اخى طارق فرج يوجد اوراق لازم تعبيها عن طريق النت بالنسبه لى الفيزا السياحيه لاكن العلاج والله ماعند فكره عنها

من البدايه تبعثلهم ايميل تحط اسمك وتلفونك وتقولهم انك تبى تقدم على الفيزا بعدها بيوم راح يدزولك ايميل فيه موعد المقابله
وهذا الايميل مال السفاره الامريكيه بالكويت mailto:[email protected]
بعدين تدخل على موقعهم

وتلقى طلبين لازم تعبيهم

هذا الاول

https://evisaforms.state.gov/ds156.asp?lang=1

وهذا تعبيه بالنت ولما تعبيه وتضغط على كلمه Continue وتنطر شوى على مايروح وبعدين يرجع مره ثانيه
وراح تلقى كلمه Barcode الى بالطلب صار مكانها ارقام يعنى اندزت وخذت رقم
وتسويلها برنت و وقت المقابله تجيبها وياك وراح تلقى عندهم نسخه منها عليها نفس رقم Barcode
ملاحظه هامه جدا لاتخلى ولا سؤال فاضى راح يردونك لازم تعبيها كلها شى ضرورى

و الثاني هذى للى اعمارهم من 16 سنه لى 45 سنه او مسافر الى احد هالدول Cuba, Iran, Libya, North Korea, Sudan and Syria
وهالطلب هذا تسيفه بجهازك وتعبيه على راحتك بعدين تطبعه وتاخذه وياك السفاره من غير ماتعبيه بالنت هذا غير عن الاول
وهالورقه من هالموقع

http://foia.state.gov/FORMS/visa/ds0157.pdf


والصوره الى يتاجونه وحده مقاس خمسه بخمسه

وتروح بنك برقان تدفع 30 تقولهم حق الفيزا الامريكيه وتاخذ الوصل

وتروح طالع عمرك السفاره وقت المقابله معاك الوصل الى دفعته من بنك برقان والطلبين الى عبيتهم والصوره

وهذى الاجراءات للكويتين لى الفيزا السياحيه

اما الفيزا للعلاج شوف هالموقع مال السفاره الامريكيه بالكويت وجيك على الفيزا العلاجيه Medical patient

http://kuwait.usembassy.gov/how_do_i...r_a_visa3.html

واذى انت مو كويتى شوف الموقع للسفاره الامريكيه فى بلدك اكيد نفس الطريقه

واى استفسار حاضر
وماتشوف شر

مواضيع عشوائيه ممكن تكون تعجبك اخترناها لك: