الموضوع: ايطليانو و اهل الخبره تعالو ابيكم

السلام عليكم ورحمة الله وبركاته

يالله حييهم

الاخ ايطليانو ولايهونون البقيه بحكم خبرتك القويه في ايطاليا عندي استفسارات طويله
يعني لاترد علي الا وانت راايق اخر شي وفاااضي مره

انا ياطويل العمر ان شاءالله بسافر في شهر جولاي الجاي الى ايطاليا شهر العسل

تقريبا مدة الرحله 15 يوم الى 17 يوم

بروح (لروما وميلان وفينيسيا) لو اعطي كل وحده خمس ايام وش رايك؟
اذا فيه مدينه حييه واززعاج واسواق وتنصحني فيها عطني اياها
وطريقة التنقل بين هالمدن وش اخذ استاجر سياره؟؟؟

طبعا جزر مالي فيها ابد
ابي اسواق مطاعم كوفيات تمشيه بالشوارع والزحمات

وابي ترشح لي فندق في روما وميلان وفينيسيا بحكم خبرتك ابي شي مرتب ويواجه :d
واحسن الاماكن في هالمدن الثلاث

والشباب اللي عندهم معلومات ياليت تفيدونا

ايطليانو لاترد علي الا اذا مروق وفاضي مرره

يعطيكم العافيه جميعاً..

مواضيع عشوائيه ممكن تكون تعجبك اخترناها لك:

• مساعدة
• الاسواق في ايطاليا للسنيورات فقط
• أستفسار عااااااجل
• استشاره بجدول رحلتي قبل الاعتماد عاجل جدا
• سفيرك ايطاليا شركه سياحه لتأجير سياره مع سائق في ميلانو والشمال
• مارأيكم بهذه الفنادق
• ارجووو المساعده بخصوص السواقين
• بخصوص التشنجن
• خبراء ايطاليا نصيحتكم
• ميلانو عاصمة الموضة والأزياء
• سؤال بخصوص الفيزة لاهل الخبره
• ايطاليا مناكتوبرارجو المساعده
• يوم واحد في فلورنسا وين اسكن و وين اروح
• بسافر إلى ايطاليا كيف الوضع ؟
• السفر الى ميلان بدون محرم يا ريت تساعدوني
• شباب شرايكم في هالفتدق
• هل هناك وسيلىة انتقال سريعة الى روما دخل اوروبا
• الحمدالله تم الحجز ولكن
• استفسار عاجل جدا
• أول مرة السفر الى ايطاليا

هلا اخوي بالمبارك مقدما"

نيابة عن اخوي اطليانو وعن الاعضاء واللى يبي يخدمك
ترا دعوتك بالاسم قد تسبب عند البعض من الاعضاء احراج بالرد على استفسارك
خلينا ندخل بالموضوع

المدة 15 ليلة
حنبداها معك ترتيب المدن واهم شي فيها وكمان المدة اللى لكل مدينة حسب خبرتي

الوصول
4ليالي
الفندق افضل موقع انك تسكن حول المدرج الاسباني Spanish Steps على رغبتك بحب الزحمة والهيصة
ارشح لك فندق_ دي روسي روما_


يوم الوصول راحة واخذ جولة خفيفة حول الفندق والاشياء القريبة منة
والتعرف على ماحولك
اليوم الثاني
الباص السياحي واخذ جولة على اهم معالم روما السياحية
اليوم الثالث
-حديقه (villa borghese) وهي بجوار حديقة الحيوانات وتقدر تطلعلها من محطة روما تيرمني بالباص رقم 910وهويوصلك
وبالحديقة تقدر تاجر منظاد وتشوف روما من السماء بعد الخروج من الحديقة +تسوق بشارع شارع كوندتي وشارع فينيتو
شارع ناسيونالي التجاري
شارع 24 مايو
سوق بورتا بورتيزي

طبعا" هذي اهم اللاماكن السياحية بروما
-(نافورة دي تريفي)-(fontana di rrevi)
-(ساحة نافونا)-(piazza navona)فيها مقاهي ومطاعم ونوافير وكشكات ورسامين وزحمه
-(ساحةاسبانيا)
-(الفيتوريانو)
-(فوري امباريالي)
-(قلعة سانت آنجلو) فيها كوفي فوق وجلسته حلوه وترد الروح وهو بجوار الفتيكان
-(دولةالفتيكان) في وسط روما
-(بحيرةبرتشانو)
-(لونابارك) ملاهي حلوه
-(متحف فيلا جوليا)
-(متحف فيلابورقيزي)
-(متحف كابيتوليني)
-(متحف الفاتيكان)
-(-الميدان الروماني (romanum)
-مدرج(piazza di spagna) وجنبه نافورة تريفي
-ساحة فينيسيا(piazza venezia) بين روما تيرمني وساحة اسبانيا

اليوم الخامس تسلم الفندق واستئجار سيارة
والانطلاق الى
نابولى لمدة
2ليلة
الفندق ارشح لك
الفنادق بمدينة نابولي كثيرة ومنها كموقع ونظافة من وجهة نظري
فندق SOGGIORNO PARADISO
VIA PURGATORIO AD ARCO, 7-80138
NAPOLI
ITALY

اهم مايميزها سياحيا"
التنزه في شوارع نابولي وكورنيش البحر يجعلك تحس بأنك في وسط البحر الأبيض المتوسط ويذكرك ببيروت والاسكندرية وتونس وحتى الضوضاء والصياح يكاد أن يكون له طابع عربي. ساحل أمالفي المجاور لنابولي مليء بأشجار البرتقال والليمون الفاخر المعطر ومدينة سورينتو يحلم كل عاشق بزيارتها وروعة رافالو وبوزيتانو تكفي لسحر العقول والنفوس وللفوز بلقب أجمل مدن ايطاليا الجنوبية
وساحة بلبيشيتو Piazza del Plebiscito
ومتحف الآثار الوطنية Museo archeologico nazionale
والافضل والاهم اللى لازم يصلحة السائح هو ركوب الباص السياحي الذي يمر على اماكن السياحة بتابولي
وكذالك بأمكانك التوجة الى المرفئ وحجز عبارة لتنطلق بزيارة الي جزيرة كابري الساحرة

فلورنس
3ليالي
السكن فندق
ادخل البوكنق وشوف حول ساحة الجمهورية
اهم الاماكن السياحية
ساحة مايكل أنجلو ,,, الرسام الشهير
- قصر بيتي.
- كنيسة سانتا ماريا نوفيلا .
- ساحة الجمهورية piazza della repubblica.
- ساحة السيادة piazza della signoria

انت قسم ايامك حسب الاماكن المذكورة
وخلى يوم زيارة من فلورنس الى بيزا وبرج بيزا

الاتجاة لميلانو
4ليالي
الفندق
الافضل طبعا" حول ساحة الدومو
في جاليلو سيزر
او جراند بلازا

اليوم الاول
جولة حول الساحة والتسوق بشوارع ميلان
اليوم الثاني
زيارة لوقانو السويسرية من ميلان نص ساعة وكمان بحيرة كومو
الثالث
زيارة بحيرة ماجوري
الرابع باص سياحي وزيارة اهم مابميلان من معالم

جينا فنيسيا
2يوم كافية جدا"
بالنسبة للسكن انا ماأسكن بها ابد ازورها بنفس اليوم ارجع ميلانو
بس افضل فنادق للسكن حول ساحة سان ماركو

مع اني انصحك بالسكن في مدينة فيرونا وزيارة فنيسيا ليوم من فيرونا
وايضا" لتزور بحيرة جاردا والملاهي الاكبر باوربا ملاهي جاردا
ومن ثم التوجة بعدها الى مطار ميلان وتسليم السيارة
والرجوع للوطن

دمت بود

هلا اخوي والف مبروك .......
ماقصر اخوي ابو طلال فصلك مخطط تفصال
مممممممممم حلو مروق ليش مرات تعليقى مو مروق
نظرا لان معك 15 ليله بدخلك ب3 دول وش قلت.؟؟؟؟؟؟؟؟؟؟؟؟؟؟
انت شكلك تحب الادفنتشر والفله بسويلك جدول ينحفر بذاكرتك ......!!!
المهم ايجار السياره بعد ماتخلص من روما يعني السياره ماتصلح داخل روما ..لاجيت تروح فلورنس خذ السياره ..مفهوم!!!
عدد اليالي 15 ليله ..
ايطاليا:
روما 3 ليالي...(شف الاماكن اللي كتبها ابو طلال)

فلورنس ليلتين (ثاني يوم رح بيزا ...وشف موضوعي عن فلورنس واسواقها )

جاردا 3 ليالي (يوم الوصول جاردا البحيره وسير ميوني - اليوم الثاني رح فينيسيا - اليوم الثالث رح فيرونا مدينه روميو وجولييت - وممكن لو تروح فيرونا الصباح وتتغداء هناك وبعدها على الساعه 1 الظهر رح مدينه الالعاب جاردا لاند لو تبي )

النمسا :
انسبروغ ليلتين (قريبه من جاردا اقل من 3 ساعات )

سويسرا :
زيورخ ليلتين

ايطاليا :
ميلان 3 ليالي (يوم الوصول الدومو واللي حوليها - اليوم الثاني كومو - اليوم الثالث لوجانو السويسريه رح اول للسنتر وتمشى وتغداء وعلى الساعه 2او 3 ممكن تروح للاوت لت ...حتى تنبسط المدام وبعدها ارجع ميلان -
اليوم الرابع ممكن لو عندك وقت تتسوق في ميلان او تتمشى في الدومو وتودعه .........)
في روما فندق
Hotel Internazionale
او اللي قال عنه ابو طلال ...
في فلورنس
Golden Tower Hotel
https://travel.maktoob.com/hotel/it/...3e1ae5ecff00b5

فنادق جاردا:
The Garda Village
Hotel Continental
Grand Hotel Terme

فنادق ميلان:
Starhotels Rosa Grand
Grand Hotel Plaza
Hotel Galileo

فنادف انسبروك رح بوابه النمسا وزيورخ رح بوابه سويسرا.......ماعندي خبره بفنادقهم ...

السياره بعد روما وتسلمها في ميلان..
المسافات
روما - فلورنس ----3 ساعات
فلورنس - جاردا ---3 ساعات
جاردا - انسبروك ----اقل من 3 ساعات ..
انسبروك - زيورخ --- 3 ساعات ونص
زيورخ - ميلان ---3 ساعات ونص.....

باقي شي او خلاص ؟؟؟

ابو طلال...
الله يعطييك العافييه يااارب وماقصرررت ابد ابد ابد ابد رايتك بيضا ياكبتن
يوم اعتمدت الموضوع تحسفت على العنوان حسيت ان ماله سنع
الله يعطيك العافيه يارب ماقصررت ابد ابد
والله يبارك فيك مقدماً



ايطليانو ازيك
الف الف الف شكر ياكبتن من جد من جد خلصت كل اسألتي

حتى وانا اقرا ردك اقول بسأله عن المسافات بين المدن ونزلت ولقيتهم خخخخخخخخخخ

عندي سؤال صغير

كيف سياراتهم؟؟ ابي لي سياره اكشخ فيها انت عارف الوضع يعني

عادي طبعا اني استاجرها من روما وانا طالع منها واسلمها في ميلان؟؟

وبرضوا عادي اني اسافر فيها برا ايطاليا مايطلبون تفويض زي ربعنا

واذا عندك احداثيات للمدن واهم الاماكن ياليت تعطينياهن ولا اذا عندك قارمن وفييه كلش سلفني اياه

والله يبارك واشكرك اشكرك اشكرررك ياكبتن الله يعافييك
من جد ماقصصررت والله يجزاكم خيير يارب

يعطيك العافييه ايطليانو

دورت ايميل ليورب كار مالقيت

سياراتهم يصير مأمن عليها صح؟؟
وعندهم نفس نظامنا لك باليوم مية كيلو ولا مفتوح
بتضحك على سؤالي بس ابي اعرف كل شيي

ايطليانو السياره اسلمها اول ما ادخل ميلان صح؟؟

المواقف الظاهر غالييه هناك؟؟


ياكثرري

المشاركة الأصلية كتبت بواسطة meshary911
http://www.arabtravelersforum.com/tr...2/#post4804022

يعطيك العافييه ايطليانو

دورت ايميل ليورب كار مالقيت

سياراتهم يصير مأمن عليها صح؟؟
وعندهم نفس نظامنا لك باليوم مية كيلو ولا مفتوح
بتضحك على سؤالي بس ابي اعرف كل شيي

ايطليانو السياره اسلمها اول ما ادخل ميلان صح؟؟

المواقف الظاهر غالييه هناك؟؟


ياكثرري





ادخل الرابط واسالهم الللليييييييييي تبي
http://www.europcar.com/EBE/module/render/Contact-Us

نعم مأمنه...
حط مكان التسليم مطار ميلان بس لاتنسى تتاكدمن مكان اقلاع الطائره تيرمنل 1 --او 2 لان كل واحد بعيد عن الثاني

المواقف يبيلها شرح طويييل شوف تقرير مشرفتنا الزعيمه عن رحلتها الاخيره لايطاليا شارحه فيه طريقه المواقف بالتفصيل ......

سألتهم اللي ابي

الله يعطييك العافيه ياكبتن

ماقصرررت ابد

واذا احتجت شيي ترا برجع لكم

المشاركة الأصلية كتبت بواسطة meshary911
http://www.arabtravelersforum.com/tr...0/#post4807840

سألتهم اللي ابي

الله يعطييك العافيه ياكبتن

ماقصرررت ابد

واذا احتجت شيي ترا برجع لكم




الله يعافيك وهلابك ....

اطليانو

عندي تخطيط جديد وش رايك فيه!!

الوصول الى روما وبجلس فيها خمس ايام
وانا طالع منها استأجر سياره وعلى ميلاان ثلاث ايام

وبعدها على سالسبورزغ يومين
وبعدها على زيلامسي يومين
وبعدها على فيينا اربع ايام

وبعدها ارجع للسعوديه

او العكس الوصول على فيينا والمغادره من روما
نفس السؤال اللي فوق اقدر اخذ السياره مثلا من روما اسلمها في فيينا
وكم المسافات بينهم؟؟
وتنصحني في ايشش؟؟
وش رايك كذا حلو؟؟

واذا عندك ترتيب من ناحية المدن يعني مثلا زيلامسي قبل سالسبورغ لاني مدري وش الاقررب

يعطيك العافييه ياكوتش

المشاركة الأصلية كتبت بواسطة meshary911
http://www.arabtravelersforum.com/tr...2/#post4814052

اطليانو

عندي تخطيط جديد وش رايك فيه!!

الوصول الى روما وبجلس فيها خمس ايام
وانا طالع منها استأجر سياره وعلى ميلاان ثلاث ايام

وبعدها على سالسبورزغ يومين
وبعدها على زيلامسي يومين
وبعدها على فيينا اربع ايام

وبعدها ارجع للسعوديه

او العكس الوصول على فيينا والمغادره من روما
نفس السؤال اللي فوق اقدر اخذ السياره مثلا من روما اسلمها في فيينا
وكم المسافات بينهم؟؟
وتنصحني في ايشش؟؟
وش رايك كذا حلو؟؟

واذا عندك ترتيب من ناحية المدن يعني مثلا زيلامسي قبل سالسبورغ لاني مدري وش الاقررب

يعطيك العافييه ياكوتش



طيب اذا ماني غلطان مافيه رحلات على الخطوط السعوديه لفييا الغوها تاكد من الخطوط اتصل وتاكد.....
عندك 15 ليله
روما 3 ليالي
3ساعات
فلورنس ليلتين
3ساعات
جاردا 3 ليالي
3 ساعات
انسبروك ليلتين
3 ساعات ونص
زيزرخ ليلتين
3ساعات ونص
ميلان 3 ليالي