الموضوع: انا في سان فرانسيسكو واريد إجابه سريعه يامشرفين

السلام عليكم ياخوان انا الان في سان فرانسيسكو وغدآ مسافر إلى لوس انجلوس عن طريق السيارة وعندي استفسار
اريد معرفه الطريق الافضل واللي يكون امان وسريع
وهل المحطات على الطريق وإلا لها مخارج معينه
ويعطيكم الف عافيه

مواضيع عشوائيه ممكن تكون تعجبك اخترناها لك:

• خدمه للجميع
• سؤال عن هوليوود بوليفارد و ويست هوليوود
• أهم معالم ولاية ميزوري الامريكية
• استفسار طريقة الحجز من بشكل واضح
• كيف احصل على تذاكر رخيصه مهم جدا وعاجل
• لاصحاب المعلومه الاكيده ارجوا الرد
• الخبراء
• استفسارات عن الفيزا السياحية
• أرجوا من أهل الخبرة المساعده
• أسواق نيويورك ؟؟؟
• مسافرين الى امريكا بااجازة العيد ارجو المساعدة
• للاهمية
• أهل الخبرة ياريت تساعدوني
• راسي راح ينفجر من كثر البحث عن تذكرة
• فلوريـــــــــــــــــــــــــــــــدا
• هل يوجد جديد او تغييرات في سفارة القاهرة؟؟
• خريطية أمريكا بالعربي
• إستفسار لأهل نيويورك ؟؟
• النماذج المستخدمة
• امباكت وجميع الاخوان ابي حل بخصوص موقع

هلا بالغالي أنا امس واصل بالسياره من لوس اجلس الي سان فرانسيسكو. بالنسبه المحطات اذا تقصد البنزيل اذا معاك جارمن في الوقود اضغط علي يعطيك اقرب محطه تعبي وتكمل نفس طريجك علي خط سريع 101

وهذا موضوعي مشيت نفس طريقة خبيرنا وليد قسم بالله ممتازه الجو والطبيعه. علي كيف كيفك


http://www.arabtravelersforum.com/travel578858-3/

هنلك طريقين 101 هذا على الكوست يعني البحر اطول شوي بس اروع يمر بماليبوا وسانتا باربرا !!

والثاني اقصر شوي لاكن الي على البحر اروع للمناظر الفرق حوالي ساعة ونصف !!

بالتوفيق ,,

انصحك بطريق 101 طريق جميل ويمر بمدن مختلفه
اليوم سقت السياره فيه حوالي سبع ساعات ووصلت مرتاح انا الان في سانتا باربرا على نفس الطريق وبكره رايح لوس انجلس
بالنسبه للمحطات ما شفت شي على الخط مباشره بس ماهي بعيده
راقب اللوحات على طريقك راح تلاقي مكتوب gas واسم المخرج او بعده اطلع للمخرج وعبي بنزين وارجع بس تأكد ان اللوحه مكتوب عليه gas لان بعض اللوحات مكتوب عليها اكل فقط
اليوم صارت لي مشكله بسيطه مع تعبئة البنزين بعد خروجي من سان فرانسيسكوا , في المضخه ادخلت بطاقة الاتئمان وعلى الشاشه صار مكتوب اخرج بطاقتك بسرعه وجربتها ثلاث مرات وما نفع , رحت للمحل الي في المحطه وقلت له قالي هذا غالبا بطاقتك تم اقفالها ورفض يعبي لي فل ويقول بكم تبي افتح لك المضحه فقلت له ابي اخلى معك مئة دولار كاش واعبي فل واخصم مبلغ التعبئه من المئه ورجع لي الباقي وفعلا وافق وعبيت فل ورجع لي ستين دولار , لعل تجربتي تكون مفيده لك واي خدمه حاضرين

اخي الفاضل صارت معاي نفس المشكله شفت سياره واقفه امامي قلت ممكن تساعدني. حطيت البطاقه ماتشتغل وقالي الشخص احتمال البطاقه حق الامريكان يعني بطاقه محليه فقط. قالي الشخص عندي حل شنو رايك ادفع من بطاقتي الشخصيه وانت تعطيني كاش قلت ابشر بسعدك هههههه. طبعا مايعرف معناتها