السلام عليكم ورحمة الله وبركاتة

كل عام وانتم بخير بمناسبة حلول شهر رمضان المبارك اعاده الله علينا وعليكم بالصحة والعافية

اكيد الكل مشترك مع شركة روجرز او فايدو وللاسف الشديد كل الشركتين زباله بمالقارنه بامريكا وخدمتها

للطلاب ويازين شركة الانفصالات عنهم والله انهم ارحم بالف مره

البعض وصلت فواتيره الى 700 والى 800 دولار

والمشكله لا صفر دولي يقدر يكلم منه السعودية ولا يحزنون والاسباب ان جماعة الخير تحسب كل شيء صادر وارد مسج مادري ايش كل شيء

عموماً انا لي شهور شيل وحط معاهم وكل تغير بلان فيه عموله لهم 35 دولار يعني عيني عيبك نهب في نهب تعبت معاهم وطلعت روحي بس الحمدلله نزل لهم ( عرض جديد خاص فقط للطلاب الي راح يجلسون مايقارب 3 سنين )
والعرض هذا جداً حلو انا انصح الكل عليه والله لانه من قلب توفير فلوس والاسباب هي :

- اي مكالمة واردة ( بلاش وفي اي وقت )

- لك 10 ارقام بلاش تتصل فيها ( بلاش وفي اي وقت )

- اظهار الرقم

ايضاً فيه كم شغله بس ماذكر لكن انا ذكرت اهم 3 اشياء لنا

المكالمات الوارده مهمه لان الاهل او الزملاء يتصلون عليك ويقعدون مابين 10 دقايق الى مال نهاية
وانت تتورط لاتقدر تقولهم مع السلامة ولا تقدر تقول لاتتصلون علي
لذالك لمن تكون مفتوحة انت الكسبان

بالنسبة للـ 10 ارقام
انا مايهمني اني اكلم الشباب او اي شيء ثاني لاني ماعرف احد ولا من النوع الي انام على الجوال
كلها كلمتين انا تحت افتح الباب لي ولا يالله اطلع لووول
بس المهم بطايق تبعت الاتصال على السعودية !!
المعظم يستخدم بطاقة اتصال مدفوعه مثل ( نكست وانا انصح فيها تكلم جوال سعودي با 5 دولار وتقعد بالضبط 25 دقيقة ) او تاخذ بطاقة اسمها اريبيا كول وتقعد اكثر من 25 دقيقه بس مشكله البطاقة هذي مو في كل مكان تحصلها بقول ايش المهم في هذا الموضوع
انك تحط رقم الاتصال تبع البطاقة من ضمن ال 10 ارقام وانت بعدها بخير
طبعاً يمكن الكل يقولي طيب الخبصة هذي كلها كم تكلف
انا بقولك كم تكلف ولا راح تتعدها ان شاء الله
61 دولار بالتاكس

يمكن البعض يشوفها غاليه ويمكن البعض يقول رخيصة بس انا اقولك هذا افضل بلان نزل
ويشترط انك تكون طالب وتعطيهم رقمك الجامعي عشان يتم اعطائك هذا البلان + اسم الجامعه
فكروا فيها البلان هذا ماراح يمكن يتكرر ويمكن يتم الغائه مثل ماتم الغاء بلان فايدو ( 24 ساعه بلاش مكالمات صادرة ولا واردة عشان كيذا الهنود مستلمين الجوال مكالمات )
لكن للاسف البلان هذا توقف

اتمنى اني افدتكم وغرضي من هالشيء يعلم الله الفائده العامة ولا تنسونا من الدعاء

مواضيع عشوائيه ممكن تكون تعجبك اخترناها لك: