الموضوع: الاحوال عامة؟؟؟

السلام عليكم ورحمة الله وبركاته
اخواني ابغى اعرف كيف الاوضاع للمعيشة في كندا لانه زوجي بيدرس هناك سنتين تقريبا
وبيكون معانا طفلتين الكبيرة 2ونص والصغيرة 9 شهور فأبغى اعرف يعني معاملتهم للعرب والمسلمين وبالأخص السعودين كيف؟؟؟
لاني انا مرررررررة خوافه
ثانيا كيف المعيشة مرة غالية مقارنة بأوروبا ؟؟؟ ((مع ضرب الأمثلة ))
وأخيرا نصيحتكم
ومشكورين مقدما.......

مواضيع عشوائيه ممكن تكون تعجبك اخترناها لك:

• من تورنتو مع التحيه
• أجمل مارأت العين فى أجمل مدن العالم فانكوفــر
• استفسار مهم
• توجيهات بخصوص النظافه ارجوا شاركة الجميع
• استفسار عن جو فانكوفر؟
• افيدوني الله يجزاكم خير
• اسابيعشهر عسل في كندا مين يساعدني
• دراسة لغة مدة 3 شهور
• استفسار لأهل الخبرة دورة في كندا وليت يفيدوووني مشكورين
• بحث وتحري مهم جدااا
• ارجوا من جمييع الاعضاء ان يدخلوآ يساعدوني
• حد يقدر يدلني على مسجد في فانكوفر لصلاة الجمعة
• مطعم رائع في تونتو
• اسعار التذاكر الى فانفوكر
• ضروووري احتاج مساعدتكم لان رحلتي اليوم
• هل تكفي خمسين الف ريال لدراسة اللغة الانجليزية لمدة سنة في كندا
• اسئلة بخصوص الالكترونيات
• انا في لندن الكندية كيف اروح بالسيارة الى فانكوفر
• لأهل الخبرة في كندا ابغى أحد موثوق فية يجيبلي قبول في تورنتو أو مونتريال
• حجز شقق في فانكوفر

هلا والله أختي,,,

بالنسبه لمعاملتهم للعرب والسعوديين حلوه موو شينه يعني طبيعيني يكون فيه بعضهم عنصريين ..لكن بشكل عام أهل كندا ناس راقيه يعني مو مثل أمريكا ....

اما نظرتهم للسعودي يعني بعضهم يشوفك برميل نفط تمشي وبعضهم ما سمع عن الديره بكبرها...هههههههه

الاسعار هناك تختلف من مدينه لمدينه لكن مقارنه بأوربا..اتوقع انها ارخص..((مع العلم اني مازرت اوروبا...

بالتوفيق ان شاء الله..

ههههههههههههههههه

حلوه برميل نفط بتمشي

خخخخخخخخخخخخخخخخخخخخخخ

يعني ايش بيقولولك اخوي ابو عبدالله عشان تحس انهم ينطرولك هادي النظره ؟؟؟

هلا والله والله اخوي ما ابالغ ,.,,تصدق واحد سألني مره قال ببيتكم فيه بتروول ((وكان مكسيكي

عاد انا فقشت عليه وقلت بالحديقه عندنا بير بترول ..((فقااش ..احس اننا قلبنا الموضوع سواليف ..
المهم ان الي يعرفونه عننا اننا بدو وعندنا بترول هذا قصدي..((وهاذي نظره خطأ للأسف..
بالتوفيق..

من واقع تجربتي وانا بتورنتو الان بالنسبة في الشارع صحيح السعوديين واضحين ومميزين لنا كسعوديين اما هم مايعرفون من وين انت ولكن ما احد حولك ولا احد جايب لك خبر اما بالنسبة في الدراسة فبعض المدرسين الكنديين فعلا اخذين عن السعودية انها بلد غنية وان دولتهم تحب الدول الغنية علشان يجون ويصرفون فلوسهم فيها وان النظام حسب معلوماتهم انهم يجاملونا كسعوديين كدوله غنيه لكن ترى الكلام هذا مو صحيح والحمد لله لكن ماينظرون لك ان فيك تميز عن غيرك الا انهم يعرفون ان امورك المادية افضل من الجنسيات الاخرى وبصراحه تعاملهم ممتاز جداً مقارنة بدول اخرى كثير ومنها العربية ومنها الاجنبية والله يوفقكم لكن تراهم ماعندهم مشكله تلبسين نقاب تلبسين بنطلون وتلبسين عليه مثلا شي طويل للركبه ويكون وسيع يعني لا تخافين من المظهر يمشي كل شي عندهم محد يدقق وش لابس كل واحد في حاله والامن عندهم ممتاز لكن اذا تبي تطلعي لوحدك لا تطلعين بعد 9 بالليل الا مع زوجك نصيحه من الكنديين انفسهم وهم يطبقون الكلام هذا على انفسهم كنساء

هلا اختي seema
بصراحة مدينة فانكوفر تقريبا تعتبر من افضل مدن كندا ومن اغلى مدن كندا والكلام هذا مو من عندي كلام ابو العائلة الي انا ساكن معهم.وفانكوفر اقل نسبة برودة من اوتاوا ومن تورنتو ومن مونتريال.
ونسبة للأسعار تقريبا سعر الشقة لمدة شهر من 750$ الى 1000$ على حسب المكان.
وبنسبة لاسعار المطاعم كل وجبة تفرق عن الرياض بزيادة 10 ريال الى 30 ريال كل مطعم يختلف مثال مطعم ماك الوجبة عندهم قيمتها 7,50$ اضربيها في 3,95 تطلع 30 ريال سعودي ,وهي قيمتها عندنا 18 ريال .
الحلويات سعر الكتكات بخمس ريال الواحد السنكرس كذالك هذي عشان الصغيرة الي معكم.الببسي 1,25$ يعني 5 ريال.
الملابس تقريبا بعض الاسعار مقاربة لنا وبعضها خيال.
بنسبة للمواصلات في الباصات قيمة التذكرة:
واحد زون 75$.---------هذي توديك اماكن مو بعيدة.
اثنين زون 99$.---------هذي توديك اماكن ابعد شوي عن الاولى.واحس ان هذي مناسبة
ثلاثة زون 130$ تقريبا.--وهذي توديك لوبغيت للقمر ودتك.


ونفس ماقال اخوي ابو عبدالله انا كنت في المعهد وتسئلني المدرسة من وين قلتلها من السعودية قالت لي بترول قلتلها البترول مو حقي عشان تقعدين تقولين بترول.
وضحكت ههههههههههههههه


ملاحظة جداُ مهمه: في دعاء اذا سافر الواحد لبد يقولة ربي انشاء الله يحفظك فية.قبل ماتنزل من الطيارة تقوله

(دعاء دخول البلد)
((اللهم رب السماوات السبع وما أظللن , ورب الأرضين السبع وما أقللن , ورب الشياطين وما أظللن ورب الرياح وماذرين.

أسألك خير هذه القرية وخير أهلها , وخير مافيها , وأعوذ بك من شرها ,وشر أهلها , وشر مافيها))

وفية دعاء ثاني يقولة المسافر للمقيم

((أستودعكم الله الذي لا تضيع ودائعة))

واسفين على التطويل بس يليت اني اكون افدتك بشي جديد.

أخواني جات موافقة زوجي على امريكا مو كندا بس عالعموم مشكورين اخذت معلومات عن كندا يمكن تفيدني في المستقبل
دعواااااااتكم بروح لبوابة امريكا
باي

المشاركة الأصلية كتبت بواسطة omar.6000
http://www.arabtravelersforum.com/tr...9/#post1799427

(دعاء دخول البلد)
((اللهم رب السماوات السبع وما أظللن , ورب الأرضين السبع وما أقللن , ورب الشياطين وما أظللن ورب الرياح وماذرين.

أسألك خير هذه القرية وخير أهلها , وخير مافيها , وأعوذ بك من شرها ,وشر أهلها , وشر مافيها))




جزاك الله خير اخوي على الدعاء الرائع, لكن اسمحلي اصحح الغلطة الإملائية الموجودة

الصحيح "ورب الشياطين وما أضللن" وليس "ورب الشياطين وما أظللن"

الفرق حرف, لكن الفرق في المعنى كبير بين الكلمتين

جزاك الله خير

الله يجزاك خير اخوي loay05
انا رجعت لكتاب الأذكار وصار صح عليك


ومشكور