الموضوع: بنت صقور ممكن تجاوبيني ؟

السلام عليكم

شحالكم اخواني .. ؟

انا مسافره باذن الله لامريكا بعد اسبوع تقريبا ..

وعندي كم استفسار ؟؟

راح اقعد تقريبا 45 يوم ... كم المبلغ اللي لازم اشله معاي ويكفيني بدون السكن و المواصلات ... للعلم نحن شخصين انا وزوجي بس .. يعني مصرف الايد الطلعات و المطاعم والمشترى



سؤالي الثاني .. انا ابي اسوي تحاليل وفحوصات ... هل هالسوالف في امريكا غاليه وايد والا شنو ؟؟

انا حاطه ميزانيه اشيلها معاي 40 الف .. هل تكفي والا لا ..؟؟ ارد اذكر ان ال 40 الف هذي غير شامله السكن و المواصلات والتذاكر ... هذا كله متوفر الحمدلله

والسموحة منكم

مواضيع عشوائيه ممكن تكون تعجبك اخترناها لك:

• البحث عن فندق في مياي بيش
• ابي خبرتكم وين اروح باسبوع بالشرق ؟؟
• مطلوب للـ احضر حالاً
• انا احمل الجنسيه الامريكيه و لكني لا اعيش هناك
• المسافة بين لوس انجلوس و لاس فيجاس
• خط سير من واشنطن دي سي
• السكن في ايرفاين
• عاجل خبراء امريكا سفرتي اقتربت ولم استقر على شيئ
• استفسار عن ميرلاند بالتيمور
• عاجل هل أستطيع معادلة موادي من جامعة بالسعودية مع جامعة في أمريكـا
• ساعدوني بجدول لامريكا من يوم لو سمحتوا
• استفسار بخصوص فيزا امريكا
• عااااجل اعاده افتتاح مطارات نيويورك
• اجد صعوبة في استئجار سيارة في لوس انجلوس ؟؟
• النهضه
• ابي اطلع شهر عسسل لامريكا لمدة يوم وش نصايحكم
• عاجل شقق مفروشة او فندقية في كاليفورنيا
• استفسارت يا اخواني وخواتي بالنسبه لرحلتي لنيويورك
• انقذوني يلي رحتو نيويورك
• ممكن احد يفيدني

آسف على اللقافة

لكن إجابة هذا السؤال صعبة جداً

يعتمد على على مصروفاتك والمستوى المعيشي اللي بتعيشيه خلال هذي الفترة ..

مثلا بالنسبة للوجبات .. هناك في السفر من يمشي حاله بوجبات سريعة من ماكدونالدز وبرغر كينغ وغيرها من مطاعم الوجبات السريعة المنتشرة في كل المدن (بمعدل 50 دولار في اليوم كحد أقصى) وهناك من يفضل ارتياد المطاعم الفخمة والمتميزة (بمعدل 200 دولار في اليوم الواحد)

بالنسبة للفنادق هناك من يقتنع بفنادق متوسطة من فئة 3 نجوم (بمعدل 80 دولار في الليلة) وهناك من يفضل أن يسكن في فنادق فخمة (بمعدل 200 دولار في الليلة الواحدة)

وهلم جرا ...

باختصار : "مد رجلك على قد لحافك" وان شاء الله الفلوس بتكفي وبتزيد .. يعني خلي مصروفاتك دائماً على قدر الفلوس اللي معاك .. وراجعي حساباتك في نهاية كل ليلة علشان تعرفي خطتك في الليالي اللي بعدها وتكون عندك فكرة بدل ماتصرفي على عماها وتلاقي نفسك متضايقة في آخر المشوار ..

تحياتي

مشكووووورين اخواني

بس انا مثل ما قلت قبل ... يعني المبلغ هذا بس صرف الايد يعني مطاعم ومشتريات

وبخصوص المستوى ... عادي الاثنين يعني مرات بالغالي ومرات قوم ماكدونالد وربعهم ...
يعني تعرفون الواحد يحتاج مرات يدلع عمره .. ومرات يكون كاجول

وبعدين مب كل يوم نحن بنسير مطاعم ... يعني في ايام وايد بنكون في البيت ..

لاننا رايحين زياره اصلا لاخوي زوجي وعائلته ..


.........................

ادري غثيتكم باسئلتي .. بس عندي سؤال ثاني ...

بخصوص التفتيش ...

يعني مثلا شو نوع الاكل اللي ممنوع نشله معانا .. او ممكن يسوون لنا مشاكل عليه

انا مثلا ماخذه معاي حليب معلب " ابوقوس" .. لان هناك دوروه وماحصلوه وعاد عندنا حامل وبخاطرها فيه ومافينا يصير شي بالنونو هههههههه

وانا غلفت الاغراض كلها بالتغليف اللي تكون فيه فقاعات .. اللي يغلفون فيه المحلات الاشياء اللي تتكسر ... هل هالتغليف راح يسوين لي عليه سالفه ؟؟

ارجوو القى جواب ما باجي شي عن السفر


واحلى تحيييييه لكم

المشاركة الأصلية كتبت بواسطة ام ياسمينا
http://www.arabtravelersforum.com/tr...7/#post2126297

انا والله ماقدر احدد المبلغ بس هو مثل ماقالو عيتمد على نوع الصرف...بس بقول لج عن العلاج في امريكا الله يسلمج رحت الطواري في مستشفى فلوريدا لان بطني يعورني تدرين كم الكشف؟؟ ٥٤٠ دولار!!!!! الصراحه كان وايد غالي وماسووا لي الا الكشف غير اني تنقعت ساعتين لين دخلت والله اني نمت وزوجي صحاني لان كان فالليل .... وفي الاخير الادويه بعد نشتريها منا لصيدليه يعني السعر مايشمل الدوا...فاتوقع التحاليل والفحوصات بيكون مبلغها كبير لان هني التامين الصحي يغطي العلاج واللي ماعنده تامين يروح فيها




انا سويت موعد عن الدكتورة وان شاء الله خير ... وربج ايسر الامور

لا اختي بتكفيك وزيادة ان شاء الله وانتم شخصين يعني 40 الف مو شوي على مشتريات واكل وترفيه
اذا انت حاسبتها بدون سكن ومواصلات وتذاكر
وامريكا ماتعتبر غاليه مقارنة باوربا

تقريبا 250 دولار في اليوم ومن غير السكن والمواصلات لشخص واحد مرررررررررره كثير. لكن اذا انتي راعيه شوبنق هذا شي ثاني.

العلاج على حسب الولايه و يعتمد على نوعيه المشكله اللي تبين تكشفين عليها, لكن بوجه عام غالي.

تحياتي

السؤا الاول يعتمد على الولايه أو المدينه بشكل أكثر دقه .. اللي انتي بتسكنينها ..

و هالامور تعتمد على طبيعتك ..

أنا يهمني أجاوبك على السؤالين الثاني و الثالث :





سؤالي الثاني .. انا ابي اسوي تحاليل وفحوصات ... هل هالسوالف في امريكا غاليه وايد والا شنو ؟؟



أنتي قلتي 40 الف وما حددتي دولار ولا درهم ...!

إذا كان درهم .. أعتقد أنك لازم تقتصدين بصرفك طالما الـ 40 الف درهم شامله المعيشه + العلاج ..

العلاج بأمريكا نار تاكل بعضها من ناحيه الاسعار .. لأن الامريكان كلهم يعتمدون على التأمين الصحي ..

قبل فتره وديت بنتي لللإسعاف وكانت الحاله سخيفه ( وديتها خوفا من أمها )

وطلعت علي الفاتوره بـ 500 دولار .. لكن أنا معاي إنشورنس ( تأمين صحي ) ..

مراجعات زوجتي حاليا ( مراجعات حمل ) الموعد الواحد يكلف السفاره السعوديه 1500 دولار ..

مع العلم أن المستشفى مو عالمي لكن مستواه جيد ..

أما بالنسبه لحمل الاموال عند دخولك لأمريكا ..

بالنسبه للسيوله المسموح الدخول بها من المطارات الامريكيه

الحد الاعلى هو 10 الالاف دولار أمريكي .. وما زاد عنها كـ شيكات سياحيه أو كردت كارد ...

أتمنى أن تدخلي ما كان متأخر .. و سفره سعيده موفقه بإذن الله ...