الموضوع: استفسار بخصوص سكن جاكرتا

السلام عليكم ـــــــــــــــــــــ مساء ,, صباح / الخير , لكل المتابعين


بإذن الله راح أسافر أنا و4 من الشباب لبلاد العمة يوم 30 يونيو وراح نرجع يوم 15 يوليو
وعندي بعض الإستفسارات عن أفضل سكن للعزاب في جاكرتا وييفضل يكون قريب من الأماكن السياحية , وهل الأفضل أحجز عن طريق موقع بكوينق أو أحجز إذا وصلت ؟ , وإذا حجزت عن طريق موقع بوكينق غرفتين مثلاً فكما هو معلوم أن الغرفتين تتسع لـ 4 أشخاص ,, فهل يسمحون بـ 5 أشخاص في غرفتين , ولا لازم ناخذ 3 غرف ؟؟


وللمعلومية الميزانية حوالي 15 ألف ريـال لمدة 14 يوم من غير التذاكر


تحياتي لكم

مواضيع عشوائيه ممكن تكون تعجبك اخترناها لك:

• استفسار قيمه التذكره جاكرتا بالي
• ترشيح السكن محتاااار
• جدول سياحي
• برنامج الى جاكرتا بالي الجبل
• البرنامج النشيط في العلم البسيط
• تكفوون ردوو علي باسررع وقت
• هل عندكم تعديلات لجدولي ؟ حياكم
• عتاب لمشرفي بوابة اندونسيا
• جدول شهر العسل ارائكم واقتراحاتكم
• ابي برنامج جدول رحلتي الزوجية الي اندونيسيا
• السلام عليكم مسافر لأندونيسيا افيدوني
• قيمة ايجار السيارة اليومي
• كاثي باسفيك
• ودي اسافر مع العائله لاندونيسيا بشهر 1
• كيف خدمة الخطوط الاماراتية
• طالب نخوتكم يارجااااال محتار
• هذه البرنامج لرحلتي وأبشاوركم في أماكن الترفيه والتمشية
• اجازة الحج في اندونسيا
• تساؤلات
• مشكله مع الخطوط السعوديه في حجز المقاعد

وعليكم السلام ورحمة الله وبركاته

المنطقة السياحية في جاكرتا انشول وافضل فندق من ناحية الموقع هو ( فندق ميركيور جاكرتا )

عادي احجزو غرفتين وراح يضيفون لكم سرير اضافي برسوم طبعاً والسعر على حسب سياسة الفندق

الحجز المسبق عبر بوكينج هو الأفضل والأرخص لأن الأسعار في تزايد عشان الموسم قرب

والميزانية تكفي ان شاء الله

لكن سؤال انتو تبغون تجلسون في جاكرتا كل اجازتكم ؟؟؟

لا هنت يا علّاوي

والله وأنا خوك , راح نوصل جاكرتا يوم السبت في الليل وقلنا نقعد في جاكرتا يومين أو يوم عشان الإجازة عندهم يوم السبت والأحد , وبعدها نروح للجبل , لأني قريت في المنتدى إن الجبل راح يكون فيه زحمة وقت اجازتهم


وش رايك أنت ؟؟


وللمعلومية جدولنا مبدأياً راح يكون كالتالي :


يومين جاكرتا - 6 أو 7 أيام الجبل - 3 أيام باندونق - يومين جاكرتا
,
هل تنصحنا نروح أماكن غير هذي الأماكن , طبعاً غير بالي لأن ما لنا نية نروح لها

ماشاء الله تبارك الله إجابات رائعة من خبيرنا علي الشهري بارك الله فيه
ومداخلة بسيطة بخصوص السكن وهي افضليه الشقق الفندقية لكم عن
غرف الفنادق وارشح شقق بتافيا او شقق كونينغان كون الشقة المكونة
من ثلاث غرف فيها تسع لعددكم وجميعها يتوفرحجزها من المواقع السياحية
وكذلك شقق استون مارينا القريبة جداً من فعاليات انشول لكن لايتوفر
حجز الثلاث غرف فيها من المواقع السياحية مثل بوكنيق واقودا ويمكن
حجز هذه النوعية من احد المكاتب السياحية الكبيرة والتي لها باع كبير
في حجز الفنادق بجميع دول العالم

الله يعطيك العافية مشرفنا الكوكب الطائر,
بحثت عن طريق بوكينق وأقوادا


بس المشكلة غالية


إذا تعرف فنادق أو شقق كويسة وسعرها ما يتعدى 500 ريـال لــ 5 أشخاص , فيـا سلااااااام ,, حتى لو تكون بعيدة من أنشول ,, ما عندك مشكلة


.

الكوكب الطائر

ويبارك فيك ياغالي

اي نعم اخوي ابو مفرج صحيح الويكند زحمة وماتقدر تطلع وطريقتك ممتازة بالجلوس في جاكرتا

وجدولكم مضبوط وتوكل على الله

رحلة موفقة ولاتحرمنا من دعواتك

بيض الله وجيهكم على ردودكم

قررت إني أحجز في فندق أريادوتا ،، بس عندي استفسار


سنصل بإذن الله للفندق الساعة 1 فجراً يوم السبت
سؤالي هو / متى موعد الخروج من الفندق ؟
لأني سمعت إن الخروج الساعة 2 ظهر !
فهل هذا نظام الفنادق كلها


لأني أشوف إنه حرام أدفع حوالي 700 ريال على 12 ساعة تقريباً


لأ

وللعلم سنمكث يوم واحد فقط

يا شباب غيرت رأيي وقررت إني أحجز في استون مارينا , بس الأسئلة ما تغيرت
تكفووون يا ليت تجاوبوني بسرعة ,, لأني معلّق الحين , قاعد أنتظر الإجابة
سؤالي بالتفصيل هو
سنصل بإذن الله إلى مطار جاكرتا يوم السبت الساعة 22:05 --- 30 يونيو
وتعرفون الإجراءات في المطار وأيضاً المشوار من المطار الى الفندق تقريباً ستأخذ من ساعتين الى 3 ساعات
يعني سنصل الى الفندق تقريباً الساعة 1 فجر يوم الأحد 1 يوليو
,,
وسياسة الفندق تقول ان موعد الدخول من الساعة 14:00 إلى الساعة 00:00
فهل أضع خيار تاريخ الوصول يوم : 30 يونيو أم 1 يوليو
لأني إذا وضعت التاريخ 30 يونيو ما راح أصل للفندق إلى بعد انتهاء تسجيل الدخول بساعة أو ساعتين !!


,,


والله ما أدري سؤالي واضح ولّا لا


المهم إني أنلحست ولا أدري وش السالفة


تكفووون افزعولي وجاوبوني بالتفصيل الممل


والمعذرة على كثرة الأسئلة


الله يكرمكم

هلا بك ياغالي

اي نعم سياسة اغلب الفنادق التشك اوت يعني الخروج الساعة 2 الظهر ومع التمديد توصل 3 العصر

وانت الان مخير ياانك تحجز نص يوم وتريح راسك لأن اصلن وين بتروح هالوقت بالعربي مالك مخرج وكلنا صادفنا مثل هالمواقف

اذا تقدر تغير الرحلة اساساً وتخلي الوصول مناسب لوقت دخولك الفندق حلو اما كذا انصحك تحجز لأنك بتوصل تعبان وتبي تريح

الله يبيض وجهك أخوي علي على الرد السريع,
يعني أحجز يوم السبت 30 يونيو والخروج يوم الأحد 1 يوليو
بس المشلكة إن سياسة الفندق في تسجيل الدخول من الساعة 14:00 إلى الساعة 00:00
وأنا يمكن ما أوصل قبل الساعة 00:00
يمكن أتأخر ساعة أو أكثر
فلذلك خايف يقولون أنت تأخرت عن موعد تسجيل الدخووول !!


وش الحل , هل أكتب لهم في الملاحظات أني يمكن أتأخر ساعة أو ساعتين ,, ولا وش أسوّي ؟؟
.

هلا بك اخوي

انت اذا دفعت خلاص مالهم علاقة متى تجي انا اقولك بس ماتقدر تخش الا الساعة 2 يعني لو جيت اي وقت بعد 2 محد يقولك شي

حتى لو تجي قبل التشك اوت بدقيقة هههههه

تسجيل الدخول هو اجراء روتيني عشان يعلمونك ماتطالب بدخولك الا بهالوقت الي حددوه منت ملزم تلتزم فيه بالنسبة لو تأخرت

لاتحرمنا من دعواتك

المشاركة الأصلية كتبت بواسطة (علي الشهري)
http://www.arabtravelersforum.com/tr...3/#post6904383

هلا بك اخوي

انت اذا دفعت خلاص مالهم علاقة متى تجي انا اقولك بس ماتقدر تخش الا الساعة 2 يعني لو جيت اي وقت بعد 2 محد يقولك شي

حتى لو تجي قبل التشك اوت بدقيقة هههههه

تسجيل الدخول هو اجراء روتيني عشان يعلمونك ماتطالب بدخولك الا بهالوقت الي حددوه منت ملزم تلتزم فيه بالنسبة لو تأخرت

لاتحرمنا من دعواتك

الله يبيض وجهك أخوي علي أنت واللي يقرأ ردّي
,,
بس سياسة فندق استون مارينا تقول :
إن تسجيل الوصول محدد بوقت معين من الساعة 14:00 إلى الساعة 00:00
وعشان كذا أنا ( تلعمست ) ,,, = أنلحست = تلخبطت ههههه كلها نفس المعنى,
بس حبيت أفيدكم لأني حصلت الجواب الأكيد من غير قصور فيكم

ومن باب الفائدة للجميع الجواب هو /
اتصلت قبل شوي على موظف مكتب سياحة بالرياض
وسألته نفس الأسئلة


ورد لي بهذا الجواب /


يقول إذا حجزت عن طريق موقع البوكينق يجيك مربع فيه خيارات إضافية أو طلبات


وتكتب فيها إنك راح توصل بعد المدة المحددة وهم راح يفهمون وضعك
وأيضاً تكتب إنكم 5 أشخاص عشان يجهزون لكم سرير إضافي , وبالتأكيد السرير راح يكون بفلوس إضافية


,,


حبيت أخبركم بجواب الموظف عشان الكل يستفيد





واللي عنده تعقيب على كلام الموظف أو كلامي يا ليت يعقّب


ومن جديد ألف شكر لكم ,, وبإذن الله إن كتب الله لنا رحلة لبلاد العمة ,, سنوافيكم بتقرير مميز ونادر

الله يسهل رحلتكم وتروحو ترجعو بألف سلامه
ومع رجعتكم بسلامه نبغى احلى تقرير بأذن الله