الموضوع: هذا ما حدث لي بالقنصلية الامريكية و في شي محيرني

السلام عليكم ورحمة الله وبركاته

اليوم وقبل عدة دقائق من كتابة الموضوع كنت في القنصليه الامريكية في الظهران

وطبعا ماخذ معاي مليون الف ورقه وهي كالتالي :-
1- كشف حساب لي وللوالد و تعريف بالراتب ومترجم
2- خطاب من الجامعه بالانجليزي
3- الجواز القديم والجديد
4- الصور
5- وصل من بنك سامبا على دفع مبلغ الفيزا
6- الباركود و تاكيد الموعد
7- صورة من الجواز و صورة من بطاقة الاحوال ( ادري لنهم مايبونه بس احتياط )

وصلت قبل موعدي وكان موعدي الساعه 10:30 صباحا اكيد صباحا يعني بالليل
دخلت وسحبت رقم بعدين نادا الرقم الي يرتب الاوراق وقالي ليش رايح قلتله سياحة قالي اول مره قلتله اي
اخذ ورقة الي فيها الباركود و وصل سامبا و الجواز الجديد ولفها بمغاط (سير)

وبعين جاء رقمي بالشباك وكان ورحت وعطيته الي رتبها لي وهم ورقة الباركود ووصل سامبا والجواز
طبعا انا غلطت غلط بالابيلكيشن ماكتبت اسم الوالده سالني عن اسمها وقلتله اياها بعدين قالي انت حاط ما اعرف
في احد مايعرف اسم امه قلتله انتو كاتبين تبون الاسم نفس الجواز والجواز خق الوالده مو موجود فخفت اغلط بالسبيلنج

بعدين قالي اجلس وانتظر لما يجي دورك للمقابله

جاء وقت المقابلة بنفس الشباك بس شخص ثاني امريكي
سالني اسئله وجابتها وهي كالتالي :-

1- رحت من قبل ؟
لا
2- بتروح لحالك ؟
اي
3- وين بتروج هناك ؟
يوتا و لوس انجلوس وواشنطون دي سي
4- شنو يشتغل ابوك ؟
متقاعد من شركة ارامكو الخليج
5- امك تشتغل ؟
لا
6- قالي انت كاتب انك تدرس بكلية طبيه انت طبيب ؟
قلتله لا انا اخصائي علاج طبيعي
7- قالي باي سنة ؟
قلتله سنة ثانيه
8- كيف الدراسة ؟
تمام


بعدين قالي خلاص ولا اخذ مني ولا ورقه ولا صورة ولا شي
قالي روح ادفع فيديكس
قلتله اجيك بعدها
قالي لا اذلف لا امزح قالي لا مايحتاج
سالته كم يبيلها الفيزا قالي ممكن شهر ممكن شهر ونص قالي ما ادري بالضبط

بعدها رحت دفعت وشكيت بالوضع فرجعت له قلتله ما تبي صور قال لا مايحتاج عندنا الي رفعتها

ومشيت

وانا شاك بالوضع غريبه ما اخذ مني ولا شي و لا ورقه ولا شي
اخذ بس الوصل والجواز

احد صارله نفس هذي الحاله ...؟

وبصراحة طولت هناك من 10 وشوي الى 12 ونص تقريبا يعني قرابت الساعتين

في احد ممكن يطمني ..؟

مواضيع عشوائيه ممكن تكون تعجبك اخترناها لك:

• بعد المقابله بثلاث اسابيع موقع السفاره يقول ارسل الجواز بالبريد
• السفر إلي ميرلاند
• أسعار الوزن الزائد على طيران الاتحاد
• مساعده سفرتي
• اسفر إلى أمريكا لعلاج ولدي الحبيب
• استفسار عن اورلاندو
• صار لي وأكثر وأنا أنتظر الفيزا
• ملياراً خسائر أمريكا سياحياً بسبب إحجام الخليجيين عن زيارتها
• استاذ امباكت
• اي افضل في اورلاندو شيراتون فيستانا ولا فلوردايز؟
• ما هي افضل خطوط الطيران الي امريكا
• سلسلة صور الكولورادوي المتفرقة في الولايات المتحدة
• والسفيس
• هل يوجد طريقة لاسترجاع الضريبة
• المساعده جزاكم الله خير
• ساعدوني
• القنوات الفضائيه في امريكا؟؟؟؟؟
• استفسار عن فيزا b1 - b2
• الاجراءات الادارية
• نصيحة للأخوات

انا اطمنك انه هذا الاجراء الطبيعي

تدفع عن فدكس 65 ريال وياخذون منك الصفحة الاولي من نموذج d 160

وبس وانتظر الله يوفقك

تعال هنا موضوع يهمك

http://www.arabtravelersforum.com/travel541714/

نعم ياغالي الوضع طبيهع يوالصورة دامها مرفوعة على النظام ما يحتاجوا شي !!

بالتوفيق ,,

نفس الشي بالنسبه لي اخذ الجواز ووصل البنك بس وبعد اسبوع جات التاشيره

هذا الطبيعي يا اخي العزيز

مبروك مقدماً

جداً جداًً طبيعي
نفس اللي صار معي بالضبط

والحمدلله وصلت الفيزا

بالتوفيق

الله يبشركم بالخير حمستوني بانتظر اسبوع والظاهر بتطلع او يمكن قبل زودهااا

نفس الشي حصل معي ماشاف اي ورقه من الاوراق المطلوبه وبعد 5 ايام شيكت على موقع فيديكس لقيت جوازي
واصل ورحت استلمته
واضح انهم تعبوا وصارو مايدققون واجد

المشاركة الأصلية كتبت بواسطة binban
http://www.arabtravelersforum.com/tr...4/#post5406048

نفس الشي حصل معي ماشاف اي ورقه من الاوراق المطلوبه وبعد 5 ايام شيكت على موقع فيديكس لقيت جوازي
واصل ورحت استلمته
واضح انهم تعبوا وصارو مايدققون واجد



انت سويتها بالقنصلية الي بالظهران