الموضوع: من مسحب شنط الي امير

مساء او صباح الخيرات والمسرات

في احلا واجمل منتدى

بجهودكم الله يجزاكم خير وبعد قرائتي لمواضيعكم الطيبه تحمست للسفر لبلاد العمه كما يقال عنها

انا قبل 7 سنوات سافرت للعمه لكن كانت مهمتي ((شيال شنط )) الربع اللي انا مسافر معهم كل شي عندهم

ماني شايل هم السفره ومريح مخي يمكن لاني كنت اصغر واحد فيهم ولاني ماعرف انجليزي و لا حصلي الا مهمة

تسحيب الشنط وكما يقال خدمة النشاما شرف

وبسراحه كانت اجمل سفره في حياتي...

الحين ناوي اطلع مع ثلاثة من اعز اصدقائي لكن المشكله كأني مارحت والله ماعرف فيها اي شي

وتم ترقيتي من مسحب شنط الحين أمير السفره والربع اللي طالعين معي مايعرفون شي يعني مثلي ولا واحد منا

يعرف انجليزي والحين جاي ابي فزعتكم مابي اتفشل في ربعي وانا متزهل لهم بكل شي قايلهم ريحم انفسكم

لاتشيلون هم

((زبدة الهرج ))

بجهودكم الله يجزاكم خير استطعت ان اجمع معلومات طيبه تفيدني

وابي التعقيب على كل شي مخطط له

المده 20 يوم بما فيها ايام السفر العدد ثلاث شباب

حجزنا التذاكر _ وضعنا للسفره ميزانيه 21000ريال طبعا من غير التذاكر وصرفنا 400 دولارفقط منها للفيزه والباقي

احتياط ومنها مبلغ الضريبه للعوده

والريال راح نصرفه عند الوصول طبعا مو دفعه واحده كل ماحتجنا صرفنا لمدة ثلاث او اربع ايام

اخترت الفندق في جاكرتا وتم الحجز عن طرق موقع بوكنق واخترت اريودوتا سمنقي لمدة يومين

سوف اقوم في الاتصال في ارقام السائقين المسجله في المنتدى عند وصولي للفندق للتفاصل معهم

اخترت برنامج للسياحه في جاكرتا من تقارير احد الاعضاء جزاه الله الف خير وطبعا اخترت كذا مطعم وتسجيل

عناوينهم في مذكره عندي

اليوم الثالث ان شاء الله مخطط على بونشاك الجبل لمدة 7 أيام لكن متخوف ماحصل فلل الله يستر

لكن ان شاء الله الامور تيسر...

طبعا البرنامج السياحي مسجله في مذكره عندي من سفاري والشلالات وغيرها

واهم شي نحصل فله وانا ماحب التنقل من فله لفله ابي استقر في فله واحده

وان شاء الله راح احجز من مكتب فقيه او مكتب سلطان المزيد رحلتنا الي بالي لمدة خمس ايام لكن مادري يوفر لنا

سكن وسائق يتكلم عربي ام لا بسراحه شايل هم الغه الانجليزيه في بالي

مع العلم اني مسجل برنامج لبالي في مذكره عندي

بعدها راجعين لنفس الفله في الجبل بونشاك الي راح ادفع عربون للحجز لليوم الي راح اوصل فيه وخلال الايام

الباقيه راح نوصل باندوق واخر يوم في جاكرتا

اسمحولي على الاطاله وعلى ردائة التعبير

انتظر ردودكم وتوجيهاتكم

مواضيع عشوائيه ممكن تكون تعجبك اخترناها لك:

• استفسآر لاهل الخبره
• مسافر لوحدي من وده يخاويني 3 سبتمبر
• ارجو المساعدة في التخطيط للسفر الى بالي
• محتاج مساعدتكم يوم في اندونيسيا ما عرفت ارتب لها جدول
• استفسار
• ساعدوني
• بخصوص الاسعار مهم
• طلب من ذوي الخبرهـ ؟ لو تكرمتو
• استفسار عن اندونيسيا
• ناوي اسافر ومعاندي خبرة
• تساؤل بخصوص فلل الجبل لا هنتم
• فلل جياكرتا او شكرو
• إستفســـارين وبس
• تكفون فزعتكم بحجز فندق في الجبل والله تعبت ساعدوني الله يساعدكم
• أحبتي الكرام لمن جرب هذين الفندقين
• التمساح الحزين يطلب المساعده
• أقتراحاتكم بالنسبة للسكن لـ شباب
• ولا عليكم امر بالي
• الجمع بين اندونيسيا وماليزيا
• ودي أسافر لبلاد العمة

ما شاء الله .. استعداد ممتااااااااااز ..

واضح ان أكثر شي شاغلكم سالفة اللغة .. و فيلا في الجبل ..
بالنسبة للغة ممكن تنحل - ان شاء الله - اذا حصلت على سائق يتكلم عربي ..
و ممكن تتطلع على الارقام المثبته .. او تتوجة لمطعم اميرة في شارع رادين صالح بجاكرتا ,,
و تلاقي هناك سواقين كثير .. ابحث عن اللي يجيد اللغة العربيه .. و سيارة مكيفة و ممتازه
و بكذا ان شاء الله تنحل المشكلة الاولى ..

بالنسبة للفيلا .. انت بعد حاط خيارات .. و خيار اضافي ,, ان يبحث بكم السائق عن فيلا ... و تتطلعون عليها بأنفسكم ..

و ان شاء الله السائق يدلكم على سائق في بالي يجيد العربي ..


و اي استفسار .. يسعدنا الرد ..
و رحلة سعيدة ان شاء الله ..


بالتوفيق ..

.
..

اللغة الانجليزية ليس مهما ان تكون ملم فيها ولكن طريقة المحادثة مع الناس وتوصيل المعلمة مهم ومعرفةالمصطلحات

المشاركة الأصلية كتبت بواسطة ام عزيز7
http://www.arabtravelersforum.com/tr...4/#post5569474

و ممكن تتطلع على الارقام المثبته .. او تتوجة لمطعم اميرة في شارع رادين صالح بجاكرتا ,,
و تلاقي هناك سواقين كثير .. ابحث عن اللي يجيد اللغة العربيه .. و سيارة مكيفة و ممتازه
و بكذا ان شاء الله تنحل المشكلة الاولى ..

شارع رادين صالح مو نفس الشارع الي عليه مطعم الجزيره والباشا

يعني احصل سواقين كثير يتكلمو عربي

وشارع رادين صالح بعيد عن فندق ريودوتا والا قريب


الله يسعد ايامك ياأم عزيز ويرحم والدينا والديك


ماقصرتي

المشاركة الأصلية كتبت بواسطة جاكرتاوي 999
http://www.arabtravelersforum.com/tr...6/#post5570506

اللغة الانجليزية ليس مهما ان تكون ملم فيها ولكن طريقة المحادثة مع الناس وتوصيل المعلمة مهم ومعرفةالمصطلحات



جاكرتاوي قصدك توصيل المعلومه بالاشاره صح هههههههههه

لا هذي ابشر بسعدك فنان

مشكوووور ماقصرت

صباحك ورد يالغلا
لاتشيل هم بتروح وتجي انت وربعك مستانسين
بس انت اول شئ علمنا متى تاريخ السفر ومتى العودة
علشان نقدر نساعدك اما بخصوص السواقين لاتشيل هم
بتلقى اللي يعجبك وسهل امورك والاقام موجودة بالمنتدى حتى لو رحت بالي بتلقى اللي يتكلمون عربي خفيف
كل اللي عليك انك تحدد برنامجك كل يوم والاماكان اللي تبيها وتقول له بروح للمكان الفلاني وتعطيه اسمه هو بيفهم على طول 00

لاتنسى تحط تاريخ السفر واختيارك للسكن في اريادوتا حلو وبيكون قريب منكم مجمع سمنقي يعني 5 دقايق على رجلك وانت بوسط السوق وشارع رادين صالح مو بعيد مره من ربع الى نص ساعة وانت هناك

واي شئ تبيه حاضرين

كن بخير

المشاركة الأصلية كتبت بواسطة m3aned
http://www.arabtravelersforum.com/tr...2/#post5576242

صباحك ورد يالغلا
صباحك عسل ياعسل
لاتشيل هم بتروح وتجي انت وربعك مستانسين
بس انت اول شئ علمنا متى تاريخ السفر ومتى العودة
علشان نقدر نساعدك
الله يسمع منك وان شاء الله بمساعدتكم راح تكون احسن سفره واكون قد الاماره في ربعي
والسفره راح تكون بتاريخ 17والعوده207
اما بخصوص السواقين لاتشيل هم
بتلقى اللي يعجبك وسهل امورك والاقام موجودة بالمنتدى حتى لو رحت بالي بتلقى اللي يتكلمون عربي خفيف
كل اللي عليك انك تحدد برنامجك كل يوم والاماكان اللي تبيها وتقول له بروح للمكان الفلاني وتعطيه اسمه هو بيفهم على طول 00
أرقام السواقين حفظتها في مذكره عندي لكن من زود الحرص اقول ممكن يكونو مو فاضين واتوهق لكن الحين عرفت وين اماكن تواجدهم في شارع رادين صالح
والبرنامج اخترت من التقارير ما يعجبني وسجلته في مذكره خارجيه لكل منطقه
لاتنسى تحط تاريخ السفر واختيارك للسكن في اريادوتا حلو وبيكون قريب منكم مجمع سمنقي يعني 5 دقايق على رجلك وانت بوسط السوق وشارع رادين صالح مو بعيد مره من ربع الى نص ساعة وانت هناك

نعم حجزت في اريودوتا في تاريخ معين لمدة يومين

واي شئ تبيه حاضرين
الله يجزاك خير يامعاند ويرحم والدينا والديك
كن بخير



الله يوفقك ويقوينا على رد جميلكم يا احلا اعضاء في المنتدى

اخي الكريم

لا تشيل هم اللغه

السواقين اغلبهم يعرفون عربي

واذا ما يعرف بيفهم اسم المكان وبيوديك له

بخصوص السكن فالجبل ... لين الحين ماشي زحمه والفلل فاضيه

اشوف الدلالين قاعدين فالشارع ياشرون عالناس بلوحه ان عندهم فله للايجار

ويا كثر الدلالين خاصه اليوم ونحن رايحين صوب الشلالات

سفره سعيده وربي يحفظكم في حلكم وترحالكم

المشاركة الأصلية كتبت بواسطة يوسف الانصاري
http://www.arabtravelersforum.com/tr...0/#post5580670

بخصوص السكن فالجبل ... لين الحين ماشي زحمه والفلل فاضيه

اخوي يوسف انت موجود في بونشاك الحين وكم تبي تجلس يوم ممكن اعرف اسعار الفلل وكيف احجزها قبل وصولي

سفره سعيده وربي يحفظكم في حلكم وترحالكم

الله يسعد أيامكم يارب ويحفظكم ويردكم سالمين

المشاركة الأصلية كتبت بواسطة لحن الفآرق2
http://www.arabtravelersforum.com/tr...2/#post5575062

جاكرتاوي قصدك توصيل المعلومه بالاشاره صح هههههههههه

لا هذي ابشر بسعدك فنان

مشكوووور ماقصرت



ياما توهقنا بالاشارة والا غيره واللي يغبنك انه لو مافهم عليك يمشي ويخليك لكن بدينا نعرف مصطلحات تساعدنا على توصيلها

اخوي جاكرتاوي انا سجلت ورقه خارجيه بحطها بجيبي فيها كل شي ضروري اذا مانفعة لغة الاشاره طلعت الورقه والله يعيني على تهجيها

ايش رايك في لغتي مثل لو ابي طريق رادين صالح اقوله هلوووو ماي فرند بليز رادين صالح ستريت خخخخخخخ

واذا بغيت ارجع للفندق اقوله هلوووو يادب اكسيوزمي هوتيل ههههههه وانتهت السالفه

لكن تبي الصحيح الي ماعنده لغه مثل الاطرش بالزفه لكن عن الاحراج قدام الناس راح ادور على سائق يلازمنا طول السفره سائق ومترجم بنفس الوقت