الموضوع: انا في سان فرانسيسكو واريد إجابه سريعه يامشرفين

السلام عليكم ياخوان انا الان في سان فرانسيسكو وغدآ مسافر إلى لوس انجلوس عن طريق السيارة وعندي استفسار
اريد معرفه الطريق الافضل واللي يكون امان وسريع
وهل المحطات على الطريق وإلا لها مخارج معينه
ويعطيكم الف عافيه

مواضيع عشوائيه ممكن تكون تعجبك اخترناها لك:

• مطلوب سكن راقي لعائلة في اولاندو
• ماهي المنطقة المناسبة للسكن في بوسطن ؟؟ ترشيحكم لفندق
• موعد فيزا في الظهران
• تم حجز موعد ولله الحمد استفسار بسيط
• أستفسار عن موقع أكسبيديا ضروري
• مندوب بالكويت يسوي الفيزا
• نصيحتكم عن الاسكا عن طريق سياتل
• ارائكم ياكرام في هذه الفنادق او مقترحاتكم
• عاجل رايكم واييد واييد واييد يهمني
• مشكلة تحميل الصوره في النموذج الجديد
• الروكي ماونتن
• سفره لامريكا يوم بتقييم جيد جدا بميزانية اقتصاديه
• الي الأخ وإجراءات الدخول الي امريكا من مطار نيورك بالتفصيل
• إلى من درس في جامعات أمريكا
• محتاجه مساعدتكم لرحلتي انا وعائلتي لأمريكا
• التأمين عند تأجير سيارة
• ساعدوني هذي اول مره لي بروح فيها لامريكا
• أستفسار عن معهد للتعليم اللغه فى منهاتن
• بليز هيلب
• تكفون الفزعة ياعيال العم

هلا بالغالي أنا امس واصل بالسياره من لوس اجلس الي سان فرانسيسكو. بالنسبه المحطات اذا تقصد البنزيل اذا معاك جارمن في الوقود اضغط علي يعطيك اقرب محطه تعبي وتكمل نفس طريجك علي خط سريع 101

وهذا موضوعي مشيت نفس طريقة خبيرنا وليد قسم بالله ممتازه الجو والطبيعه. علي كيف كيفك


http://www.arabtravelersforum.com/travel578858-3/

هنلك طريقين 101 هذا على الكوست يعني البحر اطول شوي بس اروع يمر بماليبوا وسانتا باربرا !!

والثاني اقصر شوي لاكن الي على البحر اروع للمناظر الفرق حوالي ساعة ونصف !!

بالتوفيق ,,

انصحك بطريق 101 طريق جميل ويمر بمدن مختلفه
اليوم سقت السياره فيه حوالي سبع ساعات ووصلت مرتاح انا الان في سانتا باربرا على نفس الطريق وبكره رايح لوس انجلس
بالنسبه للمحطات ما شفت شي على الخط مباشره بس ماهي بعيده
راقب اللوحات على طريقك راح تلاقي مكتوب gas واسم المخرج او بعده اطلع للمخرج وعبي بنزين وارجع بس تأكد ان اللوحه مكتوب عليه gas لان بعض اللوحات مكتوب عليها اكل فقط
اليوم صارت لي مشكله بسيطه مع تعبئة البنزين بعد خروجي من سان فرانسيسكوا , في المضخه ادخلت بطاقة الاتئمان وعلى الشاشه صار مكتوب اخرج بطاقتك بسرعه وجربتها ثلاث مرات وما نفع , رحت للمحل الي في المحطه وقلت له قالي هذا غالبا بطاقتك تم اقفالها ورفض يعبي لي فل ويقول بكم تبي افتح لك المضحه فقلت له ابي اخلى معك مئة دولار كاش واعبي فل واخصم مبلغ التعبئه من المئه ورجع لي الباقي وفعلا وافق وعبيت فل ورجع لي ستين دولار , لعل تجربتي تكون مفيده لك واي خدمه حاضرين

اخي الفاضل صارت معاي نفس المشكله شفت سياره واقفه امامي قلت ممكن تساعدني. حطيت البطاقه ماتشتغل وقالي الشخص احتمال البطاقه حق الامريكان يعني بطاقه محليه فقط. قالي الشخص عندي حل شنو رايك ادفع من بطاقتي الشخصيه وانت تعطيني كاش قلت ابشر بسعدك هههههه. طبعا مايعرف معناتها