الموضوع: يلي باخصين تورنتو تعالو ابيكم

السلام عليكم
كيف حالكم ؟
ياجماعه انا بسافر بعد تقريبا شهر لتورنتو لغرض الدراسه
وابي اعرف الاماكن الحلووه من اسوااق واماكن ترفيه
[font="comic sans ms"][size="7"]وتمشياااات ومطااااعم بس اهم شي مابي شي غالي

مواضيع عشوائيه ممكن تكون تعجبك اخترناها لك:

• من وين اشتري من جدة او منتريال
• هل يوجد مسجد في فانكوفر ؟؟؟؟
• مسافر بعد يومين وعندي استفسار بخصوص المحمول
• كم تكلف الدراسةسكنمعيشة لمدة سنة في كندى ؟
• سؤال مستعجل جدا جدا
• فزعتكمضروري واللهالليلة تكفوون
• مسافر الى فانكوفر عن طريق مطار هيثرو محتاج للمساعدة
• هذا اللي مخوفني من السفر لكندا
• مبتعثة ضمن برنامج خادم الحرمين هل تذاكر السفر للمبتعث والمرافق على حساب الدولة
• اللي يعرف مدينة كالجاري يدخل بلييييييز
• قررت ان ادرس في كندا على حسابي وارجو المساعده
• احد رايح يدرس على حساب والده ؟ ارجوكم أبي خدمة والله يجزاكم خير
• اخر سعر صرف الدولار الكندي
• انا حاااااااااااااااااااااااااااااااااااااااائر
• كم يكلفني ايام في تورنتو
• مساعد من خبراء كندا بسرعه
• ودك تعرف حالة الجو قبل لاتسافر
• بخصوص الفيزا الدراسيه ؟؟؟
• شتاء فانكوفر متجدد
• موقع متابعة طلب الفيزا الكندية

شوف كندا تعتبر غالية بس مو بمستوى لندن و لا برخص أمريكا يعني صايرة بالنص .

تورونتو فيها subway مو قطار - يعني قطار الأنفاق تحت الأرض عكس فانكوفر فيها سكاي ترين يعني بالسما عموما خخخ

تورونتو بعد تعتبر أغلى من باقي المدن الي في كندا نظرا لأانها مدينة كبيرة و سياحية شبيهه في نيو يورك شوي و ماراح تتملل يعني حتى تتمشى في الشوارع و تشوف ذيك العمارات و الناس رايحة و جاية بدون ماتدفع سنت واحد هاذي كافية

و تورونتو تمتاز بالparks يعني الحدائق العامة بس مو مثل الي عندنه بالخليج هههه شغل عدل من أشهرهم :

1- High Park يتواجد في شرق تورونتو
2- Queens Park يكون في منطقة yorkville
الخ ..

و تقدر هم تروح تتمشى على المرفأ ( البحيرة ) lake ontario و أهي أكبر بحيرة في كندا تقريبا حجمها حجم البحرين ثلاث مرات أو اكثر ههههه عاد أنت هناك تسوي الي تبي , تبي تأكل البط ولا تقعد تتمشى و يسون فعاليات حلوة و مهرجانات على ضفاف المرفىء بالذات في الصيف

--

من أهم شوراع تورونتو منهم :

1- Younge street - يعتبر أطول شارع في العالم و فيه كلشي من مطاعم و محلات و كافيهات و فنادق و غيره

2- Queen street - شوي أسعاره رخيصة و أكثر شي يتواجد في الشباب الصغار و فيه محلات تبيع أغراض و خرابيط ماتحصلها في أي مكان و بوتيكات محلية و كافيهات غريبة و تلوين الحائط Graffitti و خرابيط و فرفشة و كشتات يبيعون حلي و ملابس غريبة في على الرصيف و واحد يعزف و واحد يغني خخخ

3- Bloor Street Yorkville - هذا شارع شوي upscale يعني راقي يبييله فلوس تحصل محلات مثل Gucii و lous vitton و ربعه مانصحك تشتري شي فيه بس روح تمشى شوي و تطمش لأانه وايد غالي حتى الكافيهات و المطاعم الي فيه غالية بس منظره حلو و مرتب و من أغلى المناطق في تورونتو للسكن و الإيجار و يعيش فيه أثرياء و نجوم كندا يعني عادي تمشي تشوف لك واحد من المشاهير قاعد في ستار بكس بالذات في فترة المهرجان السينمائي في سبتمبر

أوكي شنو بعد بقى أمممممم

أنصحك تزور Casa loma و هي القلعة الوحيدة في أمركيا الشماية و تتواجد في تورنتو الدخول بتذكرة بس ماتوقع وايد غالية نسيت والله حوالي 20 دولار

و أذا تبي تدفع و تستانس تقدر تزور المتحف أسمه The ROM أو روجرز سنتر أو Eaton centre ( مجمع ضخم ) أو تروح سينما هناك سعر التذكرة زين حوالي يطلع 25 ريال و يوم الثلاثاء يكون سعره 15 ريال لا تنسى

عموما هذا الي في بالي الحين و اتمنى أكون فدتك

بالتوفيق و حياك الله في كندا

ماتقصر ولله تعبتك معاي
طيب بسألك انت الحين بتورنتو ؟؟
لان بصراحه مايصلح الشرح كذا الله لايهينك
ماودك تصير مرشد سياحي كم يوم بس نعرف الديره زين
وفيه سؤال الحين يعني تقريبا لو اني ضاغط على روحي
ضغطتن عدله مابذر بالفلوس كم بصرف تقريبا ؟ كل شهر
وبعدين شسمه الحين بطاقه الصراف شوضعها
افتح حساب جديد بكندا ولا نفس حسابي هذا الي استخدمه بالسعوديه

أنه عايش بمطنقة قريبة من تورونتو و ازور تورونتو بين فترة و فترة و أقضي الويكند هناك

عموما أنه بالبحرين حاليا و ارد كندا بعد 6 أيام انشالله

عموما صرفك والله مادري بالظبط بس أقل شي أتوقع بتصرف 2500 ريال بالشهر أو إذا ضاغظ عدل 2000 ريال مو أقل

أممم الأفضل لك تفتح حساب جديد أول ماتوصل كندا و أنصحك في بنك TD Canada Trust جربت بنوك و كثير و هالبنك أفضل خدمة و طيوبين و عنده خدمات مميزة للطلاب و أكثر إنتشارا في كندا

عموما بطاقتك السعودية ماراح تشتغل في كندا الا أذا فيها علامة ال Visa أو الMaster Card

يعني الحين في بطاقات يسمونهم Visa Debit بصراحة ماعرف عن بنوككم في السعودية بس أنه عندي من بنك HSBC في البحرين أنت شوف و أسأل عندكم

و لاتنسى تفتح حساب أول ماتوصل و إذا تبي تستفيد من خدمات الطلاب راح يطلب منك البنك بطاقتك الجامعية أو ورقة موثوقة تبين دراستك في الجامعة و جوازك و بعد بطاقة تعريفية ID ثانية غير الجواز ( رخصة سياقة ) و تكون موقعة ضروري !

و بس كم نقطة مهمة لما توصل تورونتو :

1- لا تستعمل التاكسي في تورونتو الا للضرورة لأانه أسعارهم وايد غالية

2- لا تأجر سيارة لأنه راح تطلع عليك أكثر من بيع السوق . مافي شي أسمه باركات مجانية و نظرا لأن تورونتو مدينة سياحية الباركات صعب الحصول عليهم و غالييين جدا جدا بعني تقربا الساعة ب 80 ريال تقريبا

بالتوفيق

صار طرشت لك أيميلي ع الخاص

أعزائيـ

يمنع نشر او الاشارة للايميلات الشخصية في منتدى العرب المسافرون و يرجى اتباع الطرق السليمة لتحقيق الغاية

يرجى مراسلة الادارة و طلب التواصل على هذا الرابط

http://www.arabtravelersforum.com/travelarab33/


كل عام و انتم بخير

يابن الحلال تورنتو مو غالي هالقد اذا مشيت بالشارع وناسه اذا كان الجو ربيع والمطر خفيف الموهيم مثل ماقال الاخ شارع ينج ستريت هذا كله مقاهي ومطاعم وفيه ساحة دندس كلها عروض وخرشه بالصيف وفيه مول ايتون سنتر والاسعار الاكل نفس هنا او اغلى بشي بسيط وفيه جزيرة تورنتو تروح لها بالسفينه اذكر تذكرتها يمكن ماتتجاوز عشر دولار يمكن وفيه انتاريو بليس ملاهي ومسابح وفيه افريقا سفاري لاتفوتك ونياجرا والملاهي ومول حدث ولاحرج وفيه موالات اوت لت نفس اسعارنا واحيانا ارخص اذا كان فيه سيل بتنبسط ان شاء الله ولتضيق خلقك واذا خلصت فلوس طلق رجولك في شارع ينج استريت خخخخخخخخخخخخخخخخخخخ

[size="6"]يعطيك العافيه يانو نك

المشاركة الأصلية كتبت بواسطة alfuhaid
http://www.arabtravelersforum.com/tr...1/#post4178951

[size="6"]يعطيك العافيه يانو نك



ياابن الحلال الشعب حلو يعني طقطق بالانجليزي خلك جري وانت تتكلم لو كان لغتك مو قد كذا بالطريقه هذي بتتعلم اللغه يعني ماتكون خجول وبعدين الجو حلو ويساعد على المشي كل الناس بتمشي هناك ولا تقلق وفيه كثير بيساعدوك هناك لو صار لك اتصال بالنادي اذا انت سعودي شباب زيك وفيه ناس اطباء الله يوفقك

فيه اشياء غاليه وفيه اشياء متوسطه