400 ريال * 17 = 6800
تذاكر بالى 500 ريال للشخص ذهاب وعوده * 3 اشخاص = 1500
مصروف يومى سائق ورسوم مزارات واكل وشرب قول 600 ريال * 17 = 10200

المجموع = 18500 ريال يعنى زيدوها 500 ريال وبتكفيكم باذن الله

مع انه بالعلم فيه ايام مارح تصرف 600 ريال كمصروف فى اليوم وفيه ايام ثانيه ماراح يتعدى الصرف اليومى مبلغ 600 ريال وخاصه فى الجبل وباندوق
ايضا انه من الممكن ايجاد سكن اقل من 400 ريال لليله وبالتالى راح تغطى الميزانيه باذن الله

بانتظار ردك حول بالى

هلا اخوي العزيز .. بعد المشاورات مع الزملاء واطلاعنا على ما طرحته من برنامج للرحلة .. اتفقنا على اضافة بالي في الرحلة ( انشاء الله تكون الأجواء حلوة في يونيو ) وترك باندوق ( لأنها على حسب ما قرأت يمكن زيارتها من الجبل ( نريد اطول مدة تكون في الرحلة في البنشاك ) ولو الذهاب لها بالسيارة والعودة في نفس اليوم ... انتظر رأيك ووضع برنامج مناسب .. تقبل وااااافر ودي

سبحان الله وبحمده سبحان الله العظيم

حرام تضيع وقتك في بونشاك .. جوها مثل أبها بس على دشره اذا فهمت قصدي
انا توني جاي منها وجلست يومين بس ولا تحملت الي يصير هناك وطلعت على بالي 6 أيام و4 أيام جاكرتا
الي تستحق الزياره .. بالي + جاكرتا بس
بالي = فندق اسمه جيا كرتا .. اقل مايقال عنه انه رائع
وجاكرتا = حظنا كان عندهم اجتماع حكومي والفنادق كل فل ... وسكنا في فندق اسمه سمارت اوتيل .. ( غباء اوتيل ) لا انصحك فيه
بس ميزته في موقعه .. قريب من قراند اندونيسيا مول + قريب من ماكدونالدز وبيتزا هت وكم مطعم معروف + السينما

بالنسبه لي اعتبر بالي هي جوهرة اندونيسيا

وع فكرهـ ترا بالي ليست ساحليه فقط

فيها اجواء زي الجبل امطار وغيوم ولون اخضر منتشر بكل مكان

اذا تبي اجواء رطبه انزل ع الشواطئ

هلا اخوي يعطيك العافية.( nbe6a) وعلى فكرة احنا شباب في الثلاثينات ومتأهلين والحمدلله .لكن العام سافرنا تركيا بالعائلة . وقلنا خلها السنة ذي عزوبية وننسى تعب الدوام طول السنة ونغير شوي .. طريقتنا في السفر اللي نتبعها .. النهار سياااااحة وجولات وانشطة .. وفي الليل نوووووووووووم من بدري ...يعني نحب السكن في الفنادق اللي تكون هادئة وما فيه عندها صخب وازعاااااااج وغيرها ؟؟؟؟ وانت عارف قصدي اكيد... وعلى ما سمعت انه شواطئ سيمناك وكذلك نوسادوا حلوة وتناسبنا... اما كلامك عن الجبل عاااااارف قصدك ؟؟؟ لكني اسمع عنه كلام كثير خصوصا المنطقة المرتفعة اللي فيها فندق سيروني .. واحنا عزمنا السكن فيه انشاء الله ... اما المجمعاااااااات مثل .. كوتا بونقا وغيرها ... سمعت عنها مثل ما قلت انت سابقا ... وصرفت عنها نظر .. تقبل تحيااااتي ووافر ودي

[quote=موهوب القصيم;6851405]

بالنسبه لي اعتبر بالي هي جوهرة اندونيسيا

وع فكرهـ ترا بالي ليست ساحليه فقط

فيها اجواء زي الجبل امطار وغيوم ولون اخضر منتشر بكل مكان

اذا تبي اجواء رطبه انزل ع الشواطئ

تسلم اخي موهوب القصيم .. الله يعطيك العافية.. ما استغني عن خبرتكم انت وباقي الأخوان والأخوات ... دمت بصحة وعاااااافية ... تقبل واااااااافر ودي